素.喜.館

營業中

休息中

登龍街出名多嘢食，平時嚟哩頭多數大魚大肉，今次嚟到一間樓上素食店，可以話係鬧市中嘅綠洲🌿.Set lunch可選擇幾款pasta，配是日餐湯/沙律+一杯飲品。飲品選擇都好多，有果汁/咖啡/茶，我叫咗洋甘菊茶，店員仲會主動加熱水👍🏻 沙律係亞麻籽鳳梨沙津，生菜、菠蘿同亞麻籽都夠晒爽口，醬汁酸酸甜甜，加埋兩條鹹鹹哋嘅香蔥味餅乾，幾特別，口感好豐富😝.之前嚟食過雙色椒葵花籽意大利麵，印象幾好，今次試吓羽衣甘藍芝士亞麻籽意大利麵。我幾欣賞佢夠清淡！只用少許蒜頭同pepper調味，無用意粉醬，芝士都係偏淡嘅巴馬臣芝士碎鋪喺面🧀一直覺得淡味唔一定等於難食，反而可以品嚐到羽衣甘藍最原始嘅獨特味道，同亞麻籽嘅油香🤩 .不過我認為羽衣甘藍同spaghetti好唔夾😥雖然亞麻籽份量幾多，均勻分佈喺羽衣甘藍同spaghetti上面，作為兩樣食材之間嘅連結，但我依然覺得好似獨立食緊一份沙律同一份意粉咁😂意粉亦太過淋，加上最底有少少上湯，令意粉更難收乾水。 .哩間小店其實幾值得支持，可惜始終小店經營，上菜速度唔算快。我lunch break得好短，唔可以成日來了。

🙆🏻‍♀️中女既我依家都會比較注重健康養生有時都想食得清淡啲俾腸胃抖下，朋友就介紹我食哩間西餐fusion素食私房菜。佢既晚市套餐得意之處係每月都會轉一次，加上都幾full吓，所以最好提前一日預約啦~-晚市套餐 HKD$275/每位☆大麥甘草茶飲落第一吓淡淡地，但原來茶味係回甘嘅，甘甘甜甜既味道令喉嚨好舒服👍。-☆前菜4款梅漬涼瓜▪明顯有醃漬過既梅香味，味道甜甜地，完全中和左涼瓜既苦澀味，涼瓜亦好爽口。日式昆布涼拌茄子▪咸咸地無乜特別，不過不失，用嚟清腸胃都ok。百里香蟹味菇粟米糕▪好特別既一個前菜，粟米糕帶有粟米既清甜，口感亦非常特別，有少少似食緊甜品🤤。羅勒蕃茄伴小麥脆餅▪脆餅十分香脆，配上微酸既蕃茄肉立即胃口大開👍。-☆碧根果仁奇亞籽紅莓乾沙律就咁睇個名已經知道非常健康，奇亞籽含豐富纖維兼低熱量，沙律菜亦十分新鮮爽脆。-☆青蔬菜湯佐檸檬鷹咀豆菜湯色澤翠綠，內含大量經攪拌及切碎的蔬菜，因為口感較為杰身同有渣，但就係咁先知係真材實料非常健康。-☆黑松露芝士炸薯球未切開已經聞到大陣黑松露味，外層炸粉好薄而內裡薯蓉軟綿綿，不錯的。-☆香芒咖哩蔬菜漢堡紅米飯芒果配咖哩既配搭非常特別，甜中帶

素喜館係樓上舖，我之前完全冇聽過，只係有次喺FB見到朋友post嘅相片，睇落好清新好精緻咁樣，所以嚟試一試。點知一試之下就愛上了，前後嚟過3次，差不多係「每月一食」。點解係每月一食呢？因為佢哋每個月都會轉dinner menu，所以要每個月去幫襯，暫時呢幾次都有黑松露芝士炸薯球(可能係佢哋嘅signature dish? 雖則係炸，但唔油膩架噃)，其他都會轉款，次次去都有驚喜！佢哋揀嘅食材好多都係superfood，感覺健康有益，煮出嚟仲好colorful，睇下D相就知！好鍾意佢哋嘅粟米花椰葉腰果耳朵粉，希望喺之後嘅menu可以再食到。呢度係有誠意嘅小店，值得支持啊！

