羊鞍餐廳

營業中

休息中

呢間已經成為我Comfort food，價錢合理又好食。menu 上有好多選擇，成日都有選擇困難症。今次揀咗龍蝦汁海鮮天使麵，朋友就揀咗精選午餐入邊嘅香檳忌廉汁蟹柳蜆肉螺絲粉，叫左轉意粉。送餐湯同嘢飲，凍飲加$3。餐廳有得揀忌廉湯同雜菜湯，我同朋友都揀咗雜菜湯，飲得出好足料，唔會重味精同粟粉開出黎。我嘅龍蝦汁海鮮天使麵好掛汁，超級濃味，海鮮配料非常多；蟹柳蜆肉意粉嘅蜆肉份量都幾多，忌廉汁甜甜地，我相信我相信用螺絲粉嘅話會比意粉掛汁。上菜速度超快，茶餐廳嘅速度，西餐廳嘅質素，難怪可以喺九龍城屹立咁耐！

九龍城福佬村道食店成行成市，唔睇食評揀到呢間斷估食羊出名。預咗早餐間間差唔多，唔預會有乜嘢特色。驗屍咁睇完兩次餐牌，我哋都點咗意大利菜湯螺絲粉，都無打算要加花巧嘢。唔使幾耐，大大碗早餐送上，粉面放滿雜菜，沙爹味道適中牛肉爽口，配巨型法蘭克福腸，叫人精神爽利。即磨咖啡唔使落糖，夠晒醒神。店舖地方唔大，搭枱其實有啲逼，大堂上方放咗四幅電車拼畫，格調高幾級。好彩快咗一步，轉眼間出現龍尾，係免加一平過隔離咁話。

碟頭飯價錢有成個西餐set，抵食冇投訴👍！・・・・・・・・・・・・・・・・・・・・🥩 法式紅酒燴牛尾意粉 HK$57 午餐包括：餐湯、蒜蓉包、熱飲（正常！）・味道：正常平價西餐廳紅酒汁，5-6大舊牛尾煮到好入味。・口感：牛尾夠淋，一拮舊肉即甩。意粉熱嘅夠濕潤，唔係一早煮哂成煲攤係到乾蒸嘅塊狀意粉XD。・・・・・・・・・・・・・・・・・・・・🤰性價比：高～🤰9衝度：9衝～🤰結論：性價比超高，大份飽肚，味道正常～・・・・・・・・・・・・・・・・・・・・環境：正常港式平價西餐廳格局～

今日因為做嘢嘅緣故，提早食lunch。11:00仲係早餐時段，搵咗呢間食。佢早餐既選擇都多，揀咗意大利菜湯螺絲粉，配埋牛角包。我鍾意佢嘅意大利菜湯，好味又覺得健康啲。相對其他茶餐廳有呢個選擇，都幾唔錯。

我唔理你食物有幾美味，服務態度惡劣就係趕客！人地客檯客一行四人，各自叫左早餐跟唔同飲品，你口黑面黑擺低其中一杯，人地個客問你係咩黎，答案竟然係「你自己叫左咩你自己唔知？」，從佢年紀打扮我知佢係老闆娘或者係話得事的人，做茶餐廳竟然咁樣對客，憑咩？無論餐廳食物質素有幾差，我一向唔鍾意比負評，始終人地打開門做生意，係好艱難的。但呢口氣真係無法忍受！唔該該員工自己反省下，做服務行業係咪用呢種態度對待客人？

//羊鞍餐廳九龍城福佬村道22號地舖 放火片在圖5🤩🔥🔥超大火😂😂😂😂▪️炸德國豬手鐵板餐 $148炸豬手熱辣辣上枱😍😍個皮脆卜卜 豬肉唔會炸到太乾 食到唔停口😋😋😋配菜方面 薯條係茶餐廳粗薯條🍟 食得出係啱啱炸起 唔係放左成個鐘果d 抵讚😋👍🏼食到最後送上啫喱做甜品🍮用料好足 入面有果肉 配埋花奶食 好過出面d椰絲啫喱🤣🤣🤣總括黎講 呢個價位黎講 都算交足功課😋👍🏼黎到九龍城又想試下泰國菜以外既 可以黎試下🤣餐廳環境光猛 職員服務態度好 好主動拎住水壺加水👍🏼👍🏼

