粵舫老趙

營業中

休息中

這晚放工已經很夜了，與同事都很肚餓，便一起吃個宵夜才回家。印象中元朗的一家小菜館「粵舫老趙」很不錯，小菜都是即叫即整，很有鑊氣。餐廳裝修企理，新穎乾淨，與傳統的街邊大排檔不同，十分光猛，感覺舒適。 晚上十時多到達，也有數枱客人，可能越夜越精彩。 黑椒蜜汁薯仔牛仔骨來到小菜館，必點的菜式一定是黑椒蜜汁薯仔牛柳粒，但今次我點了牛仔骨，貪牛肉肉質會更軟腍。薯仔外脆內軟，而牛仔骨比較惹味，口感軟熟，每一口都有著蜜糖和黑椒汁的濃香，既可佐酒，亦適合下飯。蒜蓉開邊蒸海蝦在蒜蓉粉絲蒸過程中，粉絲可以吸收海蝦鮮味同蒜味，一點都不失色。而海蝦份量都很多，每隻都很新鮮和大隻，肉質鮮甜，蝦肉一點都不梅，烹煮的時間掌握得很好。豉椒炒花甲花甲份量多得驚人，隻隻都新鮮肥美，上枱時熱得燙口，鑊氣好夠。豉椒用來炒蜆是是百吃不厭的最佳配搭，豉椒香濃，花甲很肥美爽嫩，炒出特別香口惹味，而且鮮味無沙。濃濃的豉椒味特別加分，新鮮度同味道都合格，佐酒也不錯。「粵舫老趙」的小炒食得出是即叫即整，鑊氣也夠，而且餐廳環境新穎乾淨，感覺舒適，絕對是個吃宵夜的好地方。

開車出去想吹吹風，吸吸空氣。點知經過元朗橫行比燈光吸引住，旁邊就可以拍車。順便想食食宵夜，便停車試試叫粵舫，老趙的餐廳🍴天氣炎熱，先黎一支天地一號飲下，朋友就叫了啤酒。當然要配的小食，叫左個鮑汁鳳爪，味道好好味，鳳爪好溶。川辣京蔥炒大腸配啤酒🍻一流，不太辣味道剛好。再試試個剁椒魚雲，但少咗個飯，如果送飯絕配。小菜就叫左個風味干扁四季豆，好有小炒風味。冷氣十足

最近疫情轉好, 老公提議不如少煮一晚岀去食。附近的粵舫老趙, 餐廳光猛環境衛生之餘食物選擇都好大眾化。餐牌上的大龍躉兩味價錢好吸引, 兩吃先$188, 街巿買條魚自己整都要！金銀蒜支竹蒸班頭腩，選料有心思，蒸魚的鮮味滲入下面的粉絲同支竹夠哂入味。另一味Xo醬西闌花炒班球一上碟賣相已經好靚, 班球爽口。椒鹽雞軟骨香脆可口，椒鹽減去油膩感, 配唔配喼汁都好惹味。最後點了每次大排檔都必點的經典菜菠蘿咕嚕肉，酸甜醒胃好送飯！餐廳用了黑毛豬無骨啖啖肉，唔會太酸或太甜調味剛剛好, 仲用左新鮮菠蘿唔係罐頭菠蘿絕對加分! 食過有D大排檔小菜無鑊氣又求其 , 粵坊老趙無論色香味都做到我要求, 價錢又公道, 我同老公都覺得以後唔想煮都多D幫襯。

肺炎越嚟越嚴重，政府亦收緊對食肆營運嘅標準，每張枱而家都要隔1.5米，係呢間大排檔都唔例外，餐廳都做足防禦措施，一入餐廳就要量體溫，仲提供消毒搓手液，務求令食客食得安心又放心我哋先叫咗個湯羹開下胃先，一嚟到真係俾碗粟米魚肚羹嚇親，估唔到成個面都係鋪滿魚肚，一啲虛位都冇，果然夠晒足料，又非常吸睛咕嚕蝦球就有新鮮菠蘿、青椒、洋蔥，酸酸甜甜咁，都係非常開胃㗎蝦球數目就大概有七粒，全部都係用有炸過， 食落會比較香口班球嘅數目都唔少，仲用咗XO醬去炒，最後啲西蘭花就可以索哂班球嘅鮮味同XO醬味道最後我哋仲叫咗個肉絲炒麵

