米線陣 (翡翠明珠廣場)

營業中

休息中

今日同朋友去銅鑼灣行街，好多餐廳都要等位，見到米線陣排隊既人吾算好多，就決定食佢啦！因為我們有會員卡，生日有張$50coupon, 所以我地揀左2人餐$172,真係超級抵食!首先米線自由配2碗都可以任揀配料2款! 我地揀左口水雞，大汁豬扒，湯浸生菜。仲有2杯凍熱飲品，又不用加錢，揀左皇牌青瓜豆漿。✔️最愛米線陣番茄麻辣湯底！甜甜的蕃茄配合埋麻辣湯底嘅味道，簡直一絕。私心推的介炆冬菇和豬大腸，超入味。✔️大汗豬扒外層炸得乾身，脆口，內裡唔乾，有肉汁。而上面再加上辣粉，我覺得辣辣地，幾惹味，食完真係會大汗的。✔️口水雞真心好好辣，d辣醬多到好似唔洗錢，所以我都用浸下湯去食。➡️如果2個人食，不妨揀2人餐，呢個價錢食到咁多好野，真係好抵。最重要係個你麻辣番茄米線好好食！

今次係我第一次食米線陣，噉我就點咗個雲吞，豬骨湯底米線，第一次食米線陣畀我感覺，係佢個湯底唔錯喎，清清地同埋啲滑米線都幾幼滑，另外仲叫一杯嘢飲熱華田，埋單50元左右，唔算好平又唔算好貴。

星期六去左銅鑼灣行街，行到餓餓地，咁岩想食米線就去左翡翠明珠廣場間米線陣食野! 👅大約1:30PM左右到，雖然人好多，但好在只係等左大約5分鐘就可以入座，不過位置有d迫，所以就轉左坐類似BAR枱比較闊落既位置！👍而點餐後，食物亦都好快到齊，因為本身自己好鍾意食蕃茄🍅，一見到佢有蕃茄湯底就毫不猶豫叫左個雞翼農場蕃茄米線，而同行友人鍾情麻辣就叫左個麻辣蕃茄肥牛魚腐米線，而我地亦都加左個香辣皮蛋伴青瓜小食，一齊share！🎉🎉先講番佢個蕃茄湯底先，係偏甜既蕃茄味，亦明顯見到切件既蕃茄，證明佢唔係就咁用茄膏做湯底，蕃茄數量亦都唔少，有4-5件，而雞翼就鹵得入味，d肉質都好淋，到主角既米線喇，有種煮得唔係太熟既感覺，咬落好硬！呢點就差左少少！到友人既麻辣湯底，因為友人係好鍾意食辣，強烈建議同樣鍾意辣既朋友要叫中辣/以上，而麻辣同偏甜既蕃茄湯底亦比想象中夾，配埋肥牛無得彈，而肥牛數量亦唔少，有6塊左右，不過同樣地都係主角米線偏硬！而我地亦試左個麻辣皮蛋伴青瓜，$17有兩款！的確係抵食！先講皮蛋，係伴有麻辣醬料，辣味十足，而青瓜就用左類似豆瓣醬既醬料，微微辣，不過略嫌切得比較大件！其實佢小食都好多款

今日去咗銅鑼灣Cinema City JP睇首映，夜晚再去開幕禮。兩個活動之間仲有鬆動嘅時間，決定同朋友去銅鑼灣食下嘢♡ 靚靚朋友食素，建議食米線陣♡當初擔心米線，配料大部分都係肉類，怕朋友選擇好少。但朋友話米線陣好多嘢佢都啱食♥太好喇~大家都啱食♥望一望餐牌，的確有大量蔬菜同配料選擇♥朋友叫咗擔擔湯底走肉碎，我就叫左番茄麻辣湯底。另外加咗小食辣皮蛋拼青瓜~清甜既番茄湯配麻辣知道好夾，麻辣中帶酸甜十分開胃。配菜叫咗滷水蛋加雞肉，滷水蛋煮得好入味，連蛋黃都好香♥P.S 星期四嘅晚上銅鑼灣分店唔算太多人，容易搵位

