紅茶冰室

營業中

休息中

🤩 大围｜红茶冰室｜80 HKD｜#丁丁香港探店地址：大圍村南道51號地舖-种草了之后一直心心念念提前两天盘算要吃啥有好几个打算去吃的菜打算多去几次尝个遍-「焗咖喱薯仔猪扒」一开始尝到咖喱没有很浓感觉低过预期但是越吃越好吃咖喱越吃越浓！个人很爱吃浓咖喱和焗饭安利安利！-「招牌红豆冰」招牌红豆冰也很好喝配餐只要9HKD可以点一下-「铁板海鲜炒乌冬」这个朋友吃的看起来也很棒！里面海鲜有很多看起来就很有食欲

今次喺大圍食lunch，男朋友帶咗我嚟呢間茶餐廳，佢話佢都嚟食過好多次，我之前經過嗰陣都見到幾多人喺門口等位。入到去坐低之後，發現樓面都幾多侍應，唔會話叫極都冇人應你。同埋有一個好特別嘅特色，就係佢哋有新鮮麵包出爐嗰陣，會請個餐廳嘅侍應叫一次😂 幾有氣氛的👏🏻-💛美極生炒牛肉飯 💰66 (好味道: 💛💛💛)第一眼上台嘅時候有少少失望，因為我見唔到有一片片嘅牛肉，只有一粒粒嘅碎牛🥺 不過整體而言個飯係炒得幾好的，好有光澤感，同埋每一粒飯都好平均有美極豉油嘅味道，不過食到最後會有少少鹹🤏🏻 同埋如果佢啲牛肉大片啲會開心好多🥲 話晒都60幾蚊一個炒飯-💛脆皮蒜蓉雞扒飯 💰63 (好味道: 💛💛💛)好明顯地見到塊雞扒係大過碗飯🤣 不過塊皮就唔算好脆皮🤔 雞肉係滑的，同埋個蒜蓉汁都幾開胃👌🏻-💛 凍檸茶 💰6💛凍好立克 💰6兩杯凍飲都做到水準，好立克嘅粉加得啱啱好，唔會太甜👌🏻 不過平時茶餐廳凍飲都係+2至$3，但係呢度就要加$6，整體價錢都係有少少偏中上。-人均消費:💰71 (免加一）環境:💛💛💛服務:💛💛💛推薦:💛💛💛

住沙田區過往都會專誠駕車到【大圍紅茶】買外賣順便買個菠蘿包食。今次2021-08-26, 打單時間晚上19:03:54 ，收銀阿姐（可能係老闆，50-60歲，短髮，黑衫，黑口罩）對我哋排隊落order 及結賬顧客呼喝，自己忙做到噪就喝我同後面幾個婆仔；大聲呼喝【你埋單同我即刻上嚟(指令式態度極差)】，啲婆仔幾廿歲又唔係你職員，佢哋點會知你做法？係咪以為大家都是打妳工，要接受妳命令？一場買賣食品交易大家應該互相尊重。之後到我落外賣order後又粗魯扯我啲錢，找贖時又掟啲大力拍錢十分衰格，我後悔一直無出聲啞忍。。。我以後不會再幫襯依間食店，原來我來消費(買外賣)要受你氣的。。。

红茶冰室已經開了一段日子，平日要排長龍，可能下雨，今天不用等，可以馬上直入，到這間餐廳食下午茶，想試招牌菜。要了招牌沙嗲牛肉麵和奶茶，另外要了一個下午茶餐，叉燒燒腩飯。説老實，沙嗲牛肉麵没有太大驚喜，牛肉尚算軟嫩滑，沙嗲汁還可以，但是，比另外一間之前試過，還是比那間好食些（可能個人口味），下次有機會介绍，丹麥包和蛋卷也可以。反而，燒味飯很好味，賣相也很好，叉燒不太乾又有麥芽糖甜味，又没有黑色燒焦，又没有肥膏，整体適中。之於，燒腩仔有脆皮，肥瘦適宜，口感很好，當然完全食光光。食物普遍味道很好，合我口胃，一定會再試。最後，奶茶也算可以，尚嫌紅茶味好似不夠濃，可能是奶味覆蓋了，一般我不加糖，品賞原来味道，但也算很滑，一般茶餐廳水平，但由於叫“红茶”，所以有些寄望。地方環境非常方便，一出地鐵站A出口就到，卡位尚算舒適，就餐空間比較迫，但疫情隔離，兩個人免強接受。冷氣也可以接受，甪膳餐具自己用熱水再洗乾淨，上餐時間不算太耐，服務員服務態度也不差。整體以言，地點，環境和食物都很好。

