米線陣 (翡翠明珠廣場)

營業中

休息中

今日晏就嚟米線陣食Lunch，餐廳比起其他食米線嘅餐廳開揚闊落，坐得舒服。湯底同配餸都有好多選擇，亦都有好多涼伴等前菜。Kiwi我平時食開蕃茄湯，但見佢有個新餐牌推介有好多餸嘅冬蔭功湯底+紅豆冰只需55蚊，決定試食!(忘記咗影個餐牌)一上菜，見到個湯咁清以為上錯，飲落冇乜味，一啲都唔冬蔭功至於啲餸就正常，有雞脾肉同菇，啲雞脾肉都幾滑。而紅豆冰都ok嘅，都幾多紅豆，唔錯啦。不過我諗我下次都係去米線陣食返蕃茄湯比較穩陣!

到銅鑼灣完成工作後，想填填肚子，但銅鑼灣吃飯普遍較貴，上網找找發現明珠廣場新開了不少餐廳，看見這間餐廳較平價便選擇了。點了一份三絲粉皮、一碗雞脾肉蕃茄米線，及一碗雲吞雞脾肉麻辣米線。涼拌三絲粉皮，三絲即雞絲、青瓜絲、火腿絲，涼拌粉皮的麻醬味道香濃，有花生香，亦有芝麻香，唯獨是三絲份量不太足夠。蕃茄湯底不夠濃郁，只有少少酸味，對於蕃茄愛好者來說絕對不夠滿足，不過雞脾肉真的不錯，有六大塊雞肉，而且肉質嫩滑，不會「鞋口」，米線份量亦是頗足，不過可能是煮得太久，米線有點過軟，不夠爽口。麻辣湯底味道則恰到好處，辣度適中，麻的感覺又不會過於刺激，更帶有花椒香味，值得一試的是雲吞，雲吞皮薄，但口感不軟爛，雲吞包著原隻鮮蝦，雖然有豬肉，但不是肥膏，不會感覺肥膩。整體來說，食物味道不過不失，是銅鑼灣的平價之選。

今早上班前来个早餐，發現有个新餐单：家鄕榨菜肉鬆薄罉，咁锺意食嘢个我，當然吾會放過佢！等咗20分钟才来到，一看様子，完全跟菜牌照片不一样。然后把它打開看看𥚃面饀料，薄罉夾着一片肉鬆。切開一看，发覚完全没有榨菜或榨菜味。薄罉煎得OK, 咬落煙煙靱靱，可惜蛋漿不够，沒有蛋香，蔥吾夠新鲜，所以香味也欠奉，肉鬆就算了吧，貌合神离。以一家鏈鎖企业，中央厨房跟市场部完全脱節，分分钟觸犯商品說明條例，货不对辦！

令人失望一向食開卻忘記放米線的配料腐皮同之前不一様味道馬虎了很多跟店員說補回腐皮卻只有一小片給你😔只可以說失敗我沒有嚐試過其他分店既米線但真的令我對這𥚃這款的米線感到非常失望

今日同老婆去銅鑼灣探朋友，上去之前有少少肚餓所以買定外賣上去。老婆話明珠廣場既〈米線陣！〉有下午茶幾抵食所以就去啦。下午茶時段都幾多人幫襯，坐到出面長台都有人坐緊，所以等外賣都要企埋一邊。講番正題食物先，結果我揀咗〈紫菜墨魚丸雲吞米線〉配埋蕃茄湯底。分量呢講都ok，下午茶食幾好。而墨魚丸同雲吞都尚算新鮮，味道亦不錯。麻辣番茄湯底，酸麻並重，唔算勁辣可以接受。因為番茄麻辣湯底要加$2，所以連埋一杯熱飲$44結帳，銅鑼灣來講算幾抵食。

返工探完醫生先食野，勁肚餓濕疹介囗，附近最近得呢間啱先。係咁多既飲食限制下，為有order獅子狗豬肉丸加錢改薯粉。湯底比想象中清淡，囗渴感唔強烈(落少d味精？？？)豬肉丸都幾大粒，比想象中冇咁肥，唔覺有好多肥糕人邊。蕃茄都有幾“舊“，扮下健康。加左錢轉薯粉。正路貨色，滑嘟嘟，正。唔知係咪下午茶關係，份量對女仔黎講啱啱好，男仔就真係“下午茶“份量。整體來講幾底食，環境乾淨企理，光猛寬落“，三十幾係銅鑼來講都平。閒日關係，坐幾耐都冇人理

今日同老公上朋友位於銅鑼灣的屋企前有少少肚餓所以就去咗<米線陣>買外賣下午茶。其實明珠廣場裏面一大個舖位都係佢哋集團既，之後再將個大鋪位再細分唔同名稱嘅食肆。 下午茶選擇都幾多，而且都係30幾40蚊左右有交易，價錢唔算貴。最後我選擇咗I餐<鮮炸豬扒炸蔬菜盒米線 >，但落單時個職員同我講冇曬炸蔬菜盒，問我介唔介意轉木耳，果下我不知幾開心，其實我鍾意食木耳多個炸嘢。炸豬排係半煎炸嘅方式，所以食落唔算好熱氣，而且味道都唔錯，有豬肉味唔會淡茂茂的，肉質亦算不錯有口感，唔會畀鬆肉粉<嗱>到淋曬。而湯底我就叫咗少辣嘅麻辣湯底，就咁睇好似有哋淡色，但其實都幾夠味而且辣度亦ok，平時喺<阿哥米線>食開十小辣嘅我都應付到。配埋加3蚊轉嘅薯粉一起吃都不錯，薯粉嘅分量，係正常下午茶分量唔會特別太多， 成個餐連埋外賣加1蚊就$44仲有杯熱飲，銅鑼灣嚟講算幾抵食。

