糖朝 (已搬遷) 新店位置

上次到糖朝, 已經係兩年前的事, 記得當時仲係於隔離開業, 只得一層, 不過氣氛就熱鬧得多, 經常都排隊今次再到, 已經搬到新店, 地方更大, 但裝修同之前差不多, 當然少不了蔡生的提字! 兩人原意食少少東西填肚, 因為已經十點半, 不想太飽去睡, 所以叫得不多, 雪菜肉絲蚊米, 西洋菜水餃, 西瓜豆腐花, 兩個人食, 份量不算多食物的味道不是很突出, 但又唔難食, 足夠代表香港招呼外來的遊客貴賓們, 味道係四平八穩, 好像雪菜肉絲蚊米, 味道唔會好精彩, 食完之後, 你會覺得ok, 係好中間的一個分數, 加上整潔的image, 會令人覺得食得舒服, 但就係沒有平地一聲雷的那種感覺, 例如豆腐花唔會滑到好似啫喱咁, 但又唔會難食, 又加上了乾冰的效果, 要彈, 又覺得過份, 要讚, 又覺得唔值..水餃的味道比較好, 感覺係精緻的, 很喜歡上湯的味道, 算係食得比較好的一道不介意價錢, 糖朝係一間唔會令係好失望的餐廳, 但要驚喜, 還是不要期望過高!

昨日朋友聚會, 對此餐廳帶點希望, 因薄有名氣....但失望而回.嘗過點心, 小菜, 甜品, 甚有"驚"喜.點心平均$20+ 一款, 但調味極重, 乾爭爭, 油油的...十足十在工場運來蒸熱. 特別是那個超咸棉花雞...差...食點心, 我另可上酒樓!!至於小菜...的骰, 味道普通, 而那個"錦繡炒飯", d料好少...青青白白, 不值此價.反而糖水是最贊!仲有個洗手間, 門面裝修靚靚, 好心都注意埋個厠所!!明明做糖水最好, 點解硬要加插咁多項目, 做到差晒?!

今日同3位朋友係尖東晚飯完~~~就過左黎食糖水喇!!!一路都好想試下e桶豆腐花架~~~但太大SIZE了*遲遲都未食到~~~哈哈]]]今晚終於食到luuu~~~~味道好good啊!!!勁滑啊~~~~~~~足足14碗~~~~食到底勁飽

行了一陣中港城, 在街口有人派COUPON, 於是走去糖朝食免費點品先, 試試啦.二人ORDER了免費的海底椰涼粉和一碟炸兩.海底椰涼粉: COUPON價=$0, 但用料十足, 好清涼的一個甜品. (MENU價=$22)炸兩: $12, 有8件, 即製, 好脆的油炸鬼, OK.茶: 用上等茶葉, 香濃, 茶錢每人@$2.坐地舖, 環境裝修一流, 金碧輝煌, GOOD.二人合共$18, 好抵.

朋友來港，旅遊書推介必吃，所以陪他去叫了個楊枝金露、芒果布丁、芒果豆腐花蔥油雞、雲吞撈面、仲有個芝麻堆3個糖水，不是話差，但不是話好，其他地方都吃到而且不用咁貴，不過可講坐得舒服蔥油雞，正，好耐未吃過咁有蔥油味的雲吞撈面、垃圾,好垃圾

個喊面係比糖朝o既服務。其實 d 食物都算中等 (當然價錢都會比普通茶樓貴)。兩人之前趕睇完戲，到晚上11時才去吃飯，點了:艇仔粥 (粥底夠綿，又夠味)雲吞撈麵 (好淡，麵太多油)炸兩 (ok，個油炸鬼好脆)鳳爪排骨 (一般)茶淡如水，不過找人落單、上菜都很順利。唯獨是到樓下埋單時，我完全唔知點解可以埋成10 分鐘 。前面只有兩人在排隊，個收銀一直在應對講機，唔係收錢，但又有兩個人坐在收銀旁，唔知搞緊o物?跟住個收銀收咗一個錢之後，就自己o係到數錢。條隊由本來三個人到一直排返上去樓梯...到底咩事呢? 咁坐o係旁邊個兩個人唔通係請返o黎坐、充撐場面o既?

