紅蔥頭

營業中

休息中

餐廳環境舒服，好岩三五之己相聚，我地一入到餐廳就有好nice嘅員工招呼我哋，好快就落完單。今次我地叫左二人餐，見選擇好多，價錢好親民。歐陸式濃湯配牛油法包，法包烘得好香脆😋， 仲有香濃的牛油味，味道都唔錯。餐湯味道好濃郁，幾開胃。前菜：芝士白汁焗青口（四隻），薯蓉白汁焗青口，配蒜蓉和芝士特別香！青口幾新鮮，肉質口感實，完全唔似急凍。鐵板肉眼扒：因為鐵板上，叫左七成熟，都擔心來到會變左全熟。沒有想到有驚喜，廚師把握的时間岩岩好，唔會老，牛扒外焦香內嫩滑，入口滿滿肉汁，唔錯。露筍野菌意大利飯：口感煙煙韌韌，配上忌廉汁好好食。食物價錢貼地， 份量多，今次因為太飽所以沒有食這裏的甜品， 下次有機會都可以一試。

今日來到深水埗西九龍中心，見到紅蔥頭的二人餐都好吸引，選擇頗豐富。唐揚脆脆雞翼$42雞翼炸到真的好香脆，顏色金金黃黃，醃得入味，外帶點脆內裡肉質嫩滑且多汁~~二人套餐 歐陸式濃湯兩客+牛油法包、芝士白汁焗青口、鐵板肉眼扒、香草忌廉龍利柳飯、精選雪糕球兩客、咖啡或茶$299歐陸式濃湯兩客，濃湯是羅宋湯，裏面有椰菜、洋蔥、牛肉……，等等，加少少胡椒粉，香香辣辣，湯底很濃郁。跟配的牛油法包不是很大件，沾著羅宋湯好香甜。芝士白汁焗青口4隻，都頗大隻，面上有被經焗後燒到的焦黃，好吸引，芝士及白汁令青口味道提升，亦很香，是很有特色的西式味道！碟中間跟配有很香的薯蓉。鐵板肉眼扒，鐵板肉眼扒厚切，要了七成熟，肉眼扒入口軟腍不鞋，牛味頗濃。跟配薯蓉、粟米粒及少少蘆筍、蕃茄，當中感意外驚喜的是兩粒帶子，頗大粒新鮮，且煎得香口鮮甜！香草忌廉龍利柳飯，龍利柳有2件，口感很嫩滑，煎得較香！套餐還有今日精選雪球2客及飲品。

抵食高質二人餐👩🏻‍🤝‍👨🏼可愛熊仔伴食👨‍🍳紅蔥頭🧅（深水埗）今次嚟咗深水埗既西九龍中心搵野食，深水埗野食出名又平又大碟！今次同朋友一齊嚟到可愛既熊公仔餐廳，重拾童心🥰一入到門口已經有好大隻熊仔啦🐻餐廳有多個打卡位，記得影多幾張相☺️座位好舒適，夠曬寛敞，家庭聚會嚟都啱曬😆🌹我地當日叫咗一個299二人套餐，套餐包括餐湯、餐包、前菜、兩道主菜、甜品及飲品🤗性價比超高😍✨二人歐陸式濃湯餐湯係羅宋湯🍅蔬菜好足料，好香濃嘅蕃茄牛肉味，帶少少微辣🍲✨牛油蒜蓉法包蒜蓉包好香蒜蓉味，配上法包烤得香脆可口，超鬆化😆✨法式香草牛油焗田螺必點前菜‼️幼滑香濃既蒜蓉配上爽滑彈牙既田螺😍滋味無窮，醬汁好入味，田螺好大粒🤩估唔到咁高質既菜式哩度有齊曬🥰✨鐵板肉眼扒🥩肉眼扒好厚，燒得好香，外皮脆脆的，我地叫咗五成熟，肉質粉嫩，唔乾柴，配上蒜蓉醬，味道濃郁，好惹味🤩跟餐仲有薯條😍份量好足，大家一定要試吓🤗✨香草忌廉龍利飯好濃稠嘅忌廉汁，奶味香濃，龍利柳煎得好香脆，魚肉好嫩滑，保持住肉汁😋✨自家製心太軟 +$19🍮呢度嘅心太軟好出名，差唔多個個入嚟嘅客人都會選擇，惠顧套餐加$19就可以轉心太軟😍心太軟製作時間約15分鐘