之前食得太多油炸食物，今日和同事食清些，去食出名米線啦紅紅蕃茄湯汁，不太酸，好多片火腿肉，食竹笙又健康，蟹棒又惹味另一碗系豬骨湯，好香豬骨味，非常健康的一餐套餐送飲品，價錢合理

明珠廣塲開咗個 food hall，所以去試新菜！原本想試上海姥姥但太多人等位，所以去咗米線陣。有套餐但晤係好啱口味，散叫咗個"剁椒麻辣湯"底（大辣+滷水大腸+雲吞）加個“大汗雞翼”&"芒果鐵觀音"，湯底雖然話係大辣仲要剁椒，但無想像咁辣，辣度應該係“譚仔”嘅十辣，湯底係清嘅。米線晤會太冧有咬口，大腸好入味，雲吞有三粒算係大入面亦有隻細蝦。“大汗雞翼”賣相無餐牌相入面咁多辣椒乾，如果晤加埋底個啲花椒同辣椒乾，就咁食晤算好辣。睇落好似好乾咁，但咬開就食到係皮脆肉嫩，幾juicy ! 芒果鐵觀音，好大個茶包喺冰上面，底有芒果肉。無乜茶味，但有幾甜（糖水）芒果肉/味。

朝早趕去做treatment 無食野，做完都已經下午茶時間，勁肚餓，銅鑼灣又唔熟路，唯有邊行邊搵野食。向皇室寶方向行，見到有間米線陣，正，啱晒肚餓到虛虛地既我！簡簡單單嗌左個鮮茄手打豬肉丸獅子狗米線，蕃茄湯底，蕃茄唔算太多，勝在清清地夠晒清新，豬肉丸煙韌彈牙，唔錯！唔想等位又想食個飽肚又抵食，一個人黎呢度食都唔錯丫！

今日天氣涼左好多，與友人去米線陣試下佢既蕃茄米線，但食完之後，我就愛上左，放棄左譚仔！友人叫左碗蕃茄大辣～～加左雲吞同豬大腸，中意食辣既人會上隱越食越好食,實在太令人回味，味道調教得很好 係一碗很出色的米線

之前聽朋友介紹話好食，所以昨晚去銅鑼灣分店試食。一試真的好難忘，個人口味最愛麻辣番茄湯米線:酸辣適中，鹹骨夠淋，豬頸肉夠爽，龍眼冰 冰多比較淡咗D，會再去試食其他。

Mixian Sense is chain of restaurants that feature vermicelli noodles. They have many throughout Hong Kong but recently they have opened in Causeway Bay.I came here during afternoon tea session where they only have an afternoon tea menu. Menu is in Chinese only. There is no 10% service charge. Tea sets include a drink (add $1 for cold). They have  table service but you pay at the cashier.Sets on offer are soup noodles.And snacks.I  ordered vermicelli noodles with pork balls and wonton with seawee

而家連銅鑼灣都開左米線陣，我呢個南區人終於可以隨時去食啦😎👁‍🗨 滷水牛展+彈牙魚腐+農埸蕃茄湯底米線(7.5/10) 💲45個個都話米線陣既蕃茄湯底好正，對於從未食過米線陣既我，緊係叫番個離試下，正所謂聞名不如見面😂食完之後亦都果然冇令我失望，蕃茄湯底就咁聞就已經覺得好香，係好濃郁既蕃茄味🍅怕酸既你吾洗怕，因為成個湯底偏甜，但絕對吾係假既果種蕃茄湯底，所以可以好安心咁邊食米線邊飲蕃茄湯😻至於配料，我就揀左我想食既滷水牛展同彈牙魚腐，滷水牛展夠哂腍，彈牙魚腐同個名一樣真係好彈😮以後去銅鑼灣吾知食咩或者冇咩錢既時候，我可以食佢啦，價錢平又好味🤓👁‍🗨 香菜濃湯餃子皇(+$5米線) (7.5/10) 💲38同行既朋友就叫左呢度既其中一個皇牌推介，香菜濃湯餃子皇，不過因為佢$33呢個價錢只係得四隻餃子冇米線，如果想食米線就要加$5或者叫套餐先有，所以就加左$5要個米線🍲吾好以為餃子個size係一般size，呢度既餃子比我預期中大隻好多😦而且隻隻都好足料，入面係豬肉椰菜加粉絲，重點係粉絲，因為好少機會食倒餃子入面有粉絲架😳至於個香菜濃湯湯底清清地，又帶點點荽茜既味道🌱，都絕不比蕃茄湯底失色，岩

得知銅鑼灣翡翠明珠廣場重開food court，地點實在太方便，而且入面有好多唔同種類餐廳，大部份都好親民，所以今日返工之前就嚟咗食。大汗豬扒擔擔米線 $43一來到已經麻香撲鼻，好吸引湯底濃稠，每一口米線都能吃到豐富的醬汁醬汁除了麻辣香還有花生香辣到剛剛好，有點刺激但又不會太辣吃完不禁出了一身汗果然沒改錯名呢豬扒大塊而且份量多入口鬆軟可口炸粉不厚而且豬扒面頭有大量調味料呢個價錢喺銅鑼灣食到一餐晚餐，好抵食呢！