去九龍城食Thai菜就真係食得多，今次要去嘅係老友提到嘅隱世西餐廳，有懷舊嘅感覺得嚟仲要係性價比高。所以今次真係要去睇下依個老友講嘅真唔真😂。黑松露醬鮮什菌炒意大利粉配香煎雞扒 $82上枱嘅時候色香味齊👍，食落雞扒味濃再加埋有少少脆皮，但係又唔會太過油膩😋。意粉🍝軟硬度啱啱好👌，再配埋濃厚嘅黑松露味道，仲配搭埋新鮮嘅什菌，所有配搭恰到好處😋👍。脆炸德國咸豬手鐵板餐 $148當我睇餐牌嘅時候望到有德國咸豬手已經唔洗再諗好多，即刻叫嚟試試佢。因為真係唔係間間西餐廳有得食。當我見到佢個脆皮嘅時候就知道一定無叫錯，食落非常之脆卜卜，唔單止皮脆咁簡單，中間層脂肪唔會過龍得嚟非常有咬口，真係完全無諗過可以有依種級數😋😋😋。再加埋其他配菜份量啱啱好🤏。懷舊啫喱一見到嘅時候，細佬仔嘅感覺即刻番哂嚟😂👍。雜果賓治又係其中一款懷舊飲品，老友真係無講大話👍🤣。西班牙咖啡(咖啡 朱古力粉 雪糕）又一款好少地方有得叫嘅飲品，飲落好特別，咖啡加雪糕🍦，好重口味得嚟😋好好味🤣。朱古力蛋糕🍰又一款重口味，但係好好味嘅蛋糕🍰😂，朱古力濃厚，蛋糕底又造得好👍。

今晚同朋友去九龍城搵食, 我地揀左羊鞍餐廳, 羊鞍餐廳係九龍城的福佬村道, 坐港鐵及巴士也十分方便。餐廳雖然名為羊鞍餐廳, 但不止於有羊, 還有不同款式的晚餐。餐廳餐牌種類多, 加$15就有餐湯及飲品, 價錢亦唔貴, 啱晒附近的街坊, 難怪當晚咁多街坊及好多街坊買外賣。而且同店員有傾有講, 好熟悉的感覺。店員好友善好主動收拾枱面, 雖然用QR CODE落單, 但見到有老人家唔識時, 會有耐性同佢地點餐。我同朋友點了 :*招牌雙拼精選 – 香煎有骨厚豬扒及煙肉焗澳洲石蠔2隻配天使麵 (加$15要餐湯及飲品) $92 + $15*黑松露醬鮮什菌燴意大利飯配香煎牛扒 $92*香煎羊架 (2支) $58*飲品 : 雪糕紅豆冰(加$12)及黑牛(加$12)餐湯係羅宋湯及磨菇忌廉湯(兩款均有蒜蓉多士)羅宋湯材料豐富, 味道易入口磨菇忌廉湯磨菇打得細粒, 入口香滑, Good 香煎羊架羊架真係好出色, 煎得香口夠火喉, 肉質嫩滑唔會有羶味, $58 有2件好抵食香煎有骨厚豬扒及煙肉焗澳洲石蠔2隻配天使麵厚豬扒雖然厚, 但唔會鞋身, 而且大大塊好入味。煙肉焗澳洲石蠔, 碎煙肉加埋芝士醬汁已令到石蠔味道

數數手指，都幫襯左呢間餐廳好多年，以往成日過黎食LUNCH，今次食晚飯，水準一貫KEEP到。餐廳有D似香港舊式既扒房，以往幽暗既燈已換成光猛既燈光，餐廳內座位為高背的卡位，私隱度較高。當晚叫左個蒜香牛脷、鐵板雜扒餐、我最鍾意食既焗吉烈豬扒飯及咖喱雞扒意粉。落單後牛脷最先上菜，厚切牛脷切丁後煎香再灑上炸蒜調味，食落牛味重，肉質軟淋唔UN，作為前菜開開味蕾都不錯。焗吉列豬扒飯以茄汁鋪面加上芝士焗香，為左保持脆口，最後再擺上吉列豬扒。茄汁份量岩岩好，唔會太小撈唔到飯又唔會多到搞到個飯濕哂，調味先咸後甜，舊式西餐既味道，炒底有蛋香，飯粒分明，好食。與其去出面食幾百水個焗豬，不如試下呢到既，絕對唔會比出面差。鐵板餐夠熱，上菜時JARJAR聲，一份雜扒有帶骨豬扒、薄牛扒、台灣腸、芝麻雞翼及煙肉，食肉獸岩哂，伴碟既炸曲薯條夠脆夠熱。份量多，略嫌就咁食肉有小小咸，上網睇其他人食好似可以免費要意粉及白飯，不過我無要求。鐵板餐仲可以免費升級做特飲及送甜品（什果啫喱），雪糕紅豆冰紅豆蓉食落較糯，飲落有忌廉香。以前黎食LUNCH，最鍾意食就係焗豬，之後就係咖哩，餐廳既咖哩叫乳酪蘑菇咖哩，食落無酸味，咖哩汁杰身

