米線陣 (鱷魚恤中心)

營業中

休息中

米線陣挺多分店的，想不到吃甚麼的時候，米線陣也是不錯的選擇價錢比起一般米線貴，不過環境相對比較舒適牛乳南瓜雞脾肉竹笙米線（$46）這個湯底組合挺新穎的從未試過北海道3.6牛乳與南瓜的配搭，整碗都是黃色的不過，實際卻嚐不出牛乳及南瓜的味道雞脾肉味道欠奉，整體味道比較清淡，不適合重口味人士麻辣蕃茄肥牛魚腐米線（$47）這個絕對是萬無一失的組合辣度適中，不過，蕃茄味有點假肥牛及魚腐份量挺多的，整體味道不過不失

星期五差唔多成9:30黎到apm多人到成個墟咁諗住去幫襯下差唔多成年冇幫襯嘅米線陣好彩一個人食佢比個吧枱安置我就ok一坐低已經覺得有d焗係咪天文台話會轉涼就即刻開左暖爐？唔洗下話望見張枱有張$0嘅單上面有個QR Code然後張枱貼晒貼紙咁話可以用電話點餐好似好先進咁之但係如果有呢個服務帶位果個唔係應該講聲咩我叫左個蕃茄湯底要雞脾肉同蟹柳（雖然佢叫自己做彷松葉蟹棒）個蕃茄甜到我懷疑佢落左一斤糖因為係甜得好假果隻攪到d蕃茄我都唔想食咁多！驚糖尿！至於d雞肉係就係大粒～仲好多添但舊舊都外面白色裡面淺粉紅色喂熟未架其實🙄仲有不得不提佢個湯底好熱熱到唔可以舒服咁食果隻熱即係好似夾硬加左滾水落去咁算啦就算溫度適中都唔會再去食同我以前食開嘅爭太遠

是日來到觀塘區工作，一個人食lunch，最緊要係易搵位，粉麵當然係首選。正打算行出APM時，我見到一間未試過的米線舖，當然要試下啦入去見到枱面有自助點餐，正諗住拎個電話出黎，點知隔離位舉手點餐，我更係跟住做啦，唔使煩說實話，呢到價格都幾貴，一個米線加一杯飲品要五十蚊，收咁嘅價錢無理由食清湯架，最後點了茄牛雲吞米線。先試個湯，有芫荽味的茄湯起初有點不慣，再吃幾口芫荽味淡了，但好古怪，啲蕃茄甜到似浸過糖水咁，有啲唔尋常🤔🤔🤔Anyway我最後都食哂，米線及湯底整體是可以的，但牛肉偏少，雲吞皮厚又大小不一，配料我只見到湯面的腐竹及芫荽，比其他米線店少。

係APM行完街就順便搵下野食，見到呢間米線陣呢排好似越開越多，就諗住試下佢睇下佢係咩料子！叫左個麻辣米線配𠧧水牛肚+手打肉丸（中辣）！ 夠辣夠麻，食得辣既朋友不妨叫大辣！湯底夠濃，不過應該都幾重味精，食完會口渴～ 牛肚夠入味，手打肉丸都好彈牙，加埋入面有馬蹄，食落好有咬口，唔錯！ 略嫌湯底有d油，食到中間就覺得有d油膩～男朋友叫左麻辣蕃茄湯米線，我覺得個湯底幾清甜同蕃茄香都幾出，佢叫左中辣都唔算辣，應該係比蕃茄既味中和左～如果想食辣就推介麻辣湯底，想清淡d就可以叫蕃茄湯～