今日放工陪個朋友落深水埗買嘢，順便一齊食晚飯～見到呢間西餐裝修好似幾有氣氛，價錢又合理，就入去試吓～👅焗蜜桃汁去骨雞腿飯平時食開焗豬，今次見到有雞肉就試吓👍雞腿肉果然冇得輸，肉質勁Juicy😙仲要去左骨超方便😆👅鐵板牛柳拼吉列魚柳鐵板上好香好有feel😍個人嚟講食牛最鍾意食牛柳部位，因為肉質最嫩滑，而且脂肪又冇肉眼咁多🙌🏻果然冇令我失望！裡面依然呈現粉紅色👏🏻黑椒汁同牛好夾😁魚柳香脆唔油膩～👅心太軟呢個係跟餐加$29就有👍溫度微暖，但切開唔算好流心，食落唔會太膩～#深水埗 #深水埗美食 #紅蔥頭 #cafemed #抵食西餐

西九龍好多性價比高嘅餐廳，6樓呢間紅蔥頭都一樣，午餐餐牌好多選擇，有扒餐、各式西式飯同意大利粉，全部食物味精唔重，食完一啲都唔口渴！每個套餐都有餐湯同蒜蓉包，蒜蓉包外皮好料，個湯好足料！芝士忌廉菠菜焗龍里利柳飯飯上面鋪咗好多芝士，個汁好creamy，好食！兩塊龍利柳好大塊，個飯底都炒得唔錯👍🏼雞扒配薯菜個雞扒一啲都都唔乾，無雪味，喺街食雞扒最怕有雪味，外皮煎到少少脆，好食！牛扒配薯菜牛扒夠淋，個黑椒汁幾好，全部薯條俾我哋清晒😝平日嘅午餐時間餐廳都滿晒，果然抵食又好食😋

紅蔥頭 (深水埗)Set for 2 二人套餐 $299歐陸式濃湯兩客+牛油法包🫕🥖羅宋湯酸酸甜甜好開胃😝而且味道濃郁好足料，而蒜蓉法包就又硬又脆，適合浸落湯到食🤩法式香草牛油焗田螺😆呢個前菜超好食！田螺口感正，而且脫埋殼，方便我地食🤤香草味偏重，田螺底下仲有芝士薯蓉，香滑有口感😋唔錯🥰深海帶子拼醬燒汁牛柳🥩+$10叫左5成熟，肉質好淋好鬆軟，牛肉吸收左燒汁嘅精華而變得好入味🥰帶子質感煙靭，底下薯蓉份量好多，整體味道好唔錯，推薦！蕃茄奶油吞拿魚螺絲粉🍜吞拿魚份量都幾多🤩蕃茄味超濃郁，令人食慾大增😝表面仲有少量沙律菜，多重口感😋心太軟$19🍫味道唔會太甜，會食到少少濃郁朱古力嘅苦🥰仲可以配埋Cream一齊食😝凍熱情玫瑰 +$16🍹呢杯係玫瑰花茶熱情果特飲🤩叫左少甜少冰，嚟到甜度剛好，熱情果味比玫瑰更加出😝飲落會有淡淡玫瑰香，有多層次嘅味道🤤鮮橙汁🍊地址：深水埗欽州街37號西九龍中心6樓601C號舖整體評分：5/5味道：4/5環境：4/5抵食：5/5