次次去完TST食飯，想食糖水都係黎"糖朝"，加上有9折!1. 楊枝金露2. 新鮮雪梨南北杏燉雪耳(熱) - 好潤喉3. 明爐麻蓉湯丸 - 好chewy，nice!4. 木桶豆腐花 - 第一次食，因為4個人咁就可以諗住每人唔洗食咁多碗，但點知可以分成每人3-4碗咁多...好飽。不過D豆腐花真係好滑! =] 另外有碗糖水俾你加落豆腐花到不過幫襯咁多次，最唔好就係d service，係成人想叫人個waiter或waitress係好難，有時舉曬手都扮見你唔到有個朋友仲叫左其他糖水外賣埋單每人幾廿蚊到

昨天晚上同朋友食完飯就嚟左呢度食糖水,其實本來諗住入屯門先食既,但有個朋友話join埋一齊食尖沙咀食,所以就嚟左呢度了.我們叫左:一桶豆腐花-豆腐花好大桶,佢話3-5人用,但其實唔止,我地八個人食,每人都平均食左兩碗,豆腐花好滑好香呀,加糖水及黃糖粉,好好味榴槤pancake-我唔食榴槤的,但朋友話唔掂,個皮好硬,唔好食一窩兩人份量的湯丸-我們選了芝麻味,有十二粒的,嚟到用個火爐整熱,但其實係熟左即刻食得架啦,我覺得d皮唔夠薄及淋,麻麻地糖不甩-叫左兩客,有十二粒的,個樣已經有點怪,同人地其它的不同,好黃色,食落口,好唔掂,勁甜又唔軟,好硬,真的好難食其實我係第一次嚟呢度,朋友話食過好好味,不過佢地係食麵食及凍食的糖水,今次佢地都好失望,但環境就比以前大左好多囉,有兩層,我們還坐在房裏面,都好靚的.不過食物都幾貴,質素又一般.

今天點了1. 肉丸粥 ($38) - 粥底仍然是很香, 不過肉丸的味道卻不如前,沒有味道的丸子. 雖然menu是寫生滾, 其實只不過把材料及白粥放在一起吧. 水準差左很多.2. 醬蒸牛肚($18) - 不淋, 醬是跟牛肚不太爽. 不過都有suprise, 就是用了腐竹放底, 最好食的反而是沒有醬味的腐竹. 3.桂花糕 (free) - 可以說係我食過最好味既桂花糕. 好多料, 桂花味道好清香, 很多的桂圓及很有咬口的杞子. 小了日本人的糖朝, 如要留住港人的心, 真的要把水準提高. 總括之前來在此店食過的經驗, 甜品是好的, 點心真係水準太差了, 炒粉麵飯味道是麻麻不過勝在比出面既茶餐廳小d油. 希望努力吧.

今日去港威睇戲點知個fd遲到~~~唯有過黎食啦~~叫左一個粥一個蝦腸~~~粥？唔可以話唔好味囉~~~~好普通囉。。。同好旺角相比就............不過尖沙咀係應該貴d ge~~~~蝦腸呀。。滑唔算好滑~~薄又唔係好薄~~不過唔叫難食~~一般酒樓質素~~~頂住肚先。。睇完戲再食過~~~~~~~

糖朝是一間小品形式的店子, 售賣的食物主要是粥品, 粉麵, 點心等等, 主打是甜品, 但偏於中式, 如桂花糕, 豆腐花等等我對他的印象, 越來越商業化, 大抵是要做遊客生意為主, 把更多心機放在包裝, 裝修, 但食物的質素停滯不前! 好像今次去食, 感覺只係一般像xo醬腸粉, 味道只係普通, 更什是沒有熱的感覺可言, 點心都是一般的味道, 义燒包, 雞扎沒有特別甜品都不見得太好, 什果豆腐花只係有視覺效果的甜品, 食落都沒有太多的甜味服務生很參差不齊, 有些很欣勤, 有些卻像愛理不理

