維記咖啡粉麵

營業中

休息中

深水埗_維記㗎啡粉麵每次經過都好多人，夜晚經過吾會開，今次香港小女孩👩🏻中午經過終於一試呢間一條街有三間既維記。餐牌上都是大眾食物，不懂得欣賞內臟的我點了牛肉通。飲品沒有特別，所以沒有點。只再加了一個加映多。最重視每間食肆的調味品，蜜糖自取任落，加分！😂5分鐘的出餐速度牛肉通沒有特別想再來多一碗，能給的評語：牛肉很"林"。加映多，來多兩個！中間的餡料很甜，我不喜歡甜，但是不會令人討厭的甜，還可以再加蜜糖，甜而不膩。一個人可以吃掉一個。(5分滿分）環境：🧡🧡味道：💚💚💚💚賣相：💙💙💙服務：💛💛💛

深水埗除咗你食文記之外第二間想食嘅店舖會係維記！特別係冬天嘅時候😂😂維記出名係豬潤嘅湯麵🍜因為佢哋嘅豬潤都係比較多沙，入口感覺爽脆之餘唔會冇質感但係每次嚟呢度都覺得食物質素每況愈下以前嘅湯底會係非常之重薑味，食完個身體係會暖笠笠☺️同埋湯底會有豬潤嘅味道但係今次嚟食好明顯湯底呢薑味淡咗好多而米粉都好碎🥲🥲豬膶質地唔夠沙 不過可能批次問題😣總之成碗麵嘅質素已經唔係以前咁咖咉多偏甜，冇咩椰香味

維記 - 深水埗馳名豬潤麵，由細食到大，由從前成碗白泡湯到今日個湯頭無乜泡就知道維記都着重咗相頭要好，才能吸客。今日去深水埗買喇叭，特登嚟食返碗豬潤麵，無從前咁好食了。豬潤牛肉麵($35)湯頭清咗好多，重前的白泡係啲豬潤水嘅沉澱物嚟，亦都係個湯頭鮮味嘅來源，一見個湯頭清咗咁多，就心知不妙，一試果然係無咁甜，但都唔可以話清，係由甜變咗做偏鹹，有啲失望呢，豬潤就都係厚切，生熟剛好，無煮到過老，食到粉嫩同少少彈牙，好食嘅，牛肉都係，無過老，有肉汁都係好食嘅，麵底就偏硬身，本人鐘意咁嘅口感。咖映西多士 ($19)香脆，帶蛋香，咖映味唔太濃烈，西多士都叫做煎得唔錯嘅。雖則話就話佢差咗，但期實都係好食，食得過嘅，始終你想三幾廿蚊貨仔你都佢俾啲乜野你食呀，咁嘅價錢，其實已經好唔錯嘅喇。

每次去到深水埗都必定食這間豬膶麵，一食就已經食咗十年，這間維記一條街已經有三間店舖，每到星期六日或假期都大排長龍等位，每次都會點一碗豬膶餐肉米粉，這裏的湯底全部都是由豬潤熬製，所以十分鮮甜有益，女士們都比較喜歡這個湯底。豬潤份量都比較多，片片都是薄切，爽口彈牙。

流水式烹調,根本是毫無水準的煮法,果D公仔面煮到太淋,根本無咬口非常失敗,如果你加蛋,全部一早煮好晒凍冷冷, 賣相又難睇,廚房既衛生又非常差,一句講曬,唔好食又唔吸引,唔明点解咁多人排隊?

慕名去試，豬膶和牛肉都無味，可能落得太多梳打粉，食完頂住個胃，一定唔會再試，環境又唔好，又要排隊，真係貼錢買難受。唯一可取事咖吔西多士，不過同普通西多士啲味差唔多。嗌凍華田和凍檸茶，好細杯等於平時茶餐廳放喺枱面嘅茶嘅size，真唔明白點解有咁多人讚好和咁多人去食，好奇怪，我見全場都係嗌豬肉和牛肉，冇人嗌其他嘢，其他人真係食唔出，則令人摸不着頭腦。總之一定唔會再來。我仲行咗好遠，行到身水身汗，間鋪又唔夠冷氣

