細妹姐小廚

營業中

休息中

我朋友以前差不多每星期都會去一次的小店，當日我朋友約我去試下，座的環境差要由後巷進入的店舖，職員帶到一間房見到另一邊就是鐵閘應該店舖的正門，內有5張枱坐得擠迫，原來現在大街大巷的店舖還會收唔手提電話，我朋友打來兩次都收唔到訊號，我就返回入店的門口講電話，跟著有位男職員態度極差話我阻住出入，我罵完佢返回座位，見佢幫另一枱落單見佢態度差到極點，跟著又踢另一枱客的櫈兩次還話張櫈阻住佢出入，這間店請著這種職員一定影響聲譽。食物和價錢還可以接受。

走入「細妹姐小廚」，第一口嘅雞蛋焗魚腸已經令我嘆為觀止😲。外層脆啱勁，一啖落去，魚腸嘅鮮滑同雞蛋嘅香濃融合得就似音樂交響曲咁和諧。口水雞出場，微辣刺激味蕾，叫人想一啖接一啖。啱啱好，金銀蛋波菜來喇，鹹蛋黃哈喇油，做到一個字—正！波菜嘅綠油油同金銀蛋嘅鹹香撲鼻，真係叫人忍唔住一盤又一盤。跟住上來嘅烏頭、花生猪手又係驚喜連連。特別係烏頭，嚟得肥美得滴油，嗌齊詞彙都表達唔到咁正！而滷水鵝片喺咁多美食裡面亦都起到點睛之筆嘅作用，滑而唔膩，嚼勁十足，每一片都令我讚嘆連連✨。啖啖猪肚鵝肉，味正力度足，真係食到心都暖笠笠。嚟呢度，唔單止係食嘅滿足，每一道菜，每一口嘅享受，都令人忘卻都市嘅喧囂。荃灣街頭嘅這個小角落，藏住唔少食客嘅開心祕密🍽️！希望下次嚟可以繼續發掘更多隱藏版美味！

今日放工後過去荃灣同家人會合，因為時間都已經8點幾，所以決定就先喺荃灣食飯，然後直接返元朗。由千色沿途行返去荃灣西站揾餐廳，家人突然想起位於二坡坊的細妹姐小廚，成日都見到好多人食，咁就試下啦。坐低叫咗京都肉排，蠔仔煎蛋，啫啫通茶煲。京都肉排 - 味道OK，不過肉質較韌，一般。蠔仔煎蛋 - 煎得夠香，蠔仔新鮮，份量亦OK。啫啫通菜煲 - 味道OK，有少少偏咸，屬於合格。職員服務合格，都算主動幫手。但環境太過嘈吵，我同家人就唔係太過頂得順，快快食完就埋單走人。

為咗就我哋喺荃灣返工嘅朋友，第一次嚟呢度食打冷。   當日一行四人，未人齊一坐低就叫咗個韭菜豬紅(>^ω^<) 。豬紅份量足，味道夠，反而韭菜就唔多。 當日我熱氣唔舒服，但都忍唔住要食個蠔餅！佢係炸嘅，唔係煎，仲熱氣(˶‾᷄ ⁻̫ ‾᷅˵) 炸豬大腸炸完再炸。唔好。蠔仔粥就因為我有啲想搵熱嘢食，但又唔想叫白粥喎(腌尖)，不過佢真係煮得幾好味，一碗夠兩三個人分。  腐乳通菜唔夠腐乳味，但係都係新鮮炒。其實全部嘢都普普通通，不過不失，最差嘅就係炸豬大腸咋。題外話，最驚訝嘅就係因為外面嗌交，當時我哋都好驚，佢哋差啲打交咁滯，地方有啲複雜！

