緣味小聚 (金百利廣場) (已結業)

講到食海鮮，應該都係好多人鍾意食嘅菜式之一！今次我去咗呢一間喺銅鑼灣嘅緣味小聚🦐🦞🦀最主要嘅就係有一個任務，食海鮮🤣呢間餐廳主打嘅都係海鮮蒸鍋👍🏻對於一個海鮮控來講，又點可以錯過呢！而且任食海鮮真係好爽，海鮮又唔會肥，所以真係食幾多都唔使驚😂而且呢度嘅海鮮種類選擇都好多，我自己係咁多種海鮮裏面最鍾意食嘅都係呢個卜卜蜆🤣真係唔好睇小佢係細細粒，但係真係每一粒都非常清甜，而且仲要全部都冇晒，我食咗好多粒，而且呢度係任食嘅放題，真係自己想食幾多都可以隨便叫！另外就係呢個聖子王，！呢隻聖子王就非常大隻啦，而且聖子肉好飽滿，擺入口嘅時候爽滑！而且鮮甜味十足👍🏻👏🏻

早幾日無聊睇吓社交平台有啲乜嘢好嘢食，諗住同男朋友食返餐好嘅！然後就比我見到呢一間好多人介紹喺銅鑼灣嘅緣味小聚👍🏻知道男朋友好鍾意食海鮮，所以就帶咗佢過嚟呢度食啦！平時食海鮮都好貴，但係呢度可以有五個鐘俾我哋任食海鮮蒸鍋👍🏻真係諗起都覺得好正！呢度嘅五個鐘任食其實款式都好多，除咗有海鮮之外，仲有火鍋配料，點心，中式小食！海鮮方面，我自己好推介大家食琵琶蝦同埋呢度嘅新鮮海蝦🦐本身我都係一個好鍾意食蝦嘅人，而且呢度嘅蝦真係非常新鮮！而且用咗最原始風味嘅蒸鍋蒸熟，再加埋少少豉油，就已經係可以食得好滋味！同埋呢度嘅蝦都好爽滑彈牙，而且肉質飽滿！絕對係好滿足嘅一餐！

朋友介紹咗我去呢一間好抵食嘅任食鮑魚海鮮蒸鍋🤤本身我自己係一個好鍾意食海鮮嘅人，所以一聽到有一間可以任食海鮮嘅餐廳，就真係已經覺得好吸引，所以就即刻book咗位去食飯！一去到呢間餐廳嘅時候，原來呢間餐廳除咗可以任食海鮮之外，仲有好多唔同嘅中式小食可以食得到！有點心，小食，火鍋配料！但係我自己個人哋都係最鍾意呢度嘅海鮮！首先，呢度用得蒸鍋呢一個咁簡單嘅烹調方式，就證明呢度嘅海鮮真係非常新鮮！而且用一個好簡單嘅調味料就已經可以帶出到食物本身嘅鮮甜味道❤️❤️我自己好鍾意呢度嘅琵琶蝦，呢度嘅琵琶蝦真係大大隻，而且呢一隻蝦嘅蝦肉非常彈牙！超級新鮮！另外就係聖子，呢度嘅聖子真係食極都唔厭，聖子超級大隻，而且入面啲沙都冇，蒸完之後一啲縮水都冇！👍🏻👍🏻非常鮮甜美味！

朋友聚會，去咗食呢一間喺銅鑼灣嘅緣味小聚😍之前成日都喺社交平台都見到有人介紹呢間餐廳，今日果然可以有機會比我book到枱，可以過嚟食吓嘢啦！一去到嘅時候就已經非常期待，因為見到又可以食5小時任食嘅鮑魚海鮮蒸鍋😋真係一見到就已經流晒口水啦！呢度嘅5小時飲食裏面，包括左海鮮任食，點心任食，小食任食，仲有唔同嘅火鍋配料！基本上可以話係應有盡有！而且，呢度嘅飲食全部都係中式種類為主要，所以如果想食中式嘅放題嘅話，呢度都可以係一個非常好嘅選擇❤️❤️整體來講，我覺得呢度嘅海鮮非常抵食，因為海鮮非常新鮮，而且用咗最原始嘅蒸！所以全部都可以食到海鮮嘅原汁原味都食得到海鮮嘅線條味道！

