紅火鮮料火鍋專門店

營業中

休息中

朋友話呢間喺抖音好紅，如果喺抖音訂定枱先可以免加一，佢哋有打邊爐、蒸氣火鍋、韓式燒烤，前兩者係個放題包埋，韓式燒烤就另外每人加十蚊，食物一般，蒸氣火鍋個火唔夠大定唔知點，啲海鮮蒸好耐先至熟，本來話蒸八分鐘，蒸完食落去啲海鮮凍冰冰。咁我幾個女仔去食，食完個打邊爐同埋蒸氣火鍋都已經飽咗，就諗住問職員唔加十蚊要個韓式燒烤得唔得，點知個職員答我哋，個爐可以唔上比我哋，但係錢要照加，結果我哋燒多咗三塊羊架硬塞入胃，啲羊架肥到不得了，我淨係食到一啖肉，全部都係肥膏。我比較鍾意食雪糕，呢間啲雪糕種類好少，仲要剩係得蓮花杯，真係冇下次，可能因為掃碼落單，職員比較少，搵個人都難。啱啱入去坐低嘅時候，真係應該連吓冷氣都冇開，我聽到後面嗰枱人同我哋一樣覺得好焗問職員先至開返，又打邊爐又蒸氣火鍋都唔開冷氣😓真係有冇搞錯

跟朋友来这里吃过，鸡煲太好吃了，韩式烧烤 日式刺身都是任食的，更有大閘蟹放题，大閘蟹羔很多，吃完一只又只,体验了一把实现美食自由，服务很周到,下次还来，并且这里的菜品品质非常出色，价格也非常实惠，是一家非常值得品尝的餐厅。

全部職員係到休息，放題錢照收，刺身只到一次，服務超差，追單仲串你，大家千奇唔好中伏，附圖一張證明事實，同一價錢仲有大把選擇，完全明白點解香港做唔起夜市，大家千奇唔好黎。

旺角可以話係美食天堂，但有好多高質食肆都係喺商業中心上面，呢間火鍋放題喺兆萬中心上面，食物用料都好高質，主打四合一放題，一次過試晒刺身、雞煲、火鍋同韓燒🔥，選擇超級多！今次午市過去，個場都唔會話好爆，主要用QR code落單，啲嘢食嚟得好快又齊，冇漏單嘅情況！外面仲有個自取區，可以自己拎啲蔬菜或者串燒返去，出面嘅食材拎返去打邊爐又得，擺落去燒烤都得，幾好玩！下次同朋友聚會諗唔到食咩，可以嚟呢度試吓，一次過滿足晒唔同口味，值得一去！🤩餐廳人手比較少，收碟嘅速度相對較慢，啲碟長時間都會擺咗喺枱上面冇人理，但以呢個價錢嚟講，性價比依然好高！------------------------------👑◖經典中日韓任食◗ $258佢嘅飲食套餐都有唔同選擇，可以淨係要雞煲或者淨係加刺身，切合返唔同顧客嘅口味～呢個價錢已經食到比放題更加多嘅食物種類，午市時段去更加抵食！▪️ 湯底🥘湯底有比較清淡嘅火鍋湯底，或者比較重口味嘅鍋底，今次揀咗個濃湯花膠雞煲🐓，鍋底都幾足料，有幾大塊口口嘅花膠，同埋半隻清遠雞去熬煮，肉質都唔算乾柴，頗有雞味，膠質十分之豐富！如果揀食重慶雞煲嘅朋友仔，仲有得無限添加雞件，可

看了食評不錯，一心去試吓，那天05:00就到，吃第一輪，員工有些還在吃飯，入座後仍然沒人招呼，到員工吃完飯才有人幫忙奉上湯底，落單可用手机掃描QR code完成，落完單等了10多分鐘仍然未有食物到，似乎在拖延，及后來了刺身及凍肉，刺身偏小，亦欠新鮮，凍肉更多是未有解凍，要等好久才能放下湯底，令人失望。湯碢完了再上烤肉鉄板，以為可以有五花腩韓式烤肉，原來一律欠奉，只能用湯碢肉類代替，完全沒有韓式烤肉風味。說實話，以此等價錢換來令人失望的服務，肯定不會再來，亦難怪港人熱衷北上消費，原來就是本地飲食業玩死自己。