自己都成日係荃灣食開打冷，見食泥食去都係個幾間，就搵間從未試過既細妹姐打冷試下經過甘多次都冇幫襯，點知一食就出哂事一坐低都冇咩野都係睇餐牌叫餸，價錢都係正正常常，係偏貴啲啲，三個人叫左個滷水雜併、西蘭花炒雞柳、沙拉蝦球、同一個後加既豉椒炒蜆個滷水雜併一泥到上台，我以為自己睇錯$148 蚊 份量少都唔緊要，竟然真係比啲超級下欄既滷水你，紅腸就大大塊，都算啦諗住間間唔同食完大半碟，再泥左個$98西蘭花炒雞柳，我未見過炒完既雞柳係鋪返係西蘭花上面完全唔覺個餸係炒甘，好啦都算，唔叫都叫左，一食落埋去啲雞柳鞋撚過沙紙，啲西蘭花食落係苦口，都算都諗住食你一次半次，冇下次最後泥左個沙拉蝦球$148。搵幾舊西蘭花伴碟，我諗依碟餸算係正常少少，啲蝦球係甘易炸一炸再撈沙律醬我諗應該都唔會難食得去邊，份量就見人見致，值唔值依個價錢就自己諗喇最好笑係食到最後一碟等左好耐我個豉椒炒蜆係泥都冇泥過，就忍唔住同佢講同我取消佢，佢話去問下，我已經同佢講唔洗，個姐姐都好行返泥講 原來個同事寫住你張單冇幫你落廚房單，我真係忍唔住同佢講，你間餐廳啲野甘難食，服務又差真係唔會有下次仲要漏單叫啲伙記拎啲餐具或者拎野飲，唔會應你

這間小菜館主打食鑊氣小炒、海鮮及潮州菜, 有廚師推介、粥粉麵飯、滷水類、小炒類我們點了椒鹽賴尿蝦豉椒炒蜆菠蘿生炒骨蜜椒牛仔骨啫啫煲通菜小菜全部很新鮮, 熱辣辣夠鑊氣, 賴尿蝦非常足料, 大大隻啖啖肉, 椒鹽味濃, 炒蜆裝到滿滿無沙, 非常惹味, 生炒骨、牛仔骨正常水準, 通菜夠爽脆餐廳位置並不多, 可以先行打電話留座, 人多有機會需要坐後巷, 人情味小店, 店舖是家庭式經營, 服務態度不錯, 上菜快、前菜酸菜是自家醃製, 非常開胃

打冷好似周圍都有，要好食就唔係好多。今日老爺奶奶難得出黎行下，話之前去過荃灣二坡坊既細妹姐食，覺得唔錯所以話再去食。去到都有d以前大排檔feel,有d檯係鋪外。我地叫咗墨魚紅腸、鵝片、韮菜豬紅、避風塘炒瀨尿蝦、滷水掌翼。先黎個韮菜豬血，一食豬血個下，感覺不錯唔會一咬就爛哂，加埋辣椒油真係掂，至於墨魚紅腸就不過不失，而避風塘炒瀨尿蝦就好正，細細隻就最好味，好多水上人都話瀨尿蝦細細隻比好大隻既更好食，如果唔係已經飽，都想叫碗白粥加埋d炸蒜食。遠望下其他檯叫既炒餸，睇落都不錯，下次黎試下炒下炒下先。

今日又係行山日，同屋企人係山上面轆落嚟，餓狼咁款。雖則荃灣出名好嘢食多，但係要遷就到晒咁多個人真係好困難，諗黎諗去最後都係決定食呢一間首先佢啲嘢真係唔貴，可以話物超所值，不過平嘢總係唔會永遠係好嘢，隔離枱真係好鬼嘈唔講唔開心嘢，講吓嘢食啦我哋嗌左五份小菜前菜就有椒鹽粟米，佢啲椒鹽鹹得來又夠香但係又唔會令到我好頸渴，啲粟米全部都脆卜卜，我個姪仔食到好開心😚媽咪話想食水煮魚，一上枱仲係滾緊，水煮魚辣香味真係令人垂涎三尺，佢啲魚非常之爽口彈牙，唔會太老亦都唔會有腥臭味；而我就叫咗我最鍾意嘅枝竹魚雲煲，一上枱非常之熱，啲魚又大大件非常抵食，順帶一提我覺得呢碟嘢嘅精華一定係蒜頭除咗呢啲嘢之外仲帶咗咕嚕肉、豉椒炒蜆、魚香茄子煲，呢三樣都係我合格水平，唔特別講啦！今次呢一餐為翻起每個人都唔使$110，一個字抵食！

