紅運餐廳

營業中

休息中

今日喺太子見到餐廳仔，入咗去一試依間嘢都幾抵食$132就有二人小菜餐 ，又有湯飲牛仔骨同埋三杯雞，三杯雞味都唔錯甜甜地，牛仔骨就少少鹹都OK嘅，最後加多咗個馬拉盞通菜整體來講最抵食嘅不過不失但係有樣嘢真係好差囉我9:20入去食，佢應該臨近9:40已經熄冷氣熱到爆炸，好似焗你走禁如果真係早啲食飯先會再試

食物唔好食，焗海鮮飯魚炸到乾，蝦仔唔新鮮，假蟹柳就主要海鮮。茶餐廳環境嘈預左。但五，六個員工不停鬧交，你鬧一句對方駁你三句，尤其個男員工，粗口亂飛，真係唔會有下次。

我認為難食和唔食得是截然不同，何為難食?例如食材古怪，調味古怪。一言蔽之就係可以吞嚥，並且因人而異。但係唔食得，係有非常科學既指標，就係有害身體健康。而鈉含量過多既食物明顯唔食得，其會引致高血壓 心臟病 腎衰竭，謀財害命莫過於此。不過相片同文字係唔可能一件嘢究竟有幾多鈉含量，因為鈉係會溶解於水份中。除非達到飽和溶液，不能再溶解。例如當你見過一件肉上面有味精時，呢件嘢就係唔食得，其鈉含量超標明顯危害身體健康。

幾日lunch都係食呢間，試左個雞翼，豬耳，紅薯粉好好味！！！！！！雞翼唔會太咸，整得脆，有肉汁，讚：）豬耳有少少辣，岩哂我呢d中意辣既人，夠脆夠多份量，十分抵食！！！整體來說，食物品質良好，凍奶茶都好飲糖度適中。我朋友叫左個炒飯同干炒牛河，佢地都話夠獲氣，唔會太咸，而且份量都夠食。（我朋友算大食xd）唯一係牛肉得幾舊，我朋友有d咋型xd環境和服務方面，整體都乾淨，員工有禮貌，很快安排入座，午市人流不算多。會再同朋友去食，期待下次再試其他野。

二人餐 $128 包飯同例湯叫左川爆辣子雞丁同黑椒薯仔牛柳粒（1）川爆辣子雞丁大大盤，有好多配料，雞肉脆脆的，好嚼好味道，辣中帶濃濃麻，口食到麻麻的，好野味😋（2）黑椒薯仔牛柳粒薯仔外脆內軟，牛仔粒炸過的，加上甜甜既汁，好入味，送飯一流啊😋😋😋加多杯凍檸茶都只係加$9，甘又有一餐好的😋😋😋人均: $50 - $100抵食: 💰💰💰💰💰味道: 😋😋😋😋😋服務: 💁🏻‍♀️💁🏻‍♀️💁🏻‍♀️環境: 😉😉😉

中午1時左右約一前輩朋友去午餐當時剛剛有一張枱去問waitress可以那waitress問另一男士表示可坐，當時沒有人表示要人到齊才入座，正當我準備先點餐另一女士問我可點餐未我表再等一朋友同時表示亦可以先點餐先。她馬上表示可以唔比我坐她表示因為人未到齊外面等的人沒位，但是我看一個人都無。最離譜這女士話要趕我走🤬最後原先那男士幫我換另一張枱。現在仍然有這些那麼差勁的人🤬

紅運餐廳裝修不錯，入到去環境衛生幾好，燈線光猛，沒有Wi-Fi，空調夠當然要試咗個海南雞飯，$62，賣相幾好，分量充足，飯質素較淋，雞口感印度中上，試埋杯奶茶緊緊合格

位於「太子」「彌敦道」旁邊的港式花餐廳「紅運餐廳」，本來符合到我平日享用晚餐的時候，一定要有牛扒加雞扒在裡面的雙併「鴛鴦扒飯」食品，可惜「紅運餐廳」樓面不幸地有「電視機」坐陣。所以我最後在「紅運餐廳」裡面，選擇坐在一個無法直接望到電視機的卡位餐檯，以「眼不見為乾淨」的立場作為大前提，享用我的牛雞「鴛鴦扒飯」後晚餐。話說「紅運餐廳」版本的「鴛鴦扒」「鐵板套餐」，食客可以在「鴛鴦扒」「鐵板套餐」的七款肉類食材裡面選擇其中兩款，再選擇鐵板餐配備的醬汁以及配菜，最後選擇飲品，加上套餐裡面的多士就大功告成。本來我是在偏向比較早的傍晚時間光顧「紅運冰凍」，所以我也曾經擔心「紅運冰室」的「鴛鴦扒」「鐵板套餐」會太快製作完成，令我想在晚上七點後才食完晚餐計劃，一度遇上「危機」。但是我在「紅運冰室」點完餐之後，才發現「紅運冰室」裡面的廚房，廚房製作「鴛鴦扒」「鐵板套餐」的實際速度，比我原本預期來得還要慢得多。「紅運冰室」整個「鐵板套餐」裡面，結果還是牛扒加雞扒加濃味「蒜蓉汁」的鐵板「鴛鴦扒」，最先被「紅運冰室」廚房製作完成，讓我率先解決晚餐需要。相反地，「紅運冰室」的「鐵板套餐」裡面其餘部分，反而比黑椒

