素來素往

營業中

休息中

雖然係素食但做到中、西、日、川味、東南亞風都有，而且係社企有時派飯，值得支持!🥳🥢川味冷盤：先食開胃涼盤，有皮蛋豆腐、拍青瓜、撈紅薯粉等等，鳳爪係必食，樣子同口感好似。🥢日式：關東煮🍢湯底唔似日式，不過我欣賞廚師心思。🥢中式：賽螃蟹口感味道好似。茶葉蛋、紅燒豆腐都好入味。🥢甜品：大推焦糖南瓜🎃西米布丁！又香又滑。酒釀丸子亦好暖胃啱冬天飲😌。🥢飲品：是日有潤喉既羅漢果菊花茶。味道：🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅🔅速度：🔅🔅🔅🔅（5🔅為滿分）

/彿心價！$68 - $158 任食任飲😎呢間素食自助餐經常派飯畀低下層，絕對良心店。除左熟食、甜品、老火湯同多款主食，長者享有9折，佈置裝潢似cafe，見到好多情侶同學生打完波黎幫襯。我最推薦必食一定係素食披薩🍕、煎堆、酒釀小丸子、粟米蛋花湯同豆腐花。酸齋出邊買一盒得幾塊都要$50，呢度係任食架，淨係食呢個都值回票價啦。仲有煙煙韌韌又入味的薯粉，鍾意食辣的朋友要試丫！ 甜品一定要試印尼糕點，冇咁重椰奶味不過味道fresh又唔會死甜冇罪惡感。 📍素來素往 @simplemehk 📍大角咀博文街28-38號地下6號舖........

新年餐餐大魚大肉 想搵返啲輕食尋尋覓覓搵到呢間餐廳自助餐成日食 素食自助餐反而係第一次食物放置喺餐廳中央 款式繁多由熱湯 前菜 涼拌 小菜 炸物 蒸物 甜點 飲品 全部都應有盡有 打破我對素食嘅固有印象！🍴假日素食自助晚餐 90分鐘 $158✨食物推薦✨🔸涼拌粉絲用上麻辣醬 粉絲非常惹味🔹酸辣土豆絲土豆絲爽脆 酸酸辣辣好開胃🔸茶葉蛋入味之餘帶有茶葉香 🔹pizza 熱辣辣pizza有芝士 粟米 青瓜 都已經好好味😋🔸煎釀三寶三寶中間夾住素肉 茄子最好味！🔹紅燒豆腐豆腐嫩滑 醬汁調味剛好 水準有酒樓級數！🔸酒釀丸子丸子煙韌 味道清甜

今日我哋嚟到大角咀奧運站附近食一間素食自助餐💚入邊嘅菜式同我想像中好唔同😄以前以為素食只有佛教傳統嗰啲嘅菜式原來素食都可以好有創意！七彩素食卷💚啖啖爽脆嘅蔬菜🥬再用綠色麵皮包住顏色豐富，令人食慾大增😍素口水雞腳100%還原雞腳嘅模樣😱超級驚訝，點解可以做得咁出色！用咗蒟蒻製成嘅雞腳煙煙韌韌，配埋口水雞汁，相映成趣煎釀三寶燈籠椒，茄子，冬菇等等魚肉就用咗類似淮山薯仔蓉咁🤭香脆得黎，做得好神似湯品方面有粟米羹同埋中湯💖甜品方面有多好食嘅南瓜燉蛋各式糕點，同豆腐花呢個素食自助餐價錢唔貴而且有好多款嘅菜式！有興趣嘅，記住要book位先！😘素來素往 (大角咀)大角咀博文街28-38號地下6號舖

