緣味小聚 (LADDER Dundas)

營業中

休息中

經過旺角彌敦道見到呢間餐廳，就決定即興同朋友入去食飽飽～呢間環境相當唔錯，套餐仲好多野食添。🗼 食物方面有好多選擇～特別推介係呢幾樣：安格斯肥牛 ⛩️，均屬鮮牛肉，色澤帶亮澤，油花分佈均勻，不像雪藏牛暗啞，有肉鮮味。淺嘗一口，頓覺牛肉味濃、質感幼滑，送酒一流❗️海膽魚籽冷稻庭烏冬⛩️調味一流❗️ 湯底調味上有好重蒜味。魚籽全部都大大粒肉質飽滿。150 min 厚肉龍蝦海鮮蒸氣鍋 都好正⛩️ 有龍蝦，扇貝，鮑魚，大蝦，蜆，蟶子份量相當有驚喜❗️製作得非常之精美，而且好好味。另外還有特色點心：蝦餃，燒賣同埋小籠包，全部新鮮蒸熟，好滋味！ 嘢食方面真係值得一試，好啱同朋友吹水食嘢，推薦🔥

今次嘅食飯重點係龍蝦可以任食🤩🤩冇錯你冇睇錯係龍蝦任食連其他海鮮也可以任食😳真係海鮮會食到飽晒🤭龍蝦質素不是Hea你的🫣有啲龍蝦是有蟹膏的當然並不是每一隻都有啦但是大部份都有😻其他海鮮還有鮑魚,蝦🦐蟶子,蜆肉,其他海鮮的質素都是很好的👌🏻蝦是大大隻的而且口感都是偏彈牙但係就沒有蝦膏了😺蜆肉同聖子都是沒有沙的🤲🏻除咗海鮮們可以任食外還有火鍋任食💓但係火鍋就唔係食咗太多東西了因為我們主攻海鮮🦞火鍋主要係食蔬菜為主🥦🥒🫑蔬菜都是質素可以的,有蓮藕山菜薯仔蕃茄南瓜等等🍅肉就牛肉和豬肉都叫咗一碟😀是安格斯肥牛和西班牙豬肉🐮🐷都是好吃的個人就比較鍾意食豬肉多啲🐒

食大閘蟹啦，食大閘蟹啦！今次可以食足三個鐘，因為我揀咗呢一個🦀3小時大閘蟹放題！真係可以食到夠啊，呢個咁吸引嘅放題就係喺緣味小聚。🦀大閘蟹大閘蟹嘅蟹膏超豐富，而蟹肉都好肥美。🦪鮑魚、生蠔，蟶子、貝殼、海蝦咁吸引嘅海鮮都係無限量任食！鮑魚口感煙韌，生蠔肥美新鮮，海蝦蝦肉口感超彈牙！🐮澳洲M5和牛和牛肥瘦岩岩好，顏色鮮艷吸引，牛肉味濃！🥒手拍青瓜貓耳朵手拍拍青瓜好好食呀，味道酸酸辣辣，口感爽脆，真係好開胃！整體全部質素都好好，呢個套餐真係令人食得好滿足呀！一定會再嚟食過啦😍

其實一入舖頭，對於店內嘅裝潢感到失望！感覺好狹窄，唔係一個適合打卡嘅好地方，因此對食物嘅質素都有啲擔心。點知經理同埋姐姐嘅親切對待，令到食物嘅味道都有所升華，因為好似真係乜都唔使自己做，就已經有人由頭到尾都服侍！所以整體感覺非常之良好，開心食飽。

這間主打不限量供應當造大閘蟹，中意食大閘蟹既先生與我，時機嚟啦😍睇人地食已經正到暈，食落就飛上天。正！🦀膏夠黏口，正到痺！貼心舉動💟餐廳會有提供埋一次性手套、濕紙巾等，窩心到極！作為海鮮愛好者的我，呢度簡直就係恩賜❣️海鮮選擇多到眼暈眼花🤣唔知點揀好！先生決定試幾款👍🏻沙白、海蝦、鮑魚，洗得乾乾淨淨，一粒沙都吃不到，食得暢快😙✴️✴️✴️✴️✴️✴️✴️✴️✴️✴️✴️✴️✴️每款既肉質彈牙厚實，口感一流😆海鮮的質素好高，絕對是從物超所值🙌🏻牛肉都有不同選擇架呢！安格斯肥牛和澳洲m5和牛，肉質嫩滑又juicy，口感嫩滑鬆軟 😍愛不惜口呀！✴️✴️✴️✴️✴️✴️✴️✴️✴️✴️✴️✴️✴️口水雞，達🅰️級指數。整碟香氣扑鼻，麻味十足！令人一咬就能感受到四川菜的麻香。雞肉烹調到恰好的火候，口感鮮嫩哦！

