米線陣 (翡翠明珠廣場)

營業中

休息中

分別連續2日黎這家米線陣食 lunch，因為第一日我叫左麻辣番茄湯，但店員落錯左單呀，黎到只係番茄湯😑。但都算啦，因為午餐時間比較多人，所以我就無叫店員換給我，怕要等😝，2個人都算抵食。再加上我地用埋支付寶付款，有$5 獎賞可以扣除，都係共比左$100👍🏿。今日都忍不住就行左黎米線陣😝😝，都係要食返佢個麻辣番茄湯😍😍，真係好滿足呀，每次諗到想食呢個湯底，好自然d口水分泌就湧上嚟😂😂，真心覺得抵食又好好食，讚👍🏿👍🏿👍🏿。今日都再用支付寶付款，又有$5 扣減，真心 like 💜

平時食得譚仔、雲桂香多，今日想食米線就試下米線陣啦，裝修其實唔錯既、乾淨清新既感覺，但食物就真係好一般啦。一碗米線都40-60蚊左右，未包飲品，可以加十幾廿蚊要個小食，我地加左一個青瓜牛𦟌粒，一上菜覺得比想像中細碟，實物牛𦟌粒好細粒，菜單影得大粒d囉....兩碗米線好一般....餸既份量唔算多，米線質地ok湯式不過不失啦，始終唔會及得上人地正宗雲南米線。總體係唔抵食，每人$70-80食米線既價錢可以食得更好，所以唔會有下次。

米線陣之前係屯門食過一次，覺得又平又好食😋😋。今次就係銅鑼灣呢間又試下好唔好食先😊😊。裡面沒有位，唯有坐出面。叫左個魚蛋麻辣番茄湯米線🍜，嘩！好濃番茄味呀😍😍😍再有麻辣加埋，超喜歡食喔😍😍😍，正👍🏿👍🏿而且又抵食，都係五十蚊度，包埋飲品，推介。

獨自午膳，心思思又想吃米線陣。同是米線，但和三哥、譚仔的雲南口味不同，是 「港式風味」 的，但感覺又比同是港式的車仔麵高檔一些。下午一時多到達，輪候時間不長，很快已獲分配入座。反而下單後等待食物時間更久。大汗豬扒擔擔米線擔擔面湯底有花生碎、肉燥，很濃很香，配菜還有榨菜和少量芫茜，辣度適中。米線爽口彈牙。豬扒份量相當大方，足有成年男子一手掌大小，炸得外面乾身，內裏鮮嫩。豬扒底下還配上乾辣椒、蒜，很惹味。十分推介！

點菜可以用手機點。自助服務是不錯，但有點難用。個網站有bugs. 入左3,4次先成功。米線湯底毫無味道。米線是硬的，未熟。菜心似係用清水煮only, 仲要又係未熟透。米線裡的雞，雪味令人難以接受。雞肋也不如。叫了個紅豆冰。紅豆又係生既。唯一可以接受的為雞翼。正正常常。味道濃啲。可以遮醜。價錢比一般米線鋪貴成$10- 20。卻是終極難食。服務還可以，上菜幾快。不過我吾係黎食裝修同服務。食到我一肚火。絕無下次。

今日睇完醫生之後，肚餓又唔想食飯，腦一時間諗起米缐陣，就去左銅鑼灣百德新街嘅明珠廣場間米缐陣。今次去到，餐廳加入左自助電話落order，非常方便，如果唔識，叫待應落order都可以，餐未到，係等嘅期間，就留意到餐廳啲待應對客人好有禮貌我揀左優惠午餐嘅濃茄牛肉鮮蝦雲吞米缐，凍鴛鴦。蕃茄湯落唔夠濃，但都好味，我都飲左大半碗湯😂牛肉好有牛肉味又夠腍，雲吞入面有成兩隻，蝦仲好大下，蕃茄粒好甜好新鮮，還有芽菜和腐皮，令碗麵豐富好多

侍應幫我落完單，俾番張單我。等左10分鐘，我見附近食客比我遲到達餐廳都已經有野食，忍唔住追單，追問下先發現原來係漏單🙄我明白午飯時間餐廳比較多人，食物要等耐啲；我明白侍應比較忙，所以要等多陣先有人應；我明白餐廳設有自助下單可減輕侍應工作；咁依家係咪叫侍應下單佢地唔會識，每次要啲客自助下單丫？咁要咁多侍應嘅用意係...！？我已經唔係第一次喺呢度食野漏單！侍應連最基本幫客落單都唔識，又鼓勵客人自助下單，呢啲另類服務我接受唔到。

我最愛的米線陣，嘗試過麻辣番茄湯底就會深深愛上而每間米線陣的質素都好不一樣，我試過觀塘，馬鞍山和銅鑼灣，發現銅鑼灣係最好的👍🏻，而且晚市有一個滋味二人餐$169,超抵食!今次佢有新的combination,之前係可以揀二碗一送嘅米線，今次只可以有一窩叫豐盛小窩米線，米線分量係一個人多少少，只係餸就多左好多，但無得自由選擇自己 喜歡嘅餸，其實我覺得冇咁好！我們倆人揀左川辣口水雞，蜜糖檸檬雞翼三隻，濃湯菇菌唐生菜，再跟2杯飲料。今次最有最有驚喜係蜜糖檸檬雞翼，因為真係好好食，蜜糖同檸檬夾得非常好，口水肩份量就比較少。總括來講，呢個晚市2人餐非常之抵食！