食物質素好差，與預期之中差好遠，選擇唔多，食物味道好劣，味精重既西洋菜湯，炸物唔夠熱仲要硬既，服務員態度極為惡劣，好無禮貌，一次過，唔會再去，環境非常狹窄，完全無位行，整咩自助餐真係😤😤😤😤😤😤😤😤😱😮‍💨超級難食，一定唔會再去😒😒😒😒😒😒😒😒😒😒🤦🏻‍♀️唔知點解可以咁難食真係，未試過咁難食既素自助餐，野食唔夠熱已經係非常大問題，連服務都可以差真係唔會再去。

.‼️❤️ 記得CLICK我PROFILE關注我呀 ❤️‼️.🥬 V̆̈ĕ̈ğ̈ĕ̈t̆̈ă̈r̆̈ĭ̈ă̈n̆̈ D͓̽i͓̽n͓̽n͓̽e͓̽r͓̽ ͓̽B͓̽u͓̽f͓̽f͓̽e͓̽t͓̽ @ 🌟 素來素往《👽食神大媽愛素食》.💁‍♀️ 圖中展示美食為：Weekend Dinner Buffet HKD 158.👽 有食素嘅朋友仔介紹大媽呢間素食餐廳，有好多元化嘅食物選擇，收費相宜，人氣好旺成日爆滿。.👀 佢全日不同時段都有自助餐供應。午餐同晚餐，分別都係90分鐘用餐時間，而下午茶就冇限時嘅。今次趁齋期我地特登夜晚嚟試吓。.😱 去到嘅時候，全場爆滿！好彩可以訂位，店員好細心，寫咗我哋個名起檯度幫我哋留起咗張枱。.😋 有好多食物選擇，頭盤有冷熱不同選擇、湯品、熱菜、披薩、主食、甜品。選擇好多，同埋煮得唔油膩，好味道！.🧃 晚餐時段仲會免費包嘢飲，可以起飲品櫃任揀。連飲品選擇都有好多款選擇，汽水以外，更包括比較健康嘅「竹蔗茅根海底椰」或者「檸檬薏米水」之類，好貼心呢。.🌍 享受自助美食之餘，又可以支持食素，一定越食越靚，大家有機會記得多多支持呀！❤️.📍 大角咀博文街28-38號地下6號舖☎️ +(852)2116-1119.‼️❤️ 記得CLICK我PROFILE關注我呀 ❤️‼️

自助餐就食得多，不過今次係素食自助餐🌿假日夜晚見到都幾多人食，最好記得要book位✨全素食自助晚餐$158（90分鐘/假日）有一排熱食、冷盤/沙律、甜品、湯類比你慢慢揀，refill得都幾快！講講精選先，熱食有Pizza、煎釀三寶、回鍋肉、炸香蕉、粟米羹、苦瓜炒蛋😋冷盤有口水雞及雞腳，樣及味道做得勁真實😳甜品有豆腐花、斑斕千層糕、南瓜千層糕、西米布甸等；飲品除了任飲汽水/紙盒飲品之外，仲有涼茶提供！素食都可以提供咁多選擇，有啲味道真係同真肉差唔多，覺得偶然食吓素都幾好啦😉👍🏻

性價比高嘅新派素食自助餐。 好多時我打算去食素, 呢間總會係我優先選擇之一。食物選擇唔算特別多, 但食材新鮮, 味道非常啱我口味。 除咗幾款招牌菜外,好多食物款式亦會不定時轉換.唔想堂食嘅話，可以選擇外賣。 晚市外賣$58，包一個外賣盒任裝一次，另送湯/糖水。