去買外賣，帶位金色頭髮嘅服務員話，你叫外賣出去睇⋯已經心中想翻白眼⋯跟住去收銀度俾錢，全程收銀個個食錯咗藥咁，句句都串，話呢個話個個⋯有冇搞錯啊，俾錢嚟買嘢食仲要受呢啲氣⋯呢間服務態度簡直係離曬譜⋯疫情好返啲，就咁嘅樣⋯請埋呢啲不知所謂嘅員工. 之前覺得呢間嘢食都唔錯，但呢啲咁嘅態度，每次買外賣都洗黑曬面，究竟係客人重要，定係你哋啲staff心情重要？你哋好好反省下啦. 大圍咁多茶餐廳，仲有大把選擇，你哋啲咁嘅態度，不食也罷.

係油麻地食紅茶，覺得唔錯，見大圍有，排左一陣入去食，唔食猶自可，一食成肚氣！問阿姐，常餐可唔可以轉意粉，阿姐話冇得轉意粉，轉意粉嗌呢啲午餐，態度極度惡劣，我答咗佢:轉米粉，繼續哦，以為得罪咗佢？切雞髀飯，啲飯好硬。沙嗲牛麵，個面浸左5分鐘，都係好硬！一行三人，再嗌其他食物，阿姐繼續保持惡劣態度。再叫多一份外賣，同加蛋撻，一句得埋嚟：冇蛋撻呀！我哋再問佢，幾時會有，阿姐話：唔知喎！要問吓？轉個頭返嚟，都係答你唔知幾時有。已經受氣飽咗，諗住快啲飲埋杯餐飲，快手拎個外賣走人，兩個阿姐輪住催你走，我答佢：我可唔可以飲埋杯咖啡先落去拎？抹枱嗰陣時，仲掃咗啲污糟野落我個身度👍🏻其實有好多有質素嘅餐廳，服務亦都好好，職員嘅禮貌都會好好！

紅茶嘅沙嗲牛好出名，今日入嚟試下午茶，一試果然無令我失望😋😋 配上丹麥酥、火腿奄列，特餐$52，凍飲加$3試埋招牌芝士流心西多士都ok, 可惜甜味蓋過芝士味，如果芝士味再濃啲就完美，但都唔差嘅😋下午茶餐$36 價錢都合理。

招牌咖哩吉列豬排飯（$70）​由於唔係是日午餐餐牌入面，等左超過半個鐘先上菜，塊豬排🥩即叫即炸。咖哩汁濃杰度岩岩好，脆口既豬排再淋個咖哩汁恰到好處，個汁都好岩用黎撈飯🍛。入面既薯仔外脆內軟，非常好食，另外配凍檸茶（+$6）好大杯同好飲。​​​冰火脆皮菠蘿油配紅豆冰（$26）​新鮮出爐熱辣辣既菠蘿油，入面夾住冰凍既牛油，入口真係有冰火交融既感覺，好香好脆，令人每次黎都會想食返一個。​

門口位細粒小姐，真係態度差，去親都咁差，又無記性，問完幾多位轉頭又唔記得。仲要黑口黑面。另一個染左淺髮小姐反而好好記性，可惜唔係日日企門口帶位。另外，大圍紅茶真係好特別，冬天秋天專登開大冷氣，凍到好似自己係冰霜食飯。所以冬天食嘢一定要帶外套。 問下可唔可以關細d個冷氣，又話唔得，但最終有有心職員幫手關細左個冷氣。夏天最好著背心熱褲，因為佢地又會專登開細個冷氣，同坐係街食無乜分別，又熱又焗，想翻枱都唔駛咁老土。去開幾間紅茶，真係得大圍紅茶係咁做。嘢食唔差，但好老土，唔會再幫襯大圍紅茶！荃灣分店好好多！