前晚收咗工約咗好耐冇見嘅朋友嚟到九龍城呢邊食dinner，佢哋推薦呢間專食扒嘅餐廳，佢哋食咗好多年，話好好味😋餐湯叫咗紅湯，幾好飲～雜果薯仔沙律跟餐配沙律🥗或者餐湯，有好多薯仔🥔幾淋甜，配埋幾新鮮嘅沙律菜同埋沙律醬，唔錯龍蝦汁海鮮天使麵係朋友誠意推介，話好正！天使麵配埋濃郁嘅龍蝦汁🦞好creamy～幾鍾意天使麵嘅口感，仲有好多海鮮，好似蝦，青口，魷魚🦑等等～好豐富牛扒意大利麵好大碟嘅意大利麵，有好多牛扒肉，仲有西蘭花伴碟🥦牛扒幾香，食落幾有咬口煙鴨胸天使面切成一塊塊嘅煙鴨胸，配埋爽滑嘅天使麵，仲有佢嘅醬汁好好味😋成個配搭都好正熱菜蜜跟餐配飲品，甜甜地，幾好飲

屯馬線開通後，去九龍城食飯真係好方便，一出宋皇台站就見到不同食肆，好耐無食過鐵板餐，今晚就同朋友過咗嚟羊鞍餐廳 食嘢。餐廳主打懷舊鐵板餐，店內裝潢簡潔。卡座坐得舒服。鐵板餐和晚餐都配有餐湯同多士，忌廉湯味道creamy,多士烘得香脆，有蒜蓉香味。火焰羊架鐵板餐，羊架用鐵板盛載，有三大件，配菜有薯條、粟米粒、西蘭花同車厘茄。上檯後，店員會在客人面前將酒點火，之後淋上羊架，讓酒香帶出肉味，熊熊火焰，夠晒氣氛。羊架生熟度剛剛好，中間仲有粉紅嫩心，入口嫩滑又無羶味。薯條外脆內軟，香脆可口！黑松露醬鮮什菌燴天使麵配香煎鵝肝，鵝肝煎至金黃色，口感絲滑綿密，入口即化。幼細的天使麵完美地吸收 黑松露和 忌廉汁的濃郁和Creamy的味道，又香又滑又好味！套餐加12蚊轉特飲雪糕紅豆冰：紅豆夠林，加咗花奶和雪糕，口感滑溜又香甜。甜品係啫喱，加些花奶特別好食。點主菜可以用優惠價配一款小食，芝士田螺焗釀大啡菇：田螺口感煙韌，大啡菇上鋪滿芝士，焗至金黃色，味道濃郁惹味！伴碟嘅沙律味道清新。

羊鞍餐廳火焰羊架鐵板餐先嚟一場火焰表演，為羊肉增加一啲「鑊氣」。但係呢一場火焰，唔止有娛樂嘅性質，更加令羊肉嘅羊味更加香濃，肉質鮮嫩，肉汁更豐富。羊排最好嘅拍檔當然係薄荷醬，薄荷嘅清新能提昇羊排肉質的美味，同時減低肥膩感覺。粗條形波浪狀薯條放喺鐵板上完全吸收燒汁，羊肉汁同茄汁嘅精華，十分滋味。鐵板餐配羅宋湯，啫喱，雪糕紅豆冰特飲，更帶出童年時嘅味道。芝士田螺焗釀大啡菇薯蓉中嘅田螺煙銀，味道濃郁。芝士同香草增加層次同質感。以水潤嘅大啡菇盛載，十分適合。伴碟嘅沙律加上胡麻醬，帶出清新嘅味道。

