糖朝 (已搬遷) 新店位置

徐夕夜食完和牛, 很開心,行咗陣老尖, 跟住去未試過的糖朝食甜品, 怎知失望而回.....唉點了:- 鮮果豆腐花賣相好靚, 食落生果唔新鮮, 豆腐花好少, 質素普通- 雪鴿糕(hot)來到時試了一口 (p.s.不是我食的), 完全唔凍, 叫個待應來, 他說幫我地再坐一坐佢, 等咗十分鐘左右, 還是不太熱, 算了...但質素又是普通- 燕窩蛋達又是凍的, 味道也很普通合共$130左右 (不太記得)總括: 可能期望太大了, 但看也裝修華麗, 但食物的質素真的非常普通, 服務也只是好勉強合格, 這個價錢像貴了一點吧! (有加一和茶介, 唔知平時有冇)

Went there at a recommendation of a S'pore friend who works in Hong Kong. The first impression of the place - very tastefully done. We went there on 28/12 - at about 2pm and 10.30 pm Very well patronised, had a queue at both times, but was ushered to our seats within 5 mins of waiting. Our first time there, we ordered the mango with strawberry warm tofu (dou hua) presented in a wooden cask - very light and not too sweet .Wanted to come back at 10.30 pm to try more dessert - was ushered to our

第一次黎，同一班朋友上黎，一叫就叫12個位但得我一個先到，都照比我上去，服務超好!比左最入既房既大檯，食糖水既地方都有咁「華麗」，少有大家坐底叫野食，我叫左個鮮芒果豆腐花其實仲有其他水果o係入面既，咁就要29蚊serve上黎，真係好似幾勁咁，隔碗有乾冰keep住佢凍d「煙」係咁飄出黎...呢下又幾surprise既食落，份量唔算多，甚至其實係...幾少下味道...一般吧，豆花算滑和清甜的，不過咁就要30蚊除左gimmick有一瞬間的驚喜之外，都是覺得...盡量來一次就夠

行過廣東道的時候有個呀姐派傳單,我又覺得佢幾有禮貌所以幫佢接左一張,原來係糖朝tea set,見到廿幾蚊,有野飲同埋可以加少少錢換糖水,所以就去了試試,order了個牛肉濕炒河粉,好好食,同埋好有碟,比我expect的更大碟,早知不吃lunch了...~~甜品是用優惠價order的,我覺得佢畀到優惠價更好的quality,不錯是日跟朋友在糖朝坐了兩個小時,沒有人趕,haha

上星期六首次去糖朝,諗住D野唔平但環境應該唔錯,坐得舒服就無所謂啦. 去到門口位姐姐點我們上二樓, 嘩!二樓格局同地下唔同,人多又迫!中間圓枱,其餘圍牆邊是二人對坐小枱,但二人小枱是緊貼鄰枱,與另一邊枱的距離亦只是僅容一人側身而過,由於人多加上擠迫,與對坐友人說話亦幾乎聽不到!. 食物方面,一般貨色但價錢高檔,叫了干炒牛河($70)成碟油,皮蛋瘦肉粥($35)亦屬一般,茶錢每位$2加上加10%. 感覺是在茶餐廳環境但食物又貴又普通!絕對是物非所值.P.S..走時經過地下有梳化卡位,仍有很多吉位,但知客仍是安排客人上二樓,友人笑謂莫非下層雅座只供外籍及日本遊客專用,本地人及國內同胞只能迫在樓上!

簡直就係歧視我地d香港人呀! 今日同朋友行開尖沙咀, 因為要等人交收, 於是就入左去食野, 之前見蔡さん介紹過, 又行經就入去坐吓食吓野啦, 點知, d服務態度超差.先係我地2個人, 侍應就俾左2個靠邊位的2人枱我地, 之後, 有2個國內同胞入嚟, 就俾4人寬闊枱佢地坐. 後來, 再有2個日本人入來, 侍應更招呼他們坐卡位(不過, 後來日本人未坐就走左), 這個先後問題, 我們本來就無察覺任何問題的. 直至送菜上來, 因為枱面不夠位, 侍應想放下炸兩時, 我把茶壺拉開而倒瀉了茶, 侍應們竟然一個也沒有來幫忙, 其中一個只遞上了紙巾, 還說了句"嗱! 紙巾呀!" 就走開了, 任由我們2人站著自顧自的抹枱, 直至我們把枱上的茶都抹乾了, 也沒有人再加以理會, 我向站在我們坐位旁, 正在入單的黑衣束馬尾女部長/店長(看似比其他人高級的)要求更換餐紙(聲浪比平常大聲), 她一眼也沒有回應, 超級無禮. 之後還行開了. 於是, 我們就叫另一位侍應給我更換餐紙, 那侍應也不是很有禮貌的, 碌大雙眼遞上餐紙就走開, 連替客人換上餐紙都沒有, 這真不知是什麼待客之道囉.唔通我地2個人, 只點了炸兩,

