素.喜.館

營業中

休息中

素。晚。餐 素食朋友有口福了。愈來愈多人愛吃素，我都要試下，今次到CWB 隱世素菜店晚餐晚餐每位三百元左右，不算貴，環境可以，冷氣夠凍，唯獨電梯要等好耐好耐，不過算啦隱世嗎！份量偏大女仔呢就未必食得晒 , 最令我印象深刻嘅就係呢個甜品奶凍，滑個好多傳說中嘅奶凍店。配上香甜嘅紅豆。好美味。薰蛋都是另一個亮點，流心香甜。蛋味香濃，唔到咁簡單嘅廚房都做到咁出色嘅薰蛋。更年興食健康野，羽衣甘藍同藜麥都可以話係先鋒部隊，好多朋友成日打卡晒自己食健康的藜麥早餐。將藜麥同羽衣甘蘭合併而成嘅沙律。配上酸甜嘅蘋果，健康美味。蟲草花牛肝菌珍珠飯，淨係呢一個食物嘅配搭已經夠晒健康，飯粒口感剛好，味道不會過濃，而且有香，同老闆講過原來佢哋嘅食材呢全部都新鮮，而且呢都會食當季最好嘅食材。咁你厭倦左同朋友食飯係一齊鋸扒食意大利粉肉丸，大家不如都素一點。唔怪之得睇食評人哋話呢一度係素食界嘅廚師發板啦！

同舊同事聚會今次揀左一間食素菜既，畢竟大家平時大魚大肉 係時候黎個Green Friday啦！晚市套餐只有一款 由前菜到main到甜品都一應俱全 首先有醋漬蘿白、牛蒡青瓜、燕麥焗冬菇 平時既醋漬蘿白我都唔會食…不過呢個賣相幾精緻 食落去清清地有陣甜蘿白味，都幾易接受 第一道要黎開胃都幾好 牛蒡青瓜都係比較爽口既開胃菜，到燕麥焗冬菇比較新既煮法 燕麥平時做早餐就有…加埋冬菇又幾夾wo 龍井茶溏心蛋，茶係個蛋既底唔係幾食到龍井茶味 不過溏心蛋非常溏心，又滑 羽衣甘藍真係好好味！仲配有蘋果既酸甜味伴沙律好健康 旁邊既汁好fresh 又唔似一般沙律汁咁膩 亞麻籽黃薑蔬菜湯真係第一次試… 估唔到加左黃薑既西湯會咁似南瓜湯 飲落係幾有驚喜，因為天氣比較涼飲完非常暖胃！ 點埋包食更加滿足~ 黑松露炸薯球，黑松露非常香而薯球口感好綿密 每啖都軟綿綿咁 蟲草花牛肝菌珍珠飯，睇落已經好入味 因為牛肝菌既汁已經俾d飯吸哂，好好味！ 雖然睇落好似好細碗，不過食埋呢個飯都真係7成飽了 綠茶紅豆奶凍 奶味香濃，淡淡的綠茶清香唔會搶左奶味 略嫌個紅豆可以再多小小，因為食到底就冇哂綠茶&紅豆 餐廳

收費過高，食物份量小得可憐，造成收費與食物份量不成正比。$250 的收費應該降至每位最多每位$180。食物平平無奇，淡而無味。油煙抽風系統差勁，因而引至全間餐廳充滿油煙味及煙霧彌漫！由於油煙抽風系統差，餐廳的解決方法是把所有空調調低，因而今到室內溫度太冷，感覺一點都不好。侍應太年輕，無經驗，不懂得同客人溝通。有４位walk-in 客人走進餐廳，餐廳不是滿座，侍應只回答晚餐一定要預訂。這４位walk-in 客人只好無耐地離開！

銅鑼灣返工，其實openrice 一下樓上既食肆好多時都有驚喜。今次搵左間特別既素食特別在我睇完餐牌，真係想象唔到可以有咁樣既配搭落單自己劃好就可以俾店員。SET LUNCH有餐湯或沙律選擇，我就因為個名而揀左＂鷹咀豆藜麥沙律＂＂鷹咀豆藜麥沙律＂有淋身既藜麥，有口感既鷹咀豆，有爽脆既菜，加埋酸酸甜甜既醬汁，好開胃！！再加上一片較脆既多士，好喜歡，真係食清晒，一粒都無剩見到餐牌有特色既茶類，所以嗌左杯＂士多啤梨紅莓茶＂試試佢本以為味道會好膠，點知又唔錯，飲完唔會鞋口添，幾清新！！主菜：日式海苔蟹味菇意粉分量都不少，陣陣咸香味，蟹味菇唔會有草青味，意粉軟硬適中，唔會太淋，有咬口，撈埋紫菜一齊食，味道更有層次。店鋪坐位舒適，唔會有擠迫既感覺，而且感覺好潔淨。

