紹華小廚

營業中

休息中

紹華小廚最特別一定係煲仔飯上面既波波球，好可愛好吸睛，望到已經覺近好療癒。🥺🥺荔茸肉碎飯，等左十分鐘就熱辣辣地上枱，先𣺉上豉油再合蓋焗多一陣，一打開香噴噴，波波球好完美呀。😭😭荔茸打得好幼滑，食得出天然既芋頭味，估唔到加落煲仔飯係咁夾。肉碎肥瘦同味道剛好，仲有好多菇碎，好好味，如果份量再多啲就好喇。😂😂一定要食埋黑椒蜜糖雞翼，一絕呀！蜜汁超惹味，雞翼外皮脆卜卜裡面好 juicy，慢慢食到最後一隻都仲 keep 到熱辣辣，腰果沾滿蜜汁好香口，連個碟都想食埋。🤤🤤當然要叫番個菜，正常水平，勝在唔貴。