去咗食一間超級抵食嘅海鮮蒸鍋，呢一間緣味小聚最出名嘅就一定係呢個5小時任食鮑魚海鮮蒸鍋🦀🦞🦐🐟所以今日就同埋朋友一齊過嚟，試吓呢度嘅海鮮！入到去呢間餐廳嘅時候已經覺得好有特別嘅感覺，同埋周圍都望住好多海鮮蒸鍋，就已經流晒口水！！首先，我哋每一款海鮮都叫咗試吓先！因為大部份嘅海鮮都可以任嗌嘅關係，我哋乜都試吓，就非常啱晒我心水！我自己好鍾意呢度嘅鮑魚，呢度嘅鮑魚清蒸左之後以前可以好大隻，好飽滿！同埋鮑魚非常爽滑彈牙！咬入去嘅時候個種鮮甜味道，真係到而家都仲係記憶猶新😍😍其他嘅海鮮都好好食，同埋呢度嘅火鍋配料，點心，小食都非常多元化！絕對係一間好抵食同埋性價比好高嘅餐廳

千字祥文慎入 !!第一次幫襯食到一肚氣,我地兩個人選擇左下午時間食大閘蟹放題,可以五個鐘任食,五百幾蚊一位,仲要有一個特別優惠提早埋單的話每位可減$20-$80以提早埋單既每小時計算,聽落非常吸引啦,戲肉黎喇,首先樓面有一位阿叔及一位阿嬸負責全場,而我地當時下午時間都唔多枱,斷斷續續連埋我果張有5-6枱客人係度,兩位都做到厭世咁款,一黎到啲態度都以經唔係好,坐到落枱想問個任食大閘蟹餐係有包括啲咩野任食?阿姐答我有既都係張檯度自己睇啦,下?我岩岩坐低張枱乜都無喎,然后繼續行返去收銀位同個阿叔傾計,等左一陣再問,咁我幾時可以落單叫蟹呀?今次到阿叔答我你選好湯底就幫你落單,hello?我食大閘蟹唔係蒸既咩?無啦啦要逼我要變左打邊爐先?以經覺得呢兩個人都非常九唔搭八,經過半小時一番波折終於比蟹我蒸喇,佢會提供一個計時器要set定你蒸20分鐘就食得啦,我食左兩轉總共四隻之後,發現時間以經過左個半鐘,於是我將計時器調較到15分鐘,因為啲蟹好細隻同埋一個蒸鍋只係蒸得四隻,15分鐘真係好足夠熟哂,然后再落單要蟹啦,阿叔埋黎就話食左海鮮先啦你地,就跟手將啲海鮮就放落鍋度蒸,hello?雖然你啲海鮮係送既

有朋友👀銅鑼灣「緣味小聚」嘅用膳單張，覺得佢嘅午市套餐款式頗多，於是約埋我和其他朋友一齊去試下。當抵步餐廳後，👀地方頗細，座位距離比較窄，同時聞到烚海鮮猩味 (原來有兩枱客人正在打海鮮邊爐，即抽氣系統不太理想)。既來之、則安之，即管試下。我哋點了👇🏻幾款午膳套餐，大致上外觀都幾吸引，但食落就 🤫：👆🏻“鳳梨生炒骨+砵仔糕飯”～炸粉厚，大部份都係只得骨冇咩肉，就算有果啲肉都好乾硬 😬👆🏻“西蘭花炒雞球+砵仔糕飯”～太辣太咸，要用水沖後才食得 🙄👆🏻“細籠大蝦蒸飯”～啲蝦有少少霉，蒜蓉有啲苦 😐👆🏻“細籠梅菜肉餅蒸飯”～肉餅比較削 🤏🏻👆🏻“原盅燉湯”～👌🏻啦…一般味精湯！😏👆🏻“自選小食～咸雞、鮑汁鳳爪、馬拉糕”～一般啦！總體而言，食物質素唔太理想 (可能今日嘅廚師太忙掛🤔，調味有啲混亂)，服務員嘅態度又麻麻 (可能多咗客人)，所以都幾失望！🥴

今日中午去試咗銅鑼灣這間所謂任食大閘蟹放題，認真中伏！ 一入座等咗好耐才有人拎過鍋煲嚟，跟住幾經辛苦才點咗第一輪每人限定兩隻BB大閘蟹，空著肚還要等蒸20分鐘才有得食大閘蟹，我倆十二點鐘入座12點45分都還未有食物落肚😬 諗住快些點熟食醫肚，點知侍應生大家姐話每樣食物都要等廚房用時間蒸，兩個人食咗第三輪全共12隻大閘蟹，已經花咗六十多分鐘時間去蒸大閘蟹，當中還未計要等，要催！已經好無耐性再花時間去蒸大閘蟹已到2點心上轉做火鍋快醫肚，馬上叫所謂和牛，完全無味👎，好似柴皮咁，跟著望見所謂牛肩肉同下價肥牛差不多！絕對不會再翻叫這堆牛肉！花了3個小時，個肚還是餓！龍蝦每人半隻限定，當然都要花時間去蒸！龍蝦好似沒有放尿一大陣異味好難食👎兩個人埋單成仟元，唔知食咗乜！超級仲伏👎👎👎全間店只有2個女侍應加一個大家姐主管，這兩個女侍應是新嚟做的，叫她們落單完全唔識真俾佢哋激到嘔血😱😱