跟姊妹唱K告別後，一條冷諗唔到食咩好，走左去糖朝@尖咀廣東道飲夜茶。先叫個XO醬炒腸粉。佢係少辣但係惹味型，油就難免的啦，但腸粉夠入味(當然佢自己都要夠米味啦=))飲茶點可以唔叫蝦餃燒賣Gar?燒賣個皮最少唔黐，合格啦"另外翠綠瑤柱帶子餃得~!!!帶子唔係重點，大家見到佢除左白色，仲有蝦@入面Gar"又清新又有鮮味，唔怪佢仲貴過燒賣既=))去得呢度，當然要試甜品啦。今回叫左黑白。（即芝麻糊豆腐花")豆腐花少左D，芝麻糊就濃啦，但豆味呢，我都係去返滿記好D。侍應係忙左少少但至少唔會面黑，反之收銀多少少笑容就好D=}

今晚我和朋友,一心只打算到糖朝食糖水,並不打算吃點心及炒粉面. 今晚,我們便order了兩碗凍食糖水. 我忘記了朋友order什麼,只記得我order的是什果豆腐花.伙計送來了凍食什果豆腐花,詁不到是有煙霧的.因他好像是加了乾冰在水上,所以出了很多煙霧,很得意呀.這時,側邊有好多外國遊客及食客望住. 到了埋單時,見到我側邊幾圍枱都被我們感染,也order了這個新奇又得意的煙霧凍食什果豆腐花.唔講唔信,詁不到我們有這樣大的吸引力啊!

糖朝的名气非常大，什么时候去都坐得满满当当的，常有日本、东南亚的客人蜂拥。店堂整洁精致，跑堂的腿脚也勤快。芒果布甸和杨枝金露，在别的地方吃过很多遍了，这里的也未必有惊人之处。但质料、口味中规中矩，让你感觉这才是经典正宗，以此才吸引人眷顾不疲。

好耐冇去糖朝，對上一次去應該係十幾年前。上次蔡蘭節目介紹過，舖頭裝修咗比以前更大更闊落，今日經過就去食LUNCH試吓。我同朋友分別叫咗「窩蛋牛肉蒸飯」同「咸魚肉餅蒸飯」。最初個侍應話賣晒，我地都有啲失望。後來佢話賣剩一個，我地即刻有所期待啦。個牛肉飯OK，肉餅剁得唔錯，軟硬適中，佢地比埋支甜鼓油，可以一路食一路落都幾好。至於個FD既咸魚肉餅飯，佢話啲飯硬咗啲，我就覺得OK，可能因為我有隻蛋撈吓。食完飯食甜品，分別叫咗「密瓜西米露」同「凍紅豆豆腐花」。西米露入面有蜜瓜同哈密瓜，幾香椰汁味，唔錯。至於個豆腐花呢，最吸引我地既竟然係送嚟既時候用乾冰鋪底，煙霧彌漫，周圍啲人都望住，真係好有效果囉。至於味道，豆腐花好有豆味，果然係招牌菜，但略嫌紅豆太甜，如果少甜會更好。總括嚟講都唔錯，下次會再嚟試粉面同粥。