首先必須要講餐廳菜餚味道可以，有鑊氣，但體驗感極差，人手嚴重不足，等左45分鐘先上到菜；衛生情況麻麻等。到達餐廳，見到人山人海，坐滿人，座位擺到出後巷。因為疫情關係，我地唔想坐後巷，唯有等下室內位，好好彩等左5分鐘就有位。入座後，見到每張枱上都有提供紙巾，好體貼。不過店員抹完枱面都仲係粘粘笠笠，座位亦唔係咁乾淨，衛生情況稍差。慶幸碗碟係幾乾淨的。樓面好忙，做到停唔到手咁，我地舉手示意落單，侍應們互相推搪，不斷叫等陣，最後幾經努力捉住附近傳菜既侍應，成功落單。等左25分鐘左右先有一碟豬紅上枱，食完後等左好耐都未見另外2碟餸，最終45分鐘先上齊。其實一早已經隱約見到蒸鱔係出餐位，但遲遲冇侍應傳菜，影響餸菜質素。其實我地情況已經算好，隔離枱早過我地小小落單，等左1個鐘果碟水煮魚都未黎，催單先至話冇曬，最後佢地2個人只係食左碟鹵水鵝就埋單，好慘。韮菜豬紅 ($68)豬紅熱辣辣，好大粒，食落都算滑，份量頗多，相反韮菜得幾條。跟餐既辣椒油冇味，唔香又唔辣。整體普普通通，豬紅醬汁同辣椒油都比較淡，過得去。豉汁蒸大鱔（$168)大鱔賣相唔錯，豉汁味香，不過茨汁稍多，有唔均勻既粉粒，大鱔冧軟嫩滑，有油香

好耐無打冷！想話同兩位朋友來個豉椒炒蜆、鵝片再來杯啤酒🍻敘敘舊☺️夜晚7點半左右來到，坐滿人！卑咗張開係後巷嘅細枱我哋坐！開頭都唔覺有咩問題，打冷係甘㗎啦😀點知除口罩吃耶就知奶耶後巷嘅廁所加上地下嘅污渠，一邊吃一邊傳來陣陣反胃惡臭🤢🤮，餐廳伙記隨手就將水倒落本來塞滿垃圾污水嘅渠到😵然後d水彈咗落我個袋到😖常件事好惡夢下🙄都唔知有無彈埋落d耶食到，翻到嚟無屙都算係甘🥲想講個個位真係唔開得枱囉😑😑望下又無多出嚟嘅位可以轉😥嗌咗個薯仔牛柳粒，8點落單，等到9點先嚟😑見d伙記甘忙又唔太好意思催，嗌個白飯，等半個鐘都唔嚟，結果係要催先卑我🥲都未吃過切到甘細粒嘅牛柳粒，唔知佢炒定炸，定炸完再炒啦，又乾又硬，咩口感都無曬😓個廚房真係好唔掂下個脆皮炸大腸就好少少，碟滷水鵝片就不錯，所以估計佢其他滷水嘅菜式應該會比小菜好🙂小菜個d我下次都係去翻大排檔吃把啦結論係：無下次！等足一個鐘先上菜嘅效率仲要唔係好吃😓

放工約埋朋友出黎食飯吹水，生痱滋吾想打邊爐就轉食小菜，朋友推介呢間細妹姐小廚話都幾正，咁就試下啦。落單由朋友發板，叫左避風塘豬肘骨，黃金蝦同埋啫啫生菜煲。避風塘豬肘骨蒜頭超多，又夠辣，豬肘骨肉質夠滑，送飯一流！黃金蝦略嫌油膩，但味道吾錯，鹹蛋黃夠惹味。相比起啫啫生菜煲比較失色，味道吾夠，有待改善。餐廳環境乾淨，座位又夠闊落，我地兩條友吹左三個幾鐘都冇人嘈，值得加分。兩條友埋單三百幾，都算抵食，下次一於番兜呢間，試埋佢其他菜式啦。

這日和朋友來荃灣晚飯食下小炒飲下啤酒，馬上就想起這間好店。　從菜單所見多款小炒都相當吸引。啤酒叫了兩支藍妹，和朋友一人一支香蕉蠔餅($60)，蠔好夠，同粉槳比例適中，外層好香脆，入面的蠔新鮮軟滑，送酒一流。椒鹽鮮魷，份量十足，又脆又軟腍，又是一送酒好菜。蜜汁豬肘骨($80)，甜甜地，肉質嫩滑均勻，滋味好味。實在是食小炒飲啤酒的好地方。美中不足是臨走時隔離枱一班大漢中有人食煙，初時還有所收儉但後來始乎見職員沒阻止就明目張膽地食了。