星期六約咗朋友去買嘢，然後嚟到附近食下午茶。呢間西餐廳裝修懷舊，價錢十分親民，而且座位都好闊落舒適。 鐵板一口牛🐂醬汁淋喺鐵板上面「炸炸聲」，蒸發咗之後焦香甜味突出。中間嘅薯蓉落咗少少炸蒜喺面，味道即刻變得豐富👍🏻 烤美國安格斯漢堡伴炸薯條🍔牛肉漢堡扒勁厚身！而且juicy唔乾；薯條外脆內軟，薯仔味濃。 咸酥流心芝士吐司🍞邪惡之選！厚多士面層嘅焗芝士香脆，中間嘅流心芝士熱辣辣有拉絲效果，不得了🤤

黑松露蟹籽帶子黃金意大利飯 $108有3粒大大粒帶子，飯粒咬落幾有口感，另外再混入少量粟米，令口感更豐富，食多幾啖都唔會好易膩。+左$28 有羅宋湯蒜茸包，羅宋湯酸酸甜甜，幾開胃，蒜蓉包焗到脆卜卜，唔錯～鐵板肉眼扒 $155一入到餐廳，已經聞到好香的鐵板扒味，糾結緊叫肉眼定西冷好，最後決定叫左肉眼，果然無嗌錯，肉眼size 都幾大塊幾厚身，order 左7成熟，切開有少少血紅色，剛剛好，口感軟腍，另外，幾欣賞啲薯條唔會變淋哂，仲keep到好脆

行開西九龍中心嘅蘋果商場，順便喺嗰度食埋夜晚～見佢有幾個二人餐選擇，就叫咗其中一個可以揀兩個主食、有湯、飲品仲有甜品😜😜本身甜品係雪糕，不過我加咗錢換咗佢哋嘅自家製心太軟❤️•牛扒餐，因為鐵板嘅關係所以熱辣辣，又有薯條食～呢個價錢嚟講真係唔錯～另外仲叫咗卡邦尼意粉，啲汁都幾多，好入味🤓🤓🤓••但係我最鍾意食嘅，就係呢度嘅心太軟，超好味☺️☺️☺️成功識得流心，再加埋熱辣辣香濃嘅朱古力🍫

去西九龍買開嘢，順路就入咗間好耐無食嘅餐廳到食埋飯先，呢間餐廳都開咗好耐啦，二人套餐都幾抵食，只係$299，餐廳入面仲有熊擺設，幾可愛呀餐湯+餐包芝士白汁焗青口 - 一份有4隻，每隻都落咗好多芝士入去焗，中間仲有薯蓉，好味道蜂蜜味bbq 燒豬仔骨 - 好大條豬仔骨，好輕易就切得開，豬仔骨甜甜地，面頭有些焦香，夠惹味，仲有薯條墊底同埋沙律食意大利魷魚墨汁意粉 - 意粉彈牙又掛滿濃濃嘅墨汁，魷魚爽口，如果可以加檸檬汁會更加好味自家制心太軟 +$19個心太軟好食，外脆內軟，入面真係流心，又唔會太甜喎，好濃朱古力味道，正曲奇雪糕 - 朋友話幾好食飲品熱檸茶橙色派對，呢杯幾好飲，係我鍾意嘅味道

🤪🤪🤪今日嚟到西九龍中心呢邊 經過見到呢間西餐廳好似幾平 所以就入去試下 點知有驚喜 質素唔錯 有幾多選擇 環境都舒服 大家來西九龍嘅時候可以試吓- 😎$299二人套餐附送湯 蒜蓉包 甜品同餐飲-🦪芝士白汁焗青口一份有4隻青口 好大隻而且新鮮 加埋芝士 好邪惡 但幾好食 啱晒芝士控-🦑意大利魷魚墨汁意粉佢好香墨汁味 意大利粉口感啱啱好 唔淋 宜且唔會太油-🥩深海帶子 拼 醬燒汁牛柳牛柳煮得啱啱好 唔會好韌 而且牛味都濃 帶子就正正常常 冇乜特別-🌹熱情玫瑰 玫瑰花茶再加埋熱情果 清清地又有少少酸酸甜甜 都幾好飲-🍋檸檬草蜜茶-📍紅蔥頭深水埗欽州街37號西九龍中心6樓601C號舖

