米走雞 (昭德大廈) (已結業)

冬天最開心就係可以瘋狂打邊爐！今晚約咗人去米走雞，去食雞煲，食到個人暖粒粒～呢度係芝士雞煲出名，不過我哋已經試過幾次，所以今次就點咗火焰麻辣雞煲，味道都好惹味。我哋嗌咗細份，不過份量都好足夠兩個人食！我鍾意佢呢度啲雞菲切得好幾大件，咬落啖啖肉，好味😋之後就點火鍋配料，佢可以要一份或者半份，咁就可以試多幾款～ 今次都order咗好多款：特級雪花肥牛(小)芝心丸 (半份)貢丸 (半份)海膽丸 (半份)鮮炸響鈴 (半份)生菜 (半份)牛柏葉 (半份)雪花肥牛唔錯喎，性價比好高！鮮炸響鈴係必食推介，點落啲湯度，吸晒啲汁好好食～最後再食個公仔麵，飽晒！

天氣凍就想食雞煲，又唔想食辣，一於就去米走雞食芝士雞煲啦！自創黃金芝士雞煲(小)$198呢個份量夠二至三個人食，可以選擇芝士分量，個人建議梗係揀激量啦～滿滿嘅芝士鋪滿雞煲上邊，溶解之後每一件雞都包裹住大量芝士，真係超級邪惡！雞件大件又嫩滑，大部份都係雞脾肉。其他配料仲有洋蔥🧅中芹同埋芫荽，份量好多，食完都已經差唔多飽咗。紫薑流心皮蛋$30紫薑唔會太辣，可以減低飽滯感。皮蛋都係唔錯嘅前菜。食完雞煲之後，加湯再打邊爐，叫左幾款食物：手打五寶拼盤$54魚皮餃半份$22午餐肉半份$24蜂巢豆腐半份$26娃娃菜半份$26出前一丁$18芝士兩片$12五寶拼盤有驚喜，全手打系列蝦丸、墨丸，好彈牙又大粒！另外，我嘅隱藏食法就係最後要加個出前一丁，唔落味粉，煮好再加兩片芝士落去溶左佢，食埋芝士撈丁，終極邪惡～飽到爆了。

約左個老朋友食飯, 網上見到有人推介　@runningchicken_hk ✨🧀🐓芝士雞煲好正, 就黎長沙灣呢間試一下😋因為我地兩個🧀芝士控, 一黎就毫無疑問叫半份芝士雞煲, 落單既時候, 落單紙上有細心remark 可以加埋芝士碎, 但佢寫明芝士碎有少少酸, 我地就叫左少量芝士碎 , 一黎個雞煲, 員工好細心提醒千其唔可以攪動, 我地就乘乖咁等食啦 … ( 焗左分零鐘 ) 一開蓋係超級香芝士味, 食落芝士味都好濃, 同埋食落啲雞肉仲好嫰滑, 一啲都唔「鞋」, 唯一係佢個芝士碎原來食落都唔係真係太酸, 芝士控既我覺得下次可以要中量都ok ( 🤣可以不用相信個溫馨提示, 縱使其實有提示係超窩心服務👍🏾 ) , 雞煲所有配料都索曬芝士味, 連最難好食既芫茜都變得好食左, 真係不得了~ 🌻🌻🌻🌻🌻之後就當然要落埋湯打邊爐, 所有材料食好新鮮, 特別推介個響鈴好似係佢地自家製, 因為好香脆, 完全唔油益味, 我地兩個人都食曬成份響鈴(6條) 配埋啲芝士湯真係好好味, 我覺得都係必食推介🌻🌻🌻🌻🌻呢間高質芝士雞煲, 鍾意雞煲既大家都推介去試試👍🏾👍🏾--------

天氣終於開始轉涼，開始瘋狂打邊爐既季節了😆打頭陣就食返個雞煲先！火焰麻辣雞煲叫得火焰，真係會有火😂店員點火後就會主動幫手炒下雞件，我哋坐定定等食👏小的size對兩人黎講都幾多，食晒啲雞都飽左一半😅但係啲雞好滑，好入味，點都清得晒🤗手切新鮮牛頸脊之後當然就加湯打邊爐啦，牛頸脊紋理靚到不得了，入口夠爽滑，牛味又濃👍🏻菠菜豬肉餃 十分推介！菠菜好入味😍竹笙墨魚滑呢個好得意，一開始以為佢淨係俾左竹笙😂原來墨魚滑已經釀左喺裡面，超彈牙，啖啖墨魚鮮炸響鈴係鮮炸！唔係平時街市現成嗰啲，夠誠意👍🏻