朕今日本來被約左去雞煲打邊邊兼飲酒吹水，點知去開個間今日超多人，六點都己經坐爆左，朕都話左星期五出街食要訂位架啦，唔緊要打唔到邊邊朕就轉去打冷，喺荃灣打冷朕就即刻諗起二陂坊，球場嗰邊有幾間，不過朕食過，啲小菜唔夠鑊氣，隨從就話對面有間細妹姐小廚啲小菜唔錯，於是朕就同埋隨從試下！黎到細妹姐門口，見到啱啱仲有一張細枱，朕同隨從就即刻坐低就再望Menu，佢地啲小菜價錢都幾合理，大排檔既價錢（可能平過），價錢就好喇，朕就唔知味道點樣！！！黎得打個冷，就緊係要叫煎蠔餅同埋滷水鵝片呢兩大名物啦！先黎滷水鵝片，滷水汁藥材味不濃而且味道鹹甜適中且醇厚，鵝片滷得嫩滑入味，每次打冷朕都必叫！跟住到煎蠔餅，蠔同粉槳既比例啱啱好，炸到外層非常脆口，入面啲蠔亦唔會乾身！開胃小食，餸啤酒一流！另一個佐酒小食西芹XO醬炒墨魚咀，XO醬香辣適中，墨魚咀爽口彈牙，香香辣辣最適合餸啤酒！仲有就係口水雞，呢度口水雞既做法同出面一般食到既有啲唔同，出面食既多數都係油浸，而呢度就係用秘製醬汁，食落無咁油，再在上面加上花生粒好有咬口，雞肉嫩滑再沾埋香辣秘製醬汁，好味！BBQ豬仔脾朕就食得多，避風塘豬肘骨朕就真係第一次食，呢個避風

本來3個人打算在荃灣食雞煲，但太多人七點幾要等位等到九點幾 於是找其他食店，點知都係一樣 後來大家經過細妹姐小廚就話不如打冷，但呢間店都坐滿人，剛好有人食完離座 我們就坐低食飯吹水，好彩改變主意，入到去望見餐牌和牆身貼滿小菜圖片，相當吸引 ，真係好多款式，我哋就叫左鹵水鵝片、香煎蠔餅、醬爆墨魚咀、口水雞、鍋仔馬拉盞啫菜心、避風塘豬肘骨和揚州炒飯，當未又小菜食時，就叫支啤酒一路吹水一路食炸花生和甜酸菜，估唔到前菜都噤好食，花生鹹得來好脆，甜酸菜，酸甜度適中又爽，吹吹吓滷水鵝片就到，好多鵝片好少豆腐魁底，鵝片好稔好入味，滷水汁好正 豆腐好滑，香煎蠔餅，新鲜熱辣出晒煙，咬落好脆好香口好多蠔，唔使點魚露都好夠味 醬爆墨魚咀，西芹好爽口，墨魚咀沾滿X O醬，口感好彈牙野味  望住已經流晒口水，雞好滑啖啖肉，加左碎花生增加口感，個醬汁杰杰地廉住雞肉味道甜甜地偏辣 鍋仔馬拉盞啫菜心，最重要係鑊氣，將蝦米、辣椒、肉碎和菜心一起大火猛炒，味道同啫啫煲一樣，鹹鹹地野味可口 ，避風塘豬肘骨，唔食得辣就要小心，因為最初食好野味，但辣味會慢慢浸出來，要飲凍嘢或啤酒解辣，個避風塘做法，用好多辣

之前因生病而食足白粥五日, 口都淡埋........今日己差不多好番九成就即刻想食番啲夠鑊氣又野味嘅小炒, 大排檔就最fit la.........荃灣大排檔都非常正, 尤其位於二坡坊嘅"細妹姐小廚", 正正正.......平日都要等位, 因今日我成十點先去到, 唔駛等, 即刻可医肚......hehe........雞蛋焗魚腸...........最緊要夠熱, 面上油炸鬼又脆, 魚腸滑而不腥, 雞蛋又有蛋味........正口水雞..........小辣, 雖然唔知係唔係雪藏雞, 但都算有雞味, 醬汁就好野味...... OK金銀蛋波菜.........好多鹹蛋......我鍾意呀!總括, 大排檔環境......, 大排檔菜式......, 大排檔鑊氣.......正!