早幾日細女入廠玩殘左兩公婆，自覺身體狀態唔理想，口氣逼人， 飲完清熱酷狀態依舊， 於是決定午餐同太太去食齋。前人食評讚好嘅黑松露芝士炸薯球晚上先至有， 中午只可以食set lunch。前菜太太揀咗餐湯我就揀咗沙律， 餐湯係紅菜頭蕃茄湯， 個樣鮮紅色好靚仔， 但係味道好怪雞， 我甚至覺得有少少飲緊中藥嘅感覺。 沙律只係普通嘅生菜， 但居然放咗幾片橙落去， 沙律汁係酸酸甜甜嘅橙汁， 又配搭得非常好味喎。主菜1號係黑松露蘑菇意粉， 黑松露香味濃郁，彌補左冇肉嘅遺憾， 加上 蘑菇嘅口感，呢個組合好味係必然嘅。 個意粉上枱時以為會乾爭爭， 點知原來店主有少量water base嘅汁收埋喺底， 又好味又唔怕肥，食到停唔到口。主菜二號係日本蟹味菇意大利粉， 其實呢個醬油汁底嘅意粉原本味道都唔錯，可惜佢上枱嘅時間係喺黑松露蘑菇意粉之後， 如果意粉都識慨嘆嘅話， 佢大概會歎一句既生瑜何生亮。

難得好味素呢期食肉多，想食下素，搵到呢間素食餐廳好似幾推介咁。餐牌已經寫好哂個set有咩食，唔洗自己諗，岩哂我呢啲有選擇困難症嘅人😁上到去環境都唔錯，靜靜哋岩哂傾計😊坐低左冇耐佢哋已經拎左壺杞子牛篣茶俾我哋飲（好快手👍）(個筷子架係熊貓仔好Q呀) 啲前菜酸酸甜甜咁好開胃尤其係個豆腐有少少韓式辣醬好惹味個沙律湯都唔錯，雖然係濃湯但冇我想像中咁稠跟住輪到我最期待嘅黑松露芝士薯球😍😍一打開黑松露陣味已經滲出黎，咬落去啲皮仲有少少脆😋😋食到呢度都已經開始飽，好彩之後嘅野食都唔算好大碟最後仲有個好好味既珍珠飯我食晒！好味每道菜都好有驚喜，完全唔似食緊素咁，一啲都唔會悶啲野食逐碟逐碟上，夠哂時間慢慢食值得再去

約咗朋友吃午餐，朋友喜歡吃素食，她選擇了這一間上樓的西式素食餐廳。其實我自己本身不太喜歡西式素食，因為通常味道比較沉悶，但朋友要食即管一陪。午餐在銅鑼灣價錢可以接受，$88 就可以享用頭盤或餐湯，一個意大利麵跟飲品飲品我選擇了紅菜頭蘋果汁雖然細細杯但非常足料我選擇了頭盤 - 香橙亞麻籽生菜沙律味道十分開胃，材料非常新鮮意粉我叫咗-羽衣甘藍芝士亞麻籽意大利麵因為我覺得有芝士味都會比較濃郁還有超級食物羽衣甘藍味道非常好，芝士味夠香濃，羽衣甘藍也很新鮮因為我們是午餐時間最後一位客人所以環境非常清幽Overall 味道非常好，他們的服務也很好值得推介的一間西式素食餐廳

不經不覺今次已經係我第五次幫襯素.喜.館的午餐喇，我已經連續幫襯了他們兩、三個月，雖然佢地主餐牌的食物無轉過，好簡單只得6款意大利粉可供選擇，但每次食佢地的意粉都保持到好高的水準。每次開始食的時候好彈牙，而食到尾都依然好彈牙，佢地應該用咗d特別的意大粉 再者，佢地選用新鮮的食材加上係素食的關係，所以感覺特別清新。佢地的裝修設計感覺好舒服，同一般的餐廳好唔同。而每食一個lunch set 都會有一個印花，集齊8個印花就會送一個免費lunch set