是晚去完澳門在中港落船覺肚餓,第一時間當然係搵野食啦啦!想食飯又想食糖水當然想起"糖朝"啦...今晚比左樓上既座位我倆,一上到去不停聽到大大聲"歡迎光臨"佢地既服務質素感覺上進步不少.(好耐無來食啦,年頭黎食過一次)看到正在送食物上枱的哥仔竟然可以束馬尾(飲食行業好少可以long hair感覺上又一新特色)"型"呀!!!order咗我至愛豬膶粥大大件夠爽又夠味.金菇牛肉腸竟然有兩條菜伴碟.女友叫左牛筋撈面,牛筋夠冧or新的桑寄生蛋茶味道ok幾好飲.食完飯當然叫甜品啦!!鮮芒果豆腐花,芒果鮮甜豆腐花夠滑(最吸引我地係送嚟既時候煙霧彌漫)士多啤梨西米露有很濃的士多啤梨的香味，不錯！呢餐我同女友都食得好滿意整體環境同氣氛.希望再黎既時候能夠見到糖朝再進一步見提升各樣質素.為香港糖水業努力^^

當日約2:00pm到達用膳，雖然是公眾假期，但是已過了午餐時間，所以人流不算多，但每次叫待應最少要五分鐘才找個，仲要吾係立即幫到你，例如﹕1) 想落單(待應比左單，叫你自己填) (我心諗好心坐低個時就交比我啦 !) 2) 由於地方窄想叫人收碟，又冇人理。我們唯有放係隔離既吉位，突然有客人到，個位不知所謂的待應，將個D碟放回係我朋友到，我忍吾住望一望佢佢仲有吾禮貌地同我講，吾係吾收，等我得閒先收，結果我們離開都冇走來收過，而佢只不過係到行來行佢。我們忍吾住咁既態度，所以打電話去投訴，可惜天下烏雅一樣黑，接電話個個人不聽只講同事太忙啦。吾夠人就好心請多D啦。尖沙咀都係旅遊區啦，咁既服務，請都吾會去啦~~

去過呢間野食過幾次, 總係覺得價錢與食物質素不相符,果幾次去食都係因為咁啱係附近行完街貪佢唔洗等位。價錢貴呢層都唔係最大問題, 但服務之差就真係不敢恭維,如果一間以做遊客生意為主既食肆黎講,佢地既服務質素就真係要重新訓練過,唔識主動去招呼客人之餘, 重要比面色同說話d客聽實在有點兒那個,我自己都親身經歷過d伙記服務有幾差, 覺得有少少專登去乞食感覺。講到食物質素, 無可否認賣相比茶餐廳精緻,但價錢比茶餐廳高出50%有多就唔係幾合理,但食物種類其實同茶餐廳無分別, 只係叫做多左d精美甜品,但感覺上唔值呢個價, 況且味道亦唔係話特別好食,唯一解釋係d價錢可能落係d裝修度囉。食過桶豆腐花, 每人自己"筆"都幾好玩,但係唔夠滑同埋無乜豆腐味; 另一樣係叉燒包,d餡太槳糊, 個叉燒包皮又唔鬆軟兼痴牙, no good~不過個古法馬拉糕都唔錯, 似舊式茶樓果d其他如炸醬撈麵, 腸粉, 牛腩撈麵, 炸兩......等等水準都係一般之作,無甚驚喜!而論環境一望就好似幾靚咁既, 但坐2樓就真係以為自己去左街市咁,嘈到同朋友傾計都要嗌大喉嚨, 重有就係d圓櫈,無得挨感覺上有少少大排檔feel分別在於張櫈唔

其實我好想去糖朝食木桶豆腐花架 不過得兩丁友...下次多d人先啦糖朝有粥又有點心又有我鍾意食嘅馬拉糕 又有點品 啱晒我價錢唔貴! "懷舊"裝修!! 座位舒適!!! 抵~不過要自己落單嘅 定係佢地太忙先叫我地自己寫!?餐牌度有教你點"不"碗靚豆腐花我地點左艇仔粥(有5碗分量), 馬拉糕, 炸兩, 炆牛肚同送嘅桂花糕5樣點心已經食到2個人飽飽 真抵......(我係少食多餐個隻)