米線陣 (鱷魚恤中心)

營業中

休息中

觀塘區有許多美食選擇，但落雨綿綿，都係選擇返去APM晩餐，今晚選擇了屬於大家樂集團旗下的「米線陣」，這間餐廳並不是第一次光顧了，開初光顧是將軍澳中心分店（已結業），之後亦有再光顧其他分店，初期令人印象難忘的是它們的麻辣雞🐔及青瓜豆漿，幾年間，雖然米線陣的食物選擇愈來愈多，但是慢慢發現素質卻每況愈下。首先餐牌是黏黏的，只可以稍為用兩隻手指輕輕翻看。今次點了酸辣豬大腸木耳金菇米線+青瓜豆漿，木耳細細塊尚算爽口，但豬大腸切得碎碎的，金菇一束黏著分不開，米線煮得過淋，湯底有芫茜酸菜，但湯底本身的咸味蓋過了配料的味道，連芫茜酸菜的味道都不太感覺到，青瓜豆漿是最令人失望的，本身青瓜豆漿是特飲，跟餐要另加$15，以理解，特飲即是有特式的飲品，但原來它的特式就是「稀」😮，青瓜跟豆漿味是完全分開的，跟最初期米線陣濃濃豆香的青瓜豆漿予人清新感覺完全不同，真的有點失望！若要拉返高少少分數，就是餐廳的裝修及容許二人坐四人座。

今日同男朋友去apm行街，四圍都好多人喔，好多餐廳都要等位。甘岩見到米線陣排隊既人吾算好多，就決定食佢啦！！假期估吾到都有茶餐，仲要好抵食喔！炸排骨拼餃子🥟米線🍜呢個set好抵食！雖然配小碗米線，但吾係得幾啖果啲，都好大碗咖，仲有3粒小水餃🥟雖然湯底好普通，但米線好滑，又吾會一夾就斷，又吾會煮到糊狀甘，好食！另外炸排骨係用左豬扒既骨位，有3條。炸粉吾吉口，酥脆好好食！讚👍🏻豬扒包拼雪菜米線🍜真係要大讚個豬扒包，豬扒食落酥脆又吾油，仲要炸到熱辣辣！配個包好正，包好鬆軟咖！好味！雞絲粉皮：呢個茶餐加10蚊就有，都幾抵丫！吾會太細碟，而且麻醬好香，好味道！🤤🤤檸檬菜蜜：甜甜地好好飲，平時去餐廳飲菜蜜係無味咖！估吾到呢度真係有菜蜜既味道另外，想讚一讚呢間分店既員工，好有禮貌！我地個豬扒包等左好耐，有個男仔侍應同我地講佢吾小心整跌左落地下，已經重新整過，之後一整好又即時拎俾我地！勁有禮貌！讚👍🏻男朋友話有點窩心感覺添🥰🥰

星期五晚上約了朋友到apm唱卡拉ok，之前就到米線陣醫肚先。 朋友點了一個麻辣蕃茄肥牛魚腐米線$48，加竹笙$9，凍檸茶$10。當晚我不是太肚餓，所以點了一個紫菜豬骨濃湯餃子皇$37，加墨魚丸$9，熱檸茶$8。 每次到這間店舖都感覺坐得很擠迫， 無論餐廳繁忙時段或非繁忙時段都很喜歡安排客人搭枱， 我覺得如果非繁忙時段就可以坐得寬鬆一點吧！ 講返食物質素， 我之前試過麻辣蕃茄湯底的， 感覺味道一般般啦， 但米線就比較散， 所以我今次就唔食米線了，只點了一個紫菜豬骨濃湯餃子皇， 味道依然沒有什麼驚喜。

其實都未食過呢間米線, 因為成日經過都好多人, 但今日有同事專登早d去拎位, 所以就有機會可以試試~中午食飯時間周圍都咁多人, 我去到都等咗5分鐘, 但同事比我再等多咗10分鐘, 以繁忙時間嚟講, 15分鐘都算快啦~入到去原來係自己用佢個apps落單, 好彩有同事食開, 咁當然交比佢負責, 我地就當佢係店員咁, 同佢講食乜啦~估唔到上菜速度都好快, 只係幾分鐘已經上菜, 正常嚟講流量都應該快, 除非係食完唔走, 咁就冇得好講啦~  魚腐+鮮蝦雲吞+手打豬肉丸, 轉薯粉估唔到有4舊魚腐咁多, 而且味道都唔差, 唔會林到冇彈性, 之前食過第間好難食, 其實都有少少陰影, 呢度令我對魚腐呢樣嘢有返d信心~鮮蝦雲吞d蝦都好爽口, 雖然未算好大粒, 但成粒都滿哂蝦, 都好新鮮~手打豬肉丸好過機整粉頭豬肉丸, 雖然唔係好彈牙, 但起碼唔係成粒粉頭, 而且溝咗d菇粒香口d~轉薯粉一樣要加錢, 但唔算貴, 而且好耐冇食過薯粉, 而且呢度果d好食過旦仔~ 熱檸蜜見佢檸蜜都唔駛加錢, 梗係飲檸蜜啦~ 味道都算OK咁啦~ 有檸味又有蜜味~雖然佢係叫米線陣, 但第一次幫襯, 竟然係食薯粉  希望有機會下次會試

