粥地海鮮粥底火鍋

營業中

休息中

又到大埔覓食啦，除了大埔墟多出色小店食肆外，其實位處係太和附近的薺墟直街都有好多好野食，最多一定係食邊爐雞煲店，今次見到有間新野，就係專門食海鮮粥底火鍋，以人頭收費，想食其他料可以係套餐以外再加購，都算係明碼實價。今次5個人食，有肉蟹、元貝、鮑魚、花甲、番薯蜆、金古泥鯭、基圍蝦、基本上一定係每樣每人都會食到少少咁，每人200蚊左右，已經好抵食。食食下原來都飽飽地架! 只要按返佢店內有嘅教學，跟足次序同時間就得。計算時間都係重要架，所以不時都會聽到幾台客一齊用Timer!! 海鮮大部分都算新鮮，只要點少少豉油都已經有夠味。最後食埋個最重要的粥，鮮甜到呢…因為一直都冇加過水，海鮮味愈煮愈濃。另外仲點左即炸鬼緊蝦膠，外脆內軟👍🏻

已經嚟過呢度食第三次！水準依然保持到。首先會先食藥膳雞煲， 啲雞超滑，雖然有啲肥。食完雞就會食海鮮，海鮮都係好新鮮，送上嚟嘅時候好多都仲郁緊。今次嘅鮑魚同埋聖子都唔錯，非常鮮甜。之後就會想其餘五款火鍋料，嗌咗牛肉同豚肉，加啲蔬菜。火鍋質素都唔錯，份量唔係好多但兩個人絕對夠食。另外呢到服務態度幾好，第一次嚟食嘅話職員會為你介紹點樣食最推薦。最後啲海鮮再加埋其他火鍋料最後煲出嚟個粥勁好食！超級鮮甜又唔會太鹹位置有啲唔顯眼，如果唔係應該更加多人認識到呢間店舖！不過好驚到時多人又好多人排隊不過坐嘅位置狹窄咗少少，但呢間店舖絕對值得一試！

老公之前食過話麻麻地所以冇諗住帶我去試，但今次大家都有驚喜！😍店員非常勤力細心，好留意客人需要，主動調火加水換碟，服務我好滿意呀☺仲要唔會好似鍋心咁食淨好多咁浪費，係剛剛好剛剛飽😎.🟥藥膳雞煲🐔配粥底火鍋🟧雞煲唔係炒雞，係藥膳湯底雞，湯底足料，香甜酒味及淡淡藥材味。而雞件值得一讚😍因為好嫩滑好juicy，連雞皮都好鮮甜！.🟨8款海鮮🟩食完雞煲，上8款海鮮，再上5款配料。海蝦，扇貝，蟹，蜆，鮑魚，貴妃蚌，泥鯭海蝦🦐超級新鮮跳跳紮，彈到我濕哂，又爽口彈牙蟹🦀超級多膏♥唔係十分大隻但勝在肉質好鮮甜.✨✨!! 配料必食推介!! ✨✨🟦美國精選肥牛🟪份量唔多，但雪花均勻，薄切唔老，入口係香濃牛味😍貴精不貴多.⬛黃金花枝棗⬜老闆娘介紹的招牌菜🦑食得出係自家製~其實似墨魚味的獅子狗，濃郁墨魚味配輕炸過的外皮，甜甜的。.去到最後就食粥，平時出面食都係加生米，呢度係加飯，連粟米南瓜粒，好快熟。綿密的粥滲著雞湯的酒香及海鮮的鮮，仲食得出蟹膏的甜♥♥平時肥 pat先生去到呢part食兩啖算，今次竟然食2碗！！😏😱

老實講閒閒地食餐好啲既海鮮都講緊$500-$700人均消費，不過呢間價錢都算平，埋單每人都係三百幾，而佢呢間餐廳提供既海鮮都算新鮮🤪🤪🤪味道都好好味，粥底多甜又綿👍👍👍👍特別要讚佢既蠔，真係有手掌咁大隻即使煮熟左都唔會縮得好勁😁而且食落好鮮甜🤪整體黎講呢間既service 好好，啲員工都好nice，價錢方面都算平，出餐速度快。如果身邊有朋友係海鮮愛好者😍😍😍😍我都推介可以黎試下呢間✊

