緣聚西日餐廳 (西裕街) (已結業)

之前呢個緣聚食過兩次晚飯放題， 印像都唔錯所以今日冇嘢做，見lunch放題平平哋百幾蚊已經可以食， 早食早享受😂如果想平啲有放題食其實都幾推介中午嚟食，因為價錢相差成百幾蚊平咗， 食嘅嘢都係差唔多仲有大大個甜品櫃 食飽飽之後仲可以食番個飯後甜品㖭任飲嘅飲品都有好多款有酒精無酒精乜都有， 而我最欣賞嘅佢就係有apple cider同埋有兩款唔同味道嘅hoegaanden beer 飲， 平時出面 餐廳酒吧之類飲一支 都要廿幾蚊支啦， 我今日中午飲番佢幾支，飲番夠本😍😍😍例牌點返個刺身拼盤食先三文魚 油甘魚 象拔蚌 蠑螺 甜蝦全部都係我嘅最愛呀， 又新鮮又好味一早起身第一餐已經可以食到簡直覺得十分幸福再點左幾款壽司都唔錯， 我自己就最鍾意 左口魚壽司 同埋芝士炙燒 三文魚壽司另外 芝麻八爪魚同辣味螺肉例排必點走唔甩芝士焗蠔 好正呀 我都食咗幾轉， 香濃嘅 芝士超邪惡呀呢排天氣涼涼哋見佢呢度有得食火鍋， 係咁以都點咗少少陪呢打個邊爐先， 話哂食放題乜都食下先至覺得過癮， 其實每樣食少少 都已經好飽喇😂😂最後就係食番個飯後甜品 呢款 焦糖芝士雪糕 雙層嘅焦糖脆卜卜加上芝士嘅口感滑捋捋， 夠曬特

喺元朗嚟講一直都唔多食放題嘅地方呢間together 嘢食同飲品雖然唔及九龍區嘅多但方便左住元朗天水圍嘅朋友仔 食物 質素都唔差D刺身都好新鮮 個煎 大蝦仲好香平日$228/位任飲任食 兩個鐘

要去呢區探望友人之BB, 約好成班友仔先去開餐先去打攪人, 呢區食店真係多的是, 其中有人提議去食放題, 咩都有得食, 岩晒一大班人既個人口味!呢間放題店處於出名涼粉店附近, 唔算難搵, 行落去地庫就係十月關係, 餐廳以萬聖節作主題為佈置, 侍應主打為年青人午市放題任飲任食2小時, 時間都算充裕, 價錢都係$158, 食物選擇十數類, 連火鍋都有!成班人你一張我一張咁落單, 為免浪費, 先每樣點少少試下先, 好食就再ENCORE首先送上黎就係刺身, 擺盤唔錯, 點左帶子, 象拔蚌, 八爪魚及甜蝦, 甜蝦夠大隻, 一啖一隻夠口感; 帶子食落都有甜味, 刺身食落都無咩雪味!精緻壽司確過癮, 一口一件, 唔怕太大舊飯會好快食飽, 水準以放題黎講算唔錯, 個人喜愛佢既蟹棒壽司, 加了少少沙律醬增加味道!食緊既同時, 兩款小食蟹籽沙律及枝豆就上枱啦, 青瓜絲爽口多汁, 配埋卜卜脆既蟹籽加沙律醬撈勻黎食.......好味; 而呢度既枝豆係有埋黑椒調味, 比較特別, 先有黑椒味, 再有豆味!食到咁上下, 出去拎D飲品先, 汽水, 果汁, 烏龍茶, 蘋果梳打酒及啤酒都有供應又到熱食出場, 呢客蟹粥見好