6點吃過晚飯,與三五知己一起打遊戏, 打到9點多突然間肚子餓了,就開車來到元朗吃宵夜。走著走著不知吃甚麼好, 烤肉, 都是正常一樣沒太多選擇, 於是我們就選擇了吃小炒。3個人點了5個菜, 感覺也差不多了, 都是點了菜單推荐的菜款, 半隻奇味雞煲, 豉椒鵝腸, 薑蔥生蠔, 潮州蠔仔肉碎粥, 都是菜單上的拇指款。奇味雞煲, 被名字吸引上了, 有一種神秘感, 到底有多奇味?端上來冒煙的, 熱度足夠, 不辣, 味道十分濃, 鹹甜的口感伴以洋蔥及芫茜味道, 汁濃濃的, 用來伴飯十分惹味; 雞件目測都有半隻, 雞肉不老, 挺滑的;我最喜歡的鵝腸到了, 伴以青椒紅椒洋蔥落鑊, 味道百感交雜, 鵝腸十分幼長, 每條鵝腸都被豉油滋潤著, 豉油味夠重十分入味, 口感極為爽滑, 啖啖的鵝腸味, 吃極都不能停止;我朋友突然想吃薑蔥生蠔, 生蠔十分肥美, 外層煎香至金黃色, 內層軟滑, 配以薑蔥, 減輕蠔的海水味及蠔腥味;而蠔仔肉碎粥一碗夠3人份量, 还未食已聞到濃郁的蠔味, 粥十分有蠔鮮味,蠔的份量不少, 蠔仔十分幼滑,吃一口蠔粥配一條鵝腸已十分滿足。這家店的小菜款式比起外面的更為多, 3個人吃選擇的款式有限

新開元朗打冷餐廳今日呢間係元朗較新開的打冷店，係一間叫陳震夏中學的旁邊。由於剩係得兩個人所以叫嘅嘢食都唔多，個人最欣賞嘅係 啫啫雞煲，味道一流👍🏻完全冇雞嘅雪藏味或者腥味，係一道好好送飯同嘅菜式，鍾意食雞嘅朋友唔好錯過！由於同友人都好鍾意食魚，所以接下來基本上都係魚。而且呢個菜式有少少特別，佢哋係以一個套餐優惠價嘅形式，叫餸食飯，就係大龍躉雙味！如果一大班人食嘅話都可以叫呢一個套餐。金銀蒜鮮竹蒸斑腩，係好香蒜蓉味而且班腩底仲有粉絲同腐竹，充分吸收海鮮精華和鮮味，兩者都好夾而呢兩個配料，又係一到好下飯嘅菜式！ 而第二味係，西蘭花炒班球，班球口口都係肉而且肉質嫩滑，西蘭花都很新鮮！最後一道係 椒鹽雙拼，我哋就揀咗九肚魚同埋鮮魷，亦有其他選擇例如豆腐雞軟骨鴨舌等等，炸出嚟香口酥脆，食落口粉感又唔重，九肚魚嘅肉質亦都好滑炸完都仲可以keep住肉質嘅水份，食落好Juicy！👍🏻叫左2碗白飯，total都係400幾，環境舒服好坐，又有卡位。如果鍾意食大排檔打冷嘅朋友可以試下呢一間。

最近成日都係屋企煮飯煮到有D悶, 是晚索性同老公去食小菜, 本身好喜歡食大排檔但又好怕街邊唔衛生, 而粵舫老趙門面感覺好舒服, 門口又有消毒洗手液而且個個都戴口罩衛生意識夠強!每次岀街食都會點平時屋企好少煮嘅餸, 老公一眼就睇中$188大龍躉兩味 , 一味是香蒜蒸班頭腩,除了魚鮮甜美味, 個豉油汁好香唔會好似酒樓個d得個咸字！個人尤其喜歡下面D雲耳腐竹粉絲, 非常入味。另一味西闌花炒班球, 賣相好靚仲自覺附上蝦醬, 依個價錢同老公都覺得認真抵食！另外叫左味蜆蚧鯪魚球, 魚肉肉質彈牙, 個汁用唔同材料配成,看得岀花過心思並唔係外面求其比碟現成的醬汁/魚露。另外想一提真心覺得店員們好有禮貌同貼心, 拎隻碗都主動幫我地用熱水洗過。而菊花茶同馬蹄竹蓆茅根水$18/支夠飲全餐，一個字抵飲，飲得岀料係自家製, 味道唔會甜, 我決定以後每次經過都買支好過自己買料煲 😻