好耐冇据扒，心郁郁想去食鐵板餐 見到九龍城呢間羊鞍餐廳，唔單止滿足到我呢個慾望，仲主打我最鍾意食嘅羊，我又點可以錯過呢去到餐廳餐牌都唔洗睇就已經叫咗個火焰羊架鐵板餐餐跟湯同蒜茸飽，星期一至五仲免費升級特飲！餐湯正正常常，蒜蓉包會脆濃味，配湯好夾黎到主角出場，火焰環節會喺你面前表演，好震撼 未食都已經100分。切開羊架仲係粉紅色，食落好嫩口，每啖都有酒香，無得頂平日食套餐仲可以免費upgrade特飲，今次叫咗西班牙咖啡，本身有啲苦，但加埋個雪糕球就啱啱好另外叫咗個蜜糖芥末焗牛脷意粉 鐘意食牛脷嘅我第一次試呢個配搭，食落都唔錯，可以再encore!!見個個都話要試，我又點會走寶呢 呢個鵝肝煎封得好脆口，油脂保持喺入面，配番個焦糖蘋果同脆多士，簡直係絕配大推！

在九龍城有一間西餐廳有一種由細食到大嘅懷舊味道，講嘅係對食物配搭和傳統鐵板餐。細細個喺快餐店食鋸扒跟餐的薯仔雜果沙律😍依度都食到。「美式雜扒鐵板餐」跟薯菜，餐湯或沙律、蒜蓉包、飲品及甜品，十分齊全唔使另外加錢再升級。賣相吸引😍 鐵板滋滋聲響，是令人引起食慾的聲音😋煙肉略炸過👍🏻帶骨豬扒厚薄適中又唔會醃到好稔，味道唔錯。牛扒夠嫩唔會好柴。竟然唔用傳統嘅腸仔~有點似台灣肉腸雞全翼唔算好大隻，夠入味！炸粗薯條香口夠脆。仲有大量粟米粒，西蘭花🥦，車厘茄，補充番啲蔬菜🥬唔會太多肉。揀咗蒜蓉汁，但略嫌唔夠蒜香味~ 如果薯菜唔夠仲可以免費送你白飯或意粉，唔怕唔夠飽喇~👍🏻追加小食：「煙肉芝士焗蠔」，焗完堅縮水，還好煙肉芝士醬汁夠惹味。平日星期一至五仲可以免費升級飲品🌟雪糕紅豆冰，椰汁香甜紅豆蓉幼滑。跟餐甜品：花奶雜果啫喱，貫徹始終嘅懷舊feel😍 雜菜湯，味道好濃郁，有羅宋湯嘅酸甜味道😋寳雲焗羊架（3支）抵食嘅主菜！羊架肉質嫩滑帶點羊脂酥香~ 朋友超讚！加$15可加餐湯/沙律，飯/意粉/薯菜和飲品。餐廳環境好寧靜唔會太嘈雜，可能因為每個座位嘅間隔都好高，隔音之餘亦有一定私隱度，感覺可以靜靜地傾偈都唔

我比較少到九龍城，原來福佬村道一條街都很多食店，各式其式。 見西餐廳門面光猛整潔，就選擇到此晚餐。內裡卡位是高背設計，帶點懷舊的感覺。而每張枱邊有「服務」按制，完全沒有使用過，因服務員全程貼心的招待，抵讚👍 我點選了2個厨師推介有什果薯仔沙律 /湯及多士+主食+飲品，再加1個小食及甜品😋😋😋 💮忌廉周打魚湯及羅宋湯+ 多士餐湯夠料，美味可口，而蒜蓉多士又香脆，一口湯一口多士，絕配！ 💮香草燒南瓜煙三文魚什菜沙律配芝麻沙律醬沙律菜清新嫩綠，主要有煙三文魚(份量多)及南瓜(夠香甜)，仲有車厘茄，將芝麻醬混合一起食，是一份口感豐富的沙律。 💮芝士焗大蝦皇拼香煎西冷牛扒配薯條🦐真係大隻喎!用芝士焗非常香喔!蝦皇爽口兼彈牙，好食☺! 雖然西冷牛扒不算厚，外層煎香，依然保持肉汁， 恰到好處 ，不會好乾身， 火侯拿捏得好呀! 💮香煎羊架(2支骨)用手拿起大啖大啖食，肉質軟腍，朋友喜歡羊肉夠羶，話超正。 💮藍莓芝士餅甜品是一餐完美的句號。 帶著滿足離開餐廳🤗🤗🤗