首先一入到去就話原本想叫既$288餐冇做（但餐牌有寫），待應就話一係食粥底火鍋餐，一係就食海鮮餐或者大閘蟹餐。但因為本身我唔食得海鮮，唯有選擇左一個粥底海鮮火鍋餐再另外加左$59.90加多個牛/豬/雞任食餐。各個待應都唔係幾識做野。蒸氣海鮮要整幾多分鐘完全唔係好知。比左張任食肉既紙比人畫過，都唔緊要，話比個阿姐聽仲要話我地畫得唔清楚。仲要話係咁架啦。之後叫人d阿姐就扮睇唔到。仲將d點心放係生肉上面就算。擺低後仲問有冇問題？野食其實好一般。粥底只得少許椰青味，完全冇味。雞件太「鞋」，海鮮就中規中矩，不過都好一般。飲品選擇太少，埋單$710。但以佢既服務質素加埋野食質素，完全唔抵食。一次貨仔冇下次。

一定要講咗啲緊要嘢先，朋友在美食平台見推介可五折購買呢間餐廳的餐劵，最終以$244買了原價$488的餐劵，但大家一定要小心睇清楚所有條款，因為假期前夕每位要另外+$22再有+$60醬油錢+$31任飲最後每人要$357，同原本的打算有好大出入，而且同唔經美食平台買餐劵結賬的價錢差不多。講翻餐廳啲嘢食先，係新鮮好味嘅，而且佢哋每樣食材都會幫你放入去蒸，所以時間啱啱好，可以食到最美味的味道，特別想推介蠔，因為好多時都會怕唔熟煮過晒時間，但佢哋好專業，真係講起都流口水，其次係佢哋啲熟食都唔差，我哋叫了春卷，不過唔食芫荽嘅人就未必鍾意，但我同行中有三個都唔食芫荽但佢都都話可以接受，至於個八寶飯唔知點解佢比我哋揀啲配料有咸有甜，成件事好似好怪，但出到嚟食入口又可以接受喎，跟住叫了肥牛都好味嘅，但因為其實食海鮮都已經好到有八成飽再食埋個飯已經無乜空間食得落啲肥牛，所以如果想食肥牛嘅人仕最好都係淺嘗個飯就好了！順帶一提當晚無聖子，佢哋問我哋可以換鮑魚定扇貝，其實兩樣都無咩所謂，但我哋最後揀咗鮑魚，覺得無揀錯，因為啲鮑魚係出到嚟仲在郁。

新鮮嘅海鮮最啱就梗係蒸啦，蒸嘅海鮮非常鮮甜，而且夠晒原汁原味！但如果咁就叫滿足，少年未免太年輕喇！因為海鮮配上粥底火鍋，就完美吸收晒海鮮嘅精華。今日我哋就嚟到銅鑼灣嘅緣味小聚，嘆呢個霸氣阿拉斯加長腳蟹刁鑽海鮮蒸氣鍋，我哋由蒸海鮮，到打邊爐，最後以粥底作結，夠晒豐富呀！阿拉斯加長腳蟹呢個海鮮套餐主打嘅阿拉斯加長腳蟹，絕對唔會令你失望！蟹肉厚實鮮甜，勁多蟹膏，非常甘香！印尼厚肉琵琶蝦、韓國活大鮑魚琵琶蝦嘅外表雖然奇怪，但肉質非常鮮甜，淡而柔軟，並且有一種特殊誘人嘅鮮味。至於鮑魚大大隻，鮮甜彈牙，好厚肉！就算唔知蒸幾耐亦唔駛擔心，因為店員會幫你較定時間，讓你品賞最高質嘅食材。蘇格蘭蟶子皇蟶子皇長過手指呀！蟶子鮮甜無沙，新鮮好味！爽甜番薯大蜆、花螺、花甲份量唔算太多，但大蜆同花甲確實非常鮮甜，肉身漲卜卜，爆多汁！花竹蝦花竹蝦嘅蝦肉非常彈牙，蝦頭仲有好多膏添！澳洲M5和牛食完海鮮，就要試吓肉啦！澳洲M5和牛嘅油脂分布平均，肉味香濃。西班牙黑毛豬黑毛豬嘅豬肉味濃郁，顏色粉嫩，肥瘦均勻，好嫩口。除此之外，肉類選擇仲有特級牛板腱、安格斯肥牛、蟲草花滑雞球同手打牛肉球。燒賣點心甜品包括有黑金流沙包、古法