因為中午果餐食得唔多，未夠六點 #小秘書 又已經肚餓喇👉🏻👈🏻 呢日 #小秘書 咁啱要去觀塘廣場買手機充電線，見到 #米線陣 仲有 #下午餐，就走入去醫咗個肚先去買嘢啦！#米線陣 嘅 #下午茶 選擇多咗，除咗 #米線，仲有豬扒包之類小食👍🏻 而 #小秘書 就揀咗 #豬扒米線 配 #醋香雲耳🥢 #豬扒米線 都算唔錯嘅，係塊 #豬扒 唔夠熱，師傅無將「豬扒碎上」，而服務員又無提供刀叉，食起嚟有啲「論盡」囉 講到碟 #雲耳，口味實在太咸，搞到 #小秘書 要自己加1/3包糖落去中和個味道😅 不過只係跟餐+$10就由佢啦😅😅

同朋友喺觀塘行完街，唔想去food court食，米線陣係一個好好嘅選擇!我地揀左滋味2人餐 $172真係超級抵食!首先米線自由配2碗都可以任揀配料2款! 皇牌特色就揀左口水雞風味小食就揀左酒釀雞翼仲有得揀菜食! 我地就揀左青瓜木耳仲有2杯凍熱飲品，超正，有我最愛嘅 紅豆冰，仲要唔洗加錢呢度仲可以用手機落單，好方便，一路揀一路落單。野食好食之餘，選擇又多，如果2個人食，不妨揀2人餐，呢個價錢食到咁多好野，真係好抵。最重要係個米線好好食，配料我揀左豬頸肉同牛肉，肉肉嘅份量多，口感又好好。2個人食到捧住個肚走。

平時經過米線陣門口見到很多人排隊，剛剛行過見到竟然沒有人，所以就入去試下。 坐低冇耐店員提我們可以自己落單， 之後我們點了香辣皮蛋拌青瓜$17，鮮蝦雲吞牛肚酸辣湯米線$49， 麻辣蕃茄肥牛魚腐米線$48， 罐裝雪碧$10。香辣皮蛋拌青瓜 ～ 味道一般， 除了食到辣，就食不到其他味道了。鮮蝦雲吞牛肚酸辣湯米線 ～ 酸辣湯的味道不太明顯，鮮蝦雲吞都幾大粒。麻辣蕃茄肥牛魚腐米線 ～ 本身覺得麻辣蕃茄湯都幾特別，但試過之後就覺得比較普通，我食到有蕃茄湯的味道，但麻辣味就不明顯，肥牛太碎，魚腐正常！第一次吃米線陣， 感覺味道普通。 座位比較狹窄， 留意到明明有其他位可以供給客人用的， 但店員很喜歡叫客人搭枱。 我覺得繁忙時間理解的， 但如果有很多空置的 餐枱， 就應該給客人坐得舒服一點吧！

今日晚餐，仔仔話想食米線，所以去了呢間近近地，點知等位等咗半個鐘，換來一肚子氣，我們一家3口等5張枱，拿3-4人飛，佢地一有枱，無論4人枱或2人枱，全部清一色叫2人入坐，有個corner 有10幾個位又欄住唔比坐，我們係門口一味呆等，4人枱就比2pair人入去，係都唔比3人入去食，等了半個鐘，後面2人都入齊了，又話無4人枱比我地坐，激都死，我發誓以後都唔會去呢間食了！很差的服務！未食都比激死了，哼！