店內環境好新淨亦坐得舒服，暖色系嘅裝修風格仲好有家的感覺添！呢度嘅晚市套餐每月會轉一次，每道菜式都好花心思，會見到有唔同天然顏色嘅素菜。食材係新鮮即日買，所以記得要早一日預訂啊，Walk in客未必有位。而有部分菜式會用到蔥、蒜、蛋、奶同芝士烹調，食全素嘅就可以訂座時通知一聲，佢地就會另作安排都幾貼心。飲品係蜂蜜杞子黃金牛蒡茶，一坐底就會比你，可以飲成餐，唔夠可以添。前菜小食總共有4款，糖醋漬紫高麗菜切成絲狀，食落仲「霎霎聲」好爽口，酸酸甜甜好開胃！左邊係羅勒蕃茄蔬菜丸子，麵包上面有一塊羅勒葉，而葉上面就有自家製嘅蔬菜丸子，丸子偏腍身，我用咗匙羹整扁佢再鋪喺麵包上面食；中間係韓式辣醬豆腐伴果仁碎，只有好輕微嘅辣；右邊就係醬燒杏鮑菇秋葵串！烤南瓜藜麥葵花籽沙律，烤南瓜夠甜同腍身，羽衣甘藍面頭加上藜麥同葵花籽，再加埋自家調配嘅蜜糖芥末醬，我幾鍾意！牛油豆蔬菜濃湯配脆卜卜嘅麵包條同麵包。黑松露芝士炸薯球外面嘅炸粉非常之薄，唔會太熱氣，而裡面嘅薯蓉好滑，薯蓉裡面再包住芝士同黑松露醬，正！黑芝麻香菇海藻蕎麥珍珠飯老闆話係用菇水喺飯煲煮，所以帶有菇香味，飯裡面都有各種菇。甜品係紅棗蓮子百合燉桃膠，

素食🥦初體驗星期六放工約咗個姊妹交換旅行嘅手信。方便大家就揀咗地點係銅鑼灣。但係，諗來諗去都諗唔到食乜🤦🏻‍♀唔打唔撞上網Book到呢間喺登龍街嘅素食餐廳。膽粗粗去試下啦🙊 （除左食中式齋，今次第一次試素食）位置都幾好搵，係希慎廣場出行2分鐘就到。今日落雨濕濕，一坐低店員就比左壺熱剌剌嘅杞子牛蒡茶我地，即時暖返曬☺✌🏻（我地起碼refill咗3壺🙈🤣）地方唔算大，cozy，但係座位同檯面都闊落，坐得幾舒服，啱曬約姐妹黎。晚餐呢度係一個set餐，配好晒唔使自己諗！啱我啲懶人！🙊一開波就有四款冷盤小食。有我最愛嘅秋葵！🥰 凍豆腐個辣醬有驚喜。🤤跟住就上南瓜沙律，南瓜上面沈左玉桂粉好match。個汁酸酸甜甜食完好開胃。跟住就到餐湯，作為餐湯佢都相當大碗。識食一定係點埋麵包嚟食！跟住就到全場最吸睛嘅黑松露芝士薯波!😈雖然係炸物但係一啲都唔油膩，薯蓉撈埋黑松露同芝士真係冇得頂。🤤🤤🤤（原諒我張樣衰相，一見到就忍唔住想即刻食。。。😂😂😂）食完個薯波就有一碗海草香菇蕎麥飯。成碗飯都有淡淡的香菇味。朋友唔食海草，又益曬我😝 明明飽飽地，但係都忍唔住食晒。🙈🙈食完飯梗係唔少得糖水啦！😍