午飯次次都食肉，今次試下轉變下試一試食素先時間尚早，未有人，可以包場地方寛敞，坐落夠哂鬆動，岩哂傾計每張枱都有個小盆栽，增添綠色元素今日餐湯係新特別既西蘭花湯飲落唔單止夠滑身，仲不失西蘭花既味道，配埋塊熱辣辣又鬆軟既面包，好食今日午餐仍然放棄唔到食辣少少既辣豆瓣醬加上用豆乳，有啲似腐乳味意大利麵唔好煮得過火，加埋汁同煮既火侯控制得而面條吸到汁之餘又唔會淋哂身，仍然有彈牙既口感飲品真係唔知飲咩好，店員姐姐介紹左呢杯比我紅菜頭加埋蘋果清爽清甜

情人節又到啦！老實說，好多情人節套餐真係貴到好唔合理，所以如果想兩口子慶祝情人節，又唔想比一個唔合理嘅價錢食一個唔好味又唔開心嘅情人節套餐，真係要花啲功夫去搜尋吓。另外就會覺得慶祝未必一定要大魚大肉，有時清清地都唔錯啊！於是就選咗位於銅鑼灣嘅一間食素食肆 -「素。喜。館」上到嚟，覺得餐廳環境完全冇因為情人節而裝飾過，完全談不上浪漫😅只係一間平平實實嘅餐廳，但係其實佢嘅食物比咗好大嘅驚喜我🤩佢有因為情人節而設計咗個menu♥️會用食物拼成花嘅形狀，賞心悅目。味道仲意想不到咁好味添！⭐️⭐️⭐️⭐️⭐️真心推~推~推介呢間餐廳！👍🏽

尼期成日同sweetie 講要 慢活.輕食!佢就拎我黎 喜 . 素 . 館 一齊食晚餐~哈!見到佢個套餐都幾多款食品,驚唔飽既人出沒了~一於叫佢個晚市套餐試吓先~1) 前菜小食 : 有車厘茄; 秋葵; 釀冬菇2) 紅菜頭柚子沙律伴黑醋汁** 前菜小食同沙律都係開胃醒神,一讚佢個紅菜頭非常新鮮,清新大自然感覺!3) 姬松茸豆腐燉蛋燉蛋嫩滑配軟棉姫松茸,頂呱呱~!!!4) 牛油豆蔬菜濃湯濃湯蘸麵飽片,唔錯喎~ 5) 黑松露芝士炸薯球薯球炸得好乾身,而且本身大愛炸薯球,佢中間包住黑松露,味道很濃郁喔~!!!6) 鮮淮山昆布珍珠飯鮮淮山微爽淋滑,昆布又有益,配珍珠飯激正~7) 是日甜品: 桃膠紅棗蓮子湯,暖甜有口感!8) 飲品: 玫瑰花茶,有個茶壺暖住,好貼心~

朋友係全素食者，一向都好佩服佢嘅毅力同埋堅持，我呢個咁鍾意食牛肉嘅人，喺佢面前真係有啲Guilty 12月係佢嘅生日，生日飯就一於食素啦！呢間係佢推薦嘅，位置方便，銅鑼灣鬧市嘅樓上店。一坐低店員就為我地準備好玫瑰花紅棗茶，呢種天氣飲真係好滋潤！每位人頭計＄250，已經有差唔多10款食物，一道菜一道菜咁上，第一樣食物係豆乳燉蛋，味道特別在有姫松茸。接着有三款美味小食，每一款都各有特色。我最喜歡冬陰涼伴秋葵，帶點酸辣的冬陰公味道，開胃醒神。鮮冬菇就食得多，將燕麥釀咗喺裏面再焗，又香口又好味，真係第一次試最近好流行嘅Superfood 呢度都有得食。亞麻籽沙律，用上日式和風醬汁，so fresh。咁凍嘅天氣飲一碗熱湯就夠晒warm啦! 花椰菜甘筍湯，清清地，仲有脆卜卜嘅多士同埋麵包，食多一點都冇負擔。開始有一半飽啦！呢個時候就來一個好靚、肥嘟嘟、好得意嘅炸薯波波。黑松露芝士做餡了，流心感覺最正！最後嘅主食係千層麵，泡菜青瓜，味道好韓風。最令我驚喜嘅就係食素都有甜品，伯爵茶朱古力奶凍，清甜、甜度適中，好啱我口味。雖然無肉，但估唔到素食都好滿足

