紅星餐廳

營業中

休息中

午餐時間來到北角的紅星餐廳，我們點了2個lunch set, 美國牛肩扒配鮮菇汁 和 香煎挪威鮮三文魚配蜜糖芥末籽忌廉汁。意大利香草麵包：淡淡香草氣色，味道清新。香煎挪威鮮三文魚配蜜糖芥末籽忌廉汁：厚厚的三文魚有濃濃的三文魚香，有少少過熟，但整體感覺亦很好。美國牛肩扒配鮮菇汁：牛肩肉肉香味濃，啖啖咬感一流，配上雜菜中和肉類的膩感，Good~

平常這裏就算預先訂了位置，也要等大概十五至二十分鐘左右，今天午飯時間比較充裕，而且只有我跟同事二人，所以決定在這裏用餐！餐湯有蕃茄雜菜湯或忌廉波菜湯，因為我不太喜歡菠菜所以挑了雜菜湯！但其實這裏的洋蔥湯十分出色，可惜今天沒有這裏的午餐及晚餐都是同一個菜單，我差不多每次都點雜菜雞湯白胡椒炆豬手意大利粉！他的豬手炆得十分入味，將意大利粉蘸著白胡椒湯吃,清淡得來又不會覺得乏味最後來一杯熱鮮橙茶消消滯，那是在其他餐廳少見的做法

同事決定向外闖，沒法子。。。唯有送上祝福，祝事事順利 + 好運！ 人生每處有不同契機，全看你如何把握和發揮 雖然離愁別绪，但都要醫肚㗎 ~ 洋葱湯 + 意大利香草麵包 配 初搾橄欖油及意大利黑醋 湯很濃味，也有滿滿的洋葱。 麵包跟上橄灠油/醋，層次升級了 香煎美國穀飼去骨豬扒。烤雙重芝士。意大利茄蓉酱。配蒜蓉炒蜜糖豆甘筍及忌廉鮮薯蓉 賣相如同女人化妝般，蕃茄醬咪似我的胭脂囉 穀飼豬就是榖飼豬，不會有豬肉的腥臊味，口感零舍不同！雜菜紅酒炆牛尾配天使麵 ~ 炆得很稔， 不太濃的红酒味，反而較甜，肉與骨剛好骨肉分離！

如果午餐想訂枱，就限定要喺13：15前交枱，如果walk in 就無限交枱時間，呢個都唔係問題，夾唔到時間咪可以唔去。今日我12：00打電話去訂枱話7位12：10到，接聽職員話有枱，快啲到，然後收線，冇問我貴姓同電話號碼就收線，當我12：08到，我入到店內同職員講我打咗電話訂枱，於是職員安排座位俾我，當我哋坐低咗，突然有另一位職員衝過唻問我哋有冇訂枱，我話有，佢問我係咪姓林，我話唔係，竟然佢話：咁即係冇訂枱啦，今日得姓林訂咗枱，之後先至有另一個職員衝出唻話剛才有聽我電話，我哋先至有得繼續食。豬扒比較硬，其他食物都合格，要成一百蚊嘅午餐都唔可以同朋友慢慢食傾吓計，真係唔好中午唻。**男女廁所門口非常近部份餐枱，介意就訂枱時要留意。**

2018年7月30日。北角。晴。呢間角落小店喺北角都開咗好耐好耐之前食過午餐，因為有優惠券，所以呢晚成家人一齊食晚餐餐廳嘅裝修修幾有特色嘅～餐牌就無乜設計，有啲簡陋落咗單就先有餐湯，除咗呢個南瓜湯，仲有蕃茄雜菜湯兩個湯都不過不失另外仲有麵包作風係傳統嘅西餐廳模式一共嗌咗四個餐香煎鮮海鱸魚配意大利茄茸醬，$138海鱸魚肉質麻麻地，個醬汁可以揀辣揀唔辣，唔辣嘅醬好似唔夠惹味但好大份，一個女仔應該無乜可能食得晒美國牛肩扒鮮菇汁，$128牛肩扒都幾大塊，要求5成熟，但煮過龍，所以唔嫩滑香煎挪威鮮三文魚配蜜糖芥末籽忌廉汁，$120三文魚成舊磚一樣，肉質都係太嚡，乾晒水，唔滑但醬汁係好味嘅法式慢煮丹麥牛肋肉，$98係4個餐入面最平嘅一個但就係最好味嘅牛肋肉用慢煮方式炮製所以肉質唔會乾，唔會硬個醬汁酸酸地，好開胃整體來計，食物味道唔吸引，服務亦無乜，可能因為用優惠券？我諗以後會再試多次，俾多次機會佢

