經典廚房

營業中

休息中

香港一般餐廳，由下價到中上的質素，其實冇佢地嘅價錢分別咁大。而成本所限(錢是去晒比租金！！)，源材料亦只是有些微差異，最後出來的分别，大部份是來自師父的功夫與心機，同出來的presentation。所以去過一些中上的茶樓食野，點心幾十蚊起跳，品質沒有其價錢驚艷，都是冷藏肉，都是死氣沉沉。去除地段環境設計服務因素，其實食品水平不比街坊店好太多。正如此店，以味論味，真的不比中上價格的店差。當日下午食飯，午間點心特價紙有不少選擇，屬近年少見。例如燒賣呢種起碼大點的點心亦只賣十一蚊不到，雖然只有三粒，水準卻沒有將貨就價，比美一些所謂星級點心店。最緊要係冇蒸老，皮不爛，吃起來有肉汁，彈牙不死實，肥瘦肉比例剛好吃後不油膩，如果面上加鮑粒，拿去四季就賣近百！再來是牛腸，又是十蚊多，份量少一點但水準可以，腸粉夠滑不糊口，只欠一點點煙韌， 肉味當然不強， 你去再高級的也是冷藏肉，什麼和牛牛柳也不會是靚果個部位，所以沒期望沒失望。當然加多一點芫茜或陳皮可吊起味道會加分，咁嘅價錢收貨啦。然後是一個燒鵝套餐，一碟例鵝加一窩米線，九十八蚊街坊價。鵝皮keep到薄脆而不韌，帶油香又沒有厚厚脂肪，不錯。肉質當然不能

經過門口見到話有特價小菜所以入去試下 德家小菜分左$38，$48，$58，都算有好多唔同嘅小菜畀大家揀，素菜就會平啲，仲有特價乳鴿越多人就可以order越多隻，係佢地個玻璃窗廚房可以見到燒鵝同乳豬係自己燒嘅，所以就叫咗份乳豬嚟試下， 黎到嘅時候真係嚇一跳，超大碟 ，碟上面有好多黑色石春用黎熱住啲乳豬，乳豬嘅味道一般，少少偏肥，不過啲皮尚選脆，試咗個蒸班頭腩飯，都好特別，係用類似點心拼盤咁大既蒸籠去蒸， 用荷葉包住啲飯同埋班腩，味道唔錯嘅，整體感覺食物質素一般，味道不過不失麻麻地咁啦，不過可能因為人流唔多，所以六個人已經畀張大枱我哋坐，所以坐得好闊落，算係平平哋嘅價錢就會食到酒樓嘅小菜，因為如果真係去連鎖酒樓，可能講緊一個小菜已經九十幾蚊，連埋茶芥加一當然唔止呢個價啦~算係平民價錢既小型酒樓~

今晚首次去經典廚房食晚飯，我在綱上見到這有古法炆潑水翅懷舊菜式，此菜式現在沒有幾多間酒樓會做啦，非常懷念它的味道，所以特別由新界出九龍晚膳，這環境尚算ok,亦坐覺得舒適，叫了潑水翅同叉燒套餐$258,再加一碟蝦子豆腐。叉燒半肥瘦，味道口感不錯，份量ok，潑水翅好大碟，沒有雪藏味，龍躉皮厚同彈，魚肉滑，好好食，但味道略嫌咸了一点，有改善既空間，蝦子豆腐亦不錯，豆腐新鮮，味道啱啱好，整體黎講都算唔錯，汽水同啤酒$20 有3罐，真係超抵。

經典今晚同屋企人去咗元州邨試新店，都話經紀舒適,幾光淨。晚飯時間人唔算太多，叫左幾個小菜。沙薑雞。肉鬆芥蘭煲。熱石醬烤乳豬（半隻）龍躉孖寶：西芹腰果炒龍躉粒窩燒龍躉頭腩幾個小菜之中,最有特色就係烤乳豬，真係忍唔住要不停同我影相,真係無試過見到隻乳豬好似喺度做緊Spa咁，不過熱石真係會令隻烤豬保持左熱力,所以值得一讚。不過其餘幾個小菜，都太油你啦，呢間小店嘅餸菜都比較油膩，雖然香口，但係會不太健康。