以前對米線陣麻麻哋，因為覺得米線比較難消化，而且以前好似無咁多嘢揀！但係銅鑼灣呢一間值得一試再試！最主要係個蕃茄湯底好好味，有辣有唔辣非常好！服務亦都唔錯（或者剛好碰到個比較有禮貌嘅職員吧！因為我要等朋友但又肚餓得不能再等！就唸住叫個 醋香麻辣番茄先但呢個要連埋主食辣茄肥牛魚湯米線先可以$16買，但職員好好幫我分開落等我食住先然後可以等埋個朋友先叫主食，感覺無咁無禮貌，哈哈！花雕醉雞翼都好好味，不過皮脆D就更perfect 但$25蚊你想要求D咩呢食物整體出品不錯，味道好好，而且無加一，超抵食！正

平時在金鐘返工，幾鍾意食海富中心樓下間米線陣。於是今日見到銅鑼灣都有間分店，就來食下。叫左一碗麻辣蕃茄湯米線，一份川辣牛雙寶小食。因爲平日返工都是食這兩樣，所以好明顯感到質素較金鐘間分店差好多⋯⋯米線湯底沒有應有的鮮甜味，感覺係原本的湯底裏加左大杯淨白水搞到米線完全冇味。麻辣牛雙寶味道倒是冇差，可是成碟只得六片⋯⋯三片牛肚，三片牛展唔知的話，以為是直接別人未食完個份直接上比我⋯⋯雖然是好多分店，但都是希望各間分店質素可以統一下。總之這一間是徹底失望，希望大家都能避免踩雷

晚上8:45搵食，本來想食的麵店收9點，所以唯有另覓地方，行下行下，就選了這間未食過的。見到有set好的麻辣番茄肥牛魚腐米線，而且係推薦的就試一試啦。 另外加了鮮蝦雲吞。選了小辣。好快，不用5分鐘，麵已經在面前，快得有點誇張。 上枱時聞到有麻辣香，但見番茄反哂皮。 先飲一啖湯，有麻辣味而且帶有番茄的甜。試了米線，有咬口不太淋，有合理理由期待三款餸的味道吧。先試魚腐，有四塊，唉，都不似是魚腐，只是淋的魚旦，不彈牙的魚旦就是魚腐嗎？ 好掛住魚x家的魚腐。牛肉是沒有牛肉味的，什麼味也沒有，只是鞋口的肉。幸好我加了鮮蝦雲吞，有3粒，每隻雲吞都有一隻爽的蝦，正常的雲吞，總算有餸是ok 的。配菜的腐皮只有圖中的一塊仔，而且都是鞋的，只有少量芽菜及香菜。番茄不算多。份量的確是少過x仔而且較貴。 但總算填了肚便算。

去翡翠明珠廣場睇完戲搵野食，見到米線陣經濟實惠就唸住試下銅鑼灣分店！雖然店舖好大有好多吉既座位，但入到去都有侍應帶位，而且係有笑容既接待👍🏻 平時食飯最怕要等位，係銅鑼灣食飯唔駛等位實屬好難得。我地2個人叫左2碗米線加左個雞絲粉皮做前菜。我叫左蕃茄湯底，個湯底夠濃但未至於係結到”漿”住，個湯底裡面有唔少既蕃茄肉，對於平時少食蔬果又怕食菜既我都係一個幾好既選擇！而男朋友叫左個清湯，但佢係芫西愛好者，另外嗌左多芫西，廚房就另外用個細碗仔裝d芫西俾佢，好好服務

星期三同朋友食晏，揀咗去銅鑼灣明珠廣場，原本想食日本菜，點知見到間米線陣，難得地見到有張吉咗嘅兩人枱，於是我就入去坐低先，然後朋友嚟到，我哋就睇咗張午餐嘅餐牌後，好快就叫咗兩個午餐，一個係紫菜魚蛋魚腐米線$55(+$2轉農場蕃茄湯)、熱檸水一杯及加$10一碟小食(涼拌三絲粉皮，另一個係濃湯牛肉鮮蝦雲吞米線$52、熱奶茶及加$10一碟醋香雲耳，合共$129。好快，大約五分鐘就已經有得食啦！蕃茄湯底好味，魚蛋又彈牙，兩碟小食都好好味，三絲粉皮嘅雞絲亦好足料，朋友都話佢叫嘅牛肉鮮蝦雲吞好食，最開心今次啲職員態度亦好好，有禮及快手，難怪此店經常都要排隊啦！總括：午餐抵食及好味！