元朗多美食一直都知，但從無來過街坊價錢仲可以如此高質！今日來到「緣聚西日餐廳」食放題，同樣係一個元朗地頭蟲朋友介紹。環境有點似韓國燒烤格局，以圓鐵桶改裝成座位。但同樣提供卡位，一樣坐得舒服。當日7點入座 每人$228 另外身為長腳蟹fans的我另加$98可任食長腳蟹同生蠔大部分受香港人歡迎的刺身都有，壽司有罕見的黑松露油甘魚，有誠意！飲品有自取的，也有order的，除了一成不變的汽水外，檸茶檸水都有，一樣滿足到大家。連我在澳洲經常喝的somersby apple cider都有！中意啤酒的朋友更不可錯過 corona啤酒先講講刺身，每一款刺身都非常新鮮，尤其甜蝦又大隻又鮮甜！象拔蚌不是每間放題都有，而緣聚有之餘且無腥味。壽司亦非常有誠意，賣相同坊間壽司店絕對可可媲美。飯沒有太大，不怕食壽司食飽。當中帆立貝同黑松露油甘魚最好食重頭戲長腳蟹同生蠔賣相滿分長腳蟹非常大隻，𥚃面蟹肉結實，超級鮮甜$98好值得加錢食！生蠔屬於較creamy既一款，所以食幾隻就好滯了。蠔味較重，喜愛日本廣島蠔的朋友應該會挺喜歡。屬食方面有幾款我比較欣賞，其中要大讚的是B仔雞翼尖！果然是一間充滿元朗特色的放題雞翼尖調

緣聚西日餐廳，對我來說一點都不陌生，今次去元朗逛街都會諗起呢間餐廳，今日同太太去完元朗， 大家不約而同都想去呢間餐廳!我哋最鍾意選擇比較早嘅時間嚟呢一間餐廳，因為勝在人比較少，而且食物一點馬上就送到， 唔使同其他乘客爭食!點菜紙簡單易選，一目了然而每次我哋最期待黎呢間餐廳，最大原因都係因為呢個松葉蟹同埋生蠔任食嘅選擇 !基本上唔係太多其他餐廳可以咁樣比你食。呢度嘅刺身不論味道，擺盤，新鮮程度都冇得挑剔， 唔講仲以為去咗高級日式餐廳食刺身拼盤! 刺身質素絕對有保證飲品方面， 除咗我最鍾意嘅蘋果酒外，竟然有呢款屬於貴價既Corona，真係一大驚喜!淨係飲酒都番本。重頭戲係大大條嘅松葉蟹腳同埋勁大勁新鮮嘅生蠔， 每次嚟唔食返四五碟都唔願意走，今次黎發現生蠔又大隻左同新鮮左，蟹就保持高水準既鮮甜!壽司方面， 依然係料多飯少，精美唔在講，誠意絕對有!由於食得太多生蠔，所以燒蠔只能淺嚐! 但巾幗不讓鬚眉! 燒物有驚喜!天婦羅粉少外脆內鮮，油不多。甜品選擇多籮籮，簡直花多眼亂! 本身我都好鍾意食百福豆腐花，但係其他甜品更加吸引，正都無朋友!

約一班朋友出來食就梗係食放題啦~大家大吃大喝之餘就唔駛驚超BUDGET緣聚西日算係一個唔錯既選擇枝豆會有少少調味鹹鹹地，加上黑椒少少辣味道倍增 沙律都不嬉場有豐富既三文魚醬汁帶酸，如果可以多一點就更好 生蠔跟長腳蟹長腳蟹係不斷翻點之選 生蠔略嫌淡味感覺無咩生蠔的味是清洗過度?還是本身呢?但爽脆新鮮 壽司亦都唔會飯大過餸一啖一口值得一讚和牛壽司最為欣賞外層少少熟，內裡熟得剛剛好又唔會有血水少少調味就已經足夠 刺身新鮮最愛牡丹蝦鮮味馬刀貝爽脆 熟食還有燒蠔避風煻燒蠔帶點辣，味濃正好跟之前既刺身做一個味覺對比 整體飲品甜品款式多無點極都唔來既情況服務有禮

入開元朗探朋友，元朗地膽朋友帶我哋去緣聚狂食放題。. 咪睇呢個門面好細，外面好似唔覺眼冇乜人，落到地下，原來係好爆場，冇訂位都未必有得食。 緣聚放題成人每位$238，加$98仲有任食生蠔同埋長腳蟹，我哋咁鐘意海鮮，當然要加啦。 上菜速度快又齊。入單無耐話咁快就有一盤生蠔蟹腳送到來，仲俾埋特別的剪刀俾我地拆蟹。生蠔幾肥美，翻開會見到一層白色CREAM! 蟹腳大隻多肉，有鮮味得來唔會太鹹海水味。 刺身款式有三文魚，帶子，甜蝦，八爪魚等等，新鮮肥美，一拼吞下滿有幸福感。 又有羊架牛扒，啱哂食肉獸朋友。 食物種類超多，連火鍋都有得食，枱上有個小電磁爐可以放個小煲。我哋揀左韓式豬骨湯底，湯底好夠味得來仲有少少辣，仲提供多款火鍋配料，火鍋精可以過一過火鍋癮。 菠蘿好清甜! 呢個榴槤炸彈好好食!!! 咬開滿有榴槤榕，隔離個朋友都聞到榴槤香! 雪櫃有多款飲品選擇，啤酒都有幾款!包括韓國啤hite，somersby，其他cider同黑啤。仲有水吧飲品可供選擇，朋友就飲左水吧的凍奶茶，話佢幾好飲因為茶味香濃唔會太甜太重奶味。 甜品有多款雪條，另有啫喱豆花泡芙等等。特式一啲的有焦糖芝士同牛乳雪糕，有非常濃的

