紹華小廚

營業中

休息中

今晚全家出外吃晚飯，但見附近的中式飯店都已爆滿，忽然想起這間很久沒光顧這小店，便帶著全家來此店試試。叫了兩個煲仔飯和三個小菜：1. 豉汁帆立貝象拔蚌仔煲仔飯：餸並不多，味道尚可，飯比較濕，沒有飯焦。2. 土魷肉餅煲仔飯：肉餅沒甚麼味道，不為甚麼有少量鹹魚碎在上面，飯比上一煲更濕，沒有飯焦。3. 中式牛柳：牛肉薄而偏乾，全碟只有很少汁，味道一般。4. 啫啫通菜煲：味道偏鹹，不知為甚麼煲內會有唐生菜，菜身亦偏腍，估計應該是淥熟後才落煲。5. 枝竹豆腐班腩煲：味道尚可，唯班腩鹹了少許，而且雖然是炸過，但完全不脆。全後衛生方面應比較污糟：1. 雖則是位於街市的熟食中心內，但座位底有食物殘渣，座位上還有飯粒。2. 煲仔飯沒有飯焦，但煲底竟然是燶的。3. 最離譜的是，叫了杯熱茶走，杯內竟然有幾粒飯粒。總結，全家人一致通過，不再光顧此店。

【蒜香牛頸脊飯】 HKD78依間煲仔飯嘅配搭好多都好特別，而且幾夾下😄飯就唔多講啦，之前都有提及過。而牛頸脊粒🐮有別於牛柳粒，冇咁淋，食落好有趙口，夾埋炸蒜嘅香，成個煲仔飯食落好香口。

久仰大名, 终于食到啦!  人唔算多, 入来即有位坐.  上菜好快! 煲仔飯唔洗等好耐, 大概十来分鐘就有. 椒鹽鮮魷: 味道就幾好,  但有少少淋, 不够脆. 豬膶黃鱔飯:  豬膶就一般般啦, 個黃鱔超好食, 入口Q弹加好鲜美, 早知单叫黃鱔飯仲好啲添!合時臘味飯: 膶腸同臘腸都好好味, 飯焦够香但係有少許撬牙.啫啫通菜煲: 够热够味道.服务都幾好, 有提我哋可以 係隔黎摊檔拎嘢過来煮, 即刻去整兜蜆来用豉椒炒, 新鲜热辣, 好味! 可能就唔值得專登走来筲箕灣食, 但 係性价比都算高

呢個我bookmark左好耐㗎啦 見佢啲相好似好靚咁 好想試吓😍但係筲箕灣呢個地方我哋真係少d去 所以一路都未有機會食🙊🙊😂·蒜香牛頸脊飯 $82呢個一上枱已經勁香蒜味 好想即刻食🤤佢會首先幫你落豉油 之後你再焗多佢2分鐘就可以 建議大家焗完就快啲食 因為我覺得佢個飯都凍得幾快🙊呢個煲仔飯真係超出色 尤其係個牛頸脊 肉質非常嫩 超好食😍·合時臘味飯 $82呢個都唔錯 不過呢個就冇蒜香牛頸脊嗰個咁驚艷🤔但係呢個煲仔飯入邊嘅臘肉超好食 嗰肥瘦分布啱啱好 同埋佢將個臘肉煎到脆bok bok超惹味😎·啫啫通菜煲$70 呢個又係一上到台勁香 仲要渣渣聲 勁開胃😎同埋佢嗰汁都調得好好食 好惹味 不過呢個再加埋兩個煲仔飯就有啲太濃味 食到最後超想飲嘢 但係佢個例湯又一開始上左 所以我哋一早就飲晒🤣🤣不過值得一讚嘅係佢個例湯都好好飲 係勁熱辣辣 唔係頹貨😈·#rbyeat#rby港式#rby筲箕灣·📍筲箕灣愛秩序灣道15號愛秩序灣街市暨綜合服務大樓CF3號舖

專登諗住天氣凍左，去食個靚煲仔飯，點知黎到奶哂野飯無味，硬到頂心口，d餸又無味道，豉油更無特別，得個甜字唔知點解可以咁難食，但仍有咁多人讚好味，真係好奇怪🤬🤬🤬🤬😤😤😤😤😤環境衛生惡劣，仲見到米奇😖😖😫😫

