美中·鴨子 (將軍澳中心)

營業中

休息中

7月25日去將軍澳美中鴨子用膳，服務差到不得了，待應上菜，用盤打到我屋企人，唔好意思都冇，問佢地烤鴨要等幾耐，個待應話自己新黎唔清楚，其實你可以問下其他員工，最後埋單，payme 有折扣，問員工又話冇，但門口有放牌，話比payme有折，個員工先話問下，都唔知佢地做咩，樣樣都唔知，呢d服務真係冇得輸，咕嚕肉同松子魚我都唔建議大家叫黎食，個汁煮得好難食，其他係可以，但唔使錢都唔會再去，真係好冇禮貌，比錢貼難受

今日又落漏隻鴨樣樣上哂都未有鴨食,次次都落漏單隔離4張枱遲入過我哋都已經食完走咗,我哋先啱啱開始食鴨咋!本來諗住慶祝屋企人生日先話不如過嚟食鴨,等咗成個鐘先有得食已經同佢哋吹咗2/3次,問下大概幾時有食都未有,係咪頭嗰幾次都係到敷衍我？再吹多次,發哂脾氣先有一個人肯同我追真係有啲過份,已經唔係第一次係咁細佬倒瀉野落張櫈同地下,濕哂勁跣,又唔抹就叫人入嚟啲餐具同碟用紙抹完仲要黑色嘅,茶杯入面仲有粒野喺度,洗唔乾淨食到成班人冇哂心情

片皮鴨還可以，但可惜個嬤嬤係凍嘅，就算唔係熱，暖嘅會更好食，不過美心完全唔注重呢！砂鍋海王粉絲煲，呢個有啲離譜，一上枱淨係見到嗰啲碎濕濕嘅嘢，有蝦米，幾粒蝦仁，一粒帶子（切開10份）加啲蟹籽粒粒，根本食到最多係蛋白，都係用蛋白去沖撐場面，呢個砂鍋海王粉絲煲如果係$58我唔會有投訴，但你收得呢個價位$158，我唔expect你俾啲咁嘅質素其實如果有質素嘅，價錢唔係太大問題，明白要控制成本，但呢啲手法近乎係呃，真係當人傻仔

食過美中鴨子好多次，越黎越差，忍唔住要寫一寫味精極重，食完後唔夠2個鐘越黎越口渴+頭痛，全家係咁狂飲水，第二日仍然未見好轉，整個人超水腫！！😡味道叫做還可以，但我絕對唔會再食

在將軍澳中心開了一間美中鴨子，都能夠保持一貫質素，如果家人喜歡吃點皮鴨的話，更加可以一試，因為有角色各樣的小菜，還有扁皮鴨，可以一次過滿足大家的口味！🤣🤣🤣美中鴨子的扁皮鴨質素不錯，他的皮很薄，而且鴨都是較鮮嫩、多汁，鴨還可以選半隻還是全隻，視乎吃飯人數，大家吃片皮鴨時記得沾一點糖哦，可以將扁平鴨的層次提升呢！❤️❤️❤️其他菜式都是一般中餐館可以點到的小菜，應有盡有，但他的擔擔面都是非常出色，有很香花生味，都是我的大愛！

中菜黎講最中意食片皮鴨同小籠包，所以團年飯就揀左呢間，因為呢間片皮鴨真係 激！好！食！💰片皮鴨 (半隻) $198鴨皮同鴨肉係分開切，唔同其他餐廳咁鴨皮係連住塊肉一齊切。而美中鴨子既鴨皮烤到金黃色，脆卜卜，用埋薄薄既包皮包住青瓜一齊食，層次分明，口感亦非常豐富🤤💰牛肉餡餅 (2件) $56大推牛肉餡餅！呢個又係勁出色！！勁多肉汁！超juicy！勁香！一切開就爆晒d肉汁出黎！味道同生煎包差唔多，不過外面個層就冇皮就冇咁脆，軟林林的，個人認為好味過生煎包🥹💰小籠包 (6隻) $80呢到既小籠包反而普通左d，因為個皮唔夠薄。不過都係好juicy，一咬就爆汁🤭💰油拌刀削麵 $75刀削麵厚度適中，個人幾喜歡。而且仲有好多花生粒同濃濃既花生醬，再配上辣椒同蔥花，香得黎又帶點微微既辣味。💰炸雪糕 $88師傅畫左一對天鵝比我地，賣相非常之吸引😍炸雪糕層皮係類似春卷塊皮，上面仲有d nuts，非常香脆。而雪糕有3款口味選擇：芒果、雲呢拿同朱古力，而我地就揀左雲呢拿味。份量適合2個人食。好味指數：●●●●○

