紅茶冰室

營業中

休息中

平日中午時間排曬隊今次終於有得一試4人叫了炒河炒粉炒粉無影到😢但整體多材料，又不多油夠香口重點係河炒比其他食店炒得夠鑊氣之餘仲食到香口感。最讚個魚柳無雪味細細件有4到5件好滿足，更無反炸感覺。唯一就係等得耐🤣

今次係本人第一次寫食評。真係唔寫唔得！中午嗌左個咖喱飯 食到一半啊仔竟係話食到硬物！即刻一望 先知道係鋼絲刷的碎塊。。。個飯還剩反一大半但係都唔敢食了。。。真係離曬大譜！還有，近幾次叫外賣午餐 紅茶都自行改餐牌但係又唔通知顧客！開咗來睇先發現個飯錯嘅！卡邦尼汁變左茄汁！西冷牛扒又變雞！但又照收我同一價錢！今次又無比餐具 仲竟然食到啲異物！一向都幾中意呢間餐廳，好食還好食但質素真係下降了！！！唔會再食了真係！！！

今晚約了朋友在荃灣廣埸百老匯戲院看戲，所以擇了近戲院的餐廳吃，紅茶冰室，是不二之選，我們叫了常餐，豬扒湯通粉配炒蛋多士，快靚正，吃得飽，豬扒通靚底好入味，塊豬扒很溶，炒蛋好香，多士很鬆化

話說我行入去企係門口話叫外賣，企左成分鐘無人理，到收錢果個問要咩，我咪講囉，講完隔左幾秒又想食蛋撻，咪加埋囉！呀靚女話：下次唔該一次過講我話：我咪一次過講囉，中間爭左幾秒咋喎呀靚女話：我問你仲有無野要，你又唔講！我話：咁你係咪加野都話唔得𠺢？呀靚女話：你自己行去隔離賣蛋撻呀姐比錢買跟住繼續好多句頂心頂肺嘅說話講其他服務員好好𠺢，係呢位靚女比較心急囉我自己都做服務行業，我真係唔敢咁樣幾秒都要鬧個客。重要唔係有客排緊隊，好野！比個勁你！

平時中午紅茶門口都排長龍，今日平日下午茶時間黎到，唔使排隊就即刻有位坐。🧈冰火菠蘿油（$11）下午茶時間，菠蘿包新鮮出爐，菠蘿包個皮係脆架，塊牛油又夠大塊，暖暖既菠蘿包配上一塊冰凍既牛油，外脆內軟，食完想再encore，所以次次黎都會叫個菠蘿油！真係好邪惡但又好好味！🍜吉列豬扒烏冬（$40）下午茶餐，都幾抵食。吉列豬扒好大塊，係新鮮炸起，仲燙口，而且好脆。烏冬就彈牙，唔會好淋，個湯睇落去有D清，但食落都好濃味。🍛焗咖喱薯仔雞扒飯（$63）紅茶既咖喱焗飯都好好味！今次叫左個焗咖喱薯仔雞扒飯。個飯黎個陣仲聽到吱吱聲，熱辣辣，好香咖喱味但又唔會太辣。炒飯底，炒到金黃色，好靚，仲食到有少少脆飯焦，正！

記得以前經過大窩口，成日都見到有班人排咗喺間茶餐廳出面，有一次好奇去食完，從此就愛上左呢間茶餐廳。不過其實去大窩口好唔方便，好彩而家荃灣都有一間紅茶冰室，喺荃灣廣場隔離，以後去開附近買嘢都可以去食😍.我最鍾意就係食呢度嘅沙嗲牛面，佢哋個沙嗲牛真係好香濃，個面煮得啱啱好，硬度適中，係我最鍾意食嘅茶餐廳味道😋.另外仲有佢個菠蘿油，又邪惡又好味，次次都忍唔住要加多個嚟食😂.仲有就係呢度嘅炒蛋都好滑😍 同埋佢哋個多士係用丹麥吐司整嘅，特別好味😋

來到荃灣行山，出發前先吃個早餐，見此店大排長龍，於是來湊熱鬧A 鮮味仿鮑魚絲火腿通粉+煎雙蛋/餐包（+$2轉丹麥多士）$34通粉湯底是普通雞湯，鮑魚和火腿絲份量正常，但通粉太少，連女生也不大夠飽加錢轉了丹麥多士，外脆內熱且香牛油酥皮味，不錯熱茶走沒有叫少甜，甜得過份膩口，只喝了兩口便作罷B 沙嗲牛肉麵+炒蛋+丹麥多士 $34沙嗲牛肉味道香濃，汁醬稠密，份量不少，而麵質不會過淋，整體不錯炒蛋不算特別滑，就是普通的炒蛋

