紅茶冰室

營業中

休息中

我叫了一個咖哩薯仔雞扒焗飯，香濃多汁，非常惹味。呢個焗飯係炒飯底，溫習非常熱。絕對對得住七十蚊呢個價錢。之後再叫了一個菠蘿包，不是空氣飽，面頭好脆。朋友的茄汁焗豬扒飯也非常美味！令人回味的一餐！

買蛋撻外賣，打包緊時見到幾燶，跟住見到堂食都有人退，個底黑哂。我見到咁話唔要，點知個姐仔好兇咁話已經打咗單，唔可以唔要。我再問轉買其他包得唔得，佢都話唔得。我反問佢唔通成舊炭都要迫我買？最後佢問個高級啲，即刻話冇所謂。以後 blacklist間野，完全係受氣！

今日約咗friend去踩單車順便去食個早餐，咁就打算由大圍踩去大埔嘅，所以就喺大圍到食一間紅茶餐廳，咁就叫咗一個沙嗲牛肉麵，配丹麥數麵包同炒蛋，而另外一個就叫雪菜肉絲米，都係配丹麥酥同炒蛋，咁兩個都飲熱奶茶😆😆先講個熱奶茶先啦，茶味濃郁，配搭埋花奶，濃郁嘅茶味同濃滑。咁個沙嗲牛肉麵，面都幾彈雖然唔係出前一丁，不過都唔差，依個沙嗲都好濃郁😁😁咁丹麥酥都好多層次感，同埋好香牛油味咁炒蛋都好滑另外仲加咗個蛋撻，但個蛋撻好似冇上次好食😂

一嚐紅茶冰室的下午茶叫了炸雞髀餐同埋吉列豬扒烏冬餐聽講紅茶的奶茶算出名，所以凍奶茶同熱奶茶都叫左，比較之下個人認爲凍奶茶比較好飲，相對比較甜同奶味比較重，滑一啲。吉列豬扒湯烏冬塊炸吉列豬扒得出色，很鬆脆，應該係即炸即上，唔係用千年油。烏冬就不過不失，正常水準。炸雞髀配薯皇炸雞髀好重香茅味，所以睇個人鍾唔鍾意食香茅而覺得好唔好食，薯皇不太夠熱。有比茄汁點雞髀同薯皇。最後，口痕叫了兩件蛋撻。熱辣辣，酥皮很鬆脆。

上次本身諗住同個friend去食其他餐廳，但由於嗰間Cafe太full，所以就試吓紅茶餐廳，平時食早餐就未試過食lunch，所以今次試吓🤩🤩估唔到佢午餐都種類繁多😄咁我哋四個人就叫咗三個餐，蝦仁炒蛋，黑椒汁牛扒，同埋芝士豬扒飯，先講個蝦仁炒蛋，都幾滑幾好味😋黑椒牛扒到易入口好有口感，唔會咬唔開😄芝士豬扒飯呢就比較膩，一人食幾啖都厭😂雖然係好食嘅，但真係食唔到一個，好彩係share🤣🤣🤣而蛋撻都幾好食，幾鬆化同埋唔太甜嘢飲方面凍咖啡極力推介真係好好飲

元旦日晚和朋友第一次光顧這食肆。本人點了一客鮮茄焗豬扒飯和熱檸檬水。熱檸檬水上枱後看到杯面的水很多油漬(很噁心)，明顯是清潔問題，於是告知侍應。誰知他反駁是檸檬碎，不想退換，後來死死氣地在很不願意情況下拎走去換了另一杯來。如光顧大家樂快餐店，此情況下無須多講已換了給客人，還會加上一句“對唔住/唔好意思”。嘭一聲鮮茄焗豬扒飯奉上了(因為侍應很大力放上枱)，不作聲頭也不回走開了。鮮茄焗豬扒飯($68不包飲品)是此店之大力推介，吃落後覺得，飯粒一般，豬扒肉質及味道也好不過“大”字頭快餐店，鮮蕃茄2件也沒有(哈哈！)。各位網友光顧此店時請三思！花錢事小！受氣事大！

衛生好一般抹枱時把紅豆抹到哦。薯仔有啲燒燶。真的太好「吃了」！椅子坐得不舒服不建議去吃特別係有疫情時如果你真係好想試就試吓囉記住評價喎我唔知道係咪因為廚師技術有問題令我很傷心失望

門口有位阿姐專是叫人入座，我地是3人，同佢講仲有一位差唔多到，就安排了長卡位(疫情前坐到6人這款) 比我地入座，隔了一陣，依位企門口阿姐走入黎問點解未到，叫我地讓返個位出黎！！！ 我無理會佢，佢又話叫我轉細卡位(4人位)依間舖都好大仲要兩層，是問需要企門口阿姐專登走到最入既長卡位，叫我地讓返個位出黎？？？我真係未試過咁樣比人叫返出黎！如果係咁，到開始就唔好比6人長卡位啦！另外所有冷氣風位都無加板，正正坐長卡位吹到正，問伙記中央無得較，而家好多餐廳都加啦！樓下厠所好似水浸咁，問cashier上面點，話都係濕架喇！真係想知佢地憑咩野，西炒飯/揚洲炒飯都66元，另加錢先有野飲

喺大圍嚟講，紅茶算係環境好，味道尚算穩定的茶餐廳。點解話味道尚算穩定，係因為剛開幕時佢奶茶難飲、沙嗲牛面又有燶味…但近來水準算唔錯，雖然杯奶茶仍未比得上同區太興（以連鎖店嚟計）。紅茶下午茶非常抵食，份量多，而且好味。已經試咗幾次燒味飯，叉燒都好稔，而且比大圍普遍下午茶燒味飯都足料。吉列豬排烏冬都唔錯，豬排係新鮮熱辣上枱，炸粉薄，豬肉有𡁻口。另外推薦出爐酥皮蛋撻，雖然7蚊個唔算平，但幾好味，經常一出爐就賣晒

