米泰 (圍方)

營業中

休息中

啱啱商場開嘅時候同朋友食過一次下午茶，覺得好好食，當時服務都幾好嘅。所以今次做冬就同屋企人去食。我哋三個人，叫咗個二人餐，加咗個菜同雞肉串燒。頭盤我哋揀咗蝦餅，好厚肉👍🏻，唔好似出邊嗰啲太薄。主菜叫咗金邊粉，除咗個金邊粉之外，基本上所有嘢食都好食，又唔會太辣，其實我自己都食得辣嘅，但係比較其他嘢食嘅話就真係辣咗啲啦。另一個主菜係啖啖蟹肉咖喱，我哋選擇咗薄餅，但係似厚酥皮比較多。甜品點了，香蕉烤餅配椰子雪糕，好可惜7:15pm 已經無雪糕，唯有選擇芒果椰汁三色糯米飯。總括嚟講集團形式都做得唔錯啦，可以再去。