緣味之家

營業中

休息中

葵涌廣場係本地小食掃街之地，泰日中台等唔同嘅美食，唔單止好味有啲仲好有創意！價錢好吸引又多選擇-潮州滷水凍食「緣味之家」豬潤+豬耳抵食夾大件，兩件加埋先＄12豬潤 ，軟綿綿豬耳，超爽脆超抵食

一連兩日假，自己一個去餐廳選擇又唔多，所以又去左掃街喇。今次黎左葵涌廣場，平民既美食天堂，已經好耐無黎喇，又開左好多新鋪頭，間間都想試呀行過緣味之家，又諗起琴日食完既肥姐，心思思，決定試下呢間既滷味。除左滷味，仲有好多小食，如牛雜，粟米等，都不乏捧場客。今次，我亦都係點左最愛既兩樣，八爪魚和細生腸。八爪魚和細生腸都有驚喜，拍得住肥姐。八爪魚雖然睇落唔夠肥姐既大串，但係勝在夠平，8蚊有交易，而且十分爽口。細生腸就有少許豬既味道，但可以接受，亦係爽口彈牙，只係6蚊串。而醬汁方面，亦是加了芥茉甜醬和鼓油，食落同肥姐都幾似。兩串都只係14蚊，抵食之選。

呢日黎到葵涌廣場 除咗想行街之外 點都要黎試吓呢度嘅小食口痕想食少少野 行過見到一串串嘅滷味凍盆 覺得好吸引價錢都只係六至10蚊 好抵食咁所以同朋友一人叫咗一串生腸我哋要齊晒甜醬豉油同芥辣食指大動之際 一啖咬落去 點解淨係食到啲醬味嘅生腸雖然爽口 但係就真係一啲味都無不過咁嘅價錢可以食到 都算抵嘅

掃街梗係去葵涌廣場拉3樓差不多大半層，變成美食廊，行到緣味之家，就比佢嗰啲一串串紅噹噹吸引左，八爪魚好煙銀，同埋食到八爪魚本身嘅鮮味道，另外，生腸沒有屎味，尚算脆口

店名：緣味之家地址 : 葵芳葵富路7號葵涌廣場3樓摩登世界2號舖好味指數：7／10價錢：$7咖哩豬皮羅白之前食開果間執左😭😭😭行過幾間鋪見到都有賣就試下啦！份量無食開果間咁多，味道都唔錯，夠辣又幾惹味，不過衰在豬皮勁多毛，仲要塊塊都有😩

經過葵芳廣場，咁多小食一定要試下先得。。。花多眼亂，就揀左呢一間試下要左生腸加燒賣魚蛋，燒賣魚蛋正常，但魚蛋偏辣；生腸我冇加野~只加左鼓油，因我唔係幾好甜醬同芥辣，可能咁樣冇咩味掛，只有爽，冇味道可言 不過我下次會試下其他野食~睇下會唔會好D

承上篇，放工後不想吃主食，就到葵涌廣場頂層掃街，買完冷麵後就到旁邊買點冷串，光是這層，冷串已有3間，選擇這間是由於這裡的用料表面較有光澤，感覺新鮮，不竟是凍食，用料新鮮、衛生真是十分重要而且這裡的選擇亦不少，有八爪魚、豬耳、豬潤、豬脷、豬頸肉、雞腳、雞腎、紅腸等，除了八爪魚7蚊串外，其餘一律6蚊這次我選了豬脷及八爪魚，兩串再浸入鹵水汁後，然後加上甜醬及芥未醬豬脷 （$6）一串有5件，肉質嫩滑，煮得夠腍，亦帶小許嚼感，帶些少香味，加入醬汁後味道及口感很好，大大件好抵食八爪魚 （$7）八爪魚本身沒甚麼味道，始終是冰鮮，不能要求味帶鮮甜，所以只能單靠醬汁。每串夾雜著八爪魚鬚及軟骨位置，鬚位比較淋身，沒有嚼感，所以還是比較喜歡軟骨位置，大大件的，骨位帶少許脆口，口感甚佳 

我只係食過好幾次呢d凍冰冰的八爪魚第一次食係旺角街邊食覺得超爽彈的質感呢度有幾間都有呢d冷鹵味供應我隨意選一間今日呢個真係偏諗軟 唯一好係佢地買2串有紙杯唔會食到周圍醬好樣衰 可能真係一分錢一分貨旺角成 $10/串味道好很多 !

在下原想繼續在灣仔覓食，可是要趕回公司，再沒有停留灣仔。返回公司，當然繼續工作。到了下班時間，卻又因事出到葵涌廣場。未辦事以前當然來個下午茶，在三樓小食街，上次在下已經橫掃兩間，今天卻只有一間，就是緣味之家。這間小食店，有多款小食，包括一般性的小食，魚蛋墨魚魷魚，以至豬腸等都已經一應俱全，這裡還有的是牛什及薯角，可謂多樣化。在下點選的只是最簡單不過的街邊小食，就是魚蛋和墨魚。首先拿到的是魚蛋。魚蛋味道都幾辣，辣到在下幾乎要立即購買飲品，以作舒緩，但最後沒有，而魚肉較為彈牙和較實，亦有口感。然後便是墨魚。店員問在下燒還是要淥，在下聽後當然要燒吧，店員便把墨魚燒起上來，所以要在下稍等。之後在下吃過墨魚，有燶烈的燶味，而且有點鹹，可能店員茖了一點鹽在黑魚。墨魚同樣彈牙，但沒有魚蛋般結實，容易咀嚼。整體來說，味道不差的，而且都算幾夠味，而店員也很好客呢！

不用去銀行的午飯時間在葵涌廣場頂層閒逛,除發現一間很多搞怪用品的精品店外,還發現又有一家小食店新開幕,除兩煲魚蛋外,還主打炸物及串燒,看真一點還有平價飯盒呀! 每天有不同款式套飯,另外也可以選擇炸物作餸菜,那盤炸雞腿炸雲吞炸薯餅炸雞翼中,選了看來很香酥的炸雞扒只因它比吃雞腿方便好多。酥炸雞扒飯($13), 以雪藏雞髀扒沾脆粉炸成的雞扒肉質不乾,微量肉汁當不能跟芝x雞那些爆汁效果相比,雞扒還有調味過,不是淡而無味的雪雞肉,沾上薄薄脆粉的雞皮還有點脆,雖不是新鮮炸起我也收貨了;白飯以家庭式西施飯煲保溫,跟一眾場內食店的專業大飯煲是兩碼子的事,如此家庭式烹煮白飯份量,這小店的便當售賣量也不會太多吧;現成兩款汁醬不對味,另選的茄汁原來是即煮,現煮時香味四溢,可是茄味不如顏色般濃反而蒜香更重,單單以鮮紅色罐頭茄汁所煮的未如樓下小廚獅般有鮮茄在內般豐富。事隔一星期多又來試其他,是日的白汁海鮮飯似乎不錯,貪心的又加了一片雞扒作菜盛惠$23 ,白汁煮得綿稠得緊緊黏著飯粒,湯底帶甜難道符合學生口味?海鮮種類找到有魷魚、青口和魚塊,份量最多的魷魚每條彈牙可是外表有點像橡膠條,小小青口肉跟娘親用作煲湯的淡菜