【黑椒蜜糖雞翼】 HKD67依間嘅煲仔飯同大家介紹過，平靚正！相對上，小菜就較為普通。不過味道都唔係差架，以依味餸為例，雞翼🐔炸到脆卜卜，咬落去啖啖嘅蜜糖🍯仲有微微嘅黑椒味，好惹美🤤而且過左一段時間，都仲keep到雞翼表層脆卜卜👍🏻📍紹華小廚筲箕灣愛秩序灣道15號愛秩序灣街市熟食中心CF3店🚇港鐵筲箕灣站B3出口 步行約5分鐘🕑星期一至日 10:00-22:30

A dish that can keep you warm during winter . This is a dish that is very famous during winter as it can really warm your stomach .The special that this restaurant offer is they cook their rice with coal , rather than gas. It makes the rice tastes better . The meal tastes quite good and satisfying . Will definitely revisit again during winter as summer is too hot for that 😂

紹華小廚最特別一定係煲仔飯上面既波波球，好可愛好吸睛，望到已經覺近好療癒。🥺🥺荔茸肉碎飯，等左十分鐘就熱辣辣地上枱，先𣺉上豉油再合蓋焗多一陣，一打開香噴噴，波波球好完美呀。😭😭荔茸打得好幼滑，食得出天然既芋頭味，估唔到加落煲仔飯係咁夾。肉碎肥瘦同味道剛好，仲有好多菇碎，好好味，如果份量再多啲就好喇。😂😂一定要食埋黑椒蜜糖雞翼，一絕呀！蜜汁超惹味，雞翼外皮脆卜卜裡面好 juicy，慢慢食到最後一隻都仲 keep 到熱辣辣，腰果沾滿蜜汁好香口，連個碟都想食埋。🤤🤤當然要叫番個菜，正常水平，勝在唔貴。

三月下旬晚上六時來到筲箕灣的愛秩序灣街市熟食中心去試紹華小廚，一睹隱世煲仔飯真面目。先說位置，街市地下有熟食中心，跟一般熟食中心於二三樓不同，經街市走到熟食中心，四四方方像個盒子自成一國似的，也像商場中堂有間茶餐廳。那天晚上就兩間食肆做生意，整個熟食中心到處都是吱吱聲一陣陣白煙升起，隨了煲仔飯，還有打邊爐，隔離小朋友曳曳就比人打屁股。 今次叫了蒜香牛頸脊煲仔飯，等了約十五分鐘才送上，煲仔上台，侍應幫客人打開煲蓋倒豉油再蓋上，嘴饞如我就慢慢等讓它焗一焗，剛才侍應開蓋淋豉油時白煙氤氳聽到吱吱聲迴響，心想知道這次對了啦，應該差極都有個譜，煲夠熱整個都很熱。本想手多多打開聞一下，好奇心害死貓也驚害死一煲飯，如坐針氈的三分鐘，打開蓋水氣一攻，不先護目卻拿起長鐵匙，插入飯中攪拌翻騰，粒粒挺身沾了油光，上刮抄底也是原整挺身，不過硬沒糊身，水與米比例剛好，疏了水氣就吃一口，蝦仔飯甜豉油不過甜沒死鹹，整煲都是如此，師傅功力足，推煲受熱均勻，沒大火變蔡燶華，飯粒爽挺油光溫潤，只有兩不宜，胃病者不宜，軟飯王不宜。吃件牛頸脊嚼頭足，心嘆叫錯了，排骨滑雞章魚才好配上，牛頸脊跟蒜太霸道了，換了章魚鹹香送上這靚飯，

專程由香港仔入去筲箕灣試下炭爐煲仔飯，晚上七時半一入到去得三枱客，.........有D其怪，未嚟過！之前好多人係YouTube講到依間紹華炭爐煲仔飯全港五大好味，但個老闆又試人家D煲仔飯點差點唔得，佢間就好出名好多人食，點知😅。叫咗一個排骨滑雞煲仔飯，一個豬潤黃鱔煲仔飯，全部餸無味，D飯又濕，D飯煲燶哂，豬潤又老又唔係厚切，蒜蓉炒白菜仔超多油，生炒排骨超甜，D煲仔豉油無味，所有分量好少。招呼可以。

