紅雞

營業中

休息中

平時去Red Chicken 紅雞都係去尖沙咀店咁啱今次裝修，就去咗新開喺嘉里酒店嘅分店🏨先講下個環境Red Chicken喺嘉里酒店一樓，望晒成個維港🌃一邊食雞一邊吹海風感覺超正🌊🍴雪花印第安洋蔥粉炸雞呢個真係每次去Red Chicken嘅定番件雞外皮炸到卜卜脆，雞肉鮮嫩多汁再加埋甜甜地嘅洋蔥粉真係停唔到口🍴芝士泡菜煎餅芝士超拉絲，但泡菜味唔明顯🧀如果想食泡菜建議點返普通泡菜煎餅🍴芝士蛋捲香甜嘅日式煎蛋捲加上邪惡芝士呢個組合真係無可能會唔好食啦😋煎蛋捲上枱嘅時候已經切開一舊舊，啱晒成班Friend Share，抵讚👍🏻

香港嘉里酒店最近有呢間韓國餐廳進駐 餐廳有室內同室外嘅位置 室外嘅位置都有遮蔭 唔會太熱 不過今次都係揀咗室內嘅位置🫢半半炸雞嚟到韓國餐廳冇理由唔叫炸雞嘅🐥 呢度嘅炸雞可以揀兩款味道 咁我哋就叫咗原味同甜辣醬 原味炸雞冇味道 好似連基本調味都冇咁😅 甜辣醬就偏甜 唔食得辣嘅朋友都接受到 不過炸雞真係炸得好好 雞肉好嫩滑 仲有幾多肉汁添🥰韓式泡菜煎餅餡料除咗泡菜之外仲有紅椒 青椒 洋蔥 泡菜煎餅味道偏酸 唔係太食得慣嘅味道🤔香辣五花腩忌廉扭扭粉呢碟係全餐最有驚喜嘅一碟 香辣五花腩平衡本身會過膩嘅creamy口感 扭扭粉亦都好掛汁😛 不過略嫌有幾粒扭扭粉未夠熟 有啲太硬🤣我哋仲叫咗酒 味道就正正常常啦 唔特別介紹啦 整體成餐令我最有記憶點嘅就係香辣五花腩忌廉扭扭粉👍🏻 呢個少少fusion嘅組合真係好推介呀

📌 紅雞 - 紅磡紅鸞道38 號香港嘉里酒店1樓01號舖🗓(18/9) 星期日 ⏰ 下午2:30左右 💈特式：今日放假散散下步又閒逛到嚟黃埔碼頭，見時間都差唔多肚餓了，又走上嘉里酒店個food court望住個海食個Tea，見到food court旁有間韓式餐廳吖紅雞，就同大家試試佢。🥩🍔🌭🌮🥗🥯🥘🍲🍝🍣🥟🍤🍱食物：佢份menu有好多選擇，淨係炸雞都有7~8種口味，d價錢又唔貴，但只係諗住食Tea，所以淨係叫左兩樣野食同兩杯飲品，但野食嚟到竟然與價錢唔成正比，好鬼大份，今晚又唔洗食晚飯了，事不宜遲等我同大家講下味道先......半半炸雞🍗(甜辣醬+秘製蒜香醬) - 因為有太多口味想試，所以叫半半，可以試多隻口味，價錢$193，如果想食去骨就要+$10，我起初諗住呢個價錢應該每隻味有3件雞左右，點知嚟到各有5大件，size仲要係大舊過KFC個d炸雞；炸雞炸得好脆又唔油膩，甜辣醬味就正正常常，秘製蒜香醬就比較特別同出邊食到唔同，佢有蒜香味亦帶有少少蜜糖味，整體兩隻都幾好食。香腸年糕串🍢 - 想食韓式年糕，但又想特別d，所以叫佢呢個香腸年糕串，價錢$138有4串，每串有脆皮腸/輕微炸

