米線陣 (已結業)

今照遲起身 諗住走去食個午餐米線陣無咩人就走入去拉平日都食開酸辣湯覺得佢有大中小辣簡幾好點知今日叫完個酸辣湯底米線，隻酸辣味奇怪到一個極點個辣味變佐麻辣囉跟住又同啲酸味分開晒食到個口腔度好似個啲過佐期既酸味感😩老實講 發生咩事?老細你幫我換個湯底好無?跟住佢比碗細清湯底我叫我自換 我呆。好拉 我下次吾敢再食。

第二次食佢地的2人餐，有3個送，份量好足，而且味道都唔錯，食落覺得材料新鲜、賣相到OK。皮蛋青瓜(味道一般，因為皮蛋唔夠靚)口水雞(好食，味道不會太辣太濃)蒜泥白肉(一般，味道不太濃，肉爽，偏淡口味，略為太肥)米缐有三個湯底可撰(清湯、番茄湯，酸辣湯)，我撰了番茄湯，幾好味，很新鮮的鮮茄湯。可惜只有牛肉米缐，如可以有幾個送來撰一，更讚。這個青瓜豆漿很青新，很讚！總括，以這價錢算很多嘢食，而且味道算Ok。食物感覺新鮮。

愛吃粉麵又住附近的我，米線陣將中店過往曾是我常來的地方。記得該店於去年年頭開業，第一次吃了，真的有驚喜，還在面書向朋友介紹，更帶住在西環的父母來試試。最愛酸辣微辣湯黑醋豬軟骨米線，愛吃酸辣，但有皮膚敏感，微辣就最啱我。高峰期，1星期吃3次，而家1個月兩次或更少，原因，服務越來越差，揚了手想落單或要水，個個店員都扮睇你唔到，又或者，a黑著面應了卻叫b，但b又唔理，最高紀錄試過要1杯水，分別向唔同職員叫了4次都冇比。份量真的越來越少，加黑醋豬軟骨$9， 但有時只有3條，每條大小約女生手指的粗幼，長度約手指頭1節半，太孤寒吧！今天吃下午茶餐，雜菌牛腩碎酸辣微辣米線+凍0茶 $35， 份量對於食量不多的我是足夠，但米線過“林”，酸辣微辣變了很辣冇酸，而且味精過度，之後喝了1支500ml涼茶和1L水都未能解渴。

不知不覺光顧該店已有多次，每次都會叫一碗玩命肥牛辣湯米線。還記得第一次光顧時此米線的確令人有驚喜，菌類夠入味，肥牛份量ok,不太肥也不太瘦，而且辣得夠過癮，令人欲罷不能，最近再去光顧發現，肥牛份量減少，只有一塊，而且整塊8成是肥肉，米線份量也略為減少，非常失望，38元略貴。

米線陣呢個鋪位嘅食店通想都吾多人流而且好快就關門大吉...難得見到呢間咁多人排隊所以就走去試下6點到嘅時候吾需要等位但系十五分鐘之後就開始要啲人等位...不過奇怪嘅系明明有空位但系佢地都吾卑人坐！一系叫人等一系叫人同人share一張...態度就真系一般般！！米線系自選嘅..起價就27...配料就另加錢...咁就叫左個酸辣米線加牛肚再加雲吞...佢個牛肚就有啲驚喜...比一般嘅食店好食不過以9蚊嘅份量就真系少左啲啦...不過雲吞就足料令人一食難忘但系最吾扺嘅就系杯飲品囉...睇中啲人食麻辣酸辣就一定會叫飲品所以就算有叫米線都要加10蚊...米線陣一個月一次食兩三次都可以嘅吾系銀色就乾咖啦...不過真系好難忍

在門口時態度尚可，進去後員工卻不友善，如有額外要求會有面色。叫了鮮菌肥牛玩命米線，鮮菌份量合理，但肥牛只有一至兩片。這裏價錢不比一般米線便宜，但態度份量卻如此，令人失望。本是米線愛好者，但這間實在令人止步。

和朋友都住將軍澳，相約將軍澳中心見面食飯，大家都知呢間米線陣，但都未曾嘗試。之後二人決定嘗一嘗新，去到還早不用等位，環境不錯，坐得舒服，適合聊天。點了兩碗米線，一碟雞翼，一碟雞絲粉皮，味道不錯。我和朋友都讚雞絲粉皮味道好，而冰震青瓜豆漿令人驚喜，清新涼快，開胃！