喺宜家呢個時勢，想食大排檔就梗係要去一啲衛生啲㗎啦，今次去咗西菁街嘅粵舫老趙。燈火光明，整齊乾淨，每台會先準備一壺熱水給你清洗食具👍炸乳鴿，大大隻，皮脆肉嫩！大龍躉兩味蒜蓉蒸頭腩，份量十足，腩位蒸到剛剛好，非常滑，再用上鮮腐竹和粉絲鋪底，吸晒啲魚汁，送飯一流！$188呢個價錢再包埋西蘭花炒班球，自己去街市買料都未必做到！蒜蓉蒸開邊蝦大量粉絲鋪底，吸晒蝦汁和蝦膏味，用來送酒送飯都一流！餐廳門口有個大魚缸，早黎嘅話應該會有好多海鮮可以叫。人均消費百多元，有大排檔風味又衛生實在難得！

琴晚開OT，老婆嚟接放工，順便喺元朗食宵夜，諗住去西菁西裕街搵食，途經粵舫老趙，見到人哋食緊碟豬手，好似好正😋，即刻試下先。環境方面：環境唔錯喎，乾淨企理，門口有酒精搓手機，疫情爆發下，我都唔執輸，消消毒。裏面有大圓枱，亦有卡位，我同老婆兩個人，梗係坐卡位啦😁夠寬敞。食物方面：兩公婆，叫左3碟，脆皮豬手、椒鹽九肚魚併鮮尤、蝦醬通菜。餸到，真係不得了，勁大碟呀😱先講椒鹽雙併，好夠味，九肚魚同鮮尤都好新鮮，唔使點喼汁，一樣好正。蝦醬通菜就正常水準。豬手極正😍，等耐少少都值得，賣相好之餘，佢將皮同肉切開，皮脆肉嫩，唔會太鹹，佢有兩款佐醬，一碟類似芥辣，一碟泰國醬汁，我之前都未試過配泰汁，一試就愛上左，豬骨我都“損”埋，如果你好啤酒，簡直一流配搭。飲品方面：飲兩枝威，一罐雪碧, 無試佢哋啲涼茶。服務方面：啲service好嘅，好有禮貌👍總結：大碟到食唔晒，都唔使400，可以翻飛，最可惜飽得濟試唔到甜品，下次叫多幾個老友一齊去食。

元朗實在有太多食小菜的店，不過要找一間給人感覺乾淨企理的店確實不多，這次和朋友食宵夜(都差不多9點了)，就試了這間粵舫老趙，店舖好光猛，枱與枱之間距離足夠，侍應都有戴口罩。因為還沒吃晚餐的原故，所以一看到餐牌太多選擇，2人叫了3餸1飯，太瘋狂了。薑蔥霸王雞~汁濃蔥香雞味重，新鮮雞寧舍不同。茄子斑腩煲~斑腩都是新鮮腩，因為嚿嚿都有少許魚骨(急凍的沒有骨)，醬汁夠惹味，送飯一流。鹹魚雞粒炒飯~勁多雞粒，足料又夠咸香，有夠大碟，食不下要打包，哈哈。涼瓜肉碎煎蛋~都是大件夾抵食，超足料。食完這餐感覺挺舒服，價錢又不太貴，所以可以encore

晚上天氣非常清涼，突然想食香氣撲鼻的小菜，便跟朋友找個地方吃夜宵，順便聊天，想起這新開了家室內大排檔，便去試試！🗣環境非常乾淨，座位也闊落，而且店員非常有禮，很有人情味道。🖐🏻餐牌上林林總總，想得出的小菜幾乎都有，海鮮肉類菜類，小炒的配酒的應有盡有！👯XO美味小炒王一上碟就有很穫氣的感覺，份量超多，脆口腰果配上濃味蝦乾和嫩滑入味韮菜，還有蝦仁和魷魚，整道菜都開胃，一口一口接住不停吃。😀😀原隻生炸乳鴿太久沒有吃乳鴿了，想不到這裡也有，金黃色外皮，裡面肉汁豐富，配上特製醬汁，嘴角一直都油油的，吃得滋味。☺️椒鹽鴨舌和鮮魷鴨舌非常少見，每隻都很肥美，炸過但都保持肉質，不錯。鮮魷不用多說，大排檔必吃，粒粒都很大隻！😎蒜蓉秋葵炒雞柳秋葵是我近來喜愛，想不到這麼重本，非常大條但嫩滑，蒜味香厚，雞柳一點也不乾，咬下去油味香濃。🤗🤗來一枝菊花茶，重料解膩，還有甜品桂花糕，推介這個室內大排檔，元朗愈來愈多美食了！會再支持。😍

