綿綿冰甜品屋 (已結業)

下班後遊元朗,未到晚飯時間肚子卻開始空洞,身處元朗食街吃點什麼好呢?B仔腸粉??還是來一件靚靚蛋糕好呢?? 路經這家綿綿冰,在悶熱街上見到其名已感到莫名的清涼,吃個綿綿冰似乎也不錯呀。自己還未落實決定,看到這張貼月底結業的通告,證明又一小店敵不過租金壓力而結業了,也許再會無期那就綿綿冰當下午茶吧。在甜品店裡的年青人都在吃腸粉或鹽酥雞,看樣子也頗好吃唷,吃完這些鹹點再來碗甜品實在樂事,只是稍後還要吃晚飯,這個又鹹又甜的下午茶就不太合適了。在有傳統中式糖水及西式甜品的餐牌裡搜索,坊間較少見的花茶涼粉最是吸引注意力。 在這不但要多吃菜,水果也要多吃的年紀,水果種類最多的雜果茉莉涼粉($28)成為我的選擇,明知在這炎夏日子裡的芒果最是香甜,不過每口也只是芒果也不及花款多多的雜果多元化嘛。舖滿碗面是切得工整的哈蜜瓜、蜜瓜、西瓜和火龍果,還有幾粒不是鮮果的椰果,幾款水果也是新鮮清甜,也沒有如上次鄰近甜品店遇上的變味蜜桃般倒楣,雖是微甜雪得夠凍也是美味。店員姨姨說以茉莉花茶做的涼粉,淺咖啡色略為混濁的顏色不甚討好,可是食味卻不錯,花茶涼粉果然有著很微很淡的花香,要是吃了水果才吃已很有可能啖不出其真味

aug 9 & 11, 13............共叫咗 :1) 西瓜涼粉 (hk$20)-好耐都無食過涼粉..........所以心思思的叫來1碗-佢有好多款配料揀..........最後揀來最穩陣之選..........西瓜-無論西瓜同涼粉都切得好大粒-西瓜甜,涼粉都爽實..........唯獨涼粉味很弱2) 雙併即磨糖水+湯丸 (hk$24+$6)-友人叫了芝麻糊溝杏仁糊+花生湯丸-我試咗友人1啖混合糊........."杰"度剛好,無over到..........芝麻味出,未算好濃郁.............但勝在味道自然,甜度輕,很住家...........貨真價實生磨而成3) 雙併即磨糖水+湯丸 (hk$24+$6)-我叫咗合桃糊溝腰果糊-煩友嘅我要求腰果糊比例多d...........店員都有將我嘅要求話比廚房知.............唔該晒~~~~-湯丸喺我嘅favorite.......+咗3粒湯丸...........我當然要芝麻餡湯丸啦-因為腰果糊為主..........所以合桃味自然變得溫和-腰果自己本身味道都唔出........只喺比較rich果仁味-呢碗

我記得上年黎過呢間野食!真係幾好食既, 又大大個綿綿冰但真係今時唔同往日個綿綿冰縮哂水, 因為佢話有得揀糖漿我就揀左個草莓冰+草莓漿再加d生果咁另外2個朋友就叫左木槺布丁同豆腐花先講綿綿冰,個糖漿甜到喊.. 而我所期望既草莓係酸小小但佢出黎就好似藥水咁味!好假好難食!!個冰更不知所謂 拎到出黎溶左一半又不夠味!個d生果係罐頭既, 不過我唔怪佢但得個一兩粒就好有問題囉再講豆腐花佢無問到要凍定熱就上左凍既可能因為係凍, 所以無咩豆味.但朋友尚算滿意到木槺布丁,佢d木槺很難食!! 痴埋一pet pet唔好叫自己做槺布丁好無果個布丁硬到好似雪糕咁X_X好難食! 唔會再黎! 十分失望

4-6-2013(二)是日，和姐姐在尖沙咀吃過午飯後，姐姐返回公司工作。我就一個人坐西鐵來到元朗站，完成上星期六未完成的街道相片拍攝。今天，天氣熱得很 ，由元朗站步行至建業街，在短短的十五分鐘路程，差不多已透不過氣來！途經 綿綿冰甜品屋 ，那就入店舖嘆嘆冷氣，順度試試其 綿綿冰 。顧客可從單張內自邊一個刨冰 + 一款糖漿 + 三款配料，便成一個綿綿冰。我選了草莓味的刨冰，另配料選了蜜瓜、西瓜及菠蘿，因單張內寫上「刨冰有足夠味道，因應個人口味，不加糖漿亦可」的提醒字眼，也問過老闆娘的意見，她說不加糖漿，味道也會很足夠，所以我沒加糖漿。賣相尚算不錯！蜜瓜、西瓜及菠蘿鋪在綿綿冰的下層，可惜每款生果都只有一至兩件，外型也很細小，感覺上很不足料 ； 質感方面尚算軟綿，帶點雪霜感， 但吃下一口，真正的草莓味完全品嚐不到，味道只有像藥水味的調色劑，不好吃，頗差！

