糧友パン工房 (已結業)

今晚我們喺旺角新世紀廣場食晚飯之後，去咗一田超市嘅「糧友麵包工房」買麵包食！我們買咗紫薯黑豆包嘅包質相當鬆軟，食落有淡淡嘅紫薯香味慢慢滲透出嚟，感覺好清香！日式菠蘿烙嘅菠蘿皮同平日食開港式嘅唔同，質感都幾香甜脆身，味道唔會過甜！提子核桃嘅核桃好香脆，仲有香甜嘅提子乾，而且份量相當多，差唔多每一啖都食到餡料，真係幾抵食！紫薯一丁目係用新鮮酵母發酵做成，所以包質極之軟熟，紫薯嘅質感非常軟滑，而且味道好香甜，真係超正呀！

一直很期待這家麵包店出品的麵包 店內設計非常日式 麵包款式都非常吸引今個麵包都會有個牌仔 介紹製作方法同成分 令人加倍放心今次嚐這個紅黑達人 是黑豆與紅豆的組合成分為新鮮酵母，日本進口的原粒黑豆和紅豆蓉屬於湯種麵包 用石窯方式烘焙感覺非常健康！不過真係要食過先知～九州紅黑達人 $11蜜黑豆只有數粒 而且偏甜 有點失望紅豆不是粒 而是泥(內有數粒粒狀) 不會很甜 有點驚喜麵包方面鬆軟但認為太重牛油味～事實是我期望太高了整體感覺牛油味過重，一定不會列入我的健康麵包之內

餃子形既麵包好可愛 兩隻味各買一個店方標榜以日本既烘焙技術製作麵包月島軟心芝士餃子($12)餃子形既外表幾討好麵包好軟熟 皮薄 食落軟綿綿一咬落去淡白色既芝士隨即流出 好滑類似芝士醬既味道 帶少少甜味 芝士味唔太突出我就比較喜歡帶鹹香既忌廉芝士特濃朱古力軟心餃子($12)新鮮出爐 脹卜卜既樣好吸引形狀跟芝士味一樣 只係條辮變左黑白色相對芝士 我比較喜歡朱古力咬開軟熟既麵包 濃濃既朱古力醬緩緩流出唔太苦 不過都唔會好甜 所以食完都唔覺膩

是日sis買來一田的cheese tart (HK$10). 先說賣相, 撻皮偏向淺色, 好像不夠香脆. 試一口, cheese tart味道濃烈得來傾向酸, 跟人氣店當然不能相比. 撻皮鬆散, 牛油味不夠香. 但一分錢一分貨, 這個價錢, 不能要求太多?

肚子餓但未到時間吃晚飯，最好就是買個麵包來頂頂肚皮。在店內走了一圈，沒有能令我涶延三尺的麵包。當我想放棄之際卻看見新鮮出爐的軟心芝士餃子包，我毫不猶豫便選了它。而我的男友選了脆皮腸咖哩包。月島軟心芝士餃子 $12餃子的外型帶著微溫，麵包的軟身質感，包內的順滑芝士醬，種種加起來只能說一句: oh my god! 不油不膩，一口咬下去，那些芝士醬多得噴出來，令人想一咬接一口，甚至想買多一個。脆皮腸咖哩包 $18味道絕對比外型吸引。這並非普通的腸仔包，而是用了脆皮腸及加入了帶有微辣的日式咖哩。對我來說，這個組合與麵包配搭頗為新鮮。

還記得四年前糧友才剛剛開業不久，當時連店名也不知曉便糊裡糊塗買了個軟心芝士包，近年才發現它為糧友的招牌作事隔多年，雖然已經不太記得軟心芝士包的味道，但始終算是已經嚐過，所以是次第二次光顧便決定選擇其他麵包款式。店員會不時搖鈴提示麵包新鮮出爐，不過當日就無緣一嚐新鮮出爐的麵包了。紫薯一丁目 ($12)所買的麵包應該離剛出爐亦不久，包身依然溫熱。用麵包夾夾起已經感受到包身的軟熟，可能這正就是因為店方所標榜麵團使用的湯種麵包的原因！雪白的麵包上再灑上一層糖霜，入面擠滿紫薯蓉，吃下完全是真實純正的紫薯味道，不像有多加其他調味，雖然味道較淡，但是非常天然，感覺亦相當健康。除了紫薯一丁目外，還有黃薯一丁目可供選擇，黃薯味道應該會更為香甜，不過紫薯口味當然更加吸睛，各有千秋不過的而且確價格偏貴，因為包身非常細小，不消五口便吃完了

間舖好易搵，L3一天出面，我去到已經係夜晚9點，大部分麵包已經賣洗，剩低幾種，我就簡左黑芝麻番薯包，諗住做埋聽日早餐，比左錢之後即刻試食，麵包幾軟既，但又好厚實，唔似其他餅店唔知加左幾多膨鬆劑，麵包淡淡既甜味，又有黑芝麻既香味，我幾鍾意牙，同埋入邊d番薯唔係成舊幾果d，係小小粒既番薯泥，雖然唔係很多，但番薯泥甜甜地，岩曬無咁甜既麵包。總體黎講係唔錯既包，但係32蚊我就覺得有d貴，又未去到咁好味，所以好似唔抵食囉XD

今曰試下好多人post 嘅芝士餃子包同蕃茄方包。芝士餃子包細細個，麵包質地非常軟熟，可能是湯種熟成的烘焙方法吧！一咬下去，忌廉芝士滿滿的溢出來，芝士很香滑又有奶味，配合麵包吃，十分芝味！蕃茄方包：有淡淡的蕃茄香，很鬆軟，但是蕃茄味道唔太突出，是比普通方包有一點點味道，還是要配火腿或果醬吃才好味D。

I love this bakery but all their branches are remote.This branch is only ok if you get the KCR however you have to get here early as most of the breads are sold out by 6pm.I got the fruit loaf which was delicious and crammed with so much fruit but saying that on the second visit, there was not much fruit as the first time.