今次LUNCH一個人出去走走, 就一個人堂食啦!由於得自己, 搵位都容易啲! 😎去到米線陣已經見到人籠, 幸好有BAR枱, 岩晒我呢啲孤獨精!☺☺☺原來米線陣改用了IPAD落單, 當然, 店員都願意為我呢啲懶人服務! 即係原始落單法!😍😍試下個優惠午餐先B. 北海道牛乳南瓜竹笙魚蛋米線 + 紅油珍珠餃子當米線黎到我先留意到原來我叫嘅午餐係牛乳南瓜湯底😫😫😫其實我唔係唔飲牛乳, 又唔係唔食南瓜, 但總覺得兩樣野配埋有點怪!😢😢😢飲一啖個湯底, 覺得好滑, 但係真係怪怪的!竹笙魚蛋都OK, 但真係唔鍾意個湯底呀! 😭😭😭紅油珍珠餃子有5粒, 對我來說唔太辣! 最後, 我係將米線放去紅油珍珠餃子個碟度, 點辣汁再食! 🙄🙄🙄哈哈~~🤣🤣🤣🤣

劣評：店鋪： 觀塘鱷魚恤中心時間： 早餐時段樓面服務態度奇差，由高至低，個個黑口黑面，笑容欠奉。入店鋪無人招呼，自己搵位。落單要重覆多次，有時仲落錯單！很多時候都聚集在水吧前吹水，大聲講大聲笑，搵人時要遞手幾次先有人回應，仲好似你阻住佢哋傾偈咁！有時水吧阿姐邊煮食邊加入談笑，而重點係佢哋都冇戴口罩！

上完堂5點鐘，剛好可以吃下午茶當晚餐，近近地走去米線陣吧！下午茶由三十多元起，全包飲品一杯。我們當晚餐來吃，所以點了米線。加$3可轉薯粉。湯底很濃很夠味，大大片的豬扒夠曬淋，薯粉彈牙Q軟，份量不算大，男孩子最好追加食物。魚蛋彈牙，魚腐也不錯，清湯的味也很濃，米線煮得剛好，份量也不大的。飲品選了凍豆漿，很大杯，甜度剛好，不過能小甜一點就更合我口味呢！二人埋單都是八十多元，如追加兩個小食，都是$100左右，在這地方，也算抵食吧！

Lunch hour，觀塘間間都好多人而呢間米線陣，雖然人龍多，但去流快，2個人位等左大約10分鐘內🍴對於本人係米線控，米線陣都列入好食之一😋尤其佢個蕃茄麻辣湯底係十分推介，蕃茄味十分濃郁，仲會幾多🍅蕃茄肉而麻味都幾重幾香，好中意愈食愈麻既感覺，不過辣度只有1種，略嫌唔夠😭米線唔會煮得好淋，幾彈牙滑口，🍜且掛湯力足友人同本人都叫左必食的蕃茄麻辣湯仲有必食配菜--豬大腸同冬菇，煮得十分淋同入口，滷水味香👍總括黎講: 又係譚仔另一的好選擇👍蕃茄麻辣湯唔係好多地有，呢道的好推介餐牌👇👇大食的可以叫👇👇仲出左另一款新口味湯底🍴🍳🍴味道: 8/10👩👨服務: 6.5/10🏠💺環境: 6.5/10💰💸抵食: 7.5/10總消費: $102 (2人)人均消費: HK$50.00 (午餐)

從前並唔中意食米線，特別係連鎖果間，湯底除左辣之外，並無可取之處。今日行過APM，見到呢間大大隻字寫住椰子湯底，又幾有趣wor! 一放上枱已經聞到好香，飲啖湯即刻醒晒，好濃椰子味！仲食到粒粒椰子蓉，好足料！唯一美中不足係個雞肉好淡味，有小小鞋，如果可以揀其他配料就好啦。

28/8/2018本人特地避開lunch time 高峰時間大約2點到觀塘APM 米線陣吃lunch，餐廳內已有6-7張4人位沒有客人就坐，但帶位小姐2次帶位非要本人就非常窄小的單邊高枱還要解釋是lunch time 高峰時間，是不會讓1人選擇可以坐4人位，我是來吃飯不是受氣结果當然選擇憤怒即時離開餐廳。為什麼現在有些帶位這樣強迫症，本人不是不講道理，已特地避開高峰時段而店內也有較多空位可讓客戶選擇，這種服務只會影響餐廳的聲譽，希望就此事件餐廳應該好好反省反思。