今日特登入黎試下我friend推薦噶粥底海鮮火鍋～因為本身唔係好好粥～所以叫嘢食果陣都打算唔要個粥 個老闆話唔食個粥一定後悔 最後我都係話咁到時睇下飽唔飽先 今次揀左藥膳雞煲+海鮮粥底鍋 啲海鮮勁新鮮 仲識跳 材料上曬之後 員工都會過黎好耐心咁解釋應該落邊樣野食先 海鮮又要煮幾耐 藥膳雞煲好正 海鮮食落好甜 最後係老闆推介下都加左少少粥底 哇 個粥真係好鮮甜 真係唔食會後悔 不過今次太飽無加到配料鬼馬雙星呢個配料 睇到隔離檯食好似好正 下次一定再黎 支持小店

海鮮+藥膳雞有一日中午經過，嘗試他的午餐，覺得不錯，又看到有一台食客正在吃海鮮粥底火鍋，看見海鮮好似好新鮮，於是便預訂了星期五晚上吃。當晚，服務員很親切友善，他推介我們吃藥膳雞+海鮮粥底火鍋，這樣會比較鮮甜丶好味，五款食品我選擇了肥牛(好味)丶豚肉(肉很鞋，淡而無味，不建議吃)丶蟹柳(可以)丶花枝丸(一般)、還有鬼馬XX(唔記得個名，一般)海鮮拼盤很新鮮，有蝦🦐丶魚🐟丶鮑魚、貴妃虴丶蜆(有些沙)丶帶子，每樣都好新鮮，洗得好乾淨，值得一讚。(配菜是粟米，芋頭粒及南瓜粒)吃完了所有食物後，服務員便會倒下米漿在煲內，不一會便成了粥，由於之前的海鮮及雞🐔，所以粥也很鮮甜美味我們每人也吃了二至三碗 ，非常之飽肚滿足。唯一不足之處是不包飲品，需要另外買。

食材真心高汁，食完雞同海鮮個湯好甜，落埋粥食冇得輸。伙記老闆都好好人。環境正常，晚市可以坐街邊食，個人鐘意咁食，好過商場入面逼逼gipgip。兩個人食咗600+，好飽，會翻食。OpenRice 係都要逼人寫200字，下面重複唔洗睇。食材真心高汁，食完雞同海鮮個湯好甜，落埋粥食冇得輸。伙記老闆都好好人。環境正常，晚市可以坐街邊食，個人鐘意咁食，好過商場入面逼逼gipgip。兩個人食咗600+，好飽，會翻食。

一間無論講服務態度,食物質素都非常好既小店所以今日決定再encore.海鮮一上到枱就知好新鮮 大部份都重識郁架,真係叫到先即刻囉上黎清洗,完全唔係已經死左或者放左一排果款. 而每張枱上面亦都會有張步驟紙提提你應該食咩先同煮幾耐既建議(好貼心服務) 海鮮包括有蝦,蟹,鮑魚,扇貝,蜆,貴妃蚌同泥鯭等等全部都真係好甜好鮮味. 隻蟹真係超爆多膏架而隻蝦碌完出黎個殼係脆,肉質爽口食咁多次D海鮮水準都係咁一流.價錢重非常合理添最緊要係小店既侍應每一個服務態度都真係好好,好細心.每句說話都以禮待人.真心推介大家可以去試試

仍然驚喜美味海鮮餐第二次嚟食海鮮新鮮特別一贊蟹爆膏😍😍😍最尾粥不得了👍🏻👍🏻👍🏻👍🏻👍🏻！另鬼馬（炸油炸鬼)不得了！好好食😋作為前菜小食停唔口！因為一d都唔油膩👍🏻👍🏻

平時夜晚食下海鮮同雞煲我諗生意難做，連中午都開🤦🏻‍♀️試左酸菜魚同重慶酸辣粉😋酸菜魚好足料好味👍重慶酸辣粉真係好好好好食，配薯粉一流會再encore 😌支持小店，老闆加油💪🏼

幾個月前住大埔嘅朋友帶我去食過，覺得好好味海鮮好新鮮，之後禁堂食再無食過，點知佢而家開午市😍朋友book位再去食，真係好新鮮d🤤d鮑魚仲識走㗎🤣我地2+1位分枱坐，同埋用公筷，本來店員話開多個爐比我老公，但我地烚完比佢所以拒絕咗，另外店員好有心機教我地落邊樣海鮮先，令個無味精嘅粥底越食越鮮味，之後好飽但最後個粥好味到飽都要食哂佢😋😋😋食到忘記影個粥嘅相😅每人2百零蚊就食到咁鮮甜嘅海鮮~好滿足呀~店仔細細但野食好有水準~見到午市好似仲有其他炒公仔麵，下次入大埔會再試下

