美味廚 (已結業)

價錢唔平, 咁0既環境仲要收酸菜錢, 絕對唔係抵食之選雖然係銅鑼灣, 不過都有更平靚正0既選擇

以前好少叫Set, 最近這個星期去過2次, 第一晚叫左個"蟹肉羹"套餐, 真係驚喜! 個羹好多好多瑤柱, 蟹味好足, 食完lam lam 脷, 所以幾日後lunch, 忍唔住足個friend再去食過, 點知.......-_-"同個friend推薦個羹啦, 佢order左, 一啖入口苦瓜乾face, 要求再整返熱, 仲要加胡椒粉及鹽, 我以為佢咀叼, 點知到我自己食個碗, 真係想嘔! 凍既, 仲水汪汪的, 材料及湯"係分開架", 完全唔係"羹"囉, 又無放鹽, 因為凍左, d蟹味好腥, 好嬲啊! 叫佢比鹽, 又唔比食鹽, 竟然比"華鹽", d食物水準好不穩!!! 食一次好, 唔好指望下次都好囉, 以後都唔會叫Set啦!

10月6日. 之前成日都聽人地講話呢間野食排骨菜飯好得, 於是今日行完街經過又冇乜人, 就同比比黎食個早飯啦~ 我地叫左1個排骨菜飯晚餐+ 豆沙鍋餅~::: 蟹肉瑤柱羹+ 排骨菜飯::: $60蟹肉瑤柱羹都ok既~ 見到佢都有d料同埋5會太稀. 都食到d蟹肉既, 少少囉. 排骨菜飯, 本來好期待! 1黎到見到個排骨, 都feel到係炸得ok架, 但係1食落口, 真係甜!!! 係連我甘鍾意食甜野都覺得佢好甜!!! 仲要甜得黎係有d癡牙個隻!!! 好似用左d cheap糖漿/水黎調味之故!!! 個菜飯d菜, 唔合格!!! D菜好黃. 而且大少不一, 有d勁大塊, 有d就切到好碎., 而且唔均勻. 老實講, 我覺得大家樂既排骨菜飯比佢好食得多了!!::: 豆沙鍋餅::: $20等左1陣先有得食, 應該係即叫即整的吧~ 呢個甜品就唔錯啦~ 個皮厚薄適中炸得又夠脆~ d紅豆味道同份量都arm arm好, 唔會太甜亦唔會太膩~ 熱辣辣甘真係好好食~ 成間舖頭細, 台與台之間其實冇乜位剩都預左架啦. 但係坐落又真係幾迫. 野食都未必夠位擺, 如果擺得太邊仲分分鍾會比隔離台行過d人個patpat “

睇左評語見話幾平同幾好食咪諗住去試下囉，誰不知......晒錢兼反胃......我同個fd兩個人一入去，地方好迫，d好細，叫多樣都好似擺唔落咁... 叫左個招牌菜(排骨菜飯& 薰魚菜飯)再加個炸魷魚蘇，睇個樣以為好正，碗蟹肉瑤柱湯啖啖蟹殼不特止，誰不知全部野都甜到漏，叫人點食呀，食到個口俾d甜味"章"住晒，最終我地兩人都頂唔順叫多碟腐乳通菜，諗住搵返樣咸野食，但呢碟菜真係咸到飛起囉!!最後埋單竟然要成兩舊幾水，咁既質素絕對唔配合咁既價錢囉!!

今夜本來想食蠔仔粥，但游完水實在太肚餓，都係食飯實在D！時為6:42分，趁未有太多客即刻ORCER 2 個排骨菜飯外賣。5分鍾後有得吃；然後和太太一起於後排車廂把敵人消滅！豬排的質素實在不能苛求了，不過我覺得菜飯才是主角，粒粒分明、米香、菜香！如果油能下少點就更加好。題外話：唔知從前食街裏面的美味厨和現時的有無分別呢？

我覺得D野食幾好味呀..特別係D排骨飯..真係食極都唔厭呀"不過要等好耐就係1個問題*ANYWAY,,真係好味!!

每次黎親銅鑼灣, 呢間必係其中一個廉價選擇.排骨菜飯是必食的,每次食都覺得好好味! 今次都唔例外.今次第一次叫菜肉雲吞, 唔錯!2個女仔,咁就夠飽了.