平時好少經過旺角，剛好一個月後又來到糧友買包。 今次糧友既新產品係番茄。其實好似定期都會做不同期間限定的產品，我只是偶然經過才會買來試試。 *番茄粟米芝士福盒（$12）正方形的外型，再在上面用麵團打了一個十字，迎合「福盒」這個名。糧友的包一向都足料，所以我切開它的同時都抱有好大期望。不過這個有點失望了，中間的芝士向粟米都很少，麵包的番茄味又不太重，芝士味不太食到。 *番茄橄欖香草包（$14）這個好像平平無奇的，吃完福盒都對新出品沒太大期望，但這個反而有驚喜。難度多付$2才會給我好一點的貨色？！番茄味好香，中間夾了很多番茄乾和橄欖，連平時不吃橄欖的我都覺得很好味，酸酸咸咸的，很特別；麵包口感軟綿，是日式包的特色；唯香草味實在是吃不出來。 *日式合桃海綿包（$28）之前寫過的那一個合桃和今次這個是不同的，除了價錢上的分別，質感上都有。這個是日式一點的，麵包的確很軟綿，所以用上了海綿包命名；合桃份量當然不會少，每一啖都有合桃的，很脆口，很香。如果你問那再個比較好吃，我會答你兩個都愛。偏愛歐陸包的可能會喜歡上次那一個，但若是吃慣了軟綿綿的日式或者港式包的人一定會喜歡這個多一

有好幾次經過新世紀呢間糧友工房,見到呢款話係日本直送既芝士撻都有d想試, 今次終於試到, 呢度既芝士撻有分甜同咸既, 幾有趣, Vi就要左甜既~一個$16, 比起其他芝士撻店平, size唔太大個, 本身想拎出黎食, 但發現撻皮太林太鬆, 完全拎唔起, 咬開裡面既芝士幾流心, 酸酸甜甜, 但芝士味唔夠濃郁, 整體好一般, 應該唔會再試...

前日去旺角理髮，book左5點，因為要搞染髮通常都搞好耐，食個包頂下肚先。Openrice見呢間麫包店幾好評就試下啦，去到望左兩望，佢D包都整得幾精緻幾吸引，而openrice就推介呢個月島軟心芝士餃子(包)，身為芝士愛好者當然要就下~ 拎上手仲暖暖地，唔知係佢keep warm好定咁arm新鮮出爐呢？hmm其實本身對佢唔太大期望，一個包可以有幾好食丫，所以諗都冇諗過要影相就食lu。點知...裡面的芝心出乎意料的很軟、很輕、很鬆、很滑！ 終於明白點解佢叫餃子而唔係包，因為佢麫包的部份真係好薄，就好似餃子皮咁。而芝士餡就好像越食越多 (中間位置容量較大)，但重點係佢芝士夠鬆軟，香得黎一D都唔漏，麫包同芝士的比例調效得剛剛好，那種感動 (芝士怪先會明白) 由第一口一直延伸到最後一口只有增而無減。最後真係決定要為佢出post，但奈何食之前冇影相，只可以俾大家睇下裡面D cheese。$12，我覺得拍得上近期$2x 既芝士撻~

糧友既包雖然唔係平，但性價比真係高，你比得個個價，佢比返足咁多料比你！係抵讚既！呢個合桃包都唔例外。總係覺得家庭size既包係比較抵食d，所以就揀左呢個。因為夜左去，可以揀既唔多，今次淨係想食呢個。包已經切好而且封好一個個。呢個合桃包，原來除左合桃仲有迷你提子乾，白芝麻，亞麻子同埋南瓜子。一個包有齊唔同口感，有合桃既脆，提子既濕潤，而且芝麻，亞麻子同南瓜子香。仲要唔係淨係中間先有料，我冇誇張，係真係啖啖都可以食到中間既料。

係旺角shopping完又想食少少嘢，見到剛剛有麵包出爐就買咗一個嚟食。 藍莓吉士麵包：麵包鬆軟睇得出係剛剛出爐的樣子，而麵包外面金黃亦有輕量糖箱以及藍莓醬，雖然賣相唔多好睇，但咬落去則佈滿好多吉士醬和藍莓醬，有一種軟滑輕甜嘅感覺，因為吉士醬軟滑唔會太甜，而藍莓醬甜甜酸酸兩樣嘢都真係好好味，如果叮熱少少就更加好。

經過附近，遠遠就飄嚟一陣陣新鮮出爐嘅麵包香氣！肚仔當堂打響鑼鼓，於是就買咗個賣相超卡哇伊嘅「餃子芝士軟包」！外表一定冇得輸，如果你同樣鍾情法式軟包嗰種uncook 口嘅感覺，呢款包一定啱你（另外仲有紫薯/黃薯款），一咬落去，軟棉棉嘅白色芝士好似流心咁緩緩擠出，基本上成個包中間脹鼓鼓嘅內涵都係芝士，食落口啖啖芝士，配搭個滿滿麵粉香嘅軟包，整體口感軟線綿，正！