蒸海鮮鍋大家可能食得多，但依間真係好多野食:1. 有8款蒸海鮮， 包括鮑魚，蟶子，海蝦，花甲，扇貝等等，全部都好新鮮2. 一人一盅燉湯，好足料，非常濃郁3. 一大鍋八寶飯，八寶飯仲可以自己揀配料，超入味，食左幾碗4. 蔬菜拼盤，種類多5. 任食安格斯牛肉，屬高質牛肉，用蒸嘅方法煮，入口即溶6. 蒸糕點有蜂巢糕，馬拉糕，奶皇包等，甜度適中，賣相不錯。

上星期日去咗食蒸氣火鍋，去到一睇個菜牌，有d複雜，因為佢地有好多唔同set，要靠自己計下點樣最抵，最後我地揀左《人氣龍蝦海鮮蒸氣火鍋+椰子水粥底火鍋放題》$288(二人同行，第二位半價)每位有半隻龍蝦、鮑魚、蝦、聖子(但無哂所以轉咗元貝)、同埋兩款貝類，但任食火鍋料又要再加錢喎😅😅我地揀左M5澳洲和牛個set($59.8)再加任飲($38)，最後每位仲要加多$40醬料＆假日附加費，同加一服務費，講到呢到已經有d頭暈呢😵‍💫😵‍💫講返啲嘢食先😅😅佢主打嘅海鮮，係ok新鮮嘅👍👍，但除左每位半隻🦞夠大隻之外，其他份量略嫌細，所以我諗正常都要加埋火鍋個set先夠飽🤔🤔，但火鍋種類唔算好多，而且係好普通嘅火鍋料，唯一讚嘅係佢個牛肉球，好似平時飲茶嘅山竹牛肉球嗰個feel😝😝，但都算平時打邊爐比較小食到嘅嘢，同埋都幾好食😋😋⋯而個set仲有即叫即蒸嘅點心，雖然感覺上有小小唔match😅😅，但我地都試咗3款，唔算太出色(始終點心唔係主打🤷🤷)，但因為個粥底最後有小小燶，同埋又已經好飽，所以只係食左一啖😜😜總括而言，間中食下係ok嘅，同埋逐樣蒸可以慢慢食，傾下偈⋯但始終CP值唔算太高，因為海鮮份量唔多

星級大鮑魚海鮮蒸氣鍋套餐2份星級海鮮八款，韓國大鮑魚肉質彈牙，味道鮮甜；蘇格蘭聖子皇肉質厚實；紐西蘭大帶子肉質肥美，蒸完後，帶子旁邊嘅倒汗水、帶子肉都鮮味十足；愛爾蘭大刀貝缺貨，由花蛤代替；深海龍躉件肉質厚肉，口感嫩滑，食落啖啖肉；生猛大海蝦肉質爽口；青島大花蛤、鮮甜貝殼類食落好新鮮。蔬菜，包括有爽脆萵筍片、高山娃娃菜、有機冬瓜片、香甜南瓜片，味道清甜。八寶蒸飯，可以從三十款配料中自選八款配料，包括有蝦醬豬腩肉、醬油漬牛脷、土䤞絲、萵筍、蒜香茄子、沙嗲豬頸肉、冬菇粒、翠玉瓜，表面鋪有花生、香蔥，好足料，食落好香口。3碟安格斯肥牛，肉質半肥瘦，口感嫩滑，油香味濃。點心，包括有黑金流沙包、古法馬拉糕、宮廷棗皇糕、黑糖蜂巢糕、清甜燕麥糕；黑金流沙包流心效果突出，味道咸香。茶芥及醬料，包括有蒜蓉、香蔥、指天椒、豉油。蜂蜜柚子，味道酸甜，飲落好清爽。烏龍茶，茶味濃香。

約咗朋友去「緣味小聚」食星級大鮑魚蒸氣鍋套餐(2位).6小時燉原盅絕無味精燉湯🥣燉湯清甜，裏面有蟲草花、桂圓、雞腳🐓瘦肉🐖非常足料.星級海鮮8款🌊韓國大鮑魚彈牙鮑魚爽口🇰🇷蘇格蘭蟶子皇大隻，但鮮味就少啲🥺紐西蘭大帶子超鮮甜又啖啖肉😋深海龍躉件魚味濃🐟略嫌唔夠嫩😢生猛大海蝦非常新鮮🦐青島大花蛤同鮮甜貝殼類就相對普通🐚.安格斯肥牛🐄肥牛蒸完可以保留住肉汁，又唔會老👍🏻.蔬菜類🥬有娃娃菜、粟米🌽南瓜🎃.豐盛八寶蒸飯🍚揀咗秘製雞軟骨肉餅🐷醬油漬牛脷👅豉汁排骨、蒜香茄子🍆沙嗲豬頸肉、南瓜、榨菜絲同冬菇🍄食落好香口🤤.包點、糕點🥢有黑金流心包🥠黑糖蜂巢糕、薑汁紅棗糕、馬拉糕等🥧質素唔錯，甜度剛好