糖百府 (已結業)

同日在喜點(有食評的)...飲完荼食埋個$25芒果雪花冰,之後問問友人好5好食,佢話:『好食』唉!咁就死啦!呢度都叫好食,咁我帶你去糖百府食啦!!慢慢散步去到佐敦,當時下午2點,嘩!睇住佢拉閘,呵呵呵呵呵,今次我仲唔執到,洗鬼排隊,門囗一個人都冇,呵呵呵立即衝入店門店員幾時可以落單,佢話;『依家都得架啦!』落左個芒果雪花冰($30)加波蘿椰果($3)加乳酸魔豆($3)配籃梅醬...芒果雪花冰黎到,點解矮過銅仔果面既,算了,食左先講,之前我在銅仔果間食過綠荼,石榴,咖啡,朱古力都好好味.冰底味道香濃..相比起今次芒果雪花冰..呢個真係失色,但亦好過好多地方架啦!!待應靚仔唔知係咪岩岩開檔,有少少悔氣

尋晚(19-10-2009 Mon)晚同男友o係串爆食o野時,已決定食完後過o黎食冰.過到o黎8:10pm左右,食甜品時間尚早,所以未有客,我o地決定食$25.00花生味o既雪花冰,自選朱古力漿,粟米片同加$2.00o既青蘋果椰果.等o左一陣,又大大座o既雪花冰到o黎,可惜睇到朱古力漿得好少.係少得可憐.我o地食喇,花生味清清淡淡,唔夠濃亦唔太甜.而粟米片係卜卜脆,青蘋果椰果呢,我覺得只係青蘋果大菜糕,但份量多.最好笑係到我o地差唔多食完走時,至有三個客人o黎,而佢啲男staff就企o左o係門口,令我o地覺得好似包o左場同有保鏢咁.

服務態度差劣.........個晚我第一次去....不得了....已經要得位...0的人態度又差...最慘個日叫左個香蕉雪花冰....但黎到之後發現無晒0的配料...就問個"疑似老板嘅人"...佢睇都無睇...有一定有..可能俾個0的雪花蓋住左...我地成個匙放入個冰到搞都無...又叫個"疑似老板嘅人"..佢個下先認真去睇下...真係無啦.....就話俾我地聽..今日香蕉賣晒...所以廚房就咩配料都唔俾我地....跟住先講我補回其他生果俾你......真係"佛祖"都有火.......我地係叫香蕉雪花冰....係我地order 前應該要話俾我地聽無香蕉呀.....唔係補樣生果就算囉.......人地心水就係想食蕉...俾其他已經失去左個意義....

踏入九月，仍然「夏日炎炎」...好熱。今次去旺角店再食雪花冰。點的是：咖啡雪花冰，加「樹皮」朱古力碎 + 榛子糖漿（自己落）+ 木瓜粒 雪花冰真的份量十足，比別店高... 足有5-6吋！ 開始時容易造成「雪崩」，要很小心的吃哦！ 咖啡味很「搶」，令朱古力可有可無； 榛子糖漿得個「甜」字，不覺有榛子味 ； 鮮果（木瓜）被壓在底，必須最後才吃... 這要扣分！鋪排差勁，堆砌高度，令人有錯覺。不過，冰真的很幼滑，入口即溶，回味無窮，間中食一次唔錯，抵佢賺既～！各店統一裝修都係橙色配黑色方桌/椅,感覺深沉，欠活力... 建議改用淺色桌椅，會光猛好多！後記：糖百府新店預告～深水埗福榮街 （跟「傷心酸辣粉」隔幾個鋪位）

完全唔洗等位，地方又大d喎唔錯....試左一次 好立克冰，一試難忘呀仲好食過朱古力但食四次，有3次都冇落 "杯牙" 既... "杯牙" 好立克 貴3蚊架所以大家食，一定要記得睇下有冇...但好立克真係幾好食，又唔會勁甜喎~~~~~~~但唔知係唔係天氣熱，有一次加mango，d mango有點變左.... 要小心~~~~

等左幾日終於可以食到糖百府我見食評好多人都話好食...就諗住一試...結果我叫左一個朱古力秋香見到個樣都可以, 好大碟之後食落就.....朱古力秋香有...朱古力醬, 朱古力樹皮, 香蕉, 棉花糖, 椰果個朱古力冰朱古力味唔係好勁...無咩味不過就俾足一隻香蕉一碟都唔錯椰果就好重甜水味= =所以我朋友都無再叫其他野一碟兩份, 試過就算...