很後悔沒有先到openrice看看食評就上了這間館。 (本來一直只看不寫... 這次因糖朝而破例了)侍應之工作態度相信上面有不少的食評已提及，沒想到叫茶壺加水，竟然拿了茶壺去了，跟著便失憶了，沒有拿回來。 (叫佢做的尚且做了一半，沒叫的當然不會做了)"唔該我想落Order"，距離我3-4步的女侍應望著我，然後一路退後一路望著我... "一個紅豆沙，唔該"，女侍應："紅豆沙幾多號呀，你唔比我我唔知架" 叫餐後沒有收餐牌，比番佢時佢都比番個眼神我：先生你比番我做乜噃..埋單時張單根本不知那裡去了，收銀女士竟然問我食了什麼 整班侍應好像遊魂一樣，只是走來走去不知做什麼，態度愛理不理，看似瀕臨倒閉似的。其實倒閉了也不壞，反正食品質素都是一般。

好耐無來食啦﹐這次來到﹐環境還是那麼舒服。點了薑蔥腰潤﹐豬腰好爽﹐好脆﹐豬肝口感都唔錯﹐好有肝的爽﹐又有肉的“林”。肉絲干面﹐肉絲好香﹐有肉汁﹐麵的兩面好脆﹐中間有點軟﹐撈埋麵一齊吃﹐好吃。菜心好新鮮﹐唔“林”。魚片粥﹐及第粥﹐好夠料﹐瘦肉好夠味﹐小小咸。

已經食過好幾次,但發覺d服務越嚟越差,唔通有名氣就以為間餐廳真係識飛?雖然有頗多遊客冒名而來,但服務態度咁差,我身為同枱食飯嘅香港陀地都有少少蒙羞~是次order咗木桶豆腐花~有豆香但略嫌不夠滑,腰膶粥~我至愛,豬腰及猪膶頗大件頭又夠味,炸醬麵~麵尚算彈牙,有口感,炸両~腸粉皮夠薄,但內裡嘅油炸鬼今次似乎淋咗d喎,唔通太忙???總括嚟講嚟呢度食嘢預咗服務差,人多時又要預咗要搭枱,有時店員忙起上嚟又會經常傳錯菜,只要响嚟食嘢之前有晒呢d心理準備,你會好過一點的!

好友們考完試出來聚舊，祝考試成功再大吃慶祝一番！！這裡碟頭小， 也好，可以叫多幾款食物吃。炸兩内的油炸鬼是不脆的， 甜醬又味道怪怪的。炒腸粉比較起來惹味， 微辣， 個人最愛連銀芽葱段同吃。清炒西蘭花是用清湯煮的， 所以雖看上來淡戊戊的， 但吃落清甜健康。粟米斑塊應該不會太難食吧？！ 當然魚塊味淡不鮮。雪菜火鴨絲炆米味道還可， 但欠缺一份惹味和鑊氣。冬菇雞蒸飯也不過不失， 飯底比較濕。咸食非常普通， 還是速速去吃甜品啦！木桶豆腐花非常嫩滑， 如挑剔一點則豆味還未算濃。凍椰汁喳咋糕豆豆甚多， 味道其實不錯。黑芝麻煎堆香濃味美， 惟皮不太煙韌又癡牙， 也比較膩。服務不好，侍應一些行為怪異， 一些黑口黑面， 一些遊魂失神，一些緊皺眉頭， 是公司沒出糧嗎？

呢間糖朝看似好有氣派，我曾幾何時以為呢間野係想以high class 格調收費便宜黎食招徠，估唔到黎坐一坐會坐到一肚火。話說我同朋友黎食糖水，我地4個人都order 左7碟野左右。本來d 待應都冇乜禮貌，舉手落order都等好耐。之後大家咪開開心心食野lor，食食下有個待應以快閃o既speech 衝埋黎講「last order」，真係快到等佢走開左一陣至知原來佢剛剛講last order 黎。當時都覺得莫明奇妙，你同我地講last order，咁你走得咁快我想order 都唔得la。算。點知埋單o既時候火滾o既事就發生，又一個待應拎住本收數簿過黎話「一百七十幾蚊」咁啦，咁我朋友咪以一貫大家AA制o既作風回應佢一句「你放低先啦」，點知個待應反窒我朋友「入面有錢架，點放低比你呀」然後又一縷煙咁走開左，佢當時個語氣差在未o係個句子後面加句「大佬」，態度奇差，結果我地就拎左張意見書投訴。當然仲有好多impolite o既野啦，其實如果o係普通大排檔遇到的話，大家都可以接受。但係當時o係一間咁金碧輝煌o既酒樓入面，佢地又以大排檔o既態度，不能接受。