年頭幫襯過一份早餐，發了一個負面食評，從此就沒有再去了。前兩天經過，發現早餐差不多坐滿，心想再比多一次機會給他，但就不再叫上次吃過的家鄉榨菜肉鬆薄罉，而是珍珠餃子米缐+咖啡。先喝一啖湯，不錯喎，湯底是用鮮魚。跟着是珍珠餃子，細細粒容易吃，想不到皮薄饀靚，五臓俱全，陣陣韮菜芬香撲鼻。而米缐份量足夠，軟滑得来又有点煙靱度，不太爱吃米線的我亦覺滿意。再加埋一杯即磨咖啡，只收$29，今時今日算系物超所值，喜出望外！

朋友話米線陣個蕃茄湯底好好味 要同我地黎食！ 不過我最後都係食返 剁椒麻辣湯底！ 我地一行四人，叫了2個2人套餐，有特飲有小食同埋米線，還有菜，以銅鑼灣價來說價錢都尚算實惠！ 但剁椒湯底就求其左小小，似加左個湯包落去就算😂😂 好彩座位都算闊落 又唔多人！ 都坐得舒服！ 加返分！

我經常食譚仔米線因為自己食野口味一般都比較重。譚仔米線嘅湯底味比較濃。好啱我口味。但偶然間如果想食得比較清淡就會揀米線陣。我底線陣有提供各樣餸菜比大家自由配搭。亦有一啲米線嘅款式pre set 左俾大家揀。湯底選擇都多。麻辣底番茄湯底麻番茄湯底上湯等等。間舖位屬於翡翠明珠廣場。大半年前到完成裝修， 裏面都係大家樂集團旗下嘅餐廳。米線陣、大家樂、spaghetti house 、上海姥姥。由於新裝修嘅關係， 環境舒服、座椅安排寬闊、加上服務唔錯。侍應一般都會任食客選擇自己喜歡嘅座位。今日選擇咗食蕃茄湯底肥牛魚腐米線。加左金菇。飲凍檸茶。先講米線。米線本身質地還可以。蕃茄湯底感覺上比較淡。肥牛肉身太薄。分量亦比較少。金菇非常之林。麻麻地。凍檸茶。味道唔錯， 茶味都算香。我間中都有返嚟食。質素不過不失啦。主要係因為喜歡嗰個環境舒服。而其實米線嘅份量都算多。冇叫小食感覺到食得幾飽。

和朋友在銅鑼灣行完街的抵食又健康之選莫過於米線陣，我在尖沙咀吃過一次，感覺蠻好吃的，不過那次只叫了一碗米線，今次我們二個大吃貨叫了個2人餐，完全滿足我們大吃的胃口2人自選米線加可以自選3個餸，當然是餐廳內二人餐的選擇，但真係好正，哈哈，而且仲可以選擇特飲，唔洗再成日飲檸茶檸水，不過我個番茄湯味道不夠濃郁，而那個雞就比較老不過唔食雞都有其他餸簡，如果好餓又想食平少少，呢間算唔錯嫁啦

銅鑼灣想食米線嘅話黎黎去去都係南記有時想食下新野，就會去米線陣食下佢嘅皇牌套餐，銅鑼灣晚市黎講係幾抵。不過今日食嘅係下午茶餐，叫左麻辣肥牛餃子米線仲包左熱飲或汽水，其實包埋野飲就係幾抵嫁。麻辣可以揀辣度，對於我呢啲唔太食得辣但又想過下口癮嘅人黎講係非常適合嘅辣度。揀左微辣。肥牛份量適中啦，薄薄的，每碗米線附有芽菜 蔥 芫茜 腐皮 份量較少。米線是南記嘅粗幼，不是譚仔個種。餃子勁大隻，個皮煮得太耐，一掂就散，好粉口餃子入面係有肉 菜粒 竟然仲有粉絲 除左餃子皮唔Ok 味道是不錯

除咗譚仔之外米線陣亦都係一間好出名食米線嘅店舖 咁就眼睇想去其實連啲配料都係同譚仔差唔多不過係唯一湯底有少少唔同首先譚仔佢係用幾多小辣而且都有好多種，而米線陣呢度只係用微辣小辣中辣或者大辣來評級而且湯底方面有多咗個蕃茄麻辣湯底相比於譚仔嘅番茄湯底呢度嘅番茄湯係龍澳啲而且加咗落之後更加 滋味 配料嗰方面其實 冇咩好比較 唯一推薦就係豬軟骨或者雞髀肉呢兩個都係氹仔冇嘅餸而佢哋又做得好好同米線都好夾 飲品方面就都係偏貴小小建議帶定嘢飲去

剛在銅鑼灣放工的我同滿街都是人群， 今天是母親節， 想同媽媽去食一餐豐富的晚餐，但去到每間餐廳都排了長長的龍及滿座，媽媽即時說不要緊的，開心便是日日都是母親節，就提議左去米線陣食米線•因為今天是母親節所以大多數人都會揀一些中西菜的餐館， 而我哋就選擇去食米線麻辣番茄肥牛米線$72，番茄甜甜酸酸加上麻辣味道， 也是第一次食，味道相當特別•我的至愛蒜泥白肉，分量少了些，但味道卻十分入味•食米線之餘亦也有很多其他的配菜•多謝媽媽的體諒等我，而品嚐到米線陣的味道.