🇭🇰 紅火鮮料火鍋專門店| Redfire hotpot 📍 Redfire Hot Pot (Mong Kok)17/F, CTMA Centre, 1 Sai Yeung Choi Street, Mong Kok你有冇諗過一餐可以同時食火鍋、韓燒、刺身！一次過完成你幾個願望😙😙呢間紅火鮮料火鍋喺疫情之前就已經開咗，可以捱過呢個疫情就知佢唔少嘢！湯底我每次都會揀花膠雞，真係用原隻雞煲出嚟，湯頭好鮮甜，店員仲會幫你將啲雞剪好。食完雞，飲完湯，先將唔同嘅火鍋配料放入去。佢哋有勁多唔同嘅火鍋配料選擇，例如白鱔、肥牛、雞子、鵝腸、鴨血、甚至仲有牛骨髓等等，總之你諗到嘅配料佢都有！韓燒方面嘅配料都唔少，有牛舌、羊架、牛仔骨、蒜蓉扇貝😋😋刺身都好多選擇，有唔同嘅海蝦、三文魚、帆立貝、八爪魚、墨魚。食完嘢之後仲有大版雪糕可以食，任食唔嬲！

環境衛生差，食物種類少，食物衛生亦差，有水浸住嘅食物好明顯冇換過水，顏色好混淆，而且上菜速度慢，坐低到埋單兩個鐘嗌咗5次三文魚，淨係嚟得兩次，已經有吹單，但最尾都係冇送嚟。

🔥午市任食 $188/位🔸2010年代好多呢種又有火鍋又有刺身仲有得韓燒嘅餐廳，但個問題係整體食物水平太劣，香港人對食物要求愈嚟愈高之下就執咗好多哈哈🫢但今次推介呢間整體嘅食物水準真係對得住價錢，如果你係貪心又大食嘅人，值得一去🔸呢間餐廳有任食雞煲、火鍋、刺身同埋韓燒，種類多元化，令人眼花繚亂。先嚟熱辣辣嘅雞煲擺喺枱，佢嘅雞煲非常出色，醬料濃郁，滲入雞肉入面，而且保持嫰滑🔸個日唔係特別想食韓燒，但都搵啲野燒下！燒咗牛仔骨，蝦餅同墨魚餅，整體水準都唔錯🔸刺身算有驚喜，比起一般放題店我覺得再新鮮多小小🤔推介佢哋嘅三文魚刺身，色澤鮮艷，口感嫩滑，另外赤蝦同赤貝都係我比較鍾意嘅款式😃🔸食晒上面啲嘢都已經飽飽，但都一定要加湯打下邊爐先叫圓滿😁火鍋配料試咗包括了鯇魚、牛肉、黑豚肉同牛舌。肉質非常新鮮，特別係牛舌，嫩又彈牙。另外，佢哋嘅廣島蠔亦都幾出色，蠔身肥美🔸當然，飲品選擇都好多同埋係任飲～推介大家午市嚟，會舒服啲🥰晚市佢地會好爆場下

原本見到呢間好似幾抵食，諗住放假試下就係Openrice網上訂枱，訂左8月11號7點，Openrice send埋個確認，一心一意今晚去食下。點知2點半餐廳打黎話無訂個時間full左，一係改早d 6點，一係改到9點半。。。。。6點未收工。。。。9點半太夜。。。。。我問番員工點解會咁，佢賴Openrice個訂枱system有問題，我話我都係做呢行，個system我都有用，姐係員工疏忽就吾好賴落個system度。仲要掉轉頭係電話度問我點攪。我話既然你無位，時間我又吾岩咁我唯有取消，我諗我之後都吾會想再去試。

中日韓放題滿足你三個願望🫣 餐廳主打中、日、韓2小時任飲任食 包括雞煲火鍋、韓式燒烤、日式刺身🫢 ====經典中日韓任食 成人$258起====᪥ 海鮮重慶雞煲雞煲都係無限追加 海鮮加咗蜆、鮮蝦等令雞煲帶鮮味 海鮮都幾新鮮᪥ 火鍋食完雞煲可以加湯打邊爐 有多達80多款火鍋配料 經典套餐仲可以任食澳洲M3和牛、各款海鮮自助區包括醬料區、部分火鍋配料、小食、飲品、雪糕等᪥ 刺身任食珍寶帶子刺身、特大赤蝦刺身、三文魚、甜蝦、馬刀貝、象拔蚌等等᪥ 韓式燒烤包括黑椒牛仔骨、香草羊架、蒜茸元貝、牛舌芯等等

-有個吃貨朋友真系好😂系旺角搵到間可以雞煲、火鍋、刺身、燒肉任食既餐廳🥳一次過滿足4個願望 中、日、韓任食我地今次就揀左重慶麻辣雞煲 小辣🌶️亦都可以直接揀湯底打邊爐🍲火鍋湯底都有十幾款選擇有好特別既崩沙牛腩煲或者食得健康啲 可以揀姬茸菇節瓜煲 🍲📲用QRcode點餐之餘 仲可以系出面自助區拎野食🥢豬、牛、羊、雞、海鮮、自製餃類、丸、麵食等⋯⋯都真系好多野揀😳刺身都有好多款式🍣三文魚、甜蝦、珍寶帶子、馬刀貝、赤貝、北海道角螺等⋯至於燒肉🥩⋯牛舌、雞翼、羊架、手打鮮蝦餅都唔錯😋