Seldom come to Yuen Long and recommend by my friend to here Besides the regular choices , there are a lot other food. The choices are vary and impressive The sashimi is super fresh . The deliver speed is quick too. We don't need to wait long for our food to comeThe fried food is not oily and the portion is just right. The way on avoiding food wastage is good baked cheese oyster is yummy !!!Chicken kidney is goooood Lots of dessert choices. The jello is good and lots of flavour to pick Drink vari

一班元朗朋友今晚去食緣聚放題，因為大家都想食生蠔又想食唔同ge野，而呢度加$98就有任食生蠔同蟹腳。生蠔新鮮肥美，非常creamy。蟹腳味鮮大大隻，唔會好重醎水味。刺身新鮮款式多，有三文魚，甜蝦，帶子，八爪魚等等。壽司質素不錯，尤其三文魚火炙壽司! 火炙三文魚入口滿有魚油甘香，入口即溶。黃金燒蠔雖然細細隻，但勝在食多2隻都唔使咁膩。 咸香脆口的雞軟骨，很好下酒。我愛小甜薯甘香小甜!疑似B仔雞亦尖，煮得入味但係再辣啲會更好。嘻，仲有得打邊爐!迷你鍋好可愛，仲有幾款湯底任揀，配料選擇多，肥牛質素都唔錯，唔太肥又幾有牛香。甜品雖然無大酒店款式，但都有多款雪條，包括韓國生果味雪條。另外仲可以揀特式焦糖芝士同3.6牛奶雪糕。我最欣賞榴槤炸彈，仲有榴槤雪條，好香濃榴槤味! 榴槤迷的我不停狂食。除左一般飲品之外，仲有即沖咖啡奶茶同多款啤酒。我哋豪不客氣狂飲somersby。上菜快狠準，食物質素不錯。是夜全場爆滿，想來一試的朋友記得訂枱。

一家人黎食放題，有bb就廢事去太遠，近近地係元朗食啦，黎左緣聚，雖然要落樓梯，但店內有間房，地方較大，連bb車都放得落。好多野都想食喎，第一round由阿媽拍板，寫寫寫，點左刺身同壽司先啦😋飲品可以寫紙點奶茶咖啡檸茶之類，仲有清酒梅酒，另外亦有罐裝飲品，啤酒等自助，十分多元化。先來的蟹籽沙律，意外地唔係青瓜絲，而係沙律菜，加了麻醬同蛋黃醬好好味喎。刺身，第一round先每樣點六片，賣相幾靚，魚生厚切，全部都好新鮮，三文魚肥美，吞拿魚無筋，螺肉爽脆，帶子鮮甜，比起上次黎食水準高左。一口氣點了九件的三文魚反卷，飯卷入面包著牛油果，蟹柳，甜蛋同青瓜，飯軟綿，細細件剛好一啖一件，幾正。火灸壽司系列，點了三文魚，鰻魚，同蝦，三文魚迫哂啲魚油出黎好甘香，鰻魚甜甜的，蝦很爽。旁邊仲放左幾件花之戀，蛋黃醬真係好好味呀。芝士焗蠔同蒜蓉焗蠔，芝士蛋汁調味得很好，蠔雖然細size但都幾肥，蒜蓉都好味，但太濃味，蓋過哂啲蠔味，兩者比較，芝士更勝一籌。非食不可的蟹粥，極！鮮！甜！！除了蟹，還加了不少海鮮同煮，隨手撈撈，看到有帶子裙邊，象拔蚌，魚片等，可能係刺身的頭頭尾尾，但攞黎煲粥又無浪費，仲令到啲粥更重海鮮味