今日返工，同事突然話好想食米線陣，咁一行四人就去左呢間食。由於我對上一次食已經好耐之前，同事介我食大汗豬扒麵，佢大推，咁我就試試，再加點左個檸檬薏米水。點單後麵過左段時間先送黎，個樣呢... 其實同真實唔同🤣🤣先講個麵，麵質唔錯，味道適中，雖然係紅色但其實唔辣，係唔錯。而到豬扒....同餐牌上唔同，佢既調味料放左係豬扒底，可以自己想食幾重口而沾黎食。佢炸得香口，同事係無介紹錯！而檸檬薏米...普通，不過不失。

三個人食二人餐，二人餐有兩碗兩餸米線、兩款小食、一款蔬菜同兩杯嘢飲。其中一碗加錢轉左麻辣番茄湯底，好出色，有蕃茄香之餘仲有少少麻辣，好夾。小食揀左豬軟骨，值得一讚豬軟骨有香醋味，軟骨炆到膠質化，好好食！

今日早上食咗個大早餐，中午唔係好肚餓，所以去左食米線🥢🥢12點2左右去到，人唔係好多，一入去就有位，但12點9嘅時候走就見到有人等位，所以如果可以就早少少去👍佢有啲午市套餐連飲品嘅，價錢就五十蚊左右，飲品可以選罐裝汽水都得👍👍我叫咗一個麻辣肥牛餃子皇米線餐同單點咗一個麻辣番茄肥牛魚腐米線😋😋😋等咗5分鐘啲嘢食就黎啦👍麻辣個湯有啲頹，麻辣番茄湯幾好味，麻麻酸酸甜甜咁，仲有番茄🍅可以食，幾甜，不過兩個麵個份量有啲少，如果餓啲真係唔夠飽😂😂

今日返晏，突然又想食米線平時嘅我唔會同返工嘅人爭lunch食但今日我都要食完趕返工好彩好快就有位，一人嘛同埋可能各位食客都知lunch hour等食飯好慘，快食快讓位呢張餐牌好吸引係咪太耐無嚟有新野都唔知但係陣間返工唔好食咁辣但都係揀咗個辣嘅米線，有番茄溝埋無事嘅🙈好似第一次食麻辣番茄，多數點番茄湯因為個番茄湯好好味，係足料番茄加咗麻辣都唔錯喎，唔算太辣，又有麻香貪心的我加配埋個紅油抄手皮薄烚得啱啱好，唔會爛皮果啲檸檬茶略嫌濃，比較苦**好鍾意每張檯有條餐link，版面靚，容易睇，點完仲可以禁返入去睇下嗌咗咩****第一次超繁忙時間嚟，服務員們都無黑面**

米線陣由上年APM開始食的，果時已經覺得好好食，由其俾番茄湯底吸引了，實在好好味又夠濃👅🙌🏻鐘意食番茄嘅你又未試過 一定要試吓！重點系飲曬成碗湯都5覺口喝✌🏻轉咗嚟CWB返工，估5到呢邊都開咗分店，甘點可以吾去食呢😎於是同同事一齊嚟食，呢間環境都好舒服，店員服務態度又好好，做嘢手腳快👍🏻下午茶都幾抵食的，轉番話湯底都系+$2，魚蛋好彈牙👅👅👅魚腐系我食過甘多間最好食嘅，又彈牙又好有咬口💕 米線夠幼 夠彈 夠入味！至於小食蜜糖檸檬🍋雞翼系超級好食，雖然第一碟嚟系5夠熱又有dd 吾太熟 不過店員都好好換過碟俾我哋。 好鐘意食雞翼嘅我對雞翼都幾執著的，呢款雞翼食過一定會再食多幾百次，超好食，又入味又特別，熱喇喇食系冇得頂嘅💋

見到呢間環境幾光猛同舒服😋😋😋試下先😋😋😋點左鹵水豬大腸金菇雲耳酸辣湯米線炸雲吞+雞絲粉皮+椰汁紅豆冰🥤以後食米線有多一個選擇我見佢d下午茶餐都唔錯下次經開可以先試埋