Red chicken @ Kerry Hotel🤩🥳超級chill嘅一間韓國炸雞店有室內同室外座位，坐位好闊落完全無壓迫感室外座位仲可以對住紅磡碼頭海景吹住風一路食炸雞一路飲啤酒，超級舒服！半半炸雞(可以揀無骨)個人鍾意蒜香醬汁肉汁juice！外面層皮炸得好脆！香腸年糕串年糕好煙韌，配埋啲醬汁都幾好食芝士蛋捲環境⭐️⭐️⭐️⭐️⭐️總體來講食物質素唔差，CP值高，環境又好舒服，會推薦俾朋友同埋會再嚟！

半半炸雞 （蒜味+甜辣味）叫左冇骨甜辣味是平常吃韓式甜辣的感覺秘制蒜香醬甜甜的 像是蜜糖蒜香的口味呢間炸雞既甜辣醬和蒜香醬都放得好多 每一塊都沾滿左醬 炸雞吃下去外殼很酥脆 肉好 juicy芝士炒辣豬肉蓋飯放左超多芝士雜錦炸物小食份量很足

Lunch time去食😮‍💨😮‍💨環境清幽、有海景、兩個人都可以坐大枱👍🏻食住野望海景真係好正！服務生態度好好👍🏻👍🏻👍🏻👍🏻食物方面，叫左雪花印第安洋蔥粉炸雞🍗🍗🍗D炸雞外脆內嫩！好味！$168價錢合理！加金槍魚刺身配沙律$148🥗🥗🥗🥗刺身好新鮮，沙律都好食不過有啲辣，唔食得辣嘅朋友要注意下。🌶🌶🌶🌶我仲叫咗個藍莓酸奶雪泥，🍺幾好飲！值得一試！😝

某一日搭船經過紅磡碼頭 抬頭發現⛴紅雞竟然開咗新分店！仲要喺酒店入邊！！一向食開尖沙咀分店都覺得佢係水準之上👍🏻所以新分店開張冇耐即刻約朋友去食😚😚餐廳可選室內或室外座位 想睇海景嘅人可以揀室外坐 ☀️ 冇諗過食韓式炸雞都可以望住個五星級海景！😎🌶辣炒年糕 ($88)醬汁小辣偏甜 年糕煙靭魚糕煮到吸晒醬汁 但仲保留到彈牙口感將蛋切碎加埋醬汁食簡直一流😋🍗半半炸雞 （甜辣醬+秘製蒜香醬）($178)甜辣醬汁偏甜 食唔到太辣嘅朋友都接受到即炸即上熱辣辣 咬落非常Juicy💦秘製蒜香醬蒜味不算太重 亦都係偏甜會覺得甜辣醬汁比較吸引惹味啲😜🍳韓式泡菜煎餅 ($128)用整個鐵板上菜 唔會食咗一舊其他就凍哂🔥煎餅亦煎得微焦剛剛好 餅邊脆脆的芝士分量十足 連煎餅都做到拉絲效果🧀泡菜味唔算濃 不過麵粉比例亦唔會過多整體來講非常不錯👍🏻

◦•●◉✿✿◉●•◦ Red Chicken最近係Kerry Hotel開左新分店👵🏻一向對望到藍天同海嘅餐廳都抗拒不了🤣 當然要嚟試試啦😗⁡💫韓式牛肉鍋🍲當日無哂牛肉店員轉咁豬肉 呢個鍋係傳統部隊鍋嘅湯底 入面有午餐肉、金菇、小棠菜、粉絲、粉、泡菜雖然個size望落唔大而且湯底辣辣地好開胃入面都好多材料，好飽肚😗⁡💫半半炸雞🍗半半炸雞可以有2款味 (無骨)我哋揀咗原味&秘製蒜香醬🧄比較鍾意食蒜香味 炸粉唔厚雞肉好滑而且有雞汁🤤👍🏻 好味～⁡💫韓式泡菜煎餅煎餅唔算好油入面撈咗泡菜不過少少偏辣🤏🏻⁡3樣食物之中覺得炸雞最好食🤤配埋一杯凍飲就爽哂😆而且餐廳環境一流💙望到藍天白雲，仲係海旁隔離～ 係到坐到同朋友傾計勁chill😙⁡😋: 𝟟.𝟝/𝟙𝟘