素悅軒

營業中

休息中

前幾晚到 素悅軒，原來是想尋找一種「隱形食品」的……………所謂的「隱形食品」，是指車仔麵餐單中沒有的餃子。早前朋友在wtsapp谷中傳來相片，才赫然發現車仔麵可以要求點選餃子的🤤。身為「餃子控」的版主，當然要來會一會了。不過，當我們坐下後，滿懷冀盼地問「車仔麵有冇得加餃子呢❓」店員說：「餃子是老闆的母親👩每天包的，今天的餃子已售清了」嗚嗚😭……今次與餃子緣慳一面了。算吧，凡事從正面看。就算不能同餃子「碰面」，素悅軒仍是很吸引的嘛。這晚繼續奉行「重要既事講3次，好味既野(起碼)食3次」的「encore loop又loop」方針，揀返每次都帶來大🈵️足的食物：😋 素悅的聖物~~炸薯片😋 素悅的炸物~~素鴨😋 素悅「菂薂」(的式)物~芝士腸😋 素悅的「波物」~芥末丸為保持爽脆口感，店方是會把「炸薯片」、「素鴨」和「車仔麵」分開奉上的。「炸薯片」作為悅素的「當紅🔴明星⭐食物」，相信很多素友都很熟悉。即點即炸，大大塊的薯片，每次都讓人回味無窮。還有滑滑的芝士腸，雖未至於「爆漿」但咬下去也是啖啖汁的芥末丸，餐後又一次帶着滿足的心情離開了。當晚在素悅軒點了「中辣」的「喇沙汁」， 睇黎一向標籤自己為「唔

肚子繼續誠實，寒天，即使吃素，也要濃和熱。素悦軒也是素人界聞名遐邇的小店。 一坐下，無論你將吃什麼，老闆也送上熱素湯一碗，今天是蕃茄薯仔眉豆湯，清甜可囗，胃開了。三餸的車仔麵賣43元，我叫是微辣喇沙湯底，幼麵配牛丸雲耳炸薯片，喇沙湯底比想像中淡，欠了椰味，素牛丸首次吃，味道口感完全是真牛丸，雲耳配濃湯吃，一絶，最強是炸薯片，不愧鎮店之寳，8元三大片，即叫即炸，第一塊我用手拿着吃，沒浸湯，第二塊點湯吃，第三塊泡湯吃，怎樣才最好? 各有滋味，總之好好味!

「素食新一代」之後，今次繼續和同屬新一代的良朋知己去支持荃灣的素食小店。素悅軒比較隱蔽，在一條巷仔之中，很有「大隱隱於市」的感覺。找到巷仔之後，店員哥哥向我們招徠道：素食啊，入嚟坐啦！上次朋友做了大嘥鬼，今次折返人間學精了，$43三餸車仔麵只叫了兩餸。可是店員哥哥說不可以只叫兩餸，no，最少三餸。是見我朋友瘦，想他多吃一點多長肉嗎？正因為此，除了豆卜和鮮冬菇，朋友最後「被迫」叫多了一份時菜，麵底是米線。而我則叫了牛蒡扒、豆卜和時菜，麵底是久違了的油麵。（傾到入曬神，忘了拍照 ）豆卜有七小粒；時菜冬菇米線油麵就是時菜冬菇米線和油麵，不過不失，不過怕做大嘥鬼的各位謹記少麵底；牛蒡扒呢，我和朋友一致通過好味，新奇、不鹹、不韌，味道質感都剛剛好。我們望着落單紙正在苦惱有太多選擇期間，鄰座的姨姨突然主動介紹，「清湯就淡淡哋無乜味，食得辣嘅話，喇沙都幾正」；落單之後，另一邊的一對食客叫我們幫他們拍照留念，有講有笑；店員有禮，服務週到，雖然迫我朋友三餸（為甚麼這樣子 )。很久很久没有在一間餐廳之內和其他人有那麼多交流了。或許食素的人真的比較善良親切吧 毫無疑問，這裏為我和朋友帶來了喜悅的素食體驗。至