下午一時多來到{紅茶冰室}，門外有大約十多人正在排隊。大約等了十五分鐘入座。冰室內光線充足，而且空間感大，雖然人多但感覺不會十分擠迫。看過餐牌，從眾多選項中選擇了「King餐」($50)，這個餐由「酸辣肥牛湯米粉」，配上我最期待的「嫰滑炒蛋+香酥丹麥多士」。首先到來的是「酸辣肥牛湯米粉」。不太能吃辣的我，原本有點擔心它的辣度會否過高，不過吃後覺得這個辣度適中，也很適合我，酸辣味道讓我邊吃邊口水直流。雖說薄片肥牛和米粉沒太大驚喜，但肥牛吃起來也不會過韌，也沒有不新鮮的雪藏味。三爬兩撥就把酸辣惹味的湯米粉吃完了。接著上桌的是期待已久的「嫰滑炒蛋+香酥丹麥多士」。看到這嫰蛋和多士的色澤，就覺得會好吃。炒蛋既有蛋香，而且口感與名字一樣夠嫰滑，濕度剛好，咸淡適中。丹麥多士果然有驚喜，外層烤得香酥又不會過硬，內層則微暖而且口感柔軟，塗上牛油吃更添香口，整體十分滋味！最後加配冰室必備的「經典紅豆冰」(+$9)。可惜這裡的紅豆冰沒太大驚喜，味道較平凡。想念這裡的「香酥丹麥多士」，下次有機會再來的話，也想嘗嘗看它的「招牌沙嗲牛肉麵」呢！

呢間紅茶冰室係荃灣好有名上次去食早餐要排隊 加 搭枱想食得舒服啲 都係叫外賣係外賣平台 雖然價錢比堂食貴啲啲但勝在食得舒服 唔駛排隊每一樣野食都pack得好好 麵有分湯 飲品係備註寫少冰 店舖都無miss丹麥酥 因為外賣關係 點都濕左少少要氣炸返佢 5mins炸完真係好鬆脆就咁睇都見到一層一層加上牛油味香 超正炒蛋 都算滑 有蛋味 如果再大份少少就好啦沙嗲牛肉麵 轉 一丁個麵無淋到 牛肉有牛味而且夠淋沙嗲味足 正宗茶餐廳味道係奶茶略嫌太奶 唔夠茶味

以前係觀塘果間紅茶食開覺得好有水準岩岩口痕就諗住去食個tea炸脾餐隻炸脾好唔滑 食果下都真係唔太信係紅茶水準本身諗住叫西多士tea set 但原來係芝士流心 就不了叫左個就咁西多 不過都係唔好味..質素差左好多😕

茶餐室出品、大衆口味、中上出品。服務態度如同其他食評一樣、垃圾中的垃圾到極點。八月份偶然到荃灣這店、和朋友吃了兩個餐、約一百多元；其實心裡已經想埋單、不愉快的事情終發生、服務員不停騷擾—-意思是你快啦D埋單、不停不停騷擾、喂、我進入你店連食嘢不到二十分鐘。更可恨、擬似店長更加聲大夾惡、出言不遜的、不禮貌的言語、仲話要報警。我出黎食餐嘢啫、估唔到比人侮辱、你估只有你一間（垃圾餐廳）。上樑不正下樑歪、相信公司董事應該視而不見、不然、D員工邊會咁大膽。以後不會再光顧。

想食下午茶，荃灣區食店林立，見呢間有鎮店之寶，梗係要入去試吓。員工態度麻麻，不過算啦，對茶餐廳嘅要求，點可以用對高級食店嘅要求一樣？坐低點餐，冰火菠蘿油送上。脆皮菠蘿包微暖，可能食店驚辣親客人不敢整太熱？至於牛油，薄薄一片，重點是，冰呢？都無冰凍住牛油。點樣冰火菠蘿油？這一餐失望而回了。

在今日午餐點左個卡邦尼意粉跟蘑菇奶油西湯。只可以說去茶餐廳係唔應該叫西餐! 意粉d汁一d都唔卡邦尼，仲淡過個蘑菇奶油西湯.........食物都係其次，我個位剛剛可以望到入廚房，見到所有人都冇帶口罩，好唔衛生。彬記粥麵美食就係咁傳俾d食客。所以幾好食都係假，現時要衛生d安全d。

今日咁啱到荃灣行街，行完就特意到紅茶冰室食嘢,之前已聽聞呢間餐廳服務一般，原本以為只係謠言，點知竟然係真，果然名不虛傳，佩服🙇🏻‍♀️！入到去唔算好多人，見有空餘既卡位就想坐，但都被有心人提醒可能一陣要搭枱同陌生人坐，仲唔止一次，人多既時候仲特登大聲提醒我多一次，原本今日心情已經麻麻，仲要被有心人提醒，真係唔多Happy,有心人係我用餐既時候仲特意望向我呢一個方向，好似不肖我一人坐係卡位，唔知我仲以為我曾經得罪過佢😅，原來一人坐卡位係有罪架？咁你唔好係貼住一人不准坐卡位？！👍🏻🤔,其實有時候，服務既效率高唔等於你既質素係好，份芝士炒蛋魚柳包伴薯皇亦唔算話中上級，只可以説是一般般，正常人可以放入口既普通食物而已，不過杯凍奶茶就係中上級，最離譜係埋單既時候，個女人一手搶過我張單，仲用晦氣既聲音講“謝謝”！真係傑出！絕不再光顧👋🏻👋🏻

除左晚餐去食好東西我都鍾意試吓唔同嘅茶餐廳而家嘅冰室每一間都有佢嘅獨特嘅地方紅茶簡直係大壩街之最最多選擇，最長人龍，最多人食今次試咗黑椒雞扒意粉同菠蘿咕嚕肉黑椒雞扒味道唔錯不過咕嚕肉就有點失望，咕嚕肉唔夠肥，印象中太X紅色啲既係.. 餐附送例湯，例湯足料加埋杯特濃朱古力好滿足