今日夜晚同女朋友2個人7:25pm入餐廳坐低， 因為我哋喺放工嚟吃飯，所以想要一張櫈放袋，但其中一個男侍應不想我攞走單人位張櫈，話會幫我拎另一張，結果冇影，我要自己去其他枱拎。去到落order， 一個女侍應落單， 但我哋等到7:45pm，同枱幾個人都食完，有個仲走埋，我哋啲飯都未到，去催單，先同我講話幾分鐘有，點知放低張單時，俾我發覺寫住<漏單先上>，但全程啲侍應冇講過，算，我轉外賣，但原來外賣要每個收$2，2個飯就收多$4，又係冇講過。去到拎外賣，終於以為冇事，點知個袋得1個盒，冇野飲，我明明叫2個餐，想點先。結果又要等多5分鐘。最後補充: 我8:10pm先拎到個完整嘅外賣，呢間餐廳只收現金，不過我之後唔會再幫襯，大圍仲有好多好野食，多謝曬。

今日去紅茶冰室食早餐見到餐牌有全日早餐，好似幾豐富，ordered 咗一個。另外叫咗一個招牌沙爹牛肉一丁。招牌沙嗲牛肉一丁包括丹麥酥多士，炒滑蛋，一杯凍飲$45丹麥酥多士，同普通多士唔同，烘到好香脆，麵包皮係酥皮，滑蛋炒得香滑沙爹牛肉，沙爹湯底濃郁，麵軟硬席適中全日早餐跟一凍飲 $63 炸魚柳、丹麥酥多士、黑松露炒滑蛋、煙肉、腸仔、豆炸魚柳好大塊， 炸到好香脆，炸粉唔厚，黑松露炒蛋，夠滑，好多黑松露醬，腸仔同煙肉都煎得好香👍總結：第一次喺茶餐廳食全日早餐，比西餐廳的全日早餐更加豐富，味道唔差，而且價錢比西餐廳相宜。另外丹麥酥多士都係第一次食，個麵包皮係好脆，牛油適中，比普通多士好味。感覺上這間餐廳食物質素唔差，真係用心去做。服務態度都幾好，乾淨衛生，有機會會再幫襯。

真心覺得係超高質茶餐廳🤤#小胖遊大圍🐠 —————————————————🔹小編最愛-招牌牛柳鐵板餐 $101附送餐湯、餐包同飲品🥤鐵板超夠熱，牛柳散上蒜蓉燒汁🔥SA~超香😳牛柳外面焦香而肉質超軟熟又有牛味🐮薯菜唔係薯條，而係更健康的原隻🥔配上少少開胃沙律醬，唔會好dry👌🏽餐包鬆軟，餐湯有忌廉湯、羅宋湯同中湯揀🥣絕對係平靚正之選😆.💡😂經常好多人排隊，證明真係好受街坊歡迎☺️(可以放心效率超高，排隊唔會好耐)—————————————————🧜🏻‍♂️口水度：🌕🌕🌕🌕🌗🤑CP值💰：🌕🌕🌕🌕🌖🧚🏻‍♀️打卡值：🌕🌕🌗🌑🌑🥰舒適度：🌕🌕🌕🌗🌑👅再食指數：🌕🌕🌕🌕🌕.♟Overall♟基本上係經常去的飯堂，無論早、午、下午、晚餐，甚至係包🥖都好好食😋特別係菠蘿包

餐廳位置好方便 出大圍地鐵站1分鐘就行到 茶餐廳黎講賣相同食物質素比一般嘅好少少 佢都幾多卡位坐 坐得好闊落 重點係兩個人坐唔會要同人搭枱 焗鮮茄牛脷飯有三大嚿牛脷 但每嚿嘅肉質就有啲參差 有啲夠爽滑 其中一嚿就比較有渣嘅感覺 汁醬用上鮮茄 調味適中 好啱送飯 加上嗰飯有炒底粟米吉列魚柳飯值得一讚係個白汁有另上 可以自己調校份量 本身嗰飯都已經有少量白汁 魚柳算滑身 炸粉做得好薄 賣相一啲都唔馬虎 伴碟有甜薯蓉及南瓜 有啲西餐嘅感覺 但甜薯蓉食落有啲筋 南瓜好硬有啲太生招牌香滑奶茶 (+$3)小編好推介 甜度適中 奶茶又香又滑身 雖然叫咗少冰 但飲到底都仲有成杯冰

這款沙爹牛肉麵以新鮮牛肉煮成。牛肉沒有太多沙嗲醬，反而有重重的花生醬味道。配合炒蛋及丹桂酥，丹桂酥一層層酥皮帶點驚喜，反而炒蛋相對遜色一點。奶茶茶味夠香濃，茶餐廳必備之選服務生服務態度非常友善及禮貌，平民化餐廳💪🏻

🤩 大围｜红茶冰室｜80 HKD｜#丁丁香港探店地址：大圍村南道51號地舖-种草了之后一直心心念念提前两天盘算要吃啥有好几个打算去吃的菜打算多去几次尝个遍-「焗咖喱薯仔猪扒」一开始尝到咖喱没有很浓感觉低过预期但是越吃越好吃咖喱越吃越浓！个人很爱吃浓咖喱和焗饭安利安利！-「招牌红豆冰」招牌红豆冰也很好喝配餐只要9HKD可以点一下-「铁板海鲜炒乌冬」这个朋友吃的看起来也很棒！里面海鲜有很多看起来就很有食欲