先前成日黎元朗食糖水。近排周圍去多。今晚友人約到，便匆匆一班人入黎。兩樣野一定要食1）綿綿冰 - 我地喜歡比較清既味道做冰底，再加其他甜味等等蓋面2）鹽酥雞 - 有好多配料鹽任揀，睇下自己鍾意邊款味道。雞炸得皮脆肉香，水準依然。有款哈哈笑炸薯餅同炸薯條。 1）炸薯餅 - 第一次食，普通2）炸薯條 - 要睇果晚你好唔好彩，炸得通透、香口D就好食D囉另外有款脆皮芒果，都系第一次食。 有少少失望 - 皮普通脆，而個芒果心仲系未完全解凍，兼且硬硬地。 下次都會比多一次機會佢，再試多一次既。

今日突然好想食D甜野, 於是上Openrice收集一下情報先. E, 綿綿冰, 好似幾得意wor.等我地去"會"下你先!!! 係搵呢間店既途中, 我發覺原來附近有唔少既食肆, 當中有D我都幾感興趣tim. 以後放假又有地方可以去了. Yeah!! 由於我地去既時候係星期日下午2:00左加, 店裡只有我們二人(唔知係咪剛剛開舖呢), 所以店舖雖然唔係好大, 但係坐落都幾舒服. 我們點了芝麻豆腐綿綿冰($32)同埋芒果脆脆($19). 老闆叫我地先食芒果脆脆. 芒果脆脆買相唔錯, 味道一般, 可能因為個皮太厚同唔夠熱的關係吧! 綿綿冰,真係好綿呀, 而且芝麻味勁濃, 加上珍珠同咖啡果凍, 正正正!!! 多謝各位openrice食評的介紹.

好耐無食過綿綿冰勒, 呢晚終於忍唔住去食左, 坐低兩個人嗌左一個$33既朱古力綿綿冰share食, 一份冰有一個汁同三個配料, 嗌左無耐就黎勒, 嘩, 都係好大份呀, 佢d朱古力味好夠, 食過唔少綿綿冰, 呢個真係暫時我食過最好味既一個冰囉, 好想黎多個呀. 除左綿綿冰, 其實佢都有其他甜品同糖水, 仲有鹽酥雞, 腸粉同公仔麵等, 唔會獨沽賣甜品呢.

元朗不愧為飲食之城, 24小時全天侯, 到處有林林總總不同的食物供應.今次為大家介紹的就是這間位置近交通廣場的綿綿冰甜品屋.一看menu, 價錢算是公道相宜,其實綿綿冰不算是台北永康街冰館或西門町楊記的刨冰,反而和基隆廟口夜市的棉花冰近似, 有少許不同只是多了些丸做底而已.草叢棉棉冰, 以草叢醬鋪在表面, 朱古力魔豆, 火齜果, 蜜瓜作為底.草莓棉冰本身有極濃沃的果味, 對於喜歡重味的朋友應該會很合適.朱古力魔豆內藏朱古力醬,汁, 當咬開魔豆時, 醬汁會玻豆而出,既香濃又特別.芒果棉棉冰, 同樣選了芒果醬, 奉勸各位不須要太多, 因為味道會太甜. 芒果棉棉冰本身屬於清香的味道, 和之前的草莓截然不同, 棉棉冰底的椰果和QQ圓, 晶瑩剔透, 入口非常 "煙韌".個人十分喜歡, 誠意向各位推介, 如行經元朗可以一試.

時隔好耐再去綿綿冰食， 水準依然夜晚收工後同呀妹去食宵夜， 見咁耐冇食又唔係太多人就去左綿綿冰叫左招牌綿綿冰， 吉列豬扒同芒果脆脆一款綿可以揀一種醬同三種料我就揀左練奶醬， 西瓜， 乳酸爆珠同綠茶jelly推介綠茶jelly, 咬感好好職員推介椰子味綿綿冰好食， 可惜呀妹唔食吉列豬扒唔記得影相， 正正常常芒果脆脆係大熱食品， 見有幾臺都有嗌呢個出面炸到脆一脆， 熱辣辣，內裡既芒果就冰既， 好夾， 好正除左芒果脆脆之外， 好榴槤既人仲可以試下榴槤脆脆幾日後又黎到綿綿冰食tea，食左瑞士雞翼麵同西瓜西米撈個麵係出前一丁， 冇咩特別， 不過雞翼就唔錯， 幾入味 一直唔知西米露同西米撈有咩分別， 細問之下先知普通西米露上加左碎冰， 會好食d職員本第推介芒果西米撈， 不過大熱天時都係食西瓜消下暑臨走時仲外帶左個榴槤層層疊孝敬呀媽又唔記得影相==， 媽媽話啖啖榴槤， 好香， 好食過b仔

