紅蔥頭

營業中

休息中

西九龍中心一向都好多平靚正嘅餐廳， 今日去咗6樓呢間紅葱頭，我哋12點幾就入咗餐廳，好彩早少少，之後已經見到餐廳出邊排滿晒人。餐廳午市套餐有好多選擇，最重要係所有食物都冇味精！而家出街食飯要搵間冇味精嘅餐廳真係唔容易，仲要食物質素唔錯，價錢又優惠！芝士忌廉焗三文魚長意粉芝士焗三文魚意粉滿足咗我對芝士嘅渴望，三文魚都焗得啱啱好，唔會太乾。唐揚脆雞翼肉醬意粉雞翼肉質嫩滑，意粉都煮得啱啱好。黑椒牛扒好食，牛扒煮得剛剛好，個黑椒汁唔會太辣，啱啱好。薯菜都煮得幾軟身同香口，同牛扒一齊食好岩。