紅茶冰室

營業中

休息中

👉🏻👈🏻🙇🏻‍♀️🙇🏻尖沙咀最多就 #茶餐廳最方便最方便就係 #紅茶冰室連續兩日 #晚餐 #午餐 都係食佢介紹吓我食咗啲乜先～🔸#叉燒拼貴妃雞 原來紅茶係有燒味嘅#叉燒 係用靚梅頭，一片肉加少少肥肉質軟腍腍，帶肥嘅叉燒通常特別香佢又切得特別厚，所以咬落去肉汁非常鮮味👍#貴妃雞 顏色已經麻麻地，一般～🔸#泰式豬頸肉 豬頸肉比較乾身，所以好嚡🔸#泰式無骨鳳爪 味道、質地剛好，而配菜嘅洋蔥最為好食外面有好多做得太酸，根本食唔到🔸#冬陰功海蝦球湯金邊粉冬陰功湯酸酸辣辣很惹味蝦球亦都大隻爽脆🔸#香葉肉碎煎蛋飯 豆角～爽口，肉碎～亦都唔係太乾身所以每一啖餸加少少飯，一啖一啖唔停得口我覺得呢個最好食😋🔸#泰式蝦餅 其實係兩個圓形切開四件賺得剛好，有肉汁加甜酸醬更好食🔸#招牌焗鮮茄豬扒飯很多芝士鋪滿飯面小朋友淨係食晒啲飯同芝士🧀麻麻哋鍾意豬扒🔸#榨菜肉絲湯米粉賣相不討好，但米粉爽滑，清清地幾好食🤤#食茶餐廳都食到滯咗#我食之前食咗兩粒輕體片#block糖block澱粉

服務態度好差，亂帶位，位置安排非常擠迫。waiter一係同你講普通話，一係講啲聽唔明既廣東話（算啦多年譚仔經驗食客都ok既）。佢一見我行去倒杯水（個侍應叫我自己去斟），就一輪嘴普通話鬧，我叫佢唔好同我講普通話，佢會大聲鬧你唔尊重佢；有時好人喇就番佢，叫佢用普通話，佢又堅持用廣東話聽力訓練我地食客，笑死，無下次。西多士出品可接受，花生醬香味夠，炸得都乾身不油膩。燒鵝就凍冰冰，肉質ok，但唔香口，十分麻麻，之前叫燒腩仔飯都唔脆唔熱，呢間燒味好唔掂。算啦，好吃的茶記周圍都有，無謂去呢度啦。

講起紅茶，就會諗起排隊。無論邊一間分店一樣，去過尖沙咀去過觀塘。食飯時間一樣多人。所以見到下午茶，都差不多5點幾，見肚餓，又唔洗等位，即刻入去食個快Tea。叫左個豬扒包同薯角。同埋我最愛的凍檸茶。幾分鐘就有食物上枱。見到賣相幾好。都好期待佢味道。豬扒熱辣辣，勁大塊。大過個包。所以要用刀叉食。薯角都係即炸。熱辣辣香噴噴。唔錯。今日食個咁豐富既下午茶，我諗夜晚都唔洗食飯。總括黎講。下午茶快靚正，唔洗排隊就最正。

從來未寫過食評，但真心嬲。食得茶記10個有7個都趕時間。落個早餐，個通粉等咗25分鐘先到。期間追過2次d伙記都唔啋你。千呼萬喚個通粉到咗。因為要搭枱所以碗嘢要貼枱邊單手降落，結果就係d湯倒咗落我條褲。個伙記係有講唔好意思，同遞左張乾紙巾。我無嘢可以挑剔佢，因為我食緊「茶記」，係唔應該有expectation. 但最最最嬲係，個通粉勁難食。「難食」哩個概念係比較subjective。如果要準確d描述，我會形容碗通粉好似落咗成條咸魚或者2大茶匙嘅粗鹽去煮。

2024年新的一天，與好友經過紅茶冰室門口，可能太早關係不算多人，不需要排隊即時安排入坐。期待食個2024年的第一餐早餐，我叫了B餐沙嗲牛肉通粉，沙嗲湯味道非常之咸，牛肉沒有牛味被鬆肉粉腌到完全淹沒了肉味及肉質好，再鬆軟也是徒然，滑蛋也不算滑溜，Top One丹麥酥咬下去口感算軟但不酥沒有層次食完滿口油好油膩感，一個早餐HKD42感覺在香港大把冰室可以食得更好味，而且服務態度差地方又迫又多人，枱面又污糟。

樓面、收銀員工落單態度差劣！若有手拖行李，不論少至公事箱也不淮進入，必須要放門外，但並不保證其安全會否被其他人取走，門前接待員工語氣態度亦甚差，會趕客不淮內進入坐！隨身重要公事箱，不淮內進，態度趕客

一直都聽講紅茶冰室好食而且唔貴終於都有機會黎試試 特別係個鐵板豬扒烏冬認真想食好耐 身邊朋友個個試完都話正又真係幾好 鑊氣好夠 香得黎好好味多士就一般 果然花生醬唔係好啱我哈哈

喺尖沙咀返工附近食肆平均晏晝都$7/80，紅茶冰室都算係個平價之選😂（都算快靚正嘅😂）次次去親我都係淨係叫常餐食😂佢嘅炒蛋同麵包其實幾出色（不過我建議趁熱食）至於豬扒🐷米粉，就正正常常啦。不過對於我嚟講就有啲鹹🧂🤢食飽之後都要飲好多水平時食個快lunch 其實都ok既😂😂推薦指數：💖💖💖/5