今日同屋企人去飲中午茶，去了長沙灣 元州邨商場一間酒樓叫“經典廚房“,因之前屋企人試過話又平又抵食，而作為識飲識食嘅我當然要去試一試，睇下咪真係咁抵食同好食啦。由於當日係星期日的中午時間，門外等位比嘅人比較多，建議如果大家喺星期六或日去的話，要提早攞位呀。入到去入面，裝修都算光猛，一啲都唔似屋邨商場酒樓，只不過 舖頭樓底好似矮咗少少，同埋枱與枱之間比較密， 傾偈比較唔係咁方便。好難入正題，呢次我哋四個人食人，見到佢午市套餐都好抵食，於是叫了2個套餐。1）阿里山茄子（小吃）及大澳三蝦炒飯 阿里山茄子，係將茄子加炸粉炸完之後係茄子上加上醬汁，食落去非常開胃。佢知佢個大澳三蝦炒飯，一菜就香噴噴，又足料又大份，都係$78。2） 豉油王炒麵及生滾龍躉片粥， 炒麵有鑊氣，上碟時熱辣辣好好味，佢個生滾龍躉片粥，d粥軟綿綿，除此之外佢仲有生菜同埋蔥另上，夠曬貼心。3）馬拉糕呢個馬拉糕有驚喜，質素拍得住元朗大x華嘅蒸馬拉糕。4） 南乳炆豬手呢個豬手我覺得好惹味，南乳嘅香味，不斷咁吸引我 去‘損‘豬手嘅每一部分,正。總括來講午餐嘅食物都係平民嘅價錢，但有高級嘅質素，可以話性價比非常之高。我會搵個機會再試下

經家人多次試食後極力推薦、所以星期日一行5人從天水圍遠渡而來深水埗元州村商場「經典」飲茶、環境不太似酒樓比較似茶餐廳多啲！價錢都算經濟、點心多算擇食物質素中等、馬拉糕好食不會太甜🤤炒麵不油又不會太乾但略嫌咸咗d配上魚片粥👍🏻豬手夠軟夠入味！😋炸鯪魚球不大不小一口一粒😋加蜆介汁好好食！炒飯炒得好乾身👍🏻海蜇花爽脆還有因爲太肚餓忘記相機食先嘅乳鴿賣相同味道都好好、另外還有多款特色點心全家食飽飽都是$400多、一定有下次🤤一

下午茶時段2點開始，未到2點已經好多人等緊，好彩入面都算大，搭枱都算快入座。規模其實同一般茶樓差唔多，但少D 12人大枱，最特別係飲茶都有卡位，幾得意﹗絕大部份既點心都好好味，可惜影得一張相....最記得籠燒賣，雖然係「特點」，但內裏有好多蝦﹗腸粉皮薄、雞扎都唔錯﹗父親節前夕既星期六，無左「大、中、小點一律$12」既優惠﹗如果唔係，價錢會仲抵﹗

我同我媽咪系星期三落黎飲茶，一入到就比卡我地，但張台仲未執，咁我地就等，因為帶位果位就話一陣會有啊姐黎執，等左起碼15分鐘以上都無人理，今日已經唔系忙，見到d啊姐系度傾計，又偷野食，再等左有啊姐黎執野，仲要黑口黑面咁，仲要將張點心紙dum系台面就走，落左單等左成個鐘都未有點心食，等咁耐以為d點心會系即叫即製啦，點知d點心黎到全部都系凍囉，一睇就知擺左好耐先攞黎比客食，d人全程都黑口黑面，點心唔熱真系好難食

福苑集團歷盡滄桑，福苑酒家相繼結業，轉型順德菜，經營兩間順德經典，但順德名茱難做到出色，口碑欠佳，再發展小型廣東海鮮酒家，名為經典厨房。所謂小型，是指無海鮮水缸，檯數不多，成本較低；主打龍躉和燒味，較專注。此期策略頗靈活，在擅長的龍躉菜式之中，挑選龍躉兩味做特價推廣。今晚是魚湯蔬菜浸龍躉球。份量很大，可供3至4人食用。似菜湯多於魚湯。龍躉很大片，但欠嫩滑。香葱生啫龍躉頭腩的煮法本來有特色，但選用頭骨腩少，魚肉多，膠質不夠，火力亦未足，不夠香味。今次水準較低。燒咪水準較穩定。今次是熱石醬烤乳豬，頗有新意。熱力十足，油甘味重，厚肉但不夠味，仍值得推介。用半隻形式奉客，很配合3至4位客人胃納。約15件，15元一件大而厚實，價格合理。龍躉另二式可推薦。生滾蕃茄湯鮮味佳。龍躉湯非一般魚湯可比（鯛魚除外）。炸龍躉球極鮮味，每片大如少女掌，用鮮魚，遠勝西式煎魚柳。不需泰汁（此泰汁不正宗，應以青檬紅椒為主），已很好味。雞燉翅好味，有家庭菜風味。另有回味十式，類似富臨的推介餐牌。總括而言，部份食品水準高，值得推薦。