今日黎到筲箕灣一個熟食中心,食鵝肝煲仔飯, 依間鋪頭叫紹華小廚,去到熟食中心,地方唔係好大,而且座位數量唔係好多,餐牌好多選擇有煲仔飯,小菜,蒸魚,小食,我地就叫左一個鵝肝煲仔飯,一個沙嗲粉絲肥牛煲,一份黑椒蜜糖雞奕食煲仔飯一定要等,好快個黑椒蜜糖雞奕就到左,黑椒味唔係好重,蜜糖就非常多,勁似BBQ燒雞奕,味道甜甜辣辣十分開胃之後個煲仔飯同沙嗲粉絲肥牛煲都到左,店員幫我地開蓋叫我地落豉油焗一焗佢,十分貼心沙嗲粉絲肥牛煲沙嗲味好香粉絲同肥牛都吸曬沙嗲味之後我地開蓋食煲仔飯一開超香,我地撈一撈個飯,有飯蕉架食落口啖啖鵝肝係個口度,再加上飯蕉脆卜卜 依間紹華小廚一定會再戰

天氣開始涼涼地就想食煲仔飯，由於食過覺得好味嘅煲仔飯唔多，港島淨係食坤記同呢間，而且掛念個荔容同牛頸瘠，所以就黎左呢邊食。我地一行四人，嗌左三個煲仔飯，一個嘟嘟芥蘭煲。呢個芥蘭煲必食！平時食晒啲茶菜之黎我連啲蝦仔都會食埋。煲仔飯方面，嗌左蒜香牛頸瘠，荔容碎牛同埋臘腸帶子。個人面言最鐘意就係個蒜香牛頸瘠，牛夠林又夠香，再食兩淡荔容真係一流！雖然個飯焦冇坤記咁香，但貪呢度人多都唔洗點等位（因為我每次都9點左右先黎），野食又味！

冬天點都要食煲仔飯要食當然要食靠得住的，唔好浪費quota 見好多人都話呢間好收工就去試!點知冷氣壞掉了，不過有幾部大風扇，但味道還是吹不散環境，都係熟食中心啦～無咩特別期望叫嘢食!例湯 足料唔算多味精，至少飲完唔口渴一個咕嚕肉:好有鑊氣，肉也不鞋煲仔飯豬膶黃鱔飯:飯真係無得彈，收乾水，粒粒分明黃鱔有驚喜，唔會因為係煲仔飯就俾差的你，爽口彈牙豬膶就比較乾,唯一敗筆蝦醬肉眼筋飯肉非常入味又嫩呢度的嘢都偏甜，最好叫埋啤酒

朋友介紹過這一間煲仔飯的款式非常特別，所以今天我老公特意來試一試！只餐廳位於愛秩序灣街市的熟食市場，熟食市場位置不多，只有兩間餐廳，枱與枱不算很迫，但因為位於街市內所以衛生不好是預期中的我和老公點了兩個煲仔飯，這裏的煲仔飯不用等很久，大概10分鐘便上菜野菌鵝肝煲仔飯 - 這個真的十分有驚喜，整個煲仔飯我鵝肝大概有10粒左右，而且亦不是鵝肝碎！配上什菌的口感非常豐富！想不到是那麼夾的豬潤黃鱔煲仔飯加臘腸- 黃鱔有微微碎骨，我個人就不太喜歡，但唯一可取之處就是臘腸$10有兩條，真是非常抵食！

味道正常，餸份量算多。但服務態度超差。叫左3樣野，1樣落漏，1樣黎錯，開頭都樂意幫我地落番單/改番。之後食左半個鐘，碟炒菜仲未黎，叫左個男人跟，佢語氣勁差淨係拋低一句「黎緊啦」就走左。好明顯冇打算幫我地跟。我地一直望住佢，佢一直做其他野冇幫我地跟。又過左15分鐘，都係冇黎，我地叫另一個女人取消左。之後，因為好多枱都會同時叫埋隔離間印度餐廳既食物，所以佢地執枱要執埋印度餐廳既餐具（啲枱係share用）。呢間野唔知係咪同印度野有愁，勁大力將人地啲碟劈開一邊，仲劈到人地個杯成個訓低，𥚃面飲淨既mango lassi仲彈到我地個袋冇下次！！