今日幫公司去深水埗做野，行行下經過呢間野，好耐之前已經聽過呢間既豬潤麵好出名，咁岩經過就一於去試一試🤩叫個碗豬潤米食，豬潤夠新鮮😍 而且個湯底味道好清甜，黎深水埗真係必試🤗

⭐️維記咖啡粉麵⭐️📍:深水埗福榮街62號及66號地下/北河街165-167號地下D號⏰:6:30am-7:15pm/20:30pm(一至五)💰:人均$50⭕️: 現金💰👉🏻潤牛麵/米/通 $35 ⭐️推薦食麵 無咁普通入得嚟梗係推薦你食豬潤，如果唔想浪費quota，食豬潤麵得㗎喇+咖央西多士😛！👉🏻咖央西多士$19 咖央多士$13👉🏻肉丁牛肉麵 $35👉🏻另外有餐肉，火腿，腸仔，雙蛋個啲普通野。。(咁入得黎我就唔會推介呢啲啦😂😂)唔通同你講條腸仔好好食咩。。嗰啲留返你哋自己屋企樓下嗰間食啦😂😂🌟之前有人帶過我去食 之後食落又真係覺得佢個豬潤幾好食 店內招牌嘅係豬潤麵 所以基本上入到去淨係嗌一碗豬膶麵同埋咖央西多士就得㗎啦 豬潤厚度啱啱好 唔腥 同埋真係好多 👧🏻🍼係一碗食唔晒嘅竟然🙂🙂🌟同埋發現一樣好神奇嘅嘢 佢哋落單係嗌一嗌廚房 廚房就會出到俾你 好想問吓佢哋點樣做到😂記憶力好好🌟總括而言，$35呢個價錢 CP值都高嘅 味道同份量都對得住呢個價🙌🏻如果鍾意食豬潤嘅不妨過嚟試吓

從小時候已不喜歡於維記吃，直到現在幾十年後的我再經過維記，由原本只是小檔變了多間鋪。既然人在門口，那就入去一試，看是否自己有徧見。可惜仍改變不了我。我只吃豬潤蛋麵，湯仍是過往的熱，但仍是過往的濁，也仍是過往的多泡多雜質(因肉裡蛋白質遇熱後化學反應)真不明那些媒體食家打邊爐一見有泡就命人即刻清理，但在這裡卻說原汁原味，懷舊，真不明如此雙重標準。用大量薑冚着豬潤腥燥味，硬，韌，苦也仍保持到今毫無進步真的不易，煎蛋還要後補兼一隻煎得又老又涼的蛋，煎蛋這簡單的煮食行為巳表現這店對食物的態度何其差，現在做飲食真容易。没有蛋味的咖央，不要說在馬來西亞的架央，連六七十年代尖沙咀海傍道街邊任何一檔大排檔也比這裡的味道高出多倍，其它服務態度也不用多說。又是一間食老本不思進取的食店，只因在這裡拍過片？飲食媒體無恥誇張宣傳？真的難為了看着收錢媒體所寫的食經，不經思考照單全收，怕執輸心態下去吃。這世界不是一些店子開得久就是好，這些不求上進的店子，簡直就是劣幣驅逐良幣。

坦白講以前係因為名氣而來，而家食食吓，變咗一份comfort food嘅感覺😊。到深水埗買野，諗唔到食咩就自自然然走咗入去😆！🐷餐肉豬膶麵必食！豬膶即叫即整！餐肉就整定嘅😂！都係果句，嚟呢度，唔只食味道，仲係食一種感覺😊！#SofoodSogood #深水埗維記 #維記豬膶麵 #豬膶麵 #深水埗美食 #食野最重要 #香港美食#享受美食的過程 #食物正能量 #好食#美食 #美食攝影 #Hongkongfood #hkfoodie#hongkong #foodblogger #hkfoodblogger #hk