見經典這個星期起做乳豬特價，便和家人來吃晚飯, 叫左以下8個菜﹕8個菜加6罐啤酒,2個白飯, 埋單才711。酒樓來說十分經濟，仲有乳豬食，不錯！

江湖之中有隱世之人發明了降龍18式(掌)，招式源自食經，如粟米魚塊明顯是粟米肉粒的變奏，青檸泰汁煎龍躉柳是地道的泰國菜。深水埔丐幫(平民)多認識這一間平民版龍躉專門店。在全港而言，此店知名度低(屬福苑集團)，卻值得推介!我最愛古法炆龍躉翅尾，先用剛猛陽火炸脆，再陰火炆熟，伴隨冬菇火腩濃汁，有沙鍋魚頭煲風味。此店不似海港和泉章居以煲仔盛上，以蒸魚長碟，更覺份量十足，醬汁橫流，躉翅似航空母艦。翅尾脆皮，一咬即碎，融入口中，齒頰溢香。等候時間只是20分鐘，並已詳註提示在餐牌上，抵給。當晚此餸價錢是188元，遠比其他名店廉宜(200-300元)。此店燒臘亦，外賣更抵!

今朝我就同屋企人去呢間野飲茶，我地之前都有嚟過食晚餐，覺得啲野食都唔錯，但係自從今次之後，我諗我唔會再嚟...成件事係咁嘅，我屋企人喺比點心紙待應嗰陣因為冇圈住個1字（即係畫點心個度），跟住就比個待應大聲夾惡咁話我屋企人，仲喺到話「你唔圈住佢點知你陣間會唔會唔認數啊，一陣你唔認你落過單咁點算啊？邊個負責？」跟住仲話「嗱我依加唔係話你，我係提下你啫，唔好話我話你呀吓！」我屋企人聽完之後好唔服，點解晨早流流要比人鬧？好心好氣啲講唔得咩？跟住到左野食嚟個陣，佢嚟左兩碟相同嘅點心，咁我地咪同佢講嚟多左，呢碟應該唔係我地嘅，跟住嗰個待應堅持話「我唔理你地啊，總之電腦就係咁顯示嘅，我地同事就唔會搞錯呢啲野嘅，係你地畫多左咋嘛？」到左比錢個陣，我屋企人同收銀嗰個服務員講返呢件事，跟住個收銀員又講返一樣嘅說話，又話「係你地自己畫錯炸，總之我地就冇得退錢咖啦！」飲個早茶都受咁多氣，一句講哂：冇下次！

睇圖吧，豐富蛋白質呀粥不熱，仲送小動物。叫侍應換，距話唔關距事，要搵部長，叫距call又五分鐘都無人來，咪唯有講，五分鐘內不處理，我就call1823叫食環，才有人來。

今日同朋友去飲菜！開頭腍住去舊個間飲茶！但係原來轉咗新酒樓！叫經典厨房～係福苑集團既！裝修好似唔錯！幾光猛！座位同座位之間佢離有空間！仕應態度麻麻！我去到時候要等！佢問我搭枱或不搭枱！她又話搭枱可以即刻有位！但她誤會了我意思！就俾咗張不搭枱俾我！我見朋友未嚟！就算啦！點知有人遲嚟入座先！？我問佢，她就話佢係搭枱！？？？？兩個人坐四個位？！打尖？屬客！？結果我哋足知可以坐低叫野食，燒賣賣相最吸引，d 蝦雖然係淡水蝦，但大大隻，d 肉有彈性，味道唔錯！個鹹水角個皮煙煙韌韌，唔錯，但係裡面肉碎很少！無乜香料，我推測有一小粒洋葱！真係可憐！另外，叫咗一隻18蚊乳鴿～隻鴿好似係飢荒既地方嚟！？瘦瘦削削！但係味道都可以！

今晚我們去咗長沙灣元州商場嘅「經典廚房」食晚飯！我們叫咗姬松茸燉龍躉頭骨湯、經典掛爐燒鵝、南瓜牛柳粒、青檸泰汁煎龍躉扒同龍鳳配孖寶：宮廷貴妃鷄「半隻」同棗茸碎蒸龍躉「例」！陳皮紅豆沙同原味紅棗糕！姬松茸燉龍躉頭骨湯嘅湯料非常足料豐富，味道相當香甜濃郁！經典掛爐燒鵝係新鮮燒起，所以鵝皮極之香脆，肉質非常嫩滑同多汁！南瓜牛柳粒嘅牛柳粒肉質相當鬆軟嫩滑，南瓜嘅味道亦好香甜！青檸泰汁煎龍躉扒嘅外層炸得非常金黃香脆，入面嘅肉質超鮮甜嫩滑，醬汁嘅味道酸酸甜甜極之惹味醒胃！係本人嘅必食推介！龍鳳配孖寶：宮廷貴妃鷄「半隻」嘅肉質好軟滑，唔會有「嚡」嘅感覺！棗茸碎蒸龍躉「例」嘅肉質非常鮮甜彈牙，餐牌寫係例牌，但份量相當十足！原味紅棗糕嘅糕質超煙煙韌韌，紅棗嘅味道好香甜濃郁！