呢日食lunch黎到兆和街海晴軒旁一條不起眼的小巷內素食小店，店子舖面不大，只有三張檯，容納十多人。好耐前已認識呢間小店，因為一星期五日，都會免費派飯盒，送贈區內街坊老友記；主力賣素食車仔麵及三餸飯，一坐低餐都未點，老闆已端上熱辣辣無味精靚湯.3餸湯麵 $43米線正常口感，喇沙湯底掛麵，喇沙湯底可選大中小辣，勁惹味 （小辣有如譚仔5小辣），仲好香濃香葉味炸薯片即叫即切 即炸 絕對新鮮；一客3片炸薯片有手掌咁大，必吃！素叉燒幾可亂真，帶燒味的燒烤和甜味素牛腩真到連牛腩脂肪都模仿埋出黎 啫哩口感，素牛腩係麵筋 有肉絲般的質地，有嚼勁時菜係碗碗都有.成日都話，荃灣人真有口福

It's really delicious! Really surprised by the quality of food especially its vegeterian food! Must try : pork meatball and laska soup base! It's quite hidden and look the alley with their sign on it! If u wanna try the local delicacy vegeterian food around this area, then it worth going!

好味!! 湯底同餸都好好! 選擇好多! 食唔出唔係用真係好似尤其是牛丸.仲有薯片食新鮮炸出嚟好香口好好味.好難搵到咁好味嘅素食車仔麵..............................

這間素食店的位置，是在荃灣兆和街的一小巷中，住家式經營，媽媽主理廚房工作，兩個兒子負責其他雜務。這間素食店也是主要賣套飯的，黑板上寫上多款餸菜，任選3款配白米飯或薑飯也可，湯和飯可隨意添；雖然是素菜，味道煮得幾惹味，很好吃。但唯一美中不足是衛生問題，感覺檯面不太清潔，店內的玻璃油膩膩的，扣了不少分。

今日初十五，朋友仔要食素，所以帶我去一間唔太起眼既素食店依間素食店係良心小店黎，店主會免費派飯俾有需要既長者，有個捐款箱，食客們可以幫忙除心捐錢係嗰個箱度，捐黎做咩？善捐係用黎免費派飯俾長者既！素食店就食得多，第一次試食素食車仔麵！估唔到有好多選擇！入到去地一人一碗湯！由於初一，十五都會比較人多，地方座位有限！素牛餐肉同义燒！味道真係似肉feel ,簡直係用a貨肉黎形容，口感同味道十分似真既肉！碟頭飯都有得食，每日會有唔同既菜式選擇！必食依個炸薯餅，新鮮熱上，味道香脆！一份有三塊

以前住荃灣都唔知有呢間素車仔麵, 早排上OR搵下荃灣有咩素食, 先發現有呢間車仔麵, 當然要嚟試試~地點唔算難搵, 好彩剛剛有位坐, 因為舖面細, 只有2張4枱, 不過出面後巷都有2枱2人枱仔, 基本人有人走, 無耐已經有人入, 經常滿坐, 呢度一係食3餸飯, 一係食車仔麵, 3餸飯咁普通, 梗係試車仔麵啦~ 第一次食素車仔麵, 比較三心兩意, 但我地2個人, 夾埋可以叫6個餸試~  無論叫3餸飯定車仔麵, 都會送例湯一碗, 而且可以添飲~ 叫3餸飯就起快有得食, 但車仔麵得媽媽一個人煮, 所以要等得比較耐少少, 好彩果日唔趕時間, 因為都等咗8分鐘左右~ 素鴨、沙爹牛肉、魚蛋粗麵素鴨：聽隔離枱個熟客介紹佢同枱生客, 話素鴨超正, 我又心思思試下, 估唔到又真係幾好食, 好夠脆, 不過要趁比湯浸林之前食沙爹牛肉：沙爹味唔夠濃, 牛肉又太碎, 不過個肉的質又真係好鬼死似魚蛋：質感比較實, 唔算太差湯底：選擇咗清湯, 因為叫沙爹牛肉, 諗住有D沙爹汁, 不過都係唔夠味, 偏淡咗少少粗麵：比出面車仔麵好似多D麵咁, 不過唔夠彈牙 薯片、牛腩、芝士腸油麵薯片：開頭係叫蟹柳的, 後來見到隔離枱D