今次嗌左芝士雞煲細份，兩個人食，一上枱就聞到好香同埋見到有好多芝士。好鍾意係米走雞食雞煲，一來雞嘅份量好足，二來就係佢地通常係用雞脾肉，比較滑身。好多洋蔥好甜好好食，另外叫左肥牛，公仔麵同響鈴。啲雞食到7788就叫佢加啲湯轉打邊爐mode啦，今次個響鈴有啲失色，之前係太子店係觀塘店食，都feel到佢響鈴係有炸/即炸過，今次係偏淋身，我同男朋友都覺得：咦好似有啲唔同另一樣野係長沙灣店竟然係醬料要另外收費，雖然豉油唔駛比錢，但當你問啲姐姐拎豉油，你會feel到佢個股唔願意

現在秋意涼，所以很自然就選擇食火鍋，今晚食的是長沙灣的米走雞。 餐廳裝修企理舒適，侍應服務態度都好殷勤。 menu有雞煲、火鍋及小菜。惹味沙嗲湯$88 沙嗲湯底真是名副其實的惹味，裏面有很多豬皮及芫茜，豬皮吸收了火鍋肉味的湯底，夠滋味的。五香鮮牛肉$98五香鮮牛肉，份量頗多，牛肉鮮嫩，食落香口又軟嫩，非常抵食！！鳳城水餃 $54 鳳城水餃有4隻，脹卜卜的很大隻，裡面有蝦及瘦肉等，味道很鮮甜！蒙古羊肉片$148蒙古羊肉片的份量也頗多， 顏色橙紅橙紅的，肥瘦適中，很香羊味，真的抵食美味！！蔬菜類要了生菜至於飲品要了可樂汽水食得滿滋味的~~

天氣轉涼，係時候要食下雞煲，打下邊爐。😉唔想次次都食重慶麻辣雞煲，今次就特意搵左間特別小小既餐廳，試下佢地自創既芝士雞煲。🙃🌟自創黃金芝士雞煲（小）（$198）原來呢個芝士雞煲係由五款芝士製作而成，難怪芝味十足，完成滿足我呢個芝士控既願望！😚芝士份量可以先行選擇，我地揀左普通已經十分足夠，想再濃味啲，甚至可以揀激量！😜雞件十分嫩滑厚肉，夾起黎既時候仲有小小拉絲效果，捲起啲芝士一齊食，真係大滿足～😋🌟手打五寶拼盤 半份（$58）一個價錢可以食曬五款手工丸，正！🤩手打鮮墨丸墨魚味十足，仲食到粒粒墨魚，十口爽口彈牙。手打鮮蝦丸同樣十分足料，滿滿蝦肉，鮮味十足，質感緊實彈牙。手打鯪魚丸亦都十分鮮味，完全唔腥。而手打豬肉丸及手打鮮牛丸同樣肉味濃而彈牙！🥳🌟哈哈蝦中寶 半份（$69）食完手工丸之後，就特別想encore 蝦及墨魚類既食材！🤓呢份蝦中寶真係好出色！大大粒蝦膠入面mix 左好多蟹子及鮮蝦肉，口感豐富彈牙有嚼勁之餘，味道仲極之鮮美，鐘意食蝦滑既朋友一定唔好錯過！🤤🌟竹笙墨魚滑 半份（$49）將墨魚滑放進薄薄一層竹笙內，真係第一次試呢個配搭，但同樣令人驚喜，我地兩個人都讚不絕口！🥰墨魚滑

呢排天氣轉涼，好自然想食番個雞煲暖暖個身，入到米走雞就好快安排到座位，兩個人去都可以寬鬆卡位坐，入面冇咩油煙味，感覺舒服！因為唔食得辣，所以選左芝士雞煲 。黃金芝士雞煲份量都多，兩個人分嚟食，都有6-7成飽，雞肉都好嫩滑。值得一提芝士湯底味道濃郁，但又唔會蓋過雞肉既蘚味，奶香濃既芝士氣味，惹味又好可口！後上火鍋配料有魚皮鮫，手打鮮蝦丸同鮮蝦雲吞。上菜有效率快，爽口彈牙，冇咩魚膠味。呢間雞煲對我嚟講滿意，一嚟嘢飲選擇多，一般食材都有得選擇。特別係丸類同水餃用料十足。性價比高。