其實味道黎講紅茶冰室，算係好味嘅茶餐廳，我都食過幾次覺得唔錯，但大圍間分店啲員工好似食咗炸彈咁，啲服務態度差到，純粹問吓會唔會有紅豆奶茶，態度好差咁同我講，你去第二間食啦唔好黎宜度，佢哋嘅老細到底點諗，好幸運有依啲員工，叫客人唔使再黎，去第間食。。。係個女員工黎

假日每次行過都好多人 好奇有幾好食，今日一個人見唔洗等位入去食個早餐叫左招牌沙嗲牛麵加杯凍檸茶，冇凍茶底，同阿姐講咁少少冰就得，黎到杯野依舊係冇少冰，仲要半杯都係冰，自己倒返出黎就算，個人認為沙嗲牛既好食唔係一味濃味就叫好食。。濃到咸又出唔到沙嗲香寧願佢淡好過，就連個炒蛋都咸到食到鹽！咁樣叫招牌。。。講完野食講服務，我一個人坐圓檯用隔板，食食下拎開我隔離個隔板叫其他單人客落黎坐！🤷🏻‍♀️對我而言，一間唔會再食既茶餐廳Blacklist

睇完中醫，又到下午茶時間，經過呢間餐廳，見有好多人排隊，好彩一人前唔使等😀下午茶餐，選擇都唔少豬扒包伴沙律$39冇期望就唔會有失望，仲有驚喜添😄豬扒包除咗有豬扒外，裏面仲夾有生菜同蕃茄，豬扒肉質鬆軟，食唔出有鬆肉粉味，又唔會油淋淋，個包都好軟熟，唔係乾爭爭的👍只係豬扒上的沙律醬比較多，要先減去一部份，豬扒包整體都好好食😋跟包上的沙律唔錯，起碼唔會只得薯仔和甘筍。仲有杯奶茶，入口唔澀都算滑。

諗住平時咁多人排隊見今日少人去試下點知一試發現勁伏🤮🤢叫野食明明叫咗個波蘿油但個侍應阿姐送錯左隔離枱然後隔離枱食左就畀佢原本叫個個波蘿包我之後不但只冇道歉仲自稱自己之前嚟過我地枱屈我同我朋友掛住傾計冇應佢都算啦諗住叫佢換過個新嘅比我但佢直接比舊牛油同刀我叫我自己塞入去正常個波蘿包係熱熱地會令啲牛油融但食落去個包已經凍曬然後另外點嘅沙嗲牛肉麵又難食服務同食物質素咁差真係唔會再去食勸你哋唔想中伏真係唔好去食

已經食過好多次，其實係大圍，紅茶不論價錢、食物、服務，都係我既選擇前幾名既。今日再去食下午茶時段。等三張枱就到我哋，餐廳都好窩心安裝咗部風機係門口等位嘅地方。菠蘿油加紅豆冰，水準之作，抵食之選。👍🏻吉列豬扒配烏冬，烏冬淋淋咁，湯冇咩味。All day breakfast 份量同以往一樣好大，魚柳好大塊，不過炸得有啲過火及粉比較厚。希望今次係少少失準，下次會回復正常。😊

話說今日風和日麗天清氣朗，咁就即刻相約三五良朋去踩單車！都係果句三軍未動糧草先行，一定要醫左肚先！咁住大圍嘅地膽就推薦左食紅茶呢間茶餐廳呢間茶餐廳地理位置非常方便，就喺大圍站嘅斜對面，十分好彩地唔係好駛等位就入到去坐今次當然食返茶餐廳例牌早餐沙嗲牛肉麵啦整體而言，茶餐廳嘅早餐都好難失手多士係熱嘅，炒蛋亦都夠滑，叫做不過不失但當我食落第一啖沙嗲牛肉麵嘅時候，就發現原來呢個沙嗲牛麵並非一般嘅沙嗲牛肉麵，佢個沙嗲真係特別香濃，食落非常之有驚喜，所以如果下次有機會我都會再嚟食多次餐後感：食完之後發覺餐廳已經排晒人龍，好彩早咗過嚟食，餐廳出邊又可以泊到單車，加上幾驚喜嘅沙嗲牛肉麵，各位踩單車嘅朋友不妨一試