我和好友在深水埗和荃灣逛了一個下午。晚上來到荃灣的素悅軒吃車仔麵。一直都想來吃的，卻沒有機會。這晚終於如願了！ 在窄巷中的素悅軒，地理環境不好。當然要多擺放或掛招牌來引路了。 走到巷子中，便不難發現這小店。 這真是一間小店。 室內大約十個的座位已滿。 我們唯有坐在店外。 幸好晚上的氣温沒有日間那麼炎熱。 車仔麵就是要這種便條餐單。 麵條、配菜和湯頭都要自行選擇。 可以選擇三款配料，$40。 多加一款配菜便要多付$8。 麵條有八個選擇。 配菜則有十六個款式。 湯頭有六款。 另有兩款撈麵提供。 原來有餐湯奉送。 是南瓜湯。 湯內有少少油份。 但沒有影響湯的味道和口感。 依然清甜濃郁。 可以看到番茄、南瓜和素燉肉。 我選了喇沙湯河粉。 配菜是白蘿蔔、豆卜和牛腩。 生菜是配送的。 我要求湯頭要少辣。 對我來說，依然有點辣。 但吃著吃著也沒有受不了的感覺。 湯頭有椰香味。 吃到最後還發現了薑蓉。 味道濃郁。 以為牛腩是麵根之類的東西。 原來是素羊腩。 （其實名字都不太重要。） 以香菇來製作的。 口感軟滑。 白蘿蔔味道清甜，且沒有粗纖維。 美味極了！ 豆卜是小方塊狀。 如果是大豆卜，口

會免費派飯比長者既素食店，一定要支持吓。除左正常三餸飯，有另類選擇車仔麵，特別推薦肉骨茶湯底，同埋叻沙湯底 (少少辣)， 留意味道會比較濃。炸薯片雖然熱氣，不過幾好味。This a small business in a alley who do good charity to elderly.Other than the rice with 3 choices of vegetables, tofu, etc.They have local style of noodles, which you choose the soup base, I like the Bak Kut Teh & the Laksa 🌶 (Malaysian/Singaporean style),you choose the 3 ingredients, & the type of noodles.

Best veggie food in Tsuen Wan! Many flavours and textures and at a great price!It is down a small alleyway so don't miss it.

上水慕名而來！去開荃灣發現此小店就在附近、一於試試啦～遠眺banner十分清晰對於第一次去既人好有幫助。入到後巷，老闆熱情既招待令我覺得好有家既感覺睇左一陣決定食三餸飯同老闆落order時說明三分一份量就可以了，因為小妹「細胃」5想浪費食物冇衣食好快老闆就送上一碗熱湯，我估係冬瓜或南瓜～好清甜飲完5口乾等緊飯餸時望一望店面環境，發現牆上掛著阿彌陀佛畫像更加有親切感好舒服來啦來啦⋯⋯菜芯+家鄉豆腐+蕃茄炒蛋有白飯/薑飯選擇、我就簡左前者吶小妹選擇坐出面，有d自來風幾舒適～哇..三分一份量都幾多菜芯好嫩好爽家鄉豆腐有炸菜同埋麵根總括而言，一餐讓人滿意既午餐絕對會再幫襯！

初轉素食的我，四圍尋找素食的店鋪，今天找到了這間完全不起眼的素食店，一家幾口經營，老闆媽媽親自主理的三餸飯，1-7款任選3款，仲有健康湯水，應該不含味精，好有住家菜feel，味道不錯，用心煮理！食食下，唔夠飯，(冇計啦，而家二個人食，肚裡面果個唔夠飽)諗住叫多碗啦，點知老闆媽媽，好好咁話：你隨便食啦，我最鐘意人食多d飯，唔駛加錢架，仲拎埋比我，即時覺得好唔好意思見到佢到門口貼住張紙，仲會派飯比有需要人仕，好有善心，仲有捐款箱可以親手種福。見到好多食客都會張找回的錢捐出。香港多d里d食市你話幾好呢！見到d食客一路食一路同老闆媽媽一路傾，氣氛好好，好似在家的感覺，會一直支持這家良心食市的!比十個Like佢地

例湯南瓜湯，有芫茜唔鍾意 香椿菜炒飯　$38用香椿，無可避免有少少油炒飯都好多料，連果仁都有 車仔麵 $32沙爹牛肉最好食，似食菇（老闆娘行過來話係啊！呢個幾好）猴頭菇扒原來係有菇嘅素肉沙爹湯底唔算好特別，不過估唔到素食店會有 燒賣 $10樣係茶樓燒賣，質感有少少似魚肉燒賣+$6要豆漿 齋料$100 X4