今日做faical時個肚已經餓到打哂鼓。趁做完facial又距離去做運動有段時間就睇下附近有咩好食見到米線陣🤔感覺可以飽肚之餘又唔怕飯氣攻心🙊一坐低就見到有個皇牌套餐揀左豬扒米線轉蕃茄湯底配黑醋豬軟骨+青檸薏米水香醋豬軟骨同飲品最先到。好香醋味!影完張相, 米線就黎喇~~但我竟然唔記得叫走芫茜..愛芫茜嘅朋友應該會好開心因為我一路夾走時一路都聞到好濃烈芫茜味個米線黎到時真係冒哂煙, 夠哂熱已經加分蕃茄湯底夠濃亦都有好多蕃茄試一啖豬軟骨, 入口即溶... 個豬扒雖然夠軟但唔會食到落左好多鬆肉粉嘅感覺美中不足係杯青檸薏米水..得一片仔青檸..唔夠酸味....個薏米水略甜食飽之後就帶住滿足去做運動

落大雨完全唔想行出apm商場，而正正晌其中一個出口見到米線陣，未食過咪試下囉。門口好多人，要㩒機攞飛，攞完飛等左十零分鐘。地方寬敞，但一坐底就唔知把遮點擺好。侍應哥哥好醒目，一見到情況，就拎左張紙巾放枱面，然後話將把遮掛上去，再幫我將把遮掛上枱角既紙巾上。由於磨擦力增加，於是遮掛定左，唔會瀡跌，好聰明 😁 呢D咪貼心好服務囉。米線款式多，可以散點，想點就點。如果有選擇困難症，就可以揀已定組合，唔洗咁傷腦筋。我就鐘意散點，於是揀左酸辣湯底、魚腐、滷水雞翼。即叫即淥，米線軟硬度剛好，湯底又夠酸夠辣。滷水雞翼好入味，食得出有落冰糖炆，所以特別腍特別甜 😋 可惜對魚腐就非常失望。晌我認知中，魚腐係一舊豆卜咁既形狀，而食落係一舊鬆軟且吸滿湯汁既魚肉。但呢度既魚腐根本係魚片... 所以幾失望。*夾亂左先影，係咁上下。上枱時係靚D既 😅

一條咬唔爛的米線，係非常銀胃。。呢度的米線煙靱到不得了，食唔夠半碗我已經唔敢再食。。首先入到來，侍應比一張印有QR code屬於你枱號的單比你，然後叫你自己用手機scan QR code落order。我同個朋友一路用手機點菜就一路覺得好費時，每每上去返前一頁就會按錯左結束。。於是又要重新scan 過...點一碗粉攪左成3個字。。電都比佢消耗左唔少！好快野食就來到。。魚腐米線担担麵湯底——湯底正常，米線煙靱到咬唔爛，食到半碗就無食。。所謂的魚腐，竟然是一片魚餅頭之類既東西，好像街市凍肉檔買回來解凍的東西，食之無味。。唉

星期日的早上。仍然番工！再一次的來到了觀塘米線陣早餐！駒車前來的我們！大前題就是要找一個方便泊車的地方方便勝於好食，這就是是日早餐是飲食目標。又想健康一點，就點選了一個非常健康的牛奶麥皮加三文治茶餐廳出品的麥皮太甜及多奶不過這裡試過就吾會因為這裡沒有落糖不過麥片的濃度就一定不比自己煮的那麼杰..老實講每日晨咁早的一餐就攝取太多糖份，其實有點怕。吸收哂在體內就慘..蛋治是兩片而且有點厚度的麵包！再加上了適當的牛油，炒蛋嫰夠晒蛋香！普通的一份早餐...食完都沒有什麼結論了！只覺得我們食完早餐，好快去上班了。

觀塘午餐用膳的人真的不少，去好多地方都要等位。由於同事極力推薦去食米線陣，就試吓丫！大概等了五分鐘左右就可以入座！擔擔面米線之後可以選擇自己喜欢的配料，好似車仔麵形式甘！個麵既湯底幾好味，有少少微辣，食落更香！配料有豬大腸，不過不失！