朋友推介下, 黎左試呢間新開o既分店~趁住佢開左o吾耐, 哈哈,只係排左一陣, 太好啦入到去,又幾闊落wor~ 急不及待o甘點左個阿華田冰,上得都幾快,waiters仲好nice!!未食感覺已經非常良好.第一啖食落去...好濃郁o既阿華田味呀!!!!! 而且濃得黎又o吾會太甜,值得一讚!口感軟綿綿,好細滑,愈食愈好味, yummi呀~配料方面,因為樣樣都想試所 所以樣樣都點d, 而且每款份量仲比想像中多,好足料呀. 哈哈另外生果另上,點左西瓜芒果都好鮮甜, 完全無比d冰比下去.見友人好滿意o甘, 佢話佢碟牛奶冰都o吾錯, 不過可惜我太飽無試到佢果碟. 真係要番黎再試過!!呢度o既綿花冰同環境都比預期好! 好好味呀!!! 鍾意甜品o既我一試已經瘋狂愛上!!!! 連o吾太好甜o野o既友人都讚好~ 好味得黎食到超飽都o吾貴, 而且吾駛點等又坐得舒服~哈哈朋友仲懶醒甘話佢專程黎呢間, 服務好仲慳番d排隊時間去行街多謝朋友介紹我黎呢度呀!!!~ 糖百府!!!! 黎緊目標要試埋其他d口味~KAKA~

睇飲食男女先知新開左間係佐敦平時係開飯據聞mk個間成日爆對於一個唔鐘意排隊既人黎講去既機會同食叉燒包啃死一樣好爛gag講完今日大概六點幾左右去計埋我個檯人得四個客人{暗爽}好舒服waiter都清一色後生仔要左朱古力冰+朱古力醬+杏仁片+小丸子+哈密瓜+紅豆+加愛玉三十六元size冇我想像中咁大朱古力醬唔多覺冰底朱古力好濃香好似食緊朱古力奶既感覺texture好棉滑真係好似食雪糕咁杏仁片淋曬好可怕小丸子細細粒好煙韌中間唔會硬硬地愛玉本身冇味只係比到有椰果既感覺我哈密瓜有五粒幾爽~我唔中意食太熟既gd但係食食下覺得個冰好甜所以覺得個哈密瓜唔算甜紅豆都係= =本身紅豆係冇乜野但原來加朱古力係錯左個味加埋怪怪地= =唉叫錯野整體是ok既不過自選既時候真係要識揀lor~~~

之前已知有糖百府呢個舖頭，但實在知道勁排隊，所以無食。行行下佐敦見到佢地開左間米入去試下，呢間地方闊落d都幾好坐吾big，D伙計都好快手同有禮貌，D雪冰等左一陣就送到黎。第一次食佢個隻綠茶味--正，吾太甜由於真係幾大碟，唯有下次才試幾2d味啦

其實我想試雪花冰好耐GA LA，之前行過MK個間又勁多人，多到唔想等就走左點知無意中行過佐敦見到糖百府開左間新分店，又見佢唔洗等WO..就即刻飛入到試下LA自選左2個冰..好立克冰加朱古力，夠晒味..甜度又適中..加埋粟米片,,真係一流呀!!!而牛奶冰加煉奶，中意食甜既一定會鐘意..不過有D咩就唔係好記得..因為唔係我食~總之，雪花冰真係超好食!!仲要唔洗等位..真係超正!!糖百府!!你等我呀!!!我一定番黎試埋其他冰GA!!!

昨天去咗新開的佐敦糖百府，試咗石榴秋香，石榴味道很fresh，味道都幾特別。乳酸魔豆口感好得意，同石榴冰味道很夾! 短期內會試埋牛奶冰~!雪花冰好大碟，用料都好足~ Waiter都好有禮貌 ~