秋冬又到咗圍爐嘆雞煲嘅時候米走雞嘅黃金芝士雞煲令人食過番尋味🤭每一件雞夾起都帶住邪惡嘅拉絲雞肉啖啖細緻鮮嫩😋佢地採用咗車打芝士、巴馬臣芝士、大孔芝士等等合共五種唔同嘅芝士打造濃郁嘅芝士汁搭配咗洋蔥、中芹同埋芫茜做香料超加分☺食過一次真係返唔到轉頭～食完雞店員會埋嚟幫手加湯怕芝士味太濃太搶可以選擇加雞湯但我作為一個芝士迷就梗係揀埋濃厚嘅芝士湯底🤭佢搭配其他火鍋配料都一樣咁夾咁好味而且口味夠曬香濃完全唔需要點其他醬汁霜降牛頸脊雪花分佈均勻細緻油香豐腴 口感軟嫩又唔會掩蓋過牛味佢地多款火鍋配料都非常有特色好似壽司咁大件嘅哈哈蝦中寶🦐上面有原粒蝦仁 質感鮮爽彈牙滿滿蟹子更添一重爽脆口感 更加錦上添花火鍋必點嘅手打五寶拼盤有墨魚丸、蝦丸、牛肉丸、豬肉丸同埋鯪魚丸 一次過試曬唔同款式🤗我最鐘意豬肉丸充滿肉汁香味牛肉丸亦都富有濃郁嘅牛香 墨丸彈牙有嚼勁👍🏻講到呢個手打墨丸 延伸到佢地嘅竹笙墨魚滑喺爽嫩脆口嘅竹笙裡面釀入飽滿扎實 口感超爽彈嘅墨魚滑加上竹笙落鍋後吸滿濃濃嘅芝士湯汁 層次分明豐富❣最後嘅稻庭烏冬簡直係邪惡嘅靈魂😈每條煙韌烏冬都掛滿芝士汁 帶嚟極致嘅味蕾享受😋芝士迷一定要快啲去試下啊🥰

【米走雞】主打雞煲火鍋，2014年開業至今，以"黃金芝士雞煲"聞名。在旺角、長沙灣、銅鑼灣及觀塘均設分店。長沙灣店裝修風格以本土文化為主，Tiffany Blue主色調配上霓虹燈牌，坐位寬闊舒適。餐牌選擇豐富，除了招牌"黃金芝士雞煲"與大受歡迎的"火焰麻辣雞煲"外，最近還加入了大熱的芫荽，推出"爆荽雞煲"。火鍋配料方面，有自家手打鮮製的肉丸餃類、海河鮮、肉類、裹品、蔬菜菌類、粉麵及涼菜等近百款選擇。點了小的"黃金芝士雞煲"，湯底以車打芝士、巴馬臣芝士、大孔芝士、水牛芝士與卡夫芝士，5款芝士調製而成，濃稠竭身，芝香十足。選了激量帶微酸的芝士碎，拉絲度高，非常邪惡。雞件肉厚而嫩滑，每件都沾滿了濃郁微鹹的芝士漿，有種叫人吃不停口的魔力。湯底加入洋蔥、中芹、芫茜等配料，不但增添了甜味和香氣，也帶來爽口感。吃完雞件後可加芝士湯或清湯打邊爐。點了"脆鯇片"，脆肉鯇以獨特技術養殖，肉質爽脆有彈性，新鮮味濃，無骨啖啖肉吃得暢快。吃了那麼多肉類，點了多款蔬菜菇菌平衡一下。這裡多款火鍋配料可選全份或半份，就算人少少也能多試幾款。

手打嘅牛肉丸，美國肥牛，同埋呢度出名嘅芝士雞煲。鍾意食火鍋嘅你，點可以錯過呢一間樓上嘅火鍋店。主打芝士雞煲火鍋，食完左之後，你仲可以加特製嘅芝士湯底落去打邊爐🍲真係非常之滋味。今日同朋友一齊嚟試咗下，仲叫咗我哋最鍾意食嘅鮮牛肉，作為牛魔王真係好享受🥰芝士雞煲新鮮滾熱辣，用個煲蓋着之後，啲芝士加熱左之後好容易就拉絲😍加上新鮮嘅洋蔥，口感更加清新。雞肉每一舊都好大塊，而且少骨，食落去啖啖肉，好鮮滑。啲牛肉同樣非常正，新鮮嘅牛肉，手打牛丸，非常之彈牙，見到係真材實料。我哋仲加咗配菜豬紅等等，邊爐真係好過癮。