阿姨剛去完素來素往，大讚那裡的素菜好食，於是我便同媽媽和妹妹一齊試下。其實我地都好少食素，所以今次都算係一個新嘗試。餐廳唔係好大間，但落地玻璃令整體感覺開揚，唔會有局促感。食物主要放在中間兩邊。我地幫襯下午茶時段，每位$68任食無時限，真係好抵。食物種類豐富，除左沙律，清菜外，亦有似模似樣的口水雞和辣鳳爪。 我最愛蒸水蛋，真係超滑，食完一round 又一round,另外欖菜四季豆亦煮得好入味。媽媽鐘意食皮蛋粥，佢話食左好舒服，同埋咕嚕齋，味道適中，唔會重口味。而妹妹就鐘意蕃薯糖水，佢話夠薑又唔會太甜，同埋芋頭魚都好正，外皮好鬆脆，外脆內軟，可以加埋甜酸汁，但其實原味已經好好食。另外甜品有豆腐花，班蘭千層糕同埋南瓜千層糕等，都值得一試。整體感覺係一間有誠意的餐廳，不單價錢超值，食物質量唔錯，難得素菜不斷補充，唔會因為手腳慢左就食唔到好野。隔鄰枱的嬸嬸話佢每個星期都會來，佢雖然住新界都專誠來食，真係好捧場。

潮流興健康飲食，大角咀博文街呢間素來素往非常好，位置又方便，奧海城地鐵站行幾分鐘就到，門口裝修頗文青風7點到，入座率都7788，睇嚟幾受歡迎，建議大家預約咗先，嘢食選擇都多，就講幾樣特別推介嘅先講凍盤，我最喜歡嘅係皮蛋豆腐，豆腐入口滑溜，震藤藤好新鮮，配上皮蛋好醒胃口水麻辣鳳爪，做得好香口，口感好似真鳳爪，我估係蒟蒻，總之好辣嘅一定要食比較特別嘅，我會推介呢個南瓜布甸，甜甜地幾正Pizza新鮮出爐，厚厚嘅芝士唔會吝嗇煎釀三寶，全部都係熱辣辣，特別鍾意食係茄子，煎得好香脆手工素餃子，鄙薄餡靚要飽肚嘅有乾燒伊麵，同埋欖菜炒飯素食菜係最基本嘅，佢呢度嘅菜好新鮮，碧綠色的甜品方便，有番薯糖水，豆腐花，薑汁糕，斑斕糕，生果，甜度剛剛好，正任食任飲，每人先係百幾蚊，下次一定encore

新年食得多糕和大魚大肉，所以上個週日就我去咗食素。下午3點左右，我由博文街街口行到街尾，路經好幾間餐廳，一係無開，一係無乜人，但行到位於街尾的呢間文青風裝潢的素食店係坐滿人㗎，店外仲有人等位𠻹。好彩我一向都有個好習慣提早向餐廳訂枱，所以去到有位坐咋✌🏼呢度個流程係咁嘅，先搵咗位，然後去櫃枱賣飛 (週末下午茶時段 — HK$78/位)，之後收據放自己枱面。枱上每人有一隻大碟，用嚟重複裝嘢食。呢度全自助式，食用餐具自己去攞，有刀、叉、匙羹、筷子、杯、小碗和小碟。🍲 湯品：節瓜雜蘿蔔湯，清晰湯頭，但落足料㗎，飲出濃郁節瓜味和青紅蘿蔔的甜味😋🍲 粥品：皮蛋粥，超有皮蛋味，粥是綿密有但不會糊咗，有驚喜！🥔 🥗 沙律區：．薯仔沙律，撈得好食，薯仔粉脆，配有紅蘿蔔粒。．仲有生菜、粟米、蕃茄、等等，可以自己撈，不過我就偏向想留肚食鹹食多啲😄🍲 鹹食：．南乳齋菜，足料又入味，喜歡有腐皮和粉絲．蘿蔔糕 ，口感滑一滑，仲有一舊舊白蘿蔔，不只是麵團舊㗎！．欖菜蒸豆腐，豆腐滑一滑．素肉餅，外表真係好似肉餅，但素肉其實係芋頭，正👍🏼．紅燒茄子，炒得香口，醬汁味道好好．南瓜芋頭蓉，特別配搭，南瓜軟身但保持有咬口．咕