龍蝦係任食，任食，任食！！！重要既野要講三次，一個價錢任食龍蝦仲有其他海鮮火銅小食點心，點可以咁抵架！🧡龍蝦🧡龍蝦肉蒸熟之後口感彈牙，味道鮮甜，鮮味多汁，龍蝦味濃，精華完全保留，絕對係啖啖肉，非常肥美，龍蝦營養又高，真係可以瘋狂咁食都無罪惡感！❤️火鍋❤️火鍋當然都係任食，配料多多，好多款式選擇，好似有西班牙黑豚肉，豚肉肥膏豐富，油花十足，肉質鮮紅，柔軟嫩滑，肉味香濃，超好味道！💛點心小食💛點心同小食亦係任食，同樣有唔少既款式，好似有川味口水雞，口水雞好辣，辣得反有啲麻，好過癮，味道勁香，雞肉入味，每啖都又辣又刺身，肉質都好嫩，雞皮又滑，口感好好！點心都係傳統酒樓貴價點心，蝦餃燒賣仲有小籠包，小籠包係爆汁，熱辣辣超正，蝦餃同燒賣又夠大粒飽滿，大大啖咁成粒去食正到無朋友呀！

Book左夜晚8點，電話打嚟話要改8:30，8:30去到未有位，企住等到9:05，仲未有位，而且係答唔到幾時可以入座，肚餓到要即刻走人，未試過book位食飯交唔到枱，冇位就唔好接受訂位，仲要係打過電話confirm。當時唔止我到時間未入座，好多人係𨋢位等，好差好差嘅安排😡唔會再嚟，openrice快啲回水之前試過銅鑼灣嗰間，唔係咁樣做生意，嗰老闆好好人服務又周到，唔似旺角呢間由你企喺度等，嫌你阻住佢😒

旺角呢間分店有唔同既放題選擇，依家大閘蟹當造，我地就緊係要試下！大閘蟹任食，但上得好快，絕對無拖住黎上！大閘蟹新鮮熱辣蒸好就上枱，熱辣辣啲蟹香滲晒出黎，一摵開啲黃油流晒出黎，爆膏香濃，蟹肉都幾爽甜，好滿足既大閘蟹！除佐大閘蟹仲有火鍋放題，澳洲m5和牛肉質好嫩，好滑好腍，肥瘦岩岩好，牛味超濃，另外既肥牛亦同樣咁靚，肉質多少少咬口，牛味都係咁重，真係會瘋狂咁食！仲有點心都任食，仲要即叫即蒸，保證新鮮熱辣，蝦餃燒賣同粉果都好好食，蝦餃粉果夠晒皮薄餡靚，燒賣餡料豐富，一定要試！

首先，本來今日同朋友book咗7:30 一上到去嘅時候有個50歲以上嘅女人接待 一入到去個態度已經麻麻哋 本身我已經整親隻腳 行走不便 個女人就問有冇book位 咩名 電話呢啲基本喇 但我book位嘅時候個接線生係同我講你直接上嚟就得㗎啦，留咗個名 我上到去個女人問返我轉頭我本簿咁多個姓陳我點知你邊個呀之後態度不悅地俾咗我卡位一坐低都冇乜嘢 準備嗌嘢食嘅時候佢行埋嚟 原版對話：吓乜你唔係三個人咩 哦 咁算數啦，你都坐低咗我又冇理由叫你依家企返起身 （可能因為卡位）當時我已經心諗冇嘢啊 最低消費都$400一位未計+1 由門口行入去，又要俾人串 好啦都算數，諗住平平哋叫個$400套餐，就算但係個Menu明明寫住跟上一個海鮮拼盤 入邊係包括龍蝦，咁多位如果有機會上去食，佢會有張大大張海報寫住$348套餐包龍蝦海鮮拼盤龍蝦唔係任食但係我叫完個套餐佢想過海鮮拼盤，首先第一冇龍蝦 第二全部海鮮唔係有沙就係有異味 中間有同服務員了解海鮮拼盤唔係有龍蝦咩 服務員態度亦都十分之惡劣原版對話：（吓你個套餐冇龍蝦㗎喎，下次叫個貴啲嘅餐喇）我心諗wtf 中晒招 啲嘢食極度一般都已經算數 服務員態度我都唔講了

餐牌十分簡單，內有4款套餐，呢個150 min 厚肉龍蝦海鮮蒸氣鍋套餐包羅萬有有海鮮、丸肉、蔬菜、小食，不同等級的套餐涵蓋不同食材。食物快速送到，碟與碟之間相差不到1分鐘。厚肉龍蝦膏香甜，感覺好新鮮！龍蝦啖啖肉，肉質鮮嫩，非常彈牙，果然即整嘅海鮮最好食。海鮮味道帶甜帶鮮，蒸完有水份又彈牙，沾小小豉油已經足夠！只想說光吃那盆龍蝦同海鮮已覺飽肚。吃完龍蝦，再吃酸酸手拍青瓜貓耳朵特別開胃，消滯又清新。 呢個係價錢中上嘅套餐，有好多海鮮，好似D大鮑魚亦十分新鮮，面同清刷得乾淨，食落有嚼勁。所有貝類都好Juicy，好多汁，蒸出嚟好鮮甜。即叫即起點心，當然唔可以錯過啦! 又有小籠包、燒賣、蝦餃，搞到我地點心癮發作!!呢間緣味小聚啱晒大胃王嘅海鮮蒸鍋放題。