近排多了應酬食多了，收到線人資料這裡吃得健康，今晚就一於上去食餐素食，線人已經幫我訂位，而選擇亦只有晚市套餐選擇，唔需要想吃而煩惱唔會出現，9樣東西加埋個茶都係劃一價錢$250，價錢可能會覺得比較貴，但要留意這裡不是齋鋪，而是用新鮮嘅superfood 為主再配上蔬菜生果即時烹製！先上個小吃，放了三種口味嘅食物，分別有桂花密車厘茄，冬陰公伴秋葵，焗讓燕麥鮮冬菇，三種口味各有特色，個人較喜歡清新嘅去皮車厘茄加上桂花密嘅組合，酸甜混合，加上入口個種豐富肉汁感好正！而冬陰公配秋葵亦好特別，粘粘地嘅秋葵上帶點冬陰公嘅辣，唔錯！絕對係廚師用心嘅配搭，最後個焗讓燕麥鮮冬菇，就夠晒口感，入口似食緊肉嘅感覺，當然一切都係由廚師手勢將燕麥做成啦，而且個鮮冬菇好香及好煙韌彈牙！跟住上姖松茸豆乳燉蛋，松茸混在蛋中，入口時感受到好香豆乳嘅味道，而燉蛋重軟滑，一入口就好好滑入去喉嚨內！之後就係日式和風亞麻籽沙律，香脆紫菜絲在沙律上，加埋個日式麻醬入口清新，個人覺得個醬汁不似街外咁多油，咁就食得健康！餐湯係花椰菜甘筍湯，好香嘅甘筍味之餘，湯中見到好多切碎了嘅花椰菜，為了保持蔬菜嘅鮮味，蔬菜入口時嘅軟熟度剛剛好！呢

話說 佢係個食肉獸, 但隨住人大咗 身體開始提佢要以菜為主打, 而我地又想為地球先生出一分力, 減減炭排放~所以, 我地就決定開始每星期一天嘅素菜日喇~今次黎咗朋友介紹嘅素菜館, 佢話清清食食材本身嘅原味, 我會鍾意的~set 啱曬無 idea o既我地~因為本身唔係素底, 所以同我地襯好曬就啱曬呀~好可愛呀 筷子托, 我地 2隻都唔同架, so cute!!!早食飯嘅好處又來了~就係唔使等位 而又可以靜靜地享受我哋嘅晚餐, so nice!今次跟餐嘅係玫瑰花茶, 玫瑰花係 "賣飛佛" 啊!見到粒粒粉紅玫瑰花, 原粒玫瑰花好啊~前菜小食有三款, 上枱先知佢地係咩, hehe 充滿期待~(有桂花蜜?)車厘茄 + (味噌?)秋葵 + (豆豆素肉?)釀鮮冬菇, 落問號嘅原因 係因為由我地目測 + 味覺分析 而得出黎嘅～XD車厘茄去皮 有心機, 配合甜甜 o既蜜糖, 零草青除, 比平日更易入口 又 keep 得住哥份清新感!姬松茸豆乳燉蛋雖然係無平日加肉加海鮮哥分香甜, 但係清香細滑, 我地都鍾意呀~ 紅菜頭柚子沙律伴黑醋汁我本身係超級無敵勁驚紅菜頭, 所以我直接棄咗權...全部紅菜頭塞埋俾佢

香港人生活繁忙，成日都要OT，食埋啲唔健康既快餐。為咗令自己身體健康啲，今日約左好朋友去試一間以西式煮法既素菜館。亞麻籽蘋果沙律青綠色的蔬菜加上幾片新鮮的蘋果，撈埋灑上亞麻籽既甜酸汁一齊食，清甜爽脆，係一道開胃既前菜。雙色甜椒葵花籽仁意大利麵麵條可以自己選擇意大利麵或烏冬，而且仲可以選擇走蔥蒜，迎合倒唔同素食者既需求，值得一讚。我選擇左雙色甜椒葵花籽仁意大利麵，甜椒香甜爽脆，意大利麵軟硬適中，份量足夠。紅菜頭蘋果汁套餐飲品可以選擇果汁或茶類，我選擇左健康飲品紅菜頭蘋果汁，起初我以為紅菜頭係蔬菜類，或多或少會有啲草青味，但結果喜出望外，入口清甜。