想食放題，又諗唔到想食中式日式定韓式，咁真係要揀紅火雞煲呢間餐廳呀🫣 佢可以俾你一次過食晒，仲有雞煲俾你食添，大滿足呀😍..火鍋先揀咗個湯底先，有六個湯底俾你揀，雞煲平時都食過，但係用新鮮雞燉嘅雞煲真係少食，所以今次叫咗個鮮雞花膠煲🐓一上到枱有成半隻大雞咁多，職員會先俾你影咗相先再剪開啲雞俾你食，一路打邊爐一路飲佢個湯底，好新鮮，再配埋啖啖冇腥味又厚嘅花膠，已經值回票價🤓..另一個爐就係俾你韓燒，有啲可以用QR code落，有啲可以出去拎，燒肉、海鮮、丸應有盡有，多款燒肉當中，竟然有蠔同扇貝🙀😻啲肉全部都醃得好入味🤌🏻 仲有日式刺身比你叫，都好新鮮喎😼 外面仲有雪糕同埋飲品俾你叫，飲品有室溫同埋凍嘅俾你揀，相當體貼🫶🏻 其實我淨係叫咗一轉嘢食已經叫到成枱都係，亦都冇再叫第二轉，但係已經超飽🤣🤣..📍 紅火鮮料火鍋專門店 (旺角)旺角西洋菜街1號兆萬中心17樓..#lamlamfoodie

兆萬一向都出名有好多間放題店呢日我地去左紅火鮮料火鍋專門店有齊雞煲、火鍋、燒烤、刺身四種選擇😝.首完先黎一個小辣海鮮重慶雞煲🐔雞煲入邊因為加了蜆、蝦 味道更添鮮味跟住就加湯打邊爐🍲同時仲有一個烤爐食韓燒 一次過滿足晒兩個願望.食材用QR code落單 種類非常多例如澳洲M3和牛、西班牙黑豚肉、特選牛板健，紐西蘭羊肉片、豬潤、生猛海蝦、蜆、日本廣島蠔、中山白鱔片、田雞等等當中我地最推薦M3和牛 質地又腍又有牛肉味🥩海鮮亦都唔錯 蜆肉大大粒 蠔好鮮甜🦪 白鱔片唔腥 肥美嫩滑.仲有一個凍櫃放了各種肉丸、鴨血、青口、各款蔬菜🥬、金菇、重慶粉、公仔麵.韓燒食材方面就有黑椒牛仔骨、蒜蓉元貝、安格斯牛粒、多春魚、羊架、雞翼、菠蘿我地鐘意黑椒牛仔骨同埋羊架 肉質嫩滑😋.估唔到連刺身都有得食例如三文魚、甜蝦、象拔蚌、赤貝、珍寳帶子、赤蝦🦐刺身鮮甜冇雪味☺️.當然唔少得任飲飲品同甜品有啤酒🍺、各款汽水、蘋果汁、紙包茶🧃甜品就有多款口味嘅雪糕🍨.餐廳提供好多卡位 坐得舒服又可以打邊爐又可以韓燒適合一班朋友 因為梗有一款啱👯‍♀️👯職員亦都會主動幫你加湯 好細心

濃湯花膠雞湯真係絕對係大家嘅經典之選啊！湯底咁濃郁，加咗大量花膠同半隻雞，啖一口已經覺得到花膠同雞肉嘅香氣啦湯底唔會太油膩，所以職員都好推薦呢個煲，成為人氣菜式之一唔止濃湯花膠雞煲，餐廳仲有好多特色選擇㗎，，仲有更多湯底供你揀添。火鍋仲有好多免費火鍋材料可以揀，有皇帝菜、超甜粟米，仲有啲特別既食材，例如重慶粉同馬尾粉絲話返肉類，仲有刺身食海鮮同唔同肉類都應有盡有有象拔蚌、牛坑腩、安格斯牛柳粒、西班牙黑豚肉等等食落去口感柔嫩，入口即溶，真係有驚喜㗎。最令人開心嘅係，你唔止可以食火鍋，仲可以同時享受韓國燒烤同日式放題㗎！元貝同雞軟骨係一定要試下，燒烤後加啲椒鹽更加香口，多重食法，真係令人好滿足嘅

Fresh Chicken Casserole:The broth, simmered to perfection, boasted an enticing blend of spices and flavors. Tender chunks of chicken, accompanied by an assortment of fresh vegetables and mushrooms, made for a delightful and wholesome combination. The broth's richness came through with each spoonful, leaving us yearning for more. A truly comforting and soul-warming dish that lived up to its name.Shrimp and Crab Roe:. The shrimp were plump and juicy, while the crab roe added a creamy, briny burst