糖百府 (已結業)

本來這家店我連聽都沒聽過, 昨天是我一個從國內來的朋友說在網路上找到的店, 要來試試。到了門口, 對這家坐落在銅鑼灣, 門口卻豪不起眼的甜品店還滿懷疑。進去點了一個牛奶冰花, 一個”登”木瓜. 一吃就停不了. 冰花真的像綿花一樣, 不會碎碎的. 木瓜糖水夠熱, 也不會太甜。以後一定會跟朋友再去。

在寒冷天氣加以坐在冷氣下進食雪花冰﹐好處是雪花冰慢慢吃一點也不見溶得太多﹐但弊處是越吃越寒﹐連手指頭也變得冰冷。 是日叫了宇治金時及好立克冰。綠茶冰+綠茶醬+蜜紅豆+彩針+愛玉凍 - 綠綠的冰身﹐ 味道不太甜﹐配其甜甜的彩針及紅豆味道剛好。好立克冰 - 冰底有點像冰沙﹐不太綿﹐吃落口後像沒吃什麼。 如沒比較下﹐這獨特的甜品應該會不錯﹐但吃過這店的旺角店後﹐本人覺得這銅鑼灣分店的冰底沒有其他的那麼濃。如再試都是試其他分店的出品。

食完晚飯後, 當然要再搵食 對我黎講甜品就好似毒癮一樣 meet 唔甩 一向應為銅鑼灣區只有 “一品齋” 係一間比較食得過既糖水鋪 其他真是不提也罷 天氣陰寒都係食碗熱野暖下胃先 我倆不約而同點了雙併糊 芝麻加合桃 $18 太極買相幾吸引 美中不足芝麻和合桃也炒得不夠香, 唔夠幼滑但油份充足, 唔怪得專家話食多點果仁皮膚都會更靚啦 但整體也是得過

十一月．微冷喜歡試新菜式，然而夏天要排半小時大隊吃新派花冰，非我會做的事，入冬後，早陣子還大排長龍的人氣甜品店糖百府變得水盡鵝飛，不用等位，就來試試吧。剛回暖的日子，吃完老北京後，來碗自選的「金裝糖百府」吧，即叫即即製又幾乎即上，效率幾高的。我的金裝糖百府，是番石榴冰底，吃起來綿綿帶點奶滑，分量也不少，伴的抹茶汁味道很化學，不過收$28一盤，也預了是這樣子質素了，配有益力多珠及台式珍珠，前者入口卜聲，「酸咪咪」的，很開胃，夏天吃最佳。價錢較五代同糖平一個碼，唔洗排隊的話，也可一試的，再來就不必了。有關於老北京的文章分享，可參閱：http://foodxfile.blogspot.com/2009/11/blog-post_25.html

下午去左cwb行街,,,,,,,,,,行到累就去糖百府食雪花冰喇.........點左我最愛0既番石榴冰底+芒果醬+紅豆+愛玉都係$29, 超抵食呀.........番石榴冰係一試難忘呀, 個味道好新鮮, 越食就越凍, d 冷氣開得有d大, 食完已急急腳走...........

第2次寫食評,對象依然係糖百府!因為其他既食肆我真係提唔起興致去寫10pm到去到,2個人等左10mins到,搭檯就預架左喇(睇得好開呢,為左食好野冇計啦!)上次黎食幫我落order果位店員居然認得我仲好熱情咁俾意見我地tim!haa.最後叫左主打宇治金時同杏仁秋香!等左陣,冰上檯喇!意外係店員送左1碟生果俾我地宇治金時味道依舊咁好味, size都冇咩大分別!值得一提係杏仁秋香,一直對杏仁冇乜野好感,但係今日一試之後,發現味道似杏'商'幾特別!又唔會太甜!絕對試得過!就食完果陣有段小插曲,有檯十幾人既突然間起哄走左,似乎係嫌座位太迫,仲不停用粗口咁鬧d店員,我覺得人地都打份工姐,d座位咁迫人地都唔想既,冇需要講哂粗口咁囉!唉.唉!細妹打完食評冇登出,搞到我用錯左佢果個acc寫食評囉!又要從新再打過!