其實最近蠻喜歡來到位於將軍澳中心的「米線陣」吃米線，筆者並不好辣更對米線印象感覺非常一般，但偏偏蠻喜歡到米線陣用膳。曾經品嚐過它們的酸辣米線，印象開始時的確並不太好，可能是自己根本不愛吃酸辣，但沒有理由因為一次不喜歡就放棄不繼續嘗試而判這間餐廳死刑，所以之後就開始由酸辣米線轉為試麻辣米線。開始時也有一點害怕自己受不了麻辣的辣，但這裡的麻辣米線卻辣得非常過癮，一開始時吃起來並不覺辣，但慢慢會發現嘴的中央開始有點麻，麻辣會開始蔓延至咀角，也令嘴唇好像突然變薄一樣，好像吃甚麼程度的麻辣都變得敏感因而變的脆弱，再吃下去甚至會變成鹹，這就是麻辣的奇異感覺嗎？其實沒有很辣但真的很愛這種麻辣。而米線份量不止能令一個女仕感到飽肚，男仕也很夠吃而不會有過份飽滯的感覺。米線甚爽口亦不會像散沙一樣斷斷續續。這裡配撘之多，愛傳統的有鮮蝦雲吞、愛豬的有特製黑醋豬軟骨、愛牛的在這裡選擇更多，牛肚牛𦟌多不勝數。今回先試最傳統的鮮蝦雲吞跟幾乎每間米線店都吃到的腩肉！傳統的鮮蝦雲吞在自選配搭中，份量真的太少，只有兩顆，以己有限度的算術算一算它們是賣三元一顆，真的太貴了吧。雖然雲吞吃起來QQ彈牙，而且皮薄似腐竹，內裹用了

老爺住在將軍澳順理成章，很多時遷就老人家都會首選該區而且將軍澳近來新商場多的是．．我想搵食並非難事想坐得舒服一點，莫過於找上商場之食肆不可、在將軍澳中心遊了一會眼見這間米線鋪貎似新開，便入來試試．．．時間剛好是下午茶時段，但餐牌內餐單未合我倆口味唯有自己再自選食物要上一道雞絲粉皮$25.碟子小小，青瓜絲跟雞絲平切分佈加上不太咸之麻醬不錯、只是粉皮可能剛浸軟，未為放涼、另整體口感上失了少許分數米線做主角一律$25.，（湯底分別有麻辣、清湯、酸辣等）而麻辣情度也可自行叫上大、中、小辣等另外配上之餸料也由（$5. 7. 9.三款價錢）（如丸類$5./ 雞翼、腩肉$7./ 肥牛、牛脷等便要上$9.）先來是一份清湯底，自由配上雞翼、腩肉請真米線分量十分充足，如小胃者可能吃不完清湯中帶有細細葱香味，不會過咸配上之雞翼也滷得入味、腩肉薄薄之三數片，肥瘦適中不過．．．如可多添兩片就更為理想 另一款麻辣要上（小辣）．．分別點上腐皮及牛脷麻辣湯底雖然是小辣，但麻辣度亦十分強勁、喝上兩口已感應到麻辣將舌頭輕微麻上喜愛追求麻辣者理應不俗至於腐皮則是採用鮮腐皮，跟一般炸過腐竹口感上確有不同、但．．我倒喜歡這份

星期日起床晏，會求其食啲輕食，在將軍澳中心選了米線陣，一個米線$25，再自己選餸，分$5，$7，$9，悉除專便，叫了一個清湯一個麻辣，小辣，重有微辣，幾系選擇，而家啲食店，價錢同啲餸嘅份量不成比例已是常識，呢間正常少少，豬軟骨都好林，ok啦，而杯飲品我試青瓜豆漿，幾清新，而且用冰鎮唔會水中冰令飲品淡，值得一讚，重有大汗鷄翼，幾香口，重俾隻骨碟，令我覺得呢間都幾細心，兩個米線兩杯飲品加五隻雞翼，$120其實都叫老實喇

將軍澳又有新餐廳開張，今晚老公約了朋友，於是自己一個去試下。喜歡門面波浪型的設計，好有線條美。餐廳內部裝修以木色作主調，裝修簡約廚房是開放式，可以遠望師傅預備米線的情況。特別喜歡這裡的燈，高低不規則的吊燈，簡單中帶時代感。一個人所以被安排坐於中間的長Bar枱。Menu除了米線外，另有不少美食。可惜一個人的肚子有限，唯有下次再跟老公再嚟試。點了米線自由配 $25，加安格斯肥牛 $9 及豬大腸 $7米線已包配料：芽菜、䓤、腐皮。米線份量都幾多，有咬感。肥牛有牛味、嫩滑，但切到薄及碎濕濕。反而豬腸整得幾入味，有滷水味。幾有咬感及爽口。小妺不吃辣，但又怕清湯太淡。店員非常細心，主動要求轉個頭給了我一小碗酸辣汁。可以按自己喜好加入酸辣醬。加入酸辣醬前，先試一啖清湯，其實味道都唔錯，幾香甜。酸辣醬就幾惹味，酸辣味平均，沒有蓋過對方。另外叫米線可以優惠価加飲品。點了冰鎮有機青瓜豆漿 $12啖啖都有青瓜蓉，又有黃豆香。好正！飲完覺得自己靚左又健康左。以冰鎮上，十分認真！保持凍外，又不怕令飲品變淡。下次再幫襯！