在將軍澳區，自從沒有了「金xx」後，沒有太多店舖能夠吃到有質素的片皮鴨。平日我會和丈夫二人一起吃整隻片皮鴨，今次，我們專程到訪將軍澳站，尋找這間以「片皮鴨」為招牌菜的店舖，看看這間店們的片皮鴨如何。最初，看見一隻鴨只能片出「兩堆」，估計這一隻鴨不太大，怎料，他是把皮和肉分開片的，皮下堆砌而成的肉也不少。不過，份量其實也不是很多。最後，我們還點了生煎包、擔擔麵和素卷，其中擔擔麵值「負分」，是我吃過最沒有「擔擔麵」味道的「水滾麵配少少擔擔配料」。一如以往，我會把鴨殼拿回家，自己在把剩餘的皮和肉撕下來抄飯或弄粉麵，去除肥羔後，把鴨殻煲粥。在這堆後期製作中發現「美中·鴨子」的鴨比起「金xx」少肥羔及較細隻。

To celebrate one of my family member's birthday, we went to M&C Duck at Park Central to eat dinner together !  As there weren't too many people celebrating on that day, we just ordered a few dishes , which of course included their signature dish featured in their name, Peking Duck !  Personally, I wasn't the biggest fan of Peking Duck, but it certainly was a must-try here !As someone was already very hungry when they arrived , we immediately ordered some Fried Dumplings for us to share !  The du

今個星期，同屋企人聚會，想了良久，最後決定去美中鴨子食晚飯。四個人不想太多了，就叫了哪個七百多元的餐，是set dinner. 檯面沒有枱布的，感覺怪怪，像美心mx一樣。點知，落完單後，所有食物衝住黎上，真的好像食快餐一樣，所以食的經驗是鬥快，不想食物凍了。說真的，感覺真的像食快餐一樣，好趕。好彩食物味道算合格，跟預期中一樣。我當然明白晚上枱想番兩次三次。是晚連茶介，加一，九百多元，人均兩佰幾，這個價錢沒理由給你MX經驗的。

✨ 美中•鴨子📍將軍澳唐德街9號將軍澳中心商場地下G105-106號舖屋企人突然想食片皮鴨 所以就帶佢地黎試下估唔到晚市咁多人 平日7點鐘已經差唔多滿坐＊可以係THEGULU app到拎定飛 咁就可以係附近商場行下街先～▫️烤北京填鴨（半隻）$180唔算油膩 皮夠香脆 鴨肉都嫩口配搭埋青瓜，京蔥，海鮮醬一齊食 口感豐富😋餅皮大約有8至9片如果多人食 都可以叫全隻▫️無錫灌湯小籠包（6粒）$78除左片皮鴨之外 哩間餐廳都出名食小籠包🤤肉餡夠味 而且肉汁都多送到上枱仲夠哂熱！▫️釀香樓牛肉餡餅（2件）$50牛肉肉餡好惹味 而且夠肉汁熱辣辣食 好味！▫️小鍋蔥香胡椒包（4個）$52表面係酥餅皮，加上肉餡唔夠肉汁食落口感略為有小小乾▫️芙蓉賽螃蟹 $118跟餐會有埋一碟醋但就算加左醋 味道都略為淡左小小▫️新疆孜然羊肋排 $128份量適中 有4-5件而且羊味都夠重 口感軟熟但如果唔好羊既朋友 就會覺得羊騷味有d重😂🔸總括• 設 前菜費，茶位費，加一服務費• 用QR code落單，夠哂方便• 限時90分鐘，上菜時間快，但食野速度變相有d趕🫠• 如果想試 荃灣廣場都設有分店。