第2次寫食評,對象依然係糖百府!因為其他既食肆我真係提唔起興致去寫10pm到去到,2個人等左10mins到,搭檯就預架左喇(睇得好開呢,為左食好野冇計啦!)上次黎食幫我落order果位店員居然認得我仲好熱情咁俾意見我地tim!haa.最後叫左主打宇治金時同杏仁秋香!等左陣,冰上檯喇!意外係店員送左1碟生果俾我地宇治金時味道依舊咁好味, size都冇咩大分別!值得一提係杏仁秋香,一直對杏仁冇乜野好感,但係今日一試之後,發現味道似杏'商'幾特別!又唔會太甜!絕對試得過!就食完果陣有段小插曲,有檯十幾人既突然間起哄走左,似乎係嫌座位太迫,仲不停用粗口咁鬧d店員,我覺得人地都打份工姐,d座位咁迫人地都唔想既,冇需要講哂粗口咁囉!唉.

今日同老公去左糖百府...平時都超多人等...起瑪等半個鐘..今次等左10幾分鐘就入得...叫左個芝麻冰同薑汁..個侍應無啦啦問我地介唔介意坐去第2度..話有10幾個人等緊要拍大台俾佢地...冇計啦...唯有搬去搭台..點知果10幾個人黎到仲話要拍多張...D侍應話已經安排佢地坐埋一齊..人地又等緊...幫唔到佢地..最後佢地竟然話走...個侍應都唔洗我地再搭台..可以坐返原位...(都算係咁...態度幾好..有禮貌)D冰黎到..好大個..嘩.個薑真係好夠薑....個芝麻都好好味^^,,,,好正..^^值得推介..唯一要挑剔既就係地方唔算大....要排陣隊...

我之前係黑布街果間食過一次,真係食過番尋味!,好似會食上'引'咁呢今日,我同男朋友定起心肝去cwb度食!本身諗住天氣冇咁熱會少人d啦! 點知我地9:30pm到去到,都要等8-9張檯,好好彩,我地2個人都算快入到去等左5mins到.haa唔使同人搭檯,坐得都算舒服但係佢其他檯都幾迫下!入到去叫左個- 宇治金時, 朱古力秋香d侍應都幾唔得閒, 但係我地1舉手就有人埋黎本身,我地都心大心細唔知叫咩好,個侍應(女仔,我諗係高級少少,因為佢件衫唔同d)佢suggest我地試最多人叫,同穩陣d既味!我地都算煩,係咁問佢邊隻好食,邊隻唔好食,差唔多問哂全部味呢!佢都仲笑笑口咁慢慢答我地,我覺得都幾nice!冰黎到,我見到有煙,證明真係好'新鮮'宇治金時好好味呀,又多配料,唔怪得之咁多人叫啦!朱古力秋香,我覺得甜得滯,食左2就好想飲水喇.一人一個真係食唔哂,下次再去都係share好d!

糖百府已經0黎過好多次，一直都好想試薑味綿綿冰可惜次次去都無，但上星期六終於比我試到我要左薑味冰底，百香果醬，金柚，紅豆 $27第一啖覺得好似無咩味，不過愈食就愈濃，重開始覺得辣對於我lee d 中意薑味重既人就覺得好正不過唔多中意薑既人就應該會覺得好辣

見悶悶地，行開見間舖店咁得意就入去試下，有糖水食，但以「冰」既款式最多。就試左一個自選冰同杏仁秋香，兩個都係白色冰底，試新野安全最緊要，黎到既時候仲見有白色既煙，証明真係新鮮凍冰冰整出黎，匙羹一放落去就見到溶溶地，放入口好似冇野食到咁，但就食到杏仁既味道，真係有入口即渦既感覺。服務態度平平，落單好似撞聾咁，大大聲先聽到。舖位唔算太細，但放得過多位，坐得好唔舒服，成日同後面既人背撞背，如果夏天去食就死得了。

星期3果晚, 開始無咁凍晚飯食得唔係好飽米走左去糖百府試下佢既糖水囉本來都唔知入面係食咩ga, 原來係台式既沙冰本人其實唔係太鐘意食沙冰, 一黎覺得太凍, 又會覺得啲沙咬落去好實又無味唔好食但係果日我食既朱古力沙冰真係好唔錯, 我覺得仲好食過台灣囉入口即融, 雖然係幾凍下味夠濃, 仲有好多配料可以揀我會再去試過其他!!!!