生蠔可以活跳蝦？沒跳且沒有一隻新鮮鮑魚正常蛤有沙BB聖子一入口立刻吐掉火鍋沒味上菜速度慢且只給部分點心沒點前菜沒入味口水雞和客家鹹雞沒味道總之，各位自行判斷，只是價位便宜服務態度算不錯，不會因為很忙就口氣差

預先買2人大閘蟹定食餐 ，中午12:00到了，安排在窗邊卡位位，位置闊落，冷氣足夠，食物整體OK。加了$28任飲飲料，款式較少，沒有可樂，有點失望😓薑汁紅棗糕好食😋陳皮牛丸好食😋龍蝦也新鮮😋大閘蟹一般般

又到左食大閘蟹嘅季節啦！約咗朋友一齊去瘋狂食大閘蟹😋叫咗個任食大閘蟹+海鮮蒸鍋set一坐低即刻叫返兩三隻大閘蟹先~肉質鮮美，肥美的黃油充滿咗整個蟹殼，好鮮甜又滿足😌再試下蒸鍋嘅西班牙黑毛豬🐖肉質鮮嫩多汁，無雪藏味🥰還有一D點心也是絕對不能錯過~蝦餃個外皮薄又Q彈，內裡嘅鮮蝦肉鮮嫩多汁，而燒賣好大粒，軟林林好好味，仲有小籠包，薄皮包住濃郁的湯汁同鮮嫩嘅肉餡，一咬就爆汁🫦最後，叫咗兩個小菜添！手拍青瓜貓耳朵👂🏻青瓜脆嫩，酸酸辣辣，好開胃🤤川味口水雞則是辣味十足，雞肉鮮嫩多汁🉐

不嬲都知依間好多人食，長期爆滿，好彩有老公醒目有book定檯先唔洗等位，去到即時有得入座🥳🫶🏻雖然多人，但都唔會坐得迫！喺呢度係為左龍蝦🦞，海鮮蒸氣鍋，我就必選吃到飽餐。🤩出名厚肉龍蝦，一上枱熱辣辣，廚房仲貼心地開埋邊，方便進食！😇仲有海鮮，都係令我中意哩度既原因。佢既蝦、沙白之類☺️永遠都係好新鮮，無雪味，無沙，淡淡清甜！鍋物又點少得牛呢？除咗安格斯肥牛，呢間仲有澳洲M5選擇。今次就揀安格斯！中意🐮牛油花豐富，薄身重牛味☑️另外，仲有好多食材🙈，好似食極仲有🤣見隔離枱賣相好靚🥰緣味鮮蝦餃皇、一吃難忘小籠包、蟹子燒賣皇。成個點心拼盤咁🤣包羅萬有！每款大粒彈牙，用料上乘，小籠包又爆汁😋讚賞時刻！☺️店面職員收野好快，經過見到枱上有吉碟就好快清走👍🏻幫襯了幾次都保持到食物同服務質素，讚讚👍🏻

旺角竟然有間火鍋店可以任食大閘蟹✨二話不説，訂好座位即刻同男朋友黎試😋我既要求係食🦀重點一定要殼薄夠多蟹黃😋呢度隻隻都符合到我的要求，勁大隻！👍🏻無論公定乸都超多膏🤩除咗食🦀，就係火鍋🍲小菜啦😘✅口水雞，整得非常出色！超級滑！而且雞皮底下仲帶一層透明啫喱。再配上剁椒碎，夠辣惹味，食到停唔到口😋海鮮除左蝦、鮑魚、蜆，仲有新鮮沙白都幾推介~小食嗌左個酸辣脆蘿蔔，酸酸美美，開胃極了✅🥳打邊爐重點就係食肉，呢家的肉類嘅質素普遍都好好！我自己最推介食✅安格斯肥牛和澳洲m5。呢啲部位既肉特別軟嫩，油花比例啱啱好，打邊爐就正正子😋🙌🏻一吃難忘小籠包好傳統既做法，皮薄餡靚燙口又多汁💦🙌🏻蟹子燒賣皇大大件，饀料以豬肉為主，味道和平日的燒賣差唔多。口感爽彈，但又沒有很肥膩，就是手切肉的口感。緣味鮮蝦餃皇🙌🏻蝦餃大大隻，蝦餃皮不是太厚身，包住爽滑蝦肉和筍絲，味道出色！呢到火鍋真係好☺️正，食物種類繁多又夠新鮮！食物、飲品、醬料都有超多款，呢個價錢幾抵🤭 CP值好高呀❤️👍🏻整體嚟講真係十分好。