不知为何这么难吃，态度一般的店还能这么火。装修很好，看上去很干净，量非常大，不用点很多。味道真的很普通。奶茶还不错。海鲜炒粉味道一般，无功无过，略微有些寡淡。流心西多士很甜很腻，适合切一小块尝一下。惊讶的是烧鹅，骚味很重，难以下咽。裹满了酱汁也没法盖住那股骚味。还有叉烧，肉的味道很差，也没有蜜汁。去的时候是晚饭高峰，蛋挞菠萝包都没有了。也许这两样的味道会比较好吧。总之，就是满怀期待的来，失望的走。

知道你地忙，問一句，係咪後面排隊，當你透明，咁咪唔食囉，反正貴公司唔會在意我個早餐錢，總要打食評，食都未食，每間公司都有佢既規矩，有的就去拎票，有的就要book枱，問句點排，當你透明，祝生意興隆

純粹服務大陸人！香港本地基本上都想做生意！態度10分惡劣！以後都唔會再幫襯，嘢食正常嘅！只係服務態度10分惡劣！開關之後就區別對待！純粹服務大陸人！不過我諗佢哋公司都唔自在香港生意！建議佢哋可以返大灣區發展！咁樣先合乎佢哋公司嘅核心價值！雖然香港茶餐廳出名態度惡劣！但佢嗰種惡劣程度唔喺香港特色！香港特色茶餐廳特色阿叔態度大聲！但都叫尚算有禮貌！只係比較大聲！但佢哋係又大聲又冇禮貌，不過都明白嘅！佢哋嘅職員都係會幫返同鄉！以後都唔會再幫襯😊

5:30尖沙咀收工，聽講紅茶嘅芝士撻都唔差，所以經過順便去食埋晚餐，都抱住少少期待去食，最後用餐經驗有D不如預期，主要喺員工嘅服務態度度。首先講左食物先，今次叫左鰻魚炒飯同一個芝士撻。鰻魚炒飯幾開胃，起碼每啖飯都可以連鰻魚一齊食，唔會話得幾粒仔，配料都算豐富，擺上台都係熱辣辣，散到陣濃郁香味出黎，同埋份量係絕對夠飽，係合格嘅炒飯。芝士撻方面，出名真係有原因，佢個外層係真係酥脆嘅，搵隻叉輕輕吉下就吉到，入面嘅奶香味都好濃郁，每一啖都食到個滿足感，不過建議唔係好肚餓就要睇住嚟叫，因為食完一個都飽飽地架！好啦終於講到服務果邊，尖沙咀紅茶方店都算大，一眼睇其實員工唔算少，果陣我一個人排隊入座，但員工姐姐就咁叫一叫我坐果邊，眼見得一張卡位冇人，於是坐低左，跟著俾人大大聲叫唔係坐呢度呀，坐番果邊，先知原來要去番另一邊，希望下次姐姐指一指我睇都好。另下就係收碟速度真係好快，我食完最後果啖就一野拎走左了所以除左服務方面會令人覺得有D冇禮貌之外，其他都正常。

已經有好多個post 話d 職員態度好差，今日領教過，真係犀利過澳x 🤣 可能學成龍話齋，xx人係要被管的，所以小x書係咁吹捧。午飯時間12:15 入座，兩個人坐一邊四人卡位，話係四人卡位，但比一般四人卡位窄，非常擠逼，食物擺唔晒係張檯度，見對面咁啱食完走左，我轉去對面坐，但個阿姐即刻衝出黎鬧人，好似殺左佢全家咁，話唔比坐嗰個位。我環顧四週，有好幾檯都係四人卡位坐兩人。我明香港地茶餐廳講翻檯率，同阿姐講食完即刻走，但佢依然堅持要我地坐一邊😂食物= 一般茶記質素，豬排大份，個丹麥麵包落左勁多牛油。食個常餐，要成$60， 呢個價錢，呢個質素，識食既香港人大把選擇（例如：聯發茶餐廳台灣朋友黎香港，諗住帶佢試吓香港風味食物，結果果然好有「香港風味」。如果係香港人，就無謂去俾錢人受氣。 其實究竟點解呢間紅茶咁紅？好多人都係因為跟小x 書走去試，咁紅茶駛左幾多錢喺小x 書左宣傳就不得而知，但長遠黎睇，個個跟小x 書搵食，最後令到d 真係有心做, 做得好但冇錢宣傳既餐廳冇人去。劣幣驅逐良幣，最終係邊個賺左，邊個蝕左？

上星期五見未夠鐘入左紅茶tea。叫番我最鍾意嘅菠蘿油紅豆冰餐，啤酒杯裝嘅紅豆冰，大大粒紅豆，又唔太甜，冰鎮牛油，厚薄剛好，30蚊，極佳享受。仲有全日供應，菠蘿油餐是我不二之選。

首先係鮑魚絲火腿絲通粉，通粉爽口，仲有鮑魚絲同火腿絲提味之後鮑魚絲火腿絲公仔麵，同樣美味。公仔麵滑溜有嚼勁，鮑魚絲同火腿絲的組合更增添了鹹香。最後係餐包配煎雙蛋，雙蛋係反蛋煎得唔錯，唯獨是出咗事係杯嘢飲，杯咖啡有種唔識形容嘅難飲