朋友話帶我食好野就嚟到👉🏻 米走雞👈🏻 食出晒名嘅雞煲，試下係咪咁好味先😋..👀入到餐廳環境幾好，座位夠闊落，空間感十足，打邊爐梗係要坐得舒服，先食得開心㗎喇➰..“黃金芝士雞煲”(HK$178 @ 2-3人份)落單果時有得選擇芝士嘅份量，我揀咗激量芝士🙈 所以上台見到芝士好澎湃，仲有其他食材包括洋蔥、中芹、芫荽…. 雞肉係超嫩滑配上拉絲芝士 ，正❤️ .“手打五寶拼盤”(HK$48@半份)心思思想試晒所有口味，呢碟就最啱啦‼️可以試晒五種口味，而且口感彈牙，個人超推介蝦丸👅 ..“手切新鮮牛頸脊”(HK$138)牛頸脊味道濃郁，雪花均勻，煙韌有咬口，好好食👏🏻..“鮮製五拼餃”(HK$58@半份)粒粒都好大粒，見到好超料，特別係鮮蝦雲吞，外皮滑，蝦肉夠爽口，唔錯呢😊.“竹蓆茅根”(HK$68@一壺) 呢個竹蓆茅根味道唔會好甜，幾岩打邊爐飲👌🏻

*食物*雞煲味道偏甜，肉質雖然鮮嫩，但是整體而言沒有太大的驚喜，甚至有點失望。而且辣度也不夠，實在太甜了。其他食物就好像君子之交一樣淡而無味，原因是湯底沒有味道，點了五色丸，吃了一口墨魚丸直情想吐出來，沒有味道，好像咬一舊發泡膠一樣。打邊爐東西再好吃，湯底不行就是不行。其餘食物，例如那個什麼哈哈寶丸，也是被湯底毁於一旦。何等的浪費。*價錢*點的是中辣雞煲，後來覺得不夠辣，還有點太甜，所以要求加辣。但是原來加辣也要加錢！？ （加$10）那麼為什麼大辣中辣小辣BB辣是同一價錢？ 這樣收費有點不合理。但我們也加了。*服務*服務一般吧，中間有投訴過味道不夠，店員想要試飲一下湯底，純粹喝湯覺得沒有問題就沒有再解決問題了。我明白不是每個顧客都如我那般喜歡吃辣，喜歡較重口味的食品，但是有沒有心解決問題是感受得到的。除此之外姐姐們的服務也很熱切。*環境*也可以，算坐得舒服。但是因為早去，沒有很多人，到我差不多走的時候就開始多人了，開始感覺有點迫夾。

雖然減肥係一世嘅事業，但有時都要放鬆吓，食啲邪惡野，今日就嚟食芝士雞煲😈餐廳環境好企理，枱與枱之間有好足夠嘅空間，就算放咗防疫嘅隔板，都唔會覺得逼夾。芝士雞煲叫咗一個小嘅，兩個人食非常足夠。芝士味非常香濃，熱辣辣嘅芝士配埋滑嫩嫩嘅雞肉，超級大滿足，而且份量好多，我哋一人食咗好多舊都食唔晒。食完雞煲就加芝士湯打邊爐。叫咗一份羊肉，賣相都幾靚，食落有羊味但唔騷，就算淥耐咗都唔韌，滿意。蜂巢豆腐上枱嘅時候係幾舊大冰塊，嚇咗一跳。超級多窿，非常之吸湯汁，而且口感軟得嚟有少少咬口，好快就食晒。粟米份量唔算大，但超級香甜，好食。油墨菜細得乾淨，切得整齊， OK。整體來講幾好味，又好坐，店員招呼亦好，有笑容，絕對有下次。

今晚朋友約左我食久違了的雞煲😋呢度主打芝士同麻辣，我同朋友都覺得雞煲要配麻辣先夠惹味刺激🤣我地叫左個細既火焰麻辣雞煲(一隻辣椒)，細份手切新鮮牛頸脊，半份竹笙墨魚滑，鵝腸，一個白飯同一杯咸檸七～落完單店員好快就送左個雞煲黎😍 然後幫我地點火，好吸睛，影相厄like一流🤣雞肉件件都好滑😋個雞煲一開始食對我哋嚟講都幾辣，不過加咗湯黎煮其他材料就啱啱好😁手切新鮮牛頸脊雪花分佈好靚😍 牛味濃郁，肉質嫰滑，用料果然靚👍平時好似比較少見到有竹笙墨魚滑，原來都幾夾😯外層既竹笙爽口兼索晒個湯底，裏面嘅墨魚滑係呢度自己手打，非常彈牙！咬落去爆汁口感豐富🤤🤤鵝腸份量都幾多，洗得乾淨👍一開始果幾條烚得太耐好韌😂 之後識得控制時間就好食好多，配埋個惹味麻辣湯底一流🤣我地7點黎到果陣無乜人，估唔到平日夜晚坐坐下都full晒😯 難怪朋友指定要黎呢間食雞煲，果然好介紹😊