緣味之家

營業中

休息中

排隊買嘢食個陣偷望到隔離鋪頭有我愛食嘅八爪魚👀😍total四粒大大啖八爪魚，好彈牙！配上自家製醬汁同芥末（個人覺得唔係好夾😂），美中不足就係老闆娘態度有啲暴躁🤭

本身我去開2樓嗰間嘅牛雜，今日冇開諗住試吓呢間3樓呢間啦$40蚊既中size原來勁細碗仲要裝唔滿！我拎上手都呆左呆、十舊都唔知有冇！貴不特只，最重要係唔好食！🙄

大家好！今日我地試試 2人HK$300 可以食到幾多野同推介下邊間係必食！食評次序: 3分 - 慧食貓 -> 無辣不歡 -> DP Dessert -> 萬波島嶼紅茶 -> 2分 - 屯の大阪章魚燒 -> Chok雞 -> 1分 - 烤焗工房 -> 冇分 - 嘆杯貓茶 -> 緣味之家 -> Free D Coffee -> 丸子茶(自家評分，滿分3個【好食！】，口味各有不同，評分只供參考！)喺緣味之家叫左白雲鳳爪。HK$10有3塊白雲鳳爪，味道偏咸，沒什麼特別。白雲鳳爪・HK$10VLOG:

今日去你地舖頭到買牛雜，買左一份細嘅 $26。因為我地叫左話要打包，諗住方便攞去後面企係到食。之後食左兩舊，見到個膠碗旁邊有條毛，之後就同翻舖頭嘅人講。其實我地已經好好態度 問佢地：唔該 我食食下見到有條毛。可唔可以換過份俾我地個啊姨一聽到話有條毛之後已經翻曬我地白眼，仲話係我地自己整上去嘅，係到鬧我地。其實我地次次經過葵廣都會買你地嘅牛雜，之前都無咁嘅情況。咁嘅態度真係好令人失望..到底邊個會為左你嗰$30特登整條毛上去？？我翻到屋企之後就報左食環😃各位食客小心啲買左碗細牛雜 食左兩舊見到碗旁有條毛 之後就同舖頭嘅人講問佢地：唔該 我食食下見到有條毛 可唔可以換過份俾我地啊姨聽到話有條毛就已經翻我地白眼 仲話係我地自己整上去嘅 係到鬧我地我翻到屋企之後就報左食環

🤩去到葵廣，當然要掃街啦，好想食牛什果類野，見佢香香地就買左碗蘿蔔豬腸😐🤔勢估唔到，一打開個蓋睇，下？呢兜嘢要$25？😨😨😨😨😒蘿蔔得2舊，豬腸切到勁薄😩最緊要既係一啲都唔好食😔😔😔豬腸臭臭地🤮如果係收$1X，我會覺得1分錢1分貨😕其實好唔好食都係其次，因為係得葵廣食都唔會要求太多🤷🏻‍♀️但問題係個價錢同個份量完全唔成正比🤦🏻‍♀️有少少被欺騙成份🙍🏻‍♀️🙍🏻‍♀️🙍🏻‍♀️完全唔推介呢間嘢👎🏻👎🏻👎🏻

每次掃街我都會食滷味串，之前係葵廣食開元朗鬼巴士，今次去先發現原來已經執左行行下發現呢間緣味之家都有得食滷味串，就試下啦。.我叫左兩串滷味，分別係豬生腸同八爪魚，價錢唔記得 exactly 幾錢，好似係$8-$10/一串，呢個價錢都算平嘅。.兩串滷味食落都算爽口，八爪魚個串就偏硬身，我自己就鍾意食腍身少少嘅滷味。不過，重點係兩串都無咩味，滷得唔夠時間，所以食到嘅只係啲芥辣甜醬嘅味。.係葵廣咁多其他好食嘅野嘅情況下，我未必會再食😕

潮州鹵味串，係港式熟食店熱門之一，加上甜醬、芥末，更多人只加部分，所以本身嘅質感同味道都好緊要！首先原料要處理得好，講求爽囗，雖然係鹵味，但凍食嘅要求同熱食唔同，仍要食到本身味道，所以一般都好淡。而依間評價向來都高，多數人都為依一串食佢，做到梗多年自然有原因，味道間間差唔多，要求係口感！咬落去嘅感覺，只有親身食到先能感受當中差別。