星期六約左個好朋友開餐，佢話要健康飲食，介紹左素喜館。第一次食全素，完全冇概念。間鋪位於銅鑼灣商廈上面，地方算舒適。叫左份set lunch, 南瓜甘荀湯，雖然冇肉，但一樣鮮甜，而且唔肥膩，岩晒我地貪靚女士，仲附上烘方包，可以點湯食。主菜係黑松露磨菇意大利麵，侍應好體貼問使唔使走蔥同蒜，怕冇啲長齋既人唔食得。我只係客串，所以唔使走蔥蒜，加上大量黑松露，一上台香噴噴，忍唔住食左啖，味道比較清淡，但意大利麵煮到岩好，幾有口感，唔係我想像中因為素食而冇味，反而幾清新，唔知唔覺食晒一碟。餐飲方面都係以健康為主，有果汁，紅茶或者花茶。而且可以加錢換是日甜品，不過要貫切健康主題，而且真係好飽。依家素食都可以多元化又健康，而且選擇多，日後多個選擇。

星期六約左個好朋友開餐，佢話要健康飲食，介紹左素喜館。第一次食全素，完全冇概念。間鋪位於銅鑼灣商廈上面，地方算舒適。叫左份set lunch, 南瓜甘荀湯，雖然冇肉，但一樣鮮甜，而且唔肥膩，岩晒貪靚女士，仲附上烘方包，可以點湯食。主菜係黑松露磨菇意大利麵，侍應好體貼問使唔使走蔥同蒜，怕冇啲長齋既人唔食得。我只係客串，所以唔使走蔥蒜，加上大量黑松露，一上台香噴噴，忍唔住食左啖，味道比較清淡，但意大利麵煮到岩好，幾有口感，唔係我想像中因為素食而冇味，反而幾清新，唔知唔覺食晒一碟。餐飲方面都係以健康為主，有果汁，紅茶或者花茶。而且可以加錢換是日甜品，不過要貫切健康主題，而且真係好飽。依家素食都可以多元化又健康，而且選擇多，日後多個選擇。

食齋，好多人第一個唸法係味濃、油淋淋，一啲都唔健康。今日我就破舊立新去試一試既健康又清新既西式「素.喜.館」素喜館位于銅鑼灣商廈，地理位置方便，地方舒適，都幾優閑。$88午餐套餐包一款麵食+沙律+餐湯/飲品1杯亞麻籽蘋果沙律賣相精緻，蔬果配上亞麻籽既甜酸汁，清新可口，完全食到原材料本身既味道，又健康又開胃。紅菜頭蘋果汁餐飲我選擇左健康既果汁，入口清甜，味道有啲似黑加里子汁，完全無蔬菜既草青味。黑松露磨菇大利麵陣陣既松露磨菇香味，已經令我迫不急待要試食，雖然只係幾片磨菇，但食落口鹹香味適中，麵條煙靭彈牙，份量一啲都唔少。總括，店員親切有禮，會主動提我地可以走蔥蒜，迎合唔同類型既素食者。雖然食物既種類唔多，味道亦都唔算太突出，但絕對係一餐營養價值極高既午餐。

第二次來食，一到來上杯牛蒡茶，食物水準還是很好，樣樣清新，調味適中，服務又好，吃完一樣自動上第二樣菜，唔使你吹又唔會被人吹住走，食物又夠新鮮熱，几個女仔6點几坐到10點關門又唔吵可慢慢談心，因為地方唔大正正方方十張台左右夠清靜，今日見我地自攜生日蛋糕，還悉心把甜品(蛋糕)變糖水，銅鑼灣聚會好地方，男士就可能唔夠飽肚因樣樣好像法餐咁細細碟，女士食埋甜品啱啱好啦，7樣餸仔加甜品和無限添茶水~^(炸薯球 同飯都好味)每次指定餐牌都會有些唔同預訂晚市套餐如有任何問題或更改，請聯絡本店，謝謝你！😊🥕🥕🍅素.喜.館 🍆🌽***❌如不要蔥蒜和蛋奶，請提早通知本店，可另作安排 。-晚市套餐-前菜小食 2 款紅菜頭柚子沙律伴黑醋汁牛油豆蔬菜濃湯黑松露芝士炸薯球 姬松茸豆乳燉蛋鮮淮山昆布珍珠飯是日甜品牛蒡茶每位$250 📞提前一日或之前預訂可亨有9 折優惠 ✨每位$225只收現金💵**免收加一服務費