影片
完成賓賓日,想搵個有冷氣地方休息一下,B仔對面間CAFE又FULL,行黎呢邊時,阿老闆又落力拉客,都好啦。樓下位置唔多,老闆叫我地坐樓上清靜d(都好bor!)點知上樓上係要經過一桶桶食物殘渣同洗碗阿姐工作處@_@閣樓環境不見得好,坐下摺凳、睇下電視自成一角lu。呢間茶餐廳有花茶飲,仲只係$10杯!試下無妨,總好過次次飲咖啡、奶茶;大人同阿姨杯花茶唔記得什麼名,自己個杯個名好正: 白雪公主!! 已經無期望有一set透明茶具奉客,不過呢個小瓷杯都還算ok; 三杯花茶熱得好緊要!我杯白雪公主有d玫瑰、茉莉花同一d不知名花草沖成,香氣欠奉,加左蜜糖之後味道甜甜地,都算ok。另外大人個杯搵到毋忘我乾花,而家至知forget-me-not都可以做花茶。因為口痕,另外叫左西多士n鮮油多士、油占多,西多士炸得好深色而且好油!雖則西多士一定多油,但都唔係炸到索晒油個隻lu,總之係唔好吃!!其餘2件多士無特別,但用左唔少時間去整囉。呢度廚房唔大,出菜時間都幾耐,隔離2檯客人都勁追單,呢樣真係要改進一下。正常黎講我唔會再黎,反正呢頭勁多選擇,不過都希望佢改進一下,增加競爭力。
繼續閱讀
以上資料只供參考, 請與餐廳確認詳情