紹華小廚

營業中

休息中

冬天最啱係食煲仔飯，經朋友介紹，自己又住港島方便就去試呢間煲仔飯。間鋪嘅位置都唔係好容易搵，一到步門口都冇張貼餐廳名，要問樓面先知道嚟啱地方。坐低就掃單落單，等咗15分鐘，兩兜飯上台。樓面姐姐好好服務態度地將枱面上嘅煲仔飯豉油幫我哋淋上、然後聲稱要冚蓋焗多一兩分鐘。煲仔飯啲餸做得好唔好食見仁見智，但本人就覺得一般，重點兜飯個底係燶曬。煲飯一上到台嗰陣濃味都可以喺個蓋窿度傳出嚟。環境都係一般熟食街市模樣，有烏蠅周圍飛，服務態度正常。有三張二人台，如果被坐滿就可能要圓枱同人搭枱。

啲樓面自己落單落錯左黎我張單到，同左佢講吾係我落，好似審犯甘審你😏之後以為取消左啦，點知食完去到收銀個阿叔到又無取消，重大大聲話我地做咩吾一早講，比錢先黎話要取消💩叫佢自己問番個樓面阿嬸先死死氣收番原價 🙂‍↕️其實都係多左杯熱檸水 +$3 姐 ，吾想做生意可以關左佢嫁嘛，吾洗大聲及惡甘話我地既👀最後緊係收左錢鬧左你就叫你走啦，邊有道歉嫁🤣🤣🤣P.S 吾會再幫襯 都費事同佢地嘈 ……………..😉

一去到攞碗菜乾湯嚟，呢點招呼唔錯！我叫了C餐薑葱霸皇雞飯 + 凍檸蜜。但即時俾返張單我，點個張單寫住$48 + $5，我即時問返佢點解唔係 + $3，佢話凍檸蜜係特別嘅，我提出轉凍檸茶，佢話落咗單冇得改。但同時佢又話C餐薑葱霸皇雞飯賣曬，要我轉另一個，最後我揀咗D餐黑椒牛柳絲炒意粉。可能你覺得都只係$2啫，但問題係佢咁樣做生意好似呃我咁，餐牌又唔寫清楚，落單嗰陣又唔同個客講。個黑椒牛柳絲炒意粉少辣，都熱，但冇話特別好食。短時間內應該唔會再幫襯。

因愛秩序灣街市熟食中心裝修關係，紹華小廚也被迫暫别街坊。上星期五，熟食中心恢復營業，紹華也載譽回歸愛秩序灣，初來步到的奔奔老師也就前去朝聖。店長早說煲仔飯是他們晚市主打，不聽勸的奔奔老師偏選了一客 椒鹽豬扒炒出前一丁 。這道椒鹽菜式注重辣與咸的平衡，兩種味道沒有互搶風頭，反而讓炒出前一丁成為焦點。雖說是炒麵，但麵餅沒有過多油分，以炒粉麵來說，廚師實在做得很出色。紹華的另一亮點，是它的特長營業時間，從大清早直到晚上十點半，一日三餐都可以在這裡被妥善照顧。

紹華仍然係煲仔飯既首選。煲仔飯既分量係足夠一個男士。上枱後落豉油，冚蓋焗多2分鐘。飯粒好乾食，粒粒分明，又唔會乾晒水，而且最令人吸引係飯焦。可惜牛肉唔好食，唔夠味道。下次會考慮叫牛以外既煲仔飯。除咗煲仔飯，仲有中菜小炒。叫左咕嚕魚柳，甜酸比例好平均。有青椒紅椒菠蘿等做配料，魚柳唔會因為有咕嚕汁而變淋，有小小脆口感。大家要明白喺熟食中心嘅環境的定位，對比茶餐廳一定會冇咁好。而且洗手間就喺隔籬，所以會有少少味道，不過係可以接受嘅範圍。

天氣凍，最啱食煲仔飯今日咁啱出到去筲箕灣就去咗呢間紹華小廚總共嗌咗三樣餸魚湯浸娃娃菜生炒骨同蒜香牛頸脊煲仔飯三樣餸都好好味魚湯好鮮甜生炒骨酸酸甜甜咁 好開胃 最正就係煲仔飯熱辣辣 暖笠笠必食！