一向係元朗既放題都不俾睇好 今次我決定身先士卒 就揀左呢間放題試下 仲要加埋錢試下佢個長腳蟹 估唔到有驚喜 蟹肉鮮甜多汁 食物總類繁多 如天婦羅 刺身 壽司 自家制甜品 韓國雪條 連火鍋都有 不過今次就冇試啦 下次再黎先再食

一直聽到不少人說這間放題值得一試，但仍未的起心肝去試。。。上個月見到好朋友facebook 分享食後感，終於訂左位，無論自助餐或放題，我總喜歡訂中午，因為多啲時間消化嘛食物款色算多，除左火鍋配料之外，每張紙都畫過 刺身款式算多，質素不俗，食慣放題嘅都知，唔係間間餐廳有帆立貝(帶子)刺身，呢到有，而且仲有比較少見嘅白玉豚之前見到朋友 facebook post, 最吸引我嘅係燒蠔，有黃金燒蠔(即係芝士) & 蒜香燒蠔 兩款，第一輪試哂兩款和一後，個人比較喜歡蒜蓉，香口得黎無咁“漏”.....之後大手下單，啲蠔黎得好快、夠熱、好味...蠔肉 size 大約一蚊銀咁啦，我覺得合理，以放題嘅標準黎講。。。除左燒蠔，其他燒物、天婦羅都吸引，燒大蝦幾好食，但建議揀“無汁”壽司款式唔算多，但質素 OK， 特別係多款火炙壽司，我有 encore飲品櫃有好多款盒裝罐裝飲品供自取，另外亦可 order 檸茶奶茶嗰啲，somersby 係回本之選甜品方面，雪櫃有百福豆腐花、大腳板、多款阿波羅雪條及甜點供自取，同埋甜品紙上都有幾款甜品 order

正當苦惱緊今晚食咩好既時候，突然係街上收到呢張宣傳單張，就俾佢蠔加蟹任食既標題吸引左於是唔打唔撞就入左去入面環境寬敞，裝潢與一般放題有別可能時間仲早，店內尚有好多吉位任食甜品總類甚多雪條亦好多選擇，仲有韓國人氣雪條，誠意十足一黎就緊係先叫個松葉蟹先啦，話哂都要加錢先有得食，果然冇令我失望，賣相非常吸引，蟹腳多汁，肉質鮮甜，唔似一般蟹腳得個咸字刺身同蠔都非常凍同新鮮，特別係個蠔，份量十足，夠哂大隻，而且一d都唔腥，食多幾隻就可以返本其他熟食都相當有水準，總括黎講，以呢個價錢就已經可以食到高水準既食材，一定會再返黎食！！

近近地去左元朗間緣聚食，其實食過幾次都覺得無乜野，二百幾蚊幾抵食吖，有日本野食，有打邊爐，有扒有餐湯蒜蓉包，甜品又多款，真係覺得幾好喎。今晚坐左入房，靜啲都幾好，房入面都好夠冷氣。今期多左個新野，打卡送芥辣雪糕，好似有伏味，哈哈，唔試啦～有無人試左？好食？刺身大大份，厚切正呀，幾鮮甜吖，而且今次有番個冰底好好多，感覺點都新鮮啲呀。手卷，軍艦，壽司同火炙都好多款，細細件可食多幾款，仲有我至愛嘅花之戀呀。仲食左好多其他野，焗蠔幾肥個汁又好味，燒三文魚頭好新鮮，台灣香腸甜甜地，肉醬薯蓉個醬好味又多芝士，天婦羅新炸起好熱又唔油，最後個碟係串燒，蕃薯仔，印度薄餅，都幾好味。食飽飽就梗係食甜品啦，整番支大腳板先，勁飽呀！

其實早前一直猶豫唔知揀咩餐廳幫小朋友慶生好，上網睇左好多放題餐廳，係唯獨呢度價錢同食物都好吸引。於是就whatsapp 左餐廳負責人問詳情。由於此行有家人唔食得生冷野，所以就問餐廳可否安排唔加附加費，佢地好好人咁幫我地安排左。 仲有位置幫我地雪蛋糕而無令收切餅費！餐廳食物新鮮，種類多，味道唔錯。另需加98蚊可享有新鮮生蠔同長腳蟹腳食！ 生蠔好肥美， 蟹腳就一般，太過咸⋯ 服務員態度好，食物黎嘅速度都好快。會再黎食過性價比高！抵食