第五次寫食評剪完頭髮，去了附近的茶記：紅運餐廳，叫了一個早餐。豬扒公仔麵：豬扒味道一般，細件左d，硬左d油多煎蛋：油夠多，蛋略嫌細隻凍奶茶：幾好味價錢：42蚊 (39＋3)，可以接受

I have been ordering take away many times from this restaurant. It has been good until today.... see picture.... The dish is 咖喱牛腩飯，but don’t tell me this thing should exist....I really don’t know if I should continue to order from now on. The meals were generally Ok.... what a bummer 餐廳老闆要留意下

和朋友行到累，經過這家茶餐廳，便入去吃。分別點了豬頸肉炒河和星洲炒米。豬頸肉炒河 （$50）配凍奶茶兩個字：失望。我以為是類似乾炒牛河、泰式炒河之類乾身有穫氣的炒河。怎知放上枱的，不論是河粉或是豬頸肉也是濕的，完全沒有香口可言。豬頸肉不好味，沒什麼味道亦不香口，還有點韌。河粉濕軟，淋在上面的汁亦沒有什麼味道可言，純粹有點辣椒碎給人看看。星洲炒米 （$45）配熱奶茶朋友說很差很差，我也試了一口。這個星洲炒米超乾，真的乾到沒朋友，未試過吃過那麼乾的星洲炒米。乾也算了，連料也沒有多少，蝦得兩三粒，找粒都難。芽菜、蛋也少得可憐，整碟幾乎只有麵，以為自己在吃炒麵。而凍熱奶茶也非常普通。這間茶餐廳唯一可取的是，座位幾舒服，累累的進去坐坐，是不錯的。但食物真的...😕😕😕

話說有一晚奧爾加去左同朋友K書，溫到好夜唔記得食野，於是朋友仔話快快手搵間快靚正既茶記食下......叫左兩碟碟頭飯，味道不過不失咁啦！奧爾加至愛魚香茄子，所以都算滿足左我既小心願。

餐廳環境光猛乾淨員工服務態度都好好員工推薦鐵板餐價錢唔貴重點係有得雙拼牛扒、雞扒、吉列豬扒、香茅豬扒、德國腸、雞翼、魚柳最後揀咗牛扒拼德國腸蕃茄汁跟薯菜（仲可以揀黑椒汁/蒜蓉汁，白飯/意粉）點好餐後，首先上咗一碗熱辣辣嘅中湯然後仲有半塊牛油多士（心諗咁多嘢食嘅）跟住主菜嚟啦啲汁倒落去「炸」一聲即刻聞到香噴噴嘅味道牛扒有兩塊雖然係薄薄地，但好腍冇乜筋脆皮德國腸都有兩條薯菜都好似唔使錢咁有一大堆啲薯菜唔會好油食完成個餐係會飽到捧住個肚走兩個人加埋150蚊有找真係抵到爆！

呢間餐廳開咗大概個幾月，一直都係經過無入去食，今日難得放假同屋企人行去食。餐廳燈光光猛，全部都係卡位，坐得好舒服，店員都禮貌，會講早晨，點餐好快都有得食，我叫左一個歐陸早餐魚柳，賣相幾靚，塊魚柳好大塊，好脆不過塊多士就唔夠熱。屋企人就叫左碗雙拼麵，條腸仔好難得係廚師腸，而家好多餐廳都唔用，覺得廚師腸貴。呢間餐廳到目前為止所有野都ok，希望可以保持到水準。亦都會下次再食。食完再發現原來外賣有9折，下次返工前可以買完去公司食，平好多

紅運餐廳上一手係麗聲茶座，嗰陣時食過一次早餐覺得唔好食，環境又昏暗，平日經過見到客仔愈來愈少，點知做唔夠一年就轉手~ 早幾日放假早起身，男朋友又咁岩剪完頭髮，忽然醒起附近開左間新餐廳，一於決定一齊岀去食個早餐~ 裝修間格同上手差不多，枱櫈都無點換過，但就整多左好多燈，一入到去感覺好光猛💡而且位置好闊落坐得好舒服🤩 員工態度好好，有笑容又有禮貌，希望日後都可以keep住啦👍🏻 到餐飲方面，食物選擇好多，比起附近嘅冰室多幾倍，米線,海南雞,小菜,蒸魚都有。。。如果食開旺角太子既茶餐廳冰室都應該知道多數都係得常餐同快餐😂😂 我叫咗個麥皮餐配菠蘿包，麥皮淡淡地唔甜幾好，菠蘿包就一般般，始終唔係自家烘焙🥯只係外賣包叮返熱，一定同x華/x年嗰啲無得比架喇 男朋友叫左個豬扒麵餐，佢話煮得ok，豬扒都入面，我見佢好快就食哂成碗😂 不過如果話好食就真係唔係，但環境同價錢係成正比，光猛乾淨態度已經取勝，近近地有下次🤓 **隔2日男朋友話我知佢同2個朋友再去左食，3個男人每人一碟海南雞飯，3個都食清哂，唔知道真係咁好味吖定係個個都好肚餓🤣**