近這幾個月來, 可謂掀起了一陣綿花冰的熱潮, 以此作主打的店舖開完一間又一間, 就連開業年的甜店也紛紛加入戰團, 務求分一杯羹。當中發展得最快,可算是糖百府, 短短時間已於各區開設多間分店, 令我也不禁要去一探究竟。 短短的渣甸街本身已經食肆林立, 到訪時已是晚上十時, 唯獨糖百府門外站了一大班人, 人龍絕不比松記少。二人叫做快些有位, 但都等了十五分鐘。 被安排到角落位置, 可獨佔一張檯, 雖然迫但已沒什麼可挑剔了。 拿著點餐紙研究怎樣配搭好呢? 冰底$25 (牛奶冰$22), 免費配上醬汁和糖飾, 另加生果要$5, 配料$2。 如果覺得難以抉擇, 大可參考已定的組合。 這裡配料的種類比綿綿冰少, 都是比較大路, 不夠廿種。 綠茶冰+彩針+綠茶醬+蜜紅豆+愛玉凍 $29: 上檯時看不見配料? 差點以為忘記下呢! 原來藏在冰內, 但餐牌上的相片卻是放在外的。 綠茶和紅豆本身已非常合拍, 綠茶味極濃, 濃得有些苦, 奶味相對地低, 不太甜, 正合愛茶味的我。冰冰磨得幼細, 入口很綿, 像雪糕, 溶化的程度未免太快, 快得吃不切就塌下來。紅豆煮得夠稔, 愛玉凍很滑溜但份量太少。 朱古力

雖然一行人才剛吃完泰菜, 但沒有第二場的甜品怎能滿足我們牛魔王的胃呢?兩男四女共點三個雪花冰:兩位男生點了牛奶冰+青蘋果蒟蒻+芒果+七彩碎 ($29)女生們點了各$25的 (1) 香蕉冰+巧克力醬+玉米片/ (2) 抹茶冰+金柚+煉奶牛奶冰奶味超重! 像是煉奶的固體版, 可能是剛才的晚飯還沒消化完, 以致非常喜歡喝牛奶和奶製品的我嘗一兩口就不想再吃下去......香蕉冰是朋友點的, 我本人不太好香蕉, 所以不予置評 (按: 雖然如此 我也吃了不少 )我最愛的是抹茶冰~ 我們選擇加煉奶是正確的, 因為抹茶的味道偏淡, 濃膩的煉乳令冰品大大加分. 可能是當造的關係, 柚子不酸甜甜的, 搭配綠茶剛剛好~ 比起我在糖仁街吃的抹茶冰水準高得多!P.S. 原來自選冰的組合比set更划算, 即使是一模一樣的組合, set會比自選貴兩到三元.

10月18日晚上九點幾, 在門外等左一陣就有位, 當時門口貼住D相,我睇中一款香蕉朱古力雪花冰,入到去就落單, 後來發現幫我落左個叫香蕉雪花冰, 後來叫位店員(好長髮扎馬尾)嚟問一問, 佢竟然喝我! 你想轉呀? 咁你想轉邊款呀? (嘩!! )我當時極之谷氣, 點解會受佢氣, 我係客人, 我落單到想改單一定不過唔過30秒, 我有D微言, 我男友叫我算數, 但個職員態度真係有問題, 更何況我比人喝咁樣! D嘢食嚟到時我真係無心機再食, 食咗幾啖就放低, 直情想比錢走, 以後都唔會再去!!! 呢間嘢雖然多人食, 但D態度咁樣唔改善, 遲早D人去得多發現到都無人會去啦!!! 請店主有幸見到呢編評語就應檢討一下!!! 唔係多人食表示間店舖好食好生意lor, 係D人見咁多人排隊以為好好食, 只不過一般而已, 更是間店舖好生意理應更加改進一下, 停留係呢個水平實在未必係成功lor !!