平時晏就飯晏都會黎食，今日近近地食個米線陣晚餐。燈光充足，感覺亦好舒服。但我地2人坐左係近廚房位同防火門旁邊。濃茄雞脾肉仿蟹棒稻庭烏冬$51仍然好大碗，但今次個蕃茄湯淡左啲，但職員好好，我地話淡，佢另外再俾個湯我地。😁🤭最後俾友人清哂個湯👍🏻👍🏻👍🏻👍🏻叫左好多餸，豬頸肉，牛肉，雲吞，墨魚丸。豬頸肉輕輕炸過，而且都醃得入味。墨魚🦑丸不過不失。麻辣番茄湯薯粉，叫左小辣，不過可以再辣啲。涷奶茶少冰，好香濃既茶味，唔錯。

午餐叫咗米線陣外賣，自取。打電話去叫定，十分鐘唔使就有得拎，岩晒啲又懶又趕時間既打工仔。最鐘意佢個蕃茄湯，但要留意佢有素蕃茄同農場蕃茄，之前問過職員佢話前者係素後者唔係喎。「打工仔是老外：一日三餐老是在外。」食得肉多，有機會食返多啲菜，自我感覺良好。生菜都算新鮮，而且成片既，唔係碎濕濕冬菇夠大而且夠軟身，入味米線軟硬適中，唔會太硬易咬之餘都算煙韌，亦唔會一夾就斷素蕃落湯底酸甜開胃，而且食落仲有啲蕃茄粒食完唔會話好口乾，應該味精無落得太多

大家樂分支，最滿意係個裝修設計， 感覺摩登時尚， 一洗米線店的娘味， 大才團似乎最叻唔係做食物， 而係玩弄這種似是而非，階級流動的幻覺。創意是有的， 湯底食物種類選擇算多， 最鍾意都係大汗豬扒加麻醬擔擔麵湯底。 其他試過口水雞雲吞魚蛋鹵水雞翼等材料都麻麻， 就係典型的快餐店貨色， 完全揭露咗它本是為無產階級 提供廉價食品的底牌lol 大汗豬扒炸得夠鬆脆， 粉漿不太厚， 面頭辣椒粉十分惹味， 美中不足係碟底有些少油。米線淥得剛好不太淋， 湯底睇嚟淺色， 以為冇正宗擔擔麵咁辣， 但其實辣味亦足夠，最鍾意佢麻醬落得夠多， 湯底夠香夠厚身。 幾十蚊有中產幻覺， 性價比高！

今朝－早返公司，經過Kwun Tong嘅米線陣就去食個靚早餐,今日我叫左個番茄牛肉通，夠大碗,牛肉唔韌,湯底算可以，加埋杯熱檸水,都算係－個Happy Friday

同朋友向apm行完街，就黎米線陣食dinner, 價錢黎講向apm都算正常價，不算太貴，同友人都嗌左個大汗豬扒擔擔米線。加杯凍奶茶。大汗豬扒外層炸得乾身，脆口，內裡唔乾，有肉汁。而上面再加上辣粉，我覺得辣辣地，幾惹味，食完真係會大汗的。而個擔擔湯底，有少少花生既味道，有少少辣，正常。 只嫌佢米線唔夠多，對於一個大男人黎講真係唔多夠食的。我再加左杯凍奶茶，有少少茶香，合格，正常發揮。埋單47+ 10奶茶，57蚊。比平時米線貴少少啦。味道是可以的，但份量就唔夠了。

唔知幾時開始香港人好鍾意食米線，連鎖的米線亦都越開越多。相比起個個都鍾意食嘅譚仔，我比較鍾意食米線陣。其實佢係美心集團，食落去好明顯feel到係大集團連鎖嘅味道，但係因為佢有幾樣野令到我一定要去食。第一，係佢嘅青瓜豆漿。$15 ，唔算平，但係真係得佢先有。第二，係佢嘅番茄麻辣湯底！啲蕃茄食落就知落咗好多糖，因為真係超級甜。但係配合埋麻辣湯底嘅味道，簡直一絕。佢最近仲有一個限定菜式，芝麻醬冰菜！$19一碟，簡直抵！

米線陣挺多分店的，想不到吃甚麼的時候，米線陣也是不錯的選擇價錢比起一般米線貴，不過環境相對比較舒適牛乳南瓜雞脾肉竹笙米線（$46）這個湯底組合挺新穎的從未試過北海道3.6牛乳與南瓜的配搭，整碗都是黃色的不過，實際卻嚐不出牛乳及南瓜的味道雞脾肉味道欠奉，整體味道比較清淡，不適合重口味人士麻辣蕃茄肥牛魚腐米線（$47）這個絕對是萬無一失的組合辣度適中，不過，蕃茄味有點假肥牛及魚腐份量挺多的，整體味道不過不失