自從上次嚟咗一次紅星餐廳之後真係好鐘意呢度今日冇乜嘢做特登嚟食餐飯餐湯係鮮菇忌廉湯湯好濃 唔會好似普通餐廳嗰啲咁稀忌廉味好突出好濃而且飲落去真係會食到一粒粒碎蘑菇口感一百分💯呢個雙重芝士雞扒實在太邪惡 太邪惡啦😍大推!!芝士溶咗喺雞扒上面未食落口已經覺得好香 一切開舊雞扒 係有超多肉汁流出嚟可想而知啲肉有幾滑幾嫩 芝士下面疊住新鮮番蓉醬 中和咗芝士嘅膩三樣嘢一齊擺落口 芝士鹹鹹地 番茄酸酸地 好match 味道好豐富 簡直就係大滿足第一啖都未吞落肚 就已經想食第二啖第三啖😋😋至於牛肉眼扒 都係嗰句 牛扒七成熟最好味呢個牛扒煎得啱啱好 外皮微焦 好香入面肉質很嫩 又有肉汁 牛味好濃牛扒下面壓住一舊紫心蕃薯🍠 好甜仲有牛油雞湯浸西蘭花唔係講笑 個雞湯一定好足料西蘭花好lum 真係有好香嘅牛油味同埋我覺得呢度嘅侍應服務好好 真係心情都好啲

在公司附近開餐，這間都算是有名氣的，所以要预先 book 位呢! 而且分為2個時段， 12點 及 1點10分，則是你 12：30 到，也不能給你位置呢！ 想深一層又明白嘅， 午膳高瘋期，就是做這2個時段，怎能給你中途插入，霸佔位置呢一份午餐，包括了麵包 (無限添加)， 餐湯 (三文魚忌廉或蕃茄湯)，主菜和餐飲。 同事叫了牛肋骨 (全名實在忘記了)， 服務員會在你等位期間落 order, 甘坐低就好快有得吃， 這做法很好! 很有效率! /牛肋骨炆得軟稔，有水準! 如果配上的红米飯能多些更好，害我同事多叫了幾片無限添加的麵包充饑呢! 有橄榄油和黑醋伴吃，健康又衛生呢! 我喜歡魚， 叫了香煎鱸魚， 嘩，甘大塊，啖啖肉，沒有骨 肉質也香嫩，外皮煎得香香的，配上蕃茄汁和紫薯蓉， 美味喔!

好耐冇食懷舊嘅西餐 經過鰂魚涌嘅時候 喺街口發現咗一間裝修好別緻嘅餐廳 之前都冇發現呢度有個咁有feel嘅地方 於是決定入嚟試下新嘢一行到門口就有熱情嘅waitress嚟開門 好有禮貌 真係心情都好啲份牛肩扒一到 我即刻呆咗 因為真係好大份!! 係用一個木砧板上菜 好文青 最啱影相打卡😂📸我唔鐘意食太熟 所以叫咗medium well 切開塊扒 裡面呈粉紅色 肉質屬於比較有咬口嗰啲 但係完全唔會太硬太實 啱啱好 牛味好濃 而且有肉汁 好好味 淋喺上面嘅汁係鮮菇汁 好香嘅菇味 又唔會搶咗牛味嘅風頭巨菇扁意粉係一道全素嘅菜色 即使食素嘅人都可以食 味道比較清淡 上面嘅巨菇真係好巨 好juicy 一切落去就有好多菇汁流出嚟 而且煮得好入味 唔會淡貿貿 意粉煙煙韌韌 又吸收咗湯汁嘅精華 成道菜好健康又好味!!至於嘢飲都有驚喜 橙蜜一開始聽到覺得好weird 但係又好想知係咩味 結果好奇心今次冇害死貓!! 橙同蜜糖mix埋一齊原來好fresh 甜甜地又有橙香 係好特別嘅味西柚汁都唔差啊 入面真係有一粒粒西柚 唔係甜得好膠嗰種濃縮果汁 好健康👍🏻👍🏻雖然地方唔大 但係睇得出好有心機製作 唉我真係好