今天和男朋友想吃中菜，就去了一間店，看了餐牌覺得這裏比大排檔坐得舒服很多，但卻有很多大排檔的菜色👍🏻很好❤️男友今天特別餓，他還想吃海鮮，他看了圖片的蒜蓉開邊蝦已經被吸引住，然後店員推介吃脆皮豬手，由於男朋友超級喜歡吃豬手都點了，最後我就選擇了蜜椒薯角牛仔骨送飯吃。 蜜椒薯角牛仔骨，牛仔骨非常入味，想不到連薯仔都是精心炮製過，薯仔炸過的外脆內軟。第一次吃這麼好味的蜜椒薯角牛仔骨，我和男朋友都喜出望外。脆皮豬手很大碟👍🏻都是脆趣肉軟～男友非常愛吃最後蒜蓉蒸蝦都是很大碟，也有粉絲底。想不到望上去普通的餐廳，竟然有酒樓的質素，大排檔的風味我還點了他們自家製的馬蹄竹蔗茅根水，不會太甜，很健康☺️想特別一讚是這一間的服務員很親切和有禮貌👍🏻

夜麻麻肚子突然感到餓 ，兩口子便到元朗達輝徑「粵舫老趙」，這小店環境整潔，空氣流通，門面有簡約裝修，店內有卡位及圓枱選擇，每枱之間有一定的距離 ，所以感覺闊落坐得舒服😌是晚都有不客人。餐牌上小菜款式甚多，難於選擇，這時店員便推介我們嘗試吓「脆皮豬肘」原價$168是晚有特價，並說會很脆香的，咁好啦！就決定試吓。脆皮豬肘🐷皮薄香口，脂肪不多，肉質經特別處理過，所以炸後更能提升食物的香味，配埋黃芥辣和酸醋更美味。生炸乳鴿炸到岩岩好，一口吃來滿是炸香乳鴿味。大龍躉兩味🐟分別有金銀蒜鮮竹蒸班頭腩，其非常有特色，在蒸班頭腩下放上腐皮、粉絲及雲耳，滋味鮮香不凡。另有西蘭花炒班球，熱騰騰上桌，菜式精細，放得整整齊齊，色香味俱全。

放工都已經9點，大家仲未食飯，好肚餓，好彩見到粵舫老趙仲有飯食。好，坐低睇下有咩好食先。大龍躉兩味特價$188，好似好抵食喎！金銀蒜鮮竹蒸班頭腩，好大碟，斑腩啖啖肉，仲有粉絲，腐竹係底，正！西蘭花炒班球，有肉當然要有菜，炒得夠乾身，魚肉依然嫩滑。豉汁蒸魚雲，雖然話魚雲，都好有肉地，好鍾意係魚頭既骨膠原滑嘟嘟，底層仲有豆腐，送飯一流。沙拉一字骨，個骨炸得好脆，一咬落去就分離，配上沙律醬，感覺唔會Dry！

食過好多次了，今日得閒寫下食評，呢間不得不讚，不需茶介加一，小菜種類繁多，甚至連各種海鮮也有👍食小菜最緊要鑊氣够，1,薑蔥爆蠔，鑊氣十足，蠔十分juicy西蘭花炒蝦球，蝦球十分爽口，又不失鮮味，火喉十足，又係不能缺少的鑊氣小炒，今晚食到我朋友舐舐脷，問下次幾時再去乳鴿皮脆肉滑，送酒一流咁出色嘅小炒，一定不少得飲兩杯啤酒，可惜今日身體抱恙，不能喝酒下次必定飲個痛快，價錢大眾化，又出色👍又多一個飯堂了😄