米線陣 (鱷魚恤中心)

營業中

休息中

米線陣都有好幾間分店黑醋豬軟骨蕃茄湯米線～黑醋豬軟骨幾淋幾入味～蕃茄湯底幾濃幾多蕃茄～仲要有好多蕃茄皮～蕃茄湯幾甜～味道剛好唔會好多味精炸豬扒重慶酸辣米線～重慶酸辣湯幾好味～有：花生粒、腐竹、肉碎、芫荽～炸豬扒一大塊醃得夠淋幾好味口水雞比較多辣椒油～口水雞醬汁都幾多～有少許花生粒同酸味～幾開胃～雞係細細隻未大雞仔～食落有冰鮮味～細細條骨冇乜肉～試一次就算口水雞送熱飲～叫咗杯熱咖啡～味道正常冇乜特別 ＇

第一次幫襯米線陣，因為被門口這張海報吸引，本人非常喜歡食蕃茄，再加上胡椒麻辣雞，決定入去一試，真的非常好味，很麻很香，亦不會辣到流鼻水，恰到好處，一定會再來吃🍅👍🏻😋

芫荽皮蛋湯底清新開胃，+$25 小食任食超抵食！最近同朋友去咗一間米線陣，試咗佢哋嘅特色米線同小食，食完真係好滿足！今日食芫荽皮蛋湯底，清新又好味 ！今次點咗一碗綠色湯底嘅米線，湯底顏色真係好特別，綠油油嘅，店員話係用新鮮芫荽同皮蛋熬成，飲落好清新，完全唔會覺得油膩。米線份量夠多，滑溜溜嘅口感同湯底好夾，仲有唔少配料：嫩滑嘅雞肉同青菜，食落好有層次感。湯底雖然係蔬菜基底，但味道濃郁，飲一啖湯再食啖米線，暖笠笠咁真係好舒服，特別適合天氣涼涼嘅日子！+$25 小食任食，選擇多到眼花！最吸引我嘅係佢哋有個「+$25 6款小食任食」嘅優惠，性價比真係超高！當日有6款小食選擇，分別係紅糖糍粑、麻辣皮蛋、溏心蛋、麻辣韭菜鴨血、麻辣雲耳青瓜同豬肚，可惜豬肚當日賣晒，聽到有啲失望，因為我同朋友都好鍾意食滷水豬肚！不過其他小食都好有特色，我試咗以下幾款：1紅糖糍粑：呢款甜品小食真係驚喜！糍粑炸得金黃酥脆，外面裹咗一層紅糖，咬落有啲黏牙但好香甜，熱辣辣咁食真係好正，食完米線再食一啖甜嘅，感覺好滿足。2麻辣皮蛋：皮蛋切開成小塊，淋咗麻辣醬汁，味道好濃郁，微辣中帶點麻香，皮蛋本身滑嫩，配上醬汁好開胃，係我同朋

星期日出嚟觀塘吃下午茶，真係到處都係人流，想吃嘅都要等好耐，又肚餓見到呢間冇乜人就嚟醫下肚。吃完完全明白點解得佢唔使等位，真係太普通冇特色了，依個價錢有其他好味嘅選擇。💚瑞士雞翼香辣肉醬撈麵(辣）$38配凍豆漿+$3先撈勻，有榨菜、微辣肉醬、再加兩隻雞翼普通即食麵，醬汁很不夠惹味，有一點點辣💚 香辣青瓜雲耳（細) (辣）跟餐+$10普普通通，是小辣的💚 胡椒花甲豬肚雞肉米線（辣）$58胡椒味唔算重，配料味道好一般，非常冇特色🌟Encore 指數：4.0/10——————————————————————Total HK$109 (2人）

今天在觀塘做事，只有我一個人去吃午餐，我就選了一個一個人又方便又可以吃到很多的餐廳就是米線陣😅😅😅🤪🤪🤪🤪🤪🤪🤪🤪我點了豬頸肉雞翼水晶粉，上來的份量還是跟我想的一樣非常的大，我加了一些滷汁，所以味道還蠻香的豬頸肉很入味雞翼也是，這一次特別選的水晶粉是因為很久沒吃了，很想吃一下水晶粉，果然吃完這一餐之後我很難再吃下午茶要等晚餐了，真是飽足的一餐🥳🥳🥳🥳🥳🥳😍😍😍😍😍😍😍

平時都幾鍾意食米線陣，覺得佢哋個湯底幾好食，小食都唔錯。不過真係間間分店嘅味道都有啲參差我同你一間食咗幾次，都覺得好似比其他分店冇咁好食。今次再試一樣失望，蕃茄湯底好淡，配料加咗鴨血，但係係冇味的，口感都唔好又薄電腦今日咁肚餓，食起上嚟都冇食慾

本身忙咗一日買嘢返屋企食 仲要等外賣嘅時候同frd分享呢間好食 仲影到單比佢睇話推薦 之後返去食到有蟲 ！！？我真係火都黎埋 衛生情況咁差？？打電話過去 接線員態度都算OK 有負責解決返問題 但係食到有蟲呢樣嘢我真係好嘔心咯我一定要比呢個差評！衛生情況不改善 下次去堂食食到有蟲 直接報食環！！認真超嬲超級差體驗食到一半已經想嘔返出黎 如果唔係外賣 我一定會報食環 如果食到人食物中毒點算？淨係賠錢？精神損失好大問題 我而家見到米線都驚 嬲到爆