都是因為近公司的原故，我們經常食這裡的排骨麵。這裡的排骨雖然經過油炸，不過仍然非常juicy，而排骨的seasoning做得好好，正！唯一不足之處就是地方太細少了，坐得好唔舒服。

Happy Friday，放工又係去飲飲食食既時候。約朋友在銅鑼灣食晚飯，佢有帶我去食一間正野，咁我就旨意佢做盲公竹啦！誰知，搵來搵去都唔見個間舖，朋友還誤以為已經執左。正當想放棄之際，原來要找的舖頭就在我們隔離。真係呀！點菜就由朋友話事，佢點左兩個套餐，係2個排骨菜飯和雞絲翅，另加紅燒蹄筋和雞絲粉皮。排骨菜飯先到，幾大碗，排骨大大塊鋪著，色澤都唔錯。急不及待吃一口，排骨炸得香脆可口，有點微甜，肉質又唔會太乾，果然是這裡的招牌菜。翅也跟住上檯，同樣是份量十足。單看賣相，好有街邊碗仔翅的風味，至於材料也不算小，加多點醋就更滋味。再來的雞絲粉皮賣相較好，且是涼菜，見到也胃口大增。配上芝麻醬，開胃又可口。紅燒蹄筋是最失敗之作，蹄筋雖然入味，但無法咬開，十分失望；肉片則屬一般啦！又是朋友請客，我食完拍一拍屁股就走。不過睇見個價單，都唔平喎！

記得前己經有朋友介紹過我呢間野, 加上見到呢到都幾好評, 一於試試啦佢二人餐好多野, 所以選擇了散叫1. 排骨菜飯 哈哈都係跟大家所介紹啦, 係冇失望喎! 又香又甜甜地, 而且夠淋! 個菜飯真係好多菜, 如果可以再冇咁油會好d2. 菜肉雲吞 其實就幾好, 不過我覺得個皮太厚, 但個餡係做得唔錯, 食落都幾清3. 蠔餅 唔係好明點解呢到會有蠔餅! 我覺得普普通通啦, 始終蠔餅係比較配同煲仔飯一齊食! 佢話係煎, 但都冇乜可能, 因為一睇就知係炸啦! 所以係下次唔會再叫的一味我都唔會因為一個蠔餅就唔鍾意佢地, 至少個排骨都值得下次再黎不過cb咁多好野食, 似乎都有排排喇哈

多年來一直光顧該店, 雖然鋪頭面積細, 但侍應服務不俗.排骨菜飯乃鎮店之寶, 水準高. 掛骨大大件, 菜飯又好味. 配以賽螃蟹肯定飽到暈. 其實其他菜餚亦做得不錯. 遇上人多時更可打電話order外賣, 十分便利.

今次係同fd 第二次黎食~叫左上次食過, 要再食既..排骨菜飯~ 真係好好味~ ^^菜肉雲吞~ 菜同肉既比例好好!! 好健康!另外叫左....酸辣粉絲~ 個人認為再酸D 會更惹味!但整體不錯呀!!酸辣湯材料很足, 估唔到既竟有海參! 一0一''

見咁多哈哈笑，就黎試下啦，叫咗個二人餐Ｆ，有以下食物：1.油豆腐粉絲湯(好多料，但粉絲好快吸晒啲湯，變成"汁"，味道就普通啦)2.排骨拼燻魚(排骨真係好好味，好酥香，中間少少甜，可能醃時落左蜜糖。燻魚都係偏甜，味道唔錯，係骨多啲，食時要小心)3.炒通菜(份量多，但有啲硬，同埋都幾油）4.蔥爆牛肉(味道唔錯，肉質鬆軟，但都係比較油，可能上海菜都係咁)5.菜飯(好香，菜汁入晒飯裡面，而且啲菜煮得好焾，非常美味)6.荳沙鍋餅(熱辣辣時食都幾好味，但太飽食唔晒，結果係打包！)呢度坐位唔算舒服，所以要將就下喇！而阿姐服務都唔錯，幾快手。整體嚟講菜飯的確唔錯，值得再來！

排骨菜飯排骨即係炸豬扒, 脆粉好薄, 仲好似係面搽d類似蜜糖, 所以塊豬扒甜甜地好好味! 豬扒整得唔, 肉汁都幾多, 唯一係油少少. 菜飯d菜好多好新鮮, 夾埋d排骨就係perfect match啦!酸辣雲吞雲吞皮好薄, 都算幾大粒, 菜好多好多, 味道幾清, 但都食到肉味wo! 厲害!酸辣湯做湯底, 料就好足啦, 但味道就一般.呢度除加一外, 仲會係你一坐低時放一碟酸菜, 埋單就會發覺,原來碟酸菜收$5, 感覺有少少唔抵lor. 酸菜唔算太酸, 反而帶甜, 味道都ok.

今天與朋友到銅鑼灣逛街~當決定晚餐吃什麼時~友人就提議到美味廚吃菜飯~~本身我也喜歡吃菜飯~那當然就贊成啦~~去到之後~發覺都已經有很多人了~(當時只是7pm~應該不算是晚餐高峰期吧~!)我們點了排骨菜飯和牛腩菜飯~那碗菜飯真的很好吃~~一般上海店的菜飯~菜會切得很碎~而且沒有什麼味道~但這碗菜飯~飯很香~而且菜是大大塊的~~好吃~至於那塊排骨是挺香的~但味道方面則沒有什麼特別~而牛腩~好'lum"~很好~~不會"癡"牙~~總括來說~是不錯的~~!!