$ 68/人下午茶（2:30-5:00）素食自助餐，食物種類豐富，由前菜、主食、熱盤、冷盤、炸物、甜品到飲品，樣樣有齊。經濟實惠。前菜我最欣賞麻辣藕片和雞腳。用蒟蒻做的雞腳外形神似，連腳趾也有呢。主食最好味是滷肉飯，真的是白飯殺手。熱盤和冷盤的選擇最多，各式炒菜、蘿蔔糕、蕃茄炒蛋、蔬菜卷、酸齋等，都好味道。炸物也有水準，芋頭魚外酥內軟最正，另外椒鹽炸豆腐、炸藕片、炸番薯都好吃。甜品有豆腐花、番薯糖水、紅豆糕和桂花糕。飲品有五花茶、普洱茶和檸檬水。六十多元吃足兩小時，不錯啊。

呢間位於大角咀既素菜下午茶係自助餐形式，好多人在門外排隊，價錢好平好抵食，人均100蚊都唔駛，我地入到去職員好快安排我地坐低左，食物都會不停refill,食品有湯，糖水，冷盤沙律自己想食咩就用碟夾，沙律冷盤既醃蘿蔔同青瓜爽脆，另外必食推介係炸菇類同埋皮蛋瘦肉粥好香滑軟綿綿既囗感，仲有炸物芋頭大大塊，其他熱食都有好多款嫁，有豆腐，酸甜麵根齋，仲有期間限定既蘿蔔糕，選擇都幾多，而且好多唔同國家既人都黎食。

媽媽話想食齋buffet 見呢間都好似幾出名咁 平日晚餐成人 $128 免加一 都幾抵食😎哩間齋buffet選擇好多 用齊頭盤 主菜 甜品 生果 晚餐仲有紙包飲品同涼茶揀 好多元化呀！🤩喺川味冷盤入面 我覺得鳳爪係必食嘅 佢佢樣同口感好似真嘅一樣😂另一款大熱絕對係蔬菜卷 結構就好似墨西哥捲餅咁 但就轉走左啲肉 變左包雜菜 咬落超級清新爽脆 如果想食落軟稔啲可以沾沾隔離嘅沙律醬🤣我最推薦必食一定係素食披薩🍕搭配美味餡料又香又脆 仲有好多Cheese🧀🧀中式食品 個人覺得煎釀三寶最正👍茄子再加薯蓉 真係好好食 忍唔住食多幾舊🤤甜品酒讓丸子同豆腐花 丸子淋左啲 但個甜酒好正喎 好香微甜無酸味😋豆花豆味濃又夠滑👍🏻

過時過節好容易就會食多左，所以新年前出街食飯都最好都係揀返間負擔輕啲嘅餐廳，但人總係貪心嘅，負擔細都想要款式多，好彩有素食自助餐滿足到我。自助餐嘅菜式都唔少，前菜、小食、熱盤、主食、甜品樣樣齊備。前菜有肉鬆皮蛋豆腐、手拍青瓜、酸蘿蔔、薯仔沙律、香辣薯粉、素口水雞、雞腳、雜菜墨西哥卷；小食有炸香菇, 炸豆腐、炸什菇；熱菜有芋頭魚、蔬菜捲、酸甜麵筋、菜心炒牛肉；主食有pizza、素滷肉飯、乾燒伊麵、炒飯、減肥人士必備嘅番薯同粟米甜品有豆腐花, 椰汁糕, 反沙芋, 番薯糖水, 綠豆沙等。今次呢個素食自助餐除左有一般常見嘅蔬菜/麵筋，仲有雞腳、牛肉同三文魚，似係由蒟蒻製成，除左中式菜之外，仲有西式菜例如pizza，而且每道菜完食之後，都會好快補上，食客唔怕試唔到～～飯後再諗下，發現其實仲有唔少素食菜式，小食有蔬菜春卷；甜品就更加多，例如湯丸、芋丸、地瓜丸、香蕉煎餅、紅豆餡餅、芝麻卷、糯米糍等，素食餐廳都可以有好多變化，加油努力。