見到米線陣出咗撈水晶粉 最愛水晶粉 所以點咗個豬頸肉滷水雞翼撈水晶粉試吓味先我哋都食唔到辣 呢個麻辣醬料冇我想像中咁辣 可以接受到 同事仲話無味咁🤣水晶粉口感唔錯 豬頸肉好嫩 滷水雞翼有2隻 我覺得唔係好入味 仲有半隻溏心蛋 加埋酸菜花生青瓜絲肉碎撈埋一齊好好食 再配杯百香果蘇打 滿足晒😌

小吃騙錢，員工態度極為惡劣。早幾天去吃米線，花了10元添加了皮蛋，來時竟然只有一片，甚至圖片清楚顯示了至少有2塊，找來店員理論，當值員工說廚房不肯換，所以就退掉，然後廚房員工竟然衝出來用手撕開一片皮蛋做2片，還鬧我“咁係咪有兩舊呀”，態度非常不友善，不建議大家到此店消費。

應該⋯叫做辣辣大汗豬扒，辣到邊食邊咳，碟中豬扒底部放了很多辣椒粉，沒有邊吃邊流汗，只是邊吃邊咳，豬扒炸得啱啱好，外脆內軟，湯底較辣，如果重一點花生醬味就好了，米線不夠彈，及偏向腍身，不過一試無妨，但下次就唔試嚕😆。

啱啱食咗一碗米線陣嘅麻辣蕃茄湯底米線，味道真係唔錯架！不過就係湯底嘅辣味有啲失左分，略嫌可惜。先嚐湯底，麻辣同蕃茄嗰種結合真係好新鮮。啲麻辣味頗夠味，辣味亦都係層次分明，唔會單調。蕃茄嘅酸甜味道同辣椒嘅辣度互相襯托，帶出一種特別嘅風味。湯底係濃郁而滑嘅質感，入口滋味迸發，好開胃！米線嘅質感都好正，煮得幼滑有咬勁，彈牙感十足。米線同湯底嘅結合都好恰到好處，每一口都能夠充分吸收湯底嘅味道，令人回味無窮。唯一可惜嘅就係辣味，略嫌唔夠夠夠辣。當我食咗幾口之後，對辣嘅渴望仲未能完全滿足。希望下次可以再加多啲辣椒，令呢碗麻辣蕃茄湯底米線更加刺激啲味蕾！總括而言，呢碗麻辣蕃茄湯底米線係一個好唔錯嘅選擇。湯底嘅組合創新，米線嘅質感出色，只係辣味稍嫌有啲不足。不過，如果你鍾意食麻辣嘅話，可以考慮同店家講多加辣，咁樣就更加完美啦！仲有加埋用網上外賣平台叫自取有半價，總數$34.5，好抵下。

觀塘放工勁多人，求其搵間舖頭食咗晚餐先返屋企。🤩🤩🤩🤩餐廳環境：普通餐廳裝修，以白色為主，都有梳化位坐，入面位置都好多。食物方面：我哋三個人叫咗兩碗米線，一碗係新推出辣味胡椒米線，黎到兩款米線勁大碗，湯底唔太辣，啱啱好，而且好多配料，包括有豆卜、牛肉、豬肚，雲耳等。湯底又唔會太鹹，食完米線仲可以飲咗佢👍🏻👍🏻飲完之後都唔會口乾呢樣最好😋😋😋米線陣 (觀塘)觀塘開源道79號鱷魚恤中心1樓8號舖

作爲一個米綫愛好者，有米綫既地方就有我。 米綫陣既米綫真係無得輸，先係個重慶酸辣湯底夠酸，米綫又可以轉烏冬或者薯粉， 就已經無得輸。d餸同譚記個d又好唔同，多種類d。 加上佢個小食打起大汗豬扒真係好正，又辣又痲！真係好值得去試一試！

是日平日，午餐還未食已經係下午3點，於是食下午茶當午餐。看見$39下午茶餐，好似好低食咁，一於試試：脆炸小食(A)+肉燥米線(B)+熱飲(C) = $39🔆脆炸魚柳+ 香濃擔擔湯肉燥米線(細) 配 熱華田先上小食，香噴噴，而且魚柳啖啖肉，點上泰式辣醬好食，後上嘅米線比想像中細碗得多，米線少得可憐，擔擔湯底味濃。🔆脆炸單骨雞翼+ 重慶酸辣湯肉燥米線(細) 配 熱檸水對於鍾意食辣愛好者，賣相係吸引的。份量好迷你，$39係有原因的。要食還是食一碗正常大細米線才滿足。

喜歡這裏有很多米線的選集 ，特別喜歡擔擔麵米線 淡淡香味非常濃旭， 味道不太鹹 ，配其他清淡的食材如蘿蔔冬菇 ，感覺非常好， 雖然市面上都有很多間米線專門店， 但環境未必這樣乾淨