維記真係有種特別嘅力量，唔係！應該話係特別嘅味道！🤪 呢度每一種食物都係其他地方搵唔到~ 所以每隔一段時間就會上嚟食下，回味下呢個味道！💛咖央西多士 💰19 (好味道:💛💛💛💛💛 )之前食過好多次咖央多，今次想邪惡啲，所以就叫西多士！如果普通咖央多士，會係兩塊白麵包上面搽上咖央醬料，其實都已經好香~ 但係西多士外面係會用蛋漿煎過，醬料會夾咗喺入面😌 好邪惡好好食！我仲會倒少少糖漿起上面~💛凍咖啡 💰15 (好味道:💛💛💛💛 )估唔到呢度嘅咖啡都有驚喜！奶同咖啡底溝得好好，唔會有酸味👍🏻💛餐牛米 💰35 (好味道:💛💛💛💛💛 )餐肉煎得十分脆口，如果唔想比湯浸淋左，就要快啲食，或者夾起佢放係西多士個碟👌🏻 牛肉都幾有牛味，唔韌～ 米粉係我喜歡嘅質感，唔係好幼個款，呢款雖然望落好似發脹咗啲緊，但係食落係有口感，喜歡💕💛牛腿麵 💰35 (好味道:💛💛💛💛💛 )麵係比米粉更加掛湯，所以如果想入口多啲湯底味道，建議可以揀公仔麵底，呢度用嘅應該係出前一丁💁🏻‍♀️ 火腿嘅做法就唔同餐肉，只係普通烚熟，相對上就冇咁多油脂。維記嘅湯底係用豬潤熬製出嚟，所以見到每碗粉面上面都會有有啲豬潤精粹浮左上嚟～但

今次去間懷舊茶餐廳叫左碗$32豬潤米，好大碗，豬潤唔腥，味道剛剛好心思思又叫多個$19咖央西多，炸到剛剛好，唔會 燶，高手叫左2樣野食先$51，抵食整體評分：4/5環境：3/5味道：4/5

某日得知原來天使由小到大甚至在深水埗區附近出沒，於是便捉了他陪我回深水埗維記重溫一下。小時侯深水埗和油尖旺是我經常出沒的地方，這間維記和澳牛簡直見証住我的青葱歲月。今日一到，和年青時沒太大的分別。第一次來這裡的天使，望着餐牌盯了很久。我一看見他眉頭緊皺的樣子我便心知不妙，這兒可是和澳牛齊名，點餐要快、服務最西但又客似雲來的茶餐廳喔。結果在天使喊出那句"一樣"的同時，我快速地替他下了單。幸好反應仍算快速，不然今天早上就要對住一個非洲來的天使了…不禁舒了一口氣。這是我點的蛋牛麵。用熱湯將材料瞬間燙熟是這間店最特別的技倆，用這個方法處理牛肉和豬潤是頗有效的，可惜用在雞蛋上卻是完全不適合。可能實在太久未來，忘記了這個轉析。更重要的，是我竟然忘記了以天使的貓舌，他是要好一會在能把食物放入口的，當然豬湯潤就會因為在熱湯裡放得太久而變靭，口感也會變得完全不一樣。然後…我情不自禁想起陸游……為令天使在等麵冷卻時不自於太無聊，點了這個咖央西多士給他吃。誰知又出了一個小插曲。話說侍應姐姐於西多完成後，拿着大叫問餐廳裡的客人"邊個叫咗西多"。不知是因為戴上口罩還是阿姐本身口音太準，我和天使也完全聽不到，最後

好耐冇嚟，今日經開深水埗就入嚟食個早餐。一碗餐潤米+凍奶茶=$50。確實係有啲貴，而且依家個潤米講真味道一般，啲豬潤冇以前咁爽，質素同其他茶記冇咩分別，環境又唔係坐得幾舒服。講真下次唔知幾時先會再嚟幫襯🤣

好耐冇嚟，今日經開深水埗就入嚟食個早餐。一碗餐潤米+凍奶茶=$50，確實係有啲貴，而且味道真係好一般，同其他茶記嘅豬潤麵冇咩分別。服務本身就冇期望，環境同以前一樣都唔會有咩要求。所以，下次都唔知幾時先會再嚟幫襯🤣