下午茶時心血來潮想吃綿綿冰，於是走到綿綿冰買了個芝麻 豆腐味的，有三個topping 一個醬。我選了綠豆，寒天，蘆薈先說綿綿冰，芝麻味果然是最有品質保證，依然好好味，入口如綿花般有空氣感，芝麻味濃又不會過甜。豆腐味也不錯但和芝麻味相比就失色了。Topping 不會太甜，因我吸取了上一次的教訓，沒有再叫甜到死的XX珠，另外勁推寒天！！細細粒，好有咬口

雖然天氣冷, 但我們不知怎的,心血來潮突然很想吃綿綿冰, 竟真的走去以綿綿冰作招牌的「綿綿冰」吃綿綿冰店子很小, 由於人不多, 我們在綿綿冰還坐得頗久...點了芝麻綿綿冰。配料和糖漿方面有很多選擇, 最後選了愛玉凍,兩隻魔豆(好像其中一個是乳酸味)。綿綿冰味道像雪糕, 芝麻味很重, 而且入口即溶, 一層層的,很細膩的水感魔豆甜甜酸酸的, 有汁在裡面的, 一咬就爆,很過瘾愛玉凍我反而不太喜歡, 但其實這是十分台式的。晶瑩剔透, 軟軟的, 像JELLY好食!!

曾經,LEE間野係我每次同FD食完飯都會黎食既糖水飯堂,但近幾次黎都覺得大不如前,唔單至份量,食物水準,同埋服務態度都係,唔知佢地係咪真係做紅左唔休做,D 態度越黎越差。琴晚我同友人叫左一杯巨峰紅茶同埋一個什果涼粉,個什果涼炒冇出事,(同埋都好難出事) 但個巨峰提子就真係好出事,我明明記得以前黎覺得好好咪,但琴日係好甜好溜好人工,總之係幾難飲,同我地搭台對面有兩個女人食左一個士多啤梨同芒果綿綿冰,都忍唔住講出口話D 咪好人工超難食...最正係當我食完野之後..重要聽到果D 待應不斷趕人走,但明明重有好多台,都不斷迫人走,當然我地都唔爭在LA, 食完唔夠一秒即時收野...

在元朗一定要拜訪下D甜品。最有名當係B仔，不過見到好多人係OPENRICE都介紹依度，就試下LA~~~叫左士多埤李加CONDENSE MILK綿綿冰。入口即溶，最適合炎炎夏日嘅下午，超爽!!! 但甜左D，如果有D酸味仲正!!!依個好似叫芒果脆脆，其實就係炸芒果PANCAKE。我覺得太油，不過我朋友超鍾意﹏D芒果OK嘅，下次吸油吸好D LAW~~炸雞，胡椒味。雖則無大雞大好食，都OK! 最緊要係又熱又脆，同綿綿冰好夾。

去同事屋企bbq前, 鮮有出現在元朗的我, 在同事的帶領下, 入去呢間舖頭歇一歇先~^^~點了麻辣雞翼尖、日式豬扒包、香芋鍊奶綿綿冰~麻辣雞翼尖果然令人食過番尋味!!! 辣辣的醬汁雖然令我有少少噴火, 但超香, 食完再食!! 同行的同事都好想知道點樣整呢個汁~日式豬扒包個外表白雪雪, 好似叉燒包的外表但佢係四四方方的, 入面的豬扒稍嫌乾左少少香芋鍊奶綿綿冰在我食綿綿冰的經驗中, 我認為香芋味加鍊奶係最match的, 呢度仲可以揀兩種愛玉、果粒, 又幾抵食喎~~~舖仔細細, 食物唔錯~good ar~~~

夏天總是令人喜歡吃冰涼的飲品或甜品…街上像一個熱鍋爐般…很熱很熱…於是我們打算食冰涼涼的綿綿冰^^只食過滿記的綿綿冰，今次在元朗可以嚐試別的…哈哈…一走進店子，環境感覺很狹小的，人流過多的話，客人會有一種侷促的感覺…慶幸今天是平日，不算多人，只有兩張枱…侍應亦很細心的替我們「落單」^^看見五花八門的選擇…唉…太多選擇了，選擇困難症又發作了…><他建議吃芒果綿綿冰，既穏妥亦是他喜歡的芒果…^^好喇…我們決定果綿綿冰喇…至於配料方面…亦有很多選擇><我們選了我喜歡的小麥胚芽、黑珍珠、和未嚐過的爆爆珠…嘩…終於上菜了…看見這個綿綿冰確實有點透心涼的感覺…我們便快快的祈禱後，然後把綿綿冰大啖大啖的送到嘴裏…很冰涼啊…但是我知道一啖一啖的綿綿冰是充滿糖份的…挺甜的>< 像是沙糖的味道…我知道甜品一定是甜的，但是這個偏甜了…我記得只吃了數口便停了下來…><由他替完成這個綿綿冰了…哈哈…太甜了…我還是喜歡食小麥胚芽…脆脆的口感…很喜歡^^至於黑珍珠、爆爆珠沒有特別的了…第一次嚐爆爆珠…原來所謂爆爆珠便是咬下去時，入面的汁會流出來…哈哈…