陪小朋友去冒險樂園玩，對面就係紅蔥頭，近近地食個晚餐。心大心細唔知揀咩好，好彩有二人套餐🥘餐湯係忌廉湯，跟左一塊烘脆左嘅蒜蓉包，幾有誠意。蘆筍野菌意大利飯超正～個樣平平無奇，但係新鮮煮起勁熱辣辣，每一啖都有菇同濃濃香味，蘆筍切粒粒好爽口，無肉所以唔會漏，好推介👍🏻👍🏻蜂蜜味BBQ燒豬仔骨豬仔骨腌過再燒，好大塊，癡住骨嘅肉好嫩滑有油脂香，唔點醬都好味。伴碟薯條都好香脆。炸魷魚圈好香脆好熱氣😌粉漿可以薄番少少🤏🏻心太軟加$19就有一個，有流心皮又脆，值得等待🤤職員好似係全女班，幾親切🙂會同小朋友傾計。

星期六food court 晚市勁爆，如果唔係無位都唔會食依間，食到火滾。完全唔值依個價錢，西餐價比茶記質素首先湯得紅湯又唔岀聲，上到枱先知，其實唔係人人都飲，仲要加錢先有其次，芝士千島忌廉汁海鮮焗飯一啲千島醬味都無，面頭仲要有茄汁，完全係垃圾，收$84之後，軟殼蟹牛肝菌意粉$95，又係無牛肝菌味，完全唔知自己食緊乜，浮係食咗個炸軟殼蟹，成盤意粉食咗2啖真心無下次，一世都唔會再食。如果話比茶記價錢我唔會咁嬲，btw可能有啲茶記仲好食過佢，真係唔知個啲好評點寫得落手🙄

陪朋友嚟深水埗選購手機配件，之後過左去西九龍中心行下，順便搵間餐廳坐低傾下偈。揀左 6/F 呢間「紅蔥頭」，餐廳裝潢好有情調，既懷舊又帶點歐陸童話色彩，好適合打卡。店鋪主打平民價西式美食，有意粉、焗飯及扒餐等供應。嚟到剛好係下午茶時間，我哋揀左個特餐，另外再加兩份 Tea Set，一於齊齊開心 Share。馬來咖喱豬扒飯 ($58)，豬扒煎得很香口，肉質豐腴又彈牙。咖喱汁好濃郁，惹味又唔太辣，配埋薯仔同提子乾一齊食，口感超豐富，撈飯一流！吞拿魚法包 ($52)  法包即叫即製，送上時仍熱烘烘，食落好鬆脆，帶香草和牛油香。旁邊嘅吞拿魚醬，味道亦唔錯，營養豐富，美味可口，用嚟配法包吃，Perfect Match！焦糖肉桂法式西多士配雪糕球 ($52)  西多士切成長條狀，上檯時已聞到香味，入口外脆內軟，肉桂味非常突出，細嚐更帶陣陣焦糖香，配軟滑甜美嘅雪糕吃，呢個組合真係無得輸！每個餐都會配有咖啡或茶，如果想轉橙汁、凍飲或汽水，則須另+$3，特飲+$16。我哋點左奶茶、鴛鴦同紅豆冰，紅豆冰大大杯，甜度適中，紅豆顆粒飽滿，而且煮得夠晒腍身，入口甘甜香綿，很合我意。。

依家係西九租公仔機，所差吾多每日都要去西九補貨，今日補完貨落左樓下間西餐廳食飯餐廳門口放左1隻大啤啤熊，牆身用磚頭牆紙，燈光比較暗，令我放鬆心情餐牌方面有好多扒餐、意粉，我揀左鐵板薄西冷拼雞扒要燒汗配薯菜，扒餐有餐湯餐包同埋飲品，我揀左冷檸茶，另外揀左個小食鐵板上的蝸牛，姐係法式香草牛油焗田螺職員好快送上餐包同餐湯，餐湯係忌廉湯，餐包脆脆地幾好食，田螺味道吾錯，西冷有肉汁無根位好易咬開，雞扒好嫩滑，份量比較多，完全食吾曬