💯熟食中心尋寶: 平價煲仔飯Round 3@紹華小廚雖然賣相一般，這間與上次的一樣充滿炭香，以$90的煲仔飯來說也有較上盛的用料算很好，飯較腍身，幸好夠鑊氣，配料盡吸甜豉油的味道，別有一番風味。🥰每個煲仔飯平均1,000卡路里推介組合：==豉汁帆立貝象拔蚌煲仔飯$90==帆立貝與象拔蚌肥美飽滿，有膏的那隻吃下去極鮮甜==蒜香牛頸脊煲仔飯$90==招牌菜式之一，炒香的蒜蓉與牛頸脊原本已經香口，經炭烤後更是一絕，這煲連黃金飯焦一起吃，與一般煲仔菜式高下立見。==豬膶黃鱔煲仔飯$90==同為招牌菜式，油香味十足，起沙的豬膶與彈牙爽口鮮味的鱔肉口感方面惹味非常。==金銀蛋肉碎鮮魚湯浸時蔬$74==家常菜，湯有點味精，但尚可接受~~~~~~~~~~~~~~~~~~~~~~~後記：閒日也座無虛席，我們一行四人八點才到也要等位，而且每張枱最多坐6人，人多可能要分兩枱。#筲箕灣美食#煲仔飯 

Recommended by my dear friend, an hidden underrated restaurant in the market, we spent our weekend dinner here. We purposely arrived at sharp 6pm when they just opened, so we needed not to wait. Menu served both traditional and fusion options of clay pot rice and traditional dai pai dong stir fry. Price was pretty economical especially adding on ice drinks only charged extra hkd5. We made our order via QR code. Daily soup was served but personally not my cup of tea because of the very strong uma

唔少講，今次落咗腳去咗一間我慕名已久嘅食店，話說最近天氣開始涼，我就諗起黎試試佢哋嘅招牌——茘茸肉碎煲仔飯。服務員話呢度煲仔飯出名，我就一試究竟喇。飯面頭有兩粒茘茸，軟滑得嚟一啖入口就知道係真材實料，攪開嚟啲肉碎粒粒飽滿，飯香味十足，好入味。食落有層次，一啖飯一啖肉，啱啱哋。再講講小炒皇，真係料好實在，眼見都開心，韮菜花保持得脆口，蝦米同鮮魷都係點綴，食落咀嚼起上嚟，真係鮮味幾罐膠。👍而家一定要讚下荔茸肉碎飯，啱啱好嘅賣相加啲醬油焗一焗，開蓋嗰刻，嗰股熱氣同香氣一齊撲鼻而嚟，真心唔錯！😋上面啲茘茸波波球抵讚，又可愛又特別，加上肉碎同冬菇，味香質滑，啖啖肉感，一試難忘。食完煲仔飯，嚟個黑椒蜜糖雞翼，起勢！雞翼外邊香脆，內層肉嫩多汁，蜜糖醬汁甜中帶辣，吃得我停唔到口。全程吃得好開心，都算係一頓豐盛嘅晚餐。😍下次再黎，我仲想試下其他野！

涼涼哋最好食臘味➕煲仔飯🤭唔想去西環咁遠，揾吓揾吓見到筲箕灣有幾間最後揀咗呢間，因為除咗煲仔飯都想試小菜。環境餐具都乾淨企理，掃QR code落單好方便。煲仔飯要6pm後先可以叫，早咗15分鐘去到，餓底友人表示叫兩個小菜攝住牙罅先😆小菜 「野山椒炒牛肉」 - 小辣🌶️上菜好快夠熱，牛肉炒得好香味道唔錯😋仲有不同顏色甜椒一齊炒，好甜好淋都係好入味，友人發現有一款係醃製過酸酸哋鹹鹹哋但又最辣嘅椒仔，應該就係野山椒，送飯一流，不過未等到煲仔飯嚟已經食晒😆小菜 「椒鹽雞翼」 同平時嘅椒鹽雞翼味道唔同，有啲紅紅哋似係辣椒味嘅「椒鹽」而唔係平時食胡椒味嘅「椒鹽」，味道都唔錯，係乾咗少少同埋凍咗會鹹啲。終於夠鐘叫煲仔飯🥳我哋揀咗要招牌「蒜香牛頸脊飯」➕臘腸，同埋「合時臘味飯」➕荔茸，有荔茸係好驚喜🤩可能係第一輪，等咗10分鐘左右就有，上菜後職員會打開蓋淋一圈秘製煲仔飯豉油再冚蓋焗一陣，我哋唔知要等幾耐見隔離枱開蓋我哋先敢開😂「蒜香牛頸脊飯」蒜味好香入晒啲飯度，牛頸脊完全無渣好入味👍🏻👍🏻「合時臘味飯」最出色嘅竟然係加餸嗰兩大球「荔茸」，好香好滑，加埋飯一齊食入口即化好滿足😌油鴨有啲乾同嚡，要啲牙力先咬

