影片
營業時間
今日營業
全日休息
星期一至五
11:30 - 15:00
18:00 - 20:30
星期六
全日休息
星期日
12:30 - 15:00
18:00 - 20:30
以上資料只供參考, 請與餐廳確認詳情
🍜 淡麗系豚魚介沾麵 HK$77・味道：甜甜地似燒汁味嘅醬油湯底，每一啖都飲到鰹魚香味🐟，aftertaste係有微微甘甜。呢到話就話沾麵，但其實係走蘸湯嘅拉麵，湯底可以就咁飲～配埋芝麻粒同京蔥更加香口。豚肉好冇豬羶味🐷，夠晒大塊，邊邊位仲有小小脂肪，好食👍🏻・口感：湯底鮮甜唔杰，肉質嫩滑唔柴。拉麵麵質硬身，粗幼正常，食落水份比例偏重，咬落有淡淡麥香。🍆 和式醬汁燒茄子 HK$15・味道：鹹甜燒汁醬燒茄子，茄子唔青，醃得夠入味。同樣加咗木魚碎同白芝麻粒，令到味道更多層次，冇咁單調！・口感：茄子夠軟腍易咬，但未到爛，啱啱好desu～🥗 蒓豚薯仔沙律 HK$15・味道：沙律醬＋煮豚肉汁，撈埋嘅醬一定冇死🥹非常上癮嘅好食！黑椒粒係畫龍點睛位，令到成個沙律冇咁膩，加返小小辣味刺激下，開胃🥔！・口感：唔係打晒做薯仔蓉，仲咬到薯仔粒的，個人幾like！🍜 辛辣系豚魚介沾面 HK$77・味道：依舊係微微甘甜嘅鰹魚湯底，但加咗辣汁🌶️，成件事再惹味再好多，甜＋鹹＋辣，三味兼備，每一啖都好上頭XD 比起淡麗系，本波更鍾意呢款小小刺激嘅湯底😛・口感：湯底鮮甜唔杰，肉質嫩滑唔柴。拉麵麵質硬身，粗幼正常，食落水份比例偏重，咬落有淡淡麥香。・・・・・・・・・・・・・・・・・・・・🤰性價比：高～🤰9衝度：9衝～🤰結論：份量係男仔都食得飽，HK$77/1.5個麵加4大塊手掌大嘅豚肉，仲好細心地有得揀加大係加大幾多%嘅麵／肉，滿足晒食肉獸＋拉麵控🤩，湯底甘甜順喉，本波首推辛辣系，比十小辣啲又未到五少嘅程度，惹味好食！btw小食都係必點！
繼續閱讀
公司附近既沾麵店, 係鰂魚涌人龍店之一, 好奇之下入左去試。今日叫左special, 鰹魚湯加牛旁。湯底: 行淡麗路線, 比較稀, 唔太掛湯, 係呢間店既特色。湯頭用鰹魚煲成, 好重鰹魚味, 唔油唔咸, 飲落好清爽, 冇厚重感, 而且想一飲再飲。麵質:聽講係用彩沾麵既麵, 所以麵條會有麥粒同較彈牙配料:叉燒肉偏瘦, 就咁食有少少乾, 浸下湯再食就好好多。至於蛋, 有少少偏熟, 比較普通。服務： 係一間極細心既店, 一開始想望下有冇醋提供, 佢就問我係咪有咩需要。 啲人食完又會執下位等大家坐鬆動啲。以77蚊碗沾麵, 性價比高, 所以都好多人排隊。
繼續閱讀
北角嘅純麵舍，係我同同事有返食過一次嘅拉麵店。環境方面佢間舖就係偏細，而且近門口位嘅話會比較熱，如果大家夏天嚟的話。我自己多數會食佢嘅沾麵。佢醬油湯底非常濃帶有一種醬油特有嘅醇厚鹹香，但唔會過鹹。反而有一種淡淡嘅甘甜。每次食完沾麵就加湯飲都幾暖胃同埋飽肚。麵條方面，純麵舍選用粗身麵條，咬口彈牙，非常有嚼勁。尤其係天氣較凍嘅時候，呢碗熱辣辣嘅沾麵真係幾暖胃。叉燒嚟講嘅話唔算話超級高水準。佢嘅叉燒比較瘦，唔會係入口即溶嗰隻。整體嚟講個味道其實唔差，但係呢個水準嚟講貴咗啲。
繼續閱讀
一間隱藏係馬路邊嘅拉麵店🍜，堂食只有十個位，全部都係坐係bar枱位，對於一大班朋友一齊食就可能無咁合適。鋪頭只有三款沾麵可以選擇淡麗系豚介沾麵純MAKASE SPECIAL 麵兩款沾麵無論係沾麵湯同麵都係一樣，SPECIAL只係多左一個配菜，今次係牛蒡同胡蘿蔔絲。首先講下個沾麵汁，同一般食沾麵湯汁好唔同，係稀身嘅，可能無一般咁掛汁，但食落好清爽，好啱夏天食，汁裹面會有好多大蔥絲同芝麻，令食嘅時候口感同味，道都有所提升。而麵條經過恰當的烹煮,不但沒有過度軟爛,反而保留了適度的韌性和勁道。成個沾麵嘅份量係十分足夠，價錢黎講，真係算性格比高，比較可惜嘅係位置問題無得同一大班朋友一齊食。
繼續閱讀
Randomly came across this restaurant while scrolling through Google Maps. Intrigued, I decided to visit it twice. The first time, I went with my sis, and the second time, I brought my entire family along..Both my sis and I ordered the Spicy Fish Broth Tsukemen with Pork for our first visit. The fish broth had a delightful bonito aroma, its spiciness complemented the tsukemen nicely. The pork portion was generous and it was not fatty at all. Additionally, the egg yolk was runny.For the second visit, we got Grilled Eggplant, Fish Broth Tsukemen with Pork, Makese Special Noodle.The Grilled Eggplant had a savory flavour that was enhanced by the accompanying sauce.The Fish Broth Tsukemen with Pork had a milder taste compared to the spicy version. Nevertheless, the fish broth was still rich, providing a satisfying flavour without feeling too heavy.As for the Makase Special Noodle, it included cucumber, adding a refreshing element to the dish. The broth had a lighter and more refreshing profile compared to the others we tried..The restaurant had a small seating area, limiting the number of available seats. The price of the noodles was quite reasonable..The staff were incredibly kind-hearted and nice. The owner's son actively participated in helping out at the restaurant and talked with us. Despite accidentally breaking some glasses, the owner handled the situation with patience and love, without scolding him. My sis and I truly appreciated their kindness, which created a warm atmosphere.
繼續閱讀
您可能會有興趣的...