一向好鍾意食海鮮， 經過門口見到圖片好似幾吸引 ， 就試下粥底火鍋🍲😋 本來好期待嚟到先知個粥原來冇咩味☹️海鮮又唔係咁新鮮 好似海鮮放落滾水都烚熟🤮跟本係將貨就價 失望至極呀😩唔會再幫襯😓😓

今次食咗雞煲加粥底海鮮火鍋食材新鮮，性價比極高因為太心急，無影晒啲食物，但主角 鮑魚 蜆 蟹 扇貝 魚都有影到蝦🦐好生猛 嚟到時仲會扎扎跳，淥嘅時候要夾實佢 小心啲（放唔到片，所以呈現唔到個生猛程度必追加食物 即叫即炸響鈴 鬆脆香口 墨魚符碌卷 外香內軟 真係超級好食另外加咗 象拔蚌 都好爽口心思思想嚟依間食雞煲好耐，但又好想食個粥底海鮮火鍋，原來推出咗個menu 可以滿足兩個願望 好開心😃個雞煲幾好食😋味道恰到好處，麻辣適中，好入味食完雞煲，會轉用另一個鍋去做個海鮮火鍋，因為食材新鮮，最後再濃縮嘅鮮甜海鮮精華加埋飯煮成粥 簡直一流 眼見都坐滿，建議事先訂檯

黎過呢間粥地食兩次，兩次啲海鮮都勁新鮮、鮮甜，清洗又乾淨，無試過有沙🤔所以食到尾幾飽都一定要食埋個精華粥😂😂😂老闆同店員仲好貼心成日會睇下你食成點洗唔洗幫手咁。有圖有真相，啲蝦蜆鮑魚仲郁緊不過影唔到，真係睇唔過眼，唔明點解有人話到佢唔新鮮又異常腥臭，大佬你覺得異常腥臭你唔係繼續放落口掛，仲要又咁乖科水找數，嗰個食評居心叵測啦🤷🏻‍♀️🤷🏻‍♀️佢價錢唔係平到跳樓價，但我一定話值得。P.S.佢個雞煲都勁好食!！叫左多洋蔥索晒啲勁香既汁，不過我唔記得左影相，真相要大家去試下鳥😂😂😂

母親節打算豪一餐去慶祝，因為阿媽鍾意食中餐，又唔想去酒樓比人錄鋸，就決定搵霉啲隱世餐廳揀食海鮮。搵搵下比我睇到呢間粥地，見啲評語好似唔差，就試吓啦！不過訂枱個陣先知要比訂金，老闆解釋完之後都覺得合理嘅，的確好多人訂完位又放飛機，人哋小店的確難做。去之前都有曬心理準備食細店，一定坐得迫啲，不過又比想像中好，至少食飯時唔會撞到隔離人手踭。點餐時就聽左店員嘅推薦，叫左海鮮鍋同雞煲，另外再加幾個招牌小食，食物方面就真係無得輸，我覺得海鮮要新鮮都情理中，又估唔到個雞煲幾滑，至少小食更加無得頂，連我男朋友出名嘴刁都讚不絕口！去相！首先係海鮮，樣樣都好新鮮，最驚喜係條魚都好鮮甜，我媽食魚專家，都話好食。然後呢個小食好惹味，墨魚油炸鬼，正！再黎呢個響鈴，無得輸！新鮮炸起，非常香脆，濕食乾食都得，必叫！雞煲就因為就阿媽只可以叫小辣，無咁惹味，但雞好滑。佢仲包火鍋配料5樣（掛住食無影相）我揀左肥牛（佢地話正）豬（呢個真係爭啲，唔太好食，唯一敗筆）牛柏葉（中規中矩）花膠仔（又幾爽口，味道唔錯）蟹柳（唔係一般食個隻，幾鮮甜）值得一讚係粥地跟嘅粟米非常甜，芋頭又好粉，估唔到除主菜外其他配菜都咁有水準。不過粥底係