晚市才有煲仔飯。所有午市餐都送例湯，清甜簡單。鍾情河粉，不容易炒得好，決定試豉椒肉片炒河。調味剛好，有鑊氣，河粉表面微焦，肉片質地好無雪味，青椒芽菜爽口。滿意，下次會再試其他款式。

講多無謂。港式炒粉麵，個人認為炒米粉的難道確實最高，因為米粉比河粉或其他粉麵幼身，如果烚米粉嘅時間過長，就直接令炒的過程很容易將整條米粉炒碎；而反之如果烚米粉嘅時間過短的話，米粉就容易過於乾身，難以吸收醬汁及其他食材的味道。高手在民間，本身諗住嚟食煲仔飯，但而家原來晚上先供應。無意中，點左衣碟簡單樸實既《干炒班腩米》，十分驚喜，依碟米粉炒得乾爽彈牙 唔油唔碎唔黏！📍紹華小廚筲箕灣愛秩序灣街市暨綜合服務大樓食好啲啲 rating: 8.5/10

想食依間煲仔飯🍲好耐，但因為佢係筲箕灣個邊，對於新界人黎講太遠。不過天氣入秋，係一個好完美同朋友食煲仔飯既時候。📍佢既位置坐落係街市入面，價錢同出面大排檔相若。我同表哥叫左一個兩個煲仔飯🍲加一個小菜🍀。啱啱落完單三分鐘，個蜜椒薯仔牛柳粒🥔🐂就到左，我都好驚訝佢既上菜速度⏰。但速度既背後正正係質素既妥協。食大排檔目的只有一個，唔係用料幾靚，唔係款式幾精緻，而係鑊氣。但坦白講，3分鐘俾唔到我⏰薯仔🥔表皮有蜜糖同黑椒，口感都焦脆，但入面就好粉，味道入唔到去。牛柳粒口感鬆軟🐂其實overall都合格，不過我對依間餐廳期望比較高，所以有落差。但煲仔飯既質素完全冇令我失望✨，我同表哥叫左豬潤黃鱔飯🐖同合時臘腸飯🍲兩個都係signature。對比返openrice上年餐牌又貴左10%，香港地食飯真係愈黎愈貴。原煲上，先淋啲煲仔飯豉油，再蓋住焗3-4分鐘，開蓋蒸氣攻上黎，香氣撲鼻，視覺嗅覺都係一大享受✨豬潤都算厚切，口感粉嫩，有小小內臟味🐖但冇傷大雅。黃鱔外皮滑溜，咬口略彈牙，魚油滲出黎，好食！！🐟但配合依兩個餸，飯唔會有好多食材既味道。第二個係臘味飯，有臘雞、腸、肉、潤腸。餸既味道固然咸鮮，但今次食

好耐都冇食到咁好味嘅煲仔飯😋😋呢間小廚鑊氣十足，多款煲仔飯選擇而家跟上潮流手機落單👍🏻👍🏻方便街市食肆乾淨我哋叫咗豬膶黄鱔飯、臘腸田雞飯、蒜香牛頸脊飯、梅菜肉餅飯、仲要咗椒鹽雞翼勁嘢味😋😋煲仔飯大概15分鐘至20分鐘就到起店員會幫我哋落豉油焗多1分鐘就食得打開香噴噴材料嘅油分勁香😍😍佢哋嘅自由調校得好好👍🏻佢哋嘅傳統煲仔飯，水準好高，我哋試咗佢嘅生命煲仔飯蒜香牛頸脊，牛頸脊一啲都鞋好夠味識落仲有淡淡的蒜香香味好正一人一鍋煲仔飯，啱啱好夠滿足👍🏻👍🏻秋風起食煲仔飯真係一流

我食咗一碟超強鑊氣炒飯！就係紹華廚房嘅出品啦，佢哋嘅「咖喱生炒牛肉飯」真係好特別！出面好少食到咁樣嘅配搭，令我感到好興奮！其實個感覺就好似星洲炒米嘅味道配合左生炒牛肉飯咁首先，佢哋嘅炒飯真係出色！米粒香口，可能因為加咗咖哩，每一粒都係香到不得了。啲牛肉雖然都係用咖喱炒過，但入口咬落去仍然好嫩好多汁。再加上啲咖喱味，超香濃厚，令整個炒飯有咗特別嘅風味。同埋啊，佢哋係個份量真係好足！食完一碟炒飯，真係飽到爆！唔使擔心肚餓啦！