尤其鐘愛片皮鴨的我，路過見鴨子不用等位，便即去啦！ 因想食自己喜歡的食物，所以散叫。前菜—令人很開胃，當然這個是收費的吧！半隻片皮鴨—- 沒有太多油，也沒有油膩的感覺，鴨皮脆口，鴨肉也很鮮嫩。目測鴨比坊間的片皮鴨細，所以不會有太多油份。面皮做得特別出色，很薄，所以多吃也不會感覺太飽。嫩雞䭝面—-湯底是雞湯，很美味！雞和菜配合得剛好。生煎包——包底很脆，包內多汁，肉也鮮嫩叉子燒餅——這個有點油，也很易飽肚，燒餅做得脆口，皮也不厚，重重的芝麻味道，是不錯的。醉雞—- 酒味濃，雞也鮮嫩。最後少不了甜品，點了芒果雪糕楊枝甘露及蛋白杏仁露。凍凍的楊枝甘露很清新，熱食的杏仁露蛋白很多，食完令人很舒服的感覺。也為這餐美味的鴨子餐劃上完美句號。值得一提的是，侍應服務也算周道，滿意！

最滿意係佢嘅茶﹑茶杯同茶壼. 茶水清淡乾淨, 好過舊式的茶好濃好杰好難飲. 新潮的茶壺不滴水﹑不漏水. 平日晚餐7點前不用排隊. 個前菜最好味, 但要收費. 北京填鴨份量好少, 但餅皮好充足, 餅皮唔知溝左乜嘢粉, 好煙韌, 但好易飽滯. 填鴨個醬係麥芽糖開的, 好杰同超甜!   

因為我好鐘意食片皮鴨，所以我今次去左將軍澳食美中·鴨子 (將軍澳中心) ，今次去到叫左個４人餐＄６８８1. 麻油雞（小辣）小小辣，唔算太辣2. 柚子沙律好香柚子3. 炒豆苗豆苗我最愛4. 砂鍋雲吞雞👍🏻超好食！ 我仲食多碗5. 羅勒葉炒蝦球6. 北京填鴨（半隻）🦆超正，唔使諗，係必食推介7. 生菜包鴨鬆所有都好好食，又平又抵食！但因為餐廳限時90分鐘，好多野都要倒落個口。。

⭐️美中。鴨子🦆⭐️食過好幾次，每次都覺得性價比高以往晚市都好多人排隊今次特登6點去排隊食到第一輪今次有四人餐優惠$6881. 麻油雞（小辣）2. 柚子沙律🥗3. 炒豆苗4. 砂鍋雲吞雞（可分成六碗) 👍🏻5. 羅勒葉炒蝦球 🦐6. 北京填鴨（半隻）🦆7. 生菜包鴨鬆四個人食絕對夠飽今次我哋一行五人所以另外叫多咗1. 鍋貼（有湯汁）2. 香芋海鮮鍋飯所有菜式都好好食性價比高⭐️但因為餐廳限時90分鐘上菜速度較快所以令啲菜凍咗🫠

家人生日，想起了皮片鴨，便選了美中鴨子，餐廳環境氣氛不錯，陰陰暗暗令人放鬆，有格調，一家四口點了四人餐，共有7款食物，價錢公道。柚子沙律前菜先上沙律，天氣熱，先吃沙律開開胃，酸酸甜甜又清新，最面的像是芋頭絲，烘乾的很脆口，配上柚子加沙律菜，十分清新。青蔥麻香雞看名子其實沒有想過它是辣的，整碟都是紅紅的，說好的青蔥呢🤭但出奇地好食，幸好也不太辣，香香的麻油味，雞肉嫰滑有雞味砂鍋雲吞雞每人都有一粒雲吞一件雞，雞肉不粗糙，雲吞皮薄餡多，湯頭鮮雞味，還有青菜，很不錯鮮茄羅勒醬炒蝦球蝦是新鮮蝦，不是玻璃蝦👍🏻高質，爽口彈牙，配上鮮茄，翠肉瓜，羅勒醬，恰到好處，清爽減膩北京填鴨-半隻主角來了，最期待的，雖半隻，但4人吃每人都可吃到2-3片，值得一贊的是鴨皮去了油脂層的，減膩再加上大蔥青瓜甜醬包皮夾著一起吃，滋味無盡鴨崧生菜包平時豬肉崧吃得多，鴨崧還是第一次，鴨味濃，生菜新鮮爽甜，鴨肉崧入面有很多料，但數不出是什麼，就是拼在一起吃都很夾茶樹菇小豆苗吃了那麼多肉，最後一道是菜，雖然已經很飽，但畢竟是菜，多多都吃得下，不咸不淡，味道剛好，豆苗新鮮總結最愛都是片皮鴨😂下次再來一定會再叫多點片皮鴨