因為朋友係食素 每次同佢出街 都r爛頭諗食咩之前帶佢食嘅都麻麻地 今次終於搵到一間佢都讚㗎素喜館係家庭式嘅私房素食 座位唔多裝修好似屋企咁晚上供應嘅套餐250蚊位 分量一定夠飽 最欣賞係有羅漢果茶任飲 好養生前菜小食有四款 分別係白蘿蔔 花豆 同涼拌茄子 仲有菠菜蟲草花豆乳燉蛋 時間蒸得啱啱好 入口超滑溜 仲有啲豆乳香 第一次見到呢個配搭嘅燉蛋 好有心思個沙律配黑醋汁份量又好夠 食完其實都已經飽咗一半飲埋個紫甘筍蔬菜湯 因為好足料 所以飲完又飽咗啲 我係第一次見到紫甘筍入饌 完全無蔬菜嘅腥味 黑松露芝士炸薯球 新鮮炸起 千祈唔好心急放入口 黑松露味好重 薯球脆卜卜入面軟淋淋 正昆布淮山本菇珍珠紅米飯 賣相好精緻 食埋就已經非常飽 啖啖都好有咬口 淮山昆布同菇都好有益最後個甜品桂花栗子露 又係勁足料 口感比較稠身可以咬到粒粒嘅栗子蓉 真材實料 甜度仲剛剛好未試過成餐飯都咁滿意 每一道菜 都食得到老闆嘅心思 絕對值得再嚟

平日食飯多數係多肉少菜好唔健康, 所以放假時都會想食下唔同嘅素食餐廳, 迫自己唔好食咁多肉之餘, 仲可以試到唔同嘅素食食材, 好食又健康!今次去左呢間位於銅鑼灣嘅素食餐廳- 素喜館,樓上餐廳嘅設計好溫馨家庭式嘅感覺, 地方唔算太大, 我地平日夜晚去都好快就滿座, 想食嘅朋友記住要早D book位!餐廳係私房菜型式經營, 有設計好嘅menu,dinner set每人盛惠$250 無須加一;一個set有哂前菜, 湯, 飲品, 主菜, 甜品等, 睇落好似唔多野, 但食哂都幾飽下, 而且每樣食物都係用當造食材炮製, 夠哂健康!一入到坐低店員就斟左羅漢果花茶俾我地, 感覺好清新健康,仲可以清下清熱滋潤下, 我地飲得好快, 中途店員仲為我地添左幾次, 服務好好XD Dinner Set嘅前菜係分左3樣唔同嘅小菜,日式醋漬白蘿蔔, 奇亞籽蜜餞花豆, 涼伴茄子伴花生冬陰公醬白蘿蔔係一朵花嘅形狀好靚, 食落酸酸甜甜咁好開胃!花豆本身以為無咩味, 但食落原來係甜甜地, 本身唔太鐘意食豆嘅我都好快食哂; 涼伴茄子有好濃嘅花生味,原來以為冬陰公醬應該會好辣我食唔到, 點知其實係有冬陰公味, 食落其實唔辣仲好香

作為半素者，在Openrice看到這家素喜館食評不錯，而且私房菜來說$250位晚市套餐價錢亦Reasonable，這個星期一晚來一試。小店裝潢簡約清雅，半開放式廚房令你看到廚房的準備。我們六時準時入席，剛好是第一枱客。不久老闆娘就送上羅漢果花茶，花茶香味濃郁，芬芳四溢，而羅漢果花的天然花蜜，可以清熱解毒和有養顏美容的功效。前菜小食共有4款，首先頭3款是日式醋漬白蘿蔔、奇亞籽蜜餞花豆和涼伴茄子伴花生冬陰功醬。三者各有特色，從清爽、清甜到清香，是不錯的開胃前菜。最後一款前菜是蟲草花菠菜豆乳燉蛋，蟲草花有抗衰老功效，配上香滑燉蛋，整道前菜可算是色香味俱全。其後意式車厘茄沙律伴黑醋汁，車厘茄令人食欲大增，番茄的酸、香、甜配以淋上橄欖油及黑醋，突出沙律的清新芳香。亞麻籽紫甘荀蔬菜湯濃稠得宜，配以又香脆麵包讓人想多喝幾碟。黑松露芝士炸薯球，是我最難忘的菜式，薯蓉包著黑松露芝士，配上拉絲芝士，味道令人難以忘記。其實我們已經8成飽，看到還有昆布淮山本菇珍珠紅米飯，本來還很擔心吃不下，怎料份量不多，而菇的香味非常濃郁，帶出滿滿飯香。最後甜品是印尼蕃薯凍餅，蕃薯的甜味濃郁，加上有豐富纖維素、熱量低，即便減