大大一路想食這間次次坐車經過就係冇試過既餐廳今日的起心肝都要去下次次見到佢地都好多人所以小心為上訂左枱先我book 630未到佢已經打來問來唔來堅定流呀點知咁早全場爆晒咁令我對佢地既食物有更高要求坐就真係唔舒服我咁瘦都坐得辛苦不過都係睇睇食物先番茄雜菜湯開頭飲好普通再飲多口都係普通野主菜我叫左個雜扒有煙肉腸仔牛扒豬扒雞扒人就真係多情調都有食物就好似普通茶餐廳咁當飯堂就有些貴特色美食又唔算不上不落就是了

作為一個常客，自從搬了屋後就再也沒有來過red star，這次偶爾經過，決定一嘗懷念已久的味道，結果比起以前水準更高了許多。來到熟悉的環境，這裡一如既往地優雅有格調，依舊放著懷舊的英文歌，稱不上堂皇富麗，但也足夠cozy餐湯是周打蜆cream soup，忌廉味道濃郁醇厚，入口後滿腔奶油香，而且很creamy，碟子上放著一塊自家製的香草麵包，口感很鬆軟的同時，咀嚼時也有勁，我喜歡沾上油醋吃，味道微酸，更加開胃。main dish是美國豬肋骨，一如既往的king size肉質鮮嫩多汁，富有彈性，骨與骨之間的部分美味，中間有四條骨頭，但絲毫不影響切割，反而因為肉質細嫩而十分易切，可見用料上乘。醬汁是打碎的番茄，配搭恰宜，既保留了豬肉本身的鮮味，又中和了肋骨的油膩，而且十分開胃。最後，這裡的waitresses全部都很有禮貌，笑容親切，很有工作熱情，感受到這裡愉快的氛圍，食物的味道自然也油然生色。

A true hidden gem in the city 大隱隱於市 門面唔起眼 行過好易 miss 就係周圍搵野食 有幸見到佢 望餐牌仲要唔貴 30 至 40 蚊已經有份下午茶餐 有 D 仲有 steak 份量仲要唔細 味道又好 下次可以 encore 

到健康村探望教友，可惜他沒有時間，小人便在附近找地方吃飯。餐前麵包咬下大為驚喜，裡面居然有香草，一點都不欺場，但餐湯較為普通，蕃茄雜菜湯跟一般港式西餐廳的紅湯差不了多少，幸好趁著麵包還算不錯。主菜的選擇很多，小人叫的是煎珍寶帶子配鮮菇忌廉黑松露意大利飯。先說帶子，是厚肉的，但不十分大隻，而且只有兩顆，未算真正珍寶。可能飯才是主角吧，小人慶幸沒有要薯條，因為這碟意大利飯煮得軟硬適中，混入了忌廉的奶滑，還有黑松露，更能提升整體的食味，既飽肚又滿足。又是一次開心大發現。😄

The lunch set menu here is reasonably priced with quick service and substantial portions. It comes with soup of the day (cream or vegetable), a main dish as well as a drink. You have the option of getting your main dish with one of the following: mashed sweet potatoes, wedge fries, rice and more. The chicken steak on mashed sweet potatoes with melted cheese all over it was delicious. It also came with fried eggplant. The vegetable soup was good and the freshly squeezed grapfruit juice was chille

一年之計在於春，一天之計在於晨!早餐好重要!來紅星食早餐都係第一次。事因並不順路，食完我就要行返頭去返工。但，我真係好想來試下，今天不太趕，我諗我唔會遲到。一行入來，有侍應招呼:早晨，請坐。好快手哋順便递咗餐牌畀我。於是…煙火腿+芝士omelette 配麥多士溶化的芝士在雞蛋內再加埋雞蛋本身些未熟透的蛋液，與煙火腿碰撞一齊，十分美味。麥多士亦烘得香脆。真係份量足，好抵食。美味的早餐是一天美好的開始。只可惜，我哋成日太忙，太趕，太懶。或者，我哋要學習如何争取時間去亨受美味!

一個好抵食而又好好食嘅午餐今天去了七姊妹道健康村的紅星餐廳食lunch 餐牌上有A至S的套餐可供選擇，我點了紅酒燴牛尾，配扁意粉，另選了番茄什菜湯，先來了餐湯，很好味，酸酸地，很開胃，再來是意粉和主菜的牛尾色香味都十分有水準，牛尾炆得很淋，易咬，又很入味，特別喜歡它的醬汁，混和意粉一吃，是上佳的配搭。吃完主菜，再來一杯凍香橙茶、感覺非常滿足呀！餐廳是歐陸式裝修，環境很舒適，服務人員的招呼週到，是一間可以再來光顧用餐地點。