行過買餸，買了三串︰豬心、豬脷、八爪魚。原來不太貴，都是橙橙的，但色素不太濃。 豬心煙韌，味道不錯；豬脷也挺煙韌，；八爪魚都大大串，八爪魚魷也爽而幼。其實如果將名牌子蓋，大家應該都未必分得出名的名牌的這些滷味，亦這兒葵芳的緣味之家，抑或旺角的肥姐，又或是尖沙咀的肥媽，基本上掩蓋雙眼去試食，應該都很難分辨得出，因為只要夠冷，食材夠新鮮，加的醬料夠多，味道也不會差得去邊。這兒的味道也不太差，放在紙杯裏面，有膠袋，買外賣加餸也不錯。

好耐無食過牛油粟米~係兒時回憶。依加已經無咁多地方有得食。成日見到葵芳依間緣味之家有好多人排隊，今日掃街要見到有得賣牛油粟米，賣$8，都唔係好貴(記得細個係賣$5)，諗都無諗就買左黎食😂因為真係好少見同埋太耐無食。店員即叫即撈，粟米會裝到滿哂。而味道方面，粟米可以再熱小小就更正，暖暖地岩岩可以溶到d牛油，唔會一粒粒。而牛油份量都夠，食到有好香牛油味，d粟米好似加左蜜糖咁好甜好好味。下次再黎幫襯。

港式滷味串係我掃街小食LIST 永遠的頭3位！每次去掃街，都忍唔住要食返幾串。葵芳有好多小食店都有賣港式滷味串，其實我覺得分別唔大。但我次次都係會黎呢間，無他，因為佢夠凍！港式滷味串唔凍，感覺上好似唔新鮮咁，但呢到既每次都係凍冰冰既。今次叫左腎，八爪魚同生腸。特別推介既腎，超級爽，又大塊！八爪魚同生腸就無乜特別。至於醬方面，必加係甜醬同芥末醬，姐姐先幫你落醬，但如果唔夠既話，都可以自己再加。由於我超鐘意食醬，我通常都要自己再加甜醬，但芥末醬就千其唔好落太多，唔係會食到勁攻鼻！！

哇卡卡卡！！走葵廣掃街真係好開心，呢日終於找到時間同朋友黎呢度掃掃掃掃！其實檔檔都好旺好多人，有時覺得呢度係全年無休美食展，真係好正！講屹立左10幾年，葵廣掃街既先鋒，一定要數3樓！10幾年前，呢度既幾蚊杯果汁可陪伴我渡過左唔少窮學生歲月。所以每次來葵廣，無論一樓2樓開多左幾多間吸引嘅小食店，我都一定會行一行去3樓，睇下d野飲加左幾多價（其實仲係超平不過已唔會飲了）呢次黎到經過呢間唔多人講既舖頭，我就完全被佢既橙色串燒吸引住🤣🤣依家都唔係成日可以見到呢啲，呢度又咁平一定要食番幾串。雞腎加芥辣係超正！呢串又夠大塊！可惜八爪魚的部位就唔係好吸引，不過勁彈牙都幾好食！完全滿足左心癮。

嚟到葵廣，當然一定要嚟呢度整番幾串滷味食吓啦，呢度嘅冰鎮滷味食品，由$6元~$12元不等，我當日買咗兩串滷味，一串豬頭肉加一串雞腎，total：$12元，雞腎還可以，但豬頭肉面頭嗰層皮已經變硬，真係相當難，幸好芥辣都算夠辣，整體嚟講，滷味都係幫襯番肥姐好

哩到賣既生腸串真係好抵，平均$6至$10串，可以加芥末同甜醬，一定要加，兩樣溝埋一齊甜甜辣辣咁幾好味，口感好爽，我都買左3串野食，比旺角果間平d，抵食d，不過味道始終旺角較好。

葵涌廣場真係乜都有特色，除咗好多新款嘅小食之外，仲有一些傳統美食見呢間比較多人排隊，就試一串先，選擇左我最愛嘅芥辣生腸，非常爽脆，但略嫌偏淡左少少，芥辣跟生腸簡直係絕配，都有五，六舊，$7抵食啦抵食啦！下次再試吓其他，見好多人都點墨魚同豬心

葵涌廣場去本地小食掃街之地，有齊泰台灣日中唔同美食，好多鋪頭唔單止好味仲有好多嘢食，仲超有創意。超多選擇潮州滷味涷食，豬膶+豬耳豬潤軟綿綿豬耳超爽脆抵食夾大件，兩件先$12