🥗 Lunch set ($88) 🍝羽衣甘藍芝士亞麻籽意大利麵味道比較清淡，食到食材嘅原味，意粉用橄欖油撈過，好香滑。羽衣甘藍作為一種Superfood，功效就唔使我多講，味道的確唔錯，比較有咬口，不過食肉獸就可能會覺得冇味，未必太鍾意🍲紅菜頭忌廉湯(跟餐)本身好怕食紅菜頭，因為佢有種不能形容嘅澀味，但係呢個湯，令我對紅菜頭改觀，質感Creamy得黎，味道又好清新，而且配埋餅乾，最後可以吸收曬紅菜頭蓉嘅精華🥰🍎紅菜頭蘋果汁不得不提呢度嘅餐飲，都係一啲健康嘅飲品，紅菜頭汁真係好少見，於是就試吓，加埋蘋果汁，好fresh，酸酸甜甜，好開胃整體來講，質素係唔錯嘅，不過份量就細啲，感覺唔係好飽，大食嘅就可以加$20加底😝 

這夜，一行四人，去登龍街的「素喜館」 ，替云妹補祝生日。搞手，仍數十載不問世事，對團隊毫無建樹的C。不抱任何期望，結果，卻超乎想像！撫心自問，這一頓新派素食，是近十年吃過，性價比高，且最教人稱心滿意的一頓飯。小店正方格局，佈置簡約中見親切，半開放式廚房設在用餐區後面。晚市套餐$250/位，免加一服務費，且只收現金，須一日前訂座，生日切餅每個蛋糕$50。為避開人潮，我們六時入席，是第一枱貴賓。甫坐下，侍應送上兩壼羅漢果花茶。接著，餸菜逐一送上。小店教人讚賞之處，乃每道菜式的配搭，盡量保留食材的獨特地方，如取其味、取其色或取其質，既讓食材發揮其天然真味，又互相輝映，大大提升味道或口感。前菜小食4款，由左至右，分別有清爽且酸香有致的日式醋漬白蘿蔔、清甜富咬口的奇亞籽蜜餞花豆，以及濃香惹味且香腍帶嚼勁的涼伴茄子伴花生冬陰功醬。及後，蟲草花菠菜豆乳燉蛋，也讓我們大開眼界。大廚採用了菠菜的嫩綠色去燉蛋，蛋香且滑，再夾雜富咬口的香滑蟲草花，好吃又好看。稍休片刻，來一碟清新開胃的意式車厘茄沙律伴黑醋汁。接著，濃稠得宜且甜美的亞麻籽紫甘荀蔬菜湯，紫得美得，如銀河般璀璨，配以又香軟且清脆的麵包籃，教人忍不

《食素都可以好精彩🌱》出得街食飯多，有時會想食下素食，估唔到銅鑼灣搵到間Fusion式素菜👍🏻以往食既素菜都係中式...呢間係幾國結合，絕對有驚喜(不過記得早一日book😂)💰$250/位〜Dinner Set😲凍冰冰先飲杯紅棗茶，成個人好Relax☺️芝麻糖醋漬紫高麗菜🌱先食個開胃前菜日式味噌秋葵🇯🇵日式都有 真係估佢唔到粟米糕伴蓮藕菇醬🌽第一次食粟米糕感覺都幾清新燕麥能量球伴乳酪😂呢個好得意 好似甜品咁奇亞籽香橙茴香沙律🍊花椰菜淮山甘荀湯🥕黑松露芝士炸薯球🥔薯仔蓉包住黑松露芝士，好邪惡韓式泡菜青瓜千層麵🍝手工精緻...口感層次豐富佰爵茶朱古力奶涷🍮（無咖啡因）。#銅鑼灣 #Fusion菜#素食 #素菜 ...……………………👧🏻肥妹小編..........................