美心烘焙所

營業中

休息中

今天繼續試芝士撻, 公司附近的美心改頭換面變身高級版餅店, 品牌, 店舖顏色及產品都高格調了, 當然價錢都相對地提高.  未來試包餅前, 先買我近期愛上既芝士撻和同事分享, 比起其他出名的價錢雖最平size似蛋撻大, 但水準就.....   去到剛買光, 等了5分鐘便出爐.包裝盒: 紙質較軟, 內裡沒有隔間較易撞爛, 就像一般買蛋撻的包裝.賣相: 不吸引, 一打開同事就話點解烘燶既, 連撻皮都燶了, 而且餡面沒有脹卜卜味道: 面層過熟, 內裡芝士餡雖滑但不流心, 有芝士味, 不過像New York cheesecake般味道. 每個撻皮厚度均勻, 雖脆但不鬆, 就像美心一般甜撻一樣.  

獨自閒逛的周六下午, 經過sogo的流心芝士撻店bake 依舊排長龍, 所以依然未試到究竟係咩味! 好想食芝士撻, 唯有行多幾步, 行去灣仔Maxim’s cake lab的軟心芝士撻($14), 如果買5件額外加送1, 不過我試過用餅咭就冇得送喇, 要計番正價。今日唔係返工日子, 冇咩人買, 唔駛等, 剩番幾個焗到膨脹後再收縮了一點的撻, 我當然照買照食, 即場買完就食, 仲暖的, 撻仲脆, 面皮凝固了但中間是芝士餡仲係軟及流動的~ 好好味啊

呢度葛芝士撻係十一點先有得賣，12點去到唔使排隊。$14一個真係好抵，雖然撻皮無Bake個D咁硬，但牛油味都幾重。芝士陷流心程度比Bake葛高，一咬落去就會流出來，不過濃度就無Bake葛濃，偏酸。想食芝士撻又唔想排隊葛可以來試下。

BAKE 的流心芝士撻十分受歡迎！ 美心集團也想分一杯羹！ 美心集團新支線 Maxim's Cake Lab，除了售賣麵包西餅之外，其招牌貨相信非全城熱賣的軟心芝士撻莫屬嘞！食友蒙奇奇送上Maxim's Cake Lab 的軟心芝士撻給我！實在有口福！也多謝她專程走到灣仔買來請大家食！軟心芝士撻撻身有點燶！ 翌日早上叮熱來食，效果更理想！散發芝士香之餘，一切開芝士撻，質感濃稠的流心芝士餡即時流出來，撻身鬆化！芝味無窮又不膩！

美心流心芝士撻 ($14/1 買五送一)食完日本的bake就到美心啦 唔使排隊真係更吸引去到就有批新鮮出爐放在盤上 出爐率都幾密集漲卜卜的芝士餡圓融飽滿 挺身的質感非常誘惑比Bake芝士撻更大個更墜手 黃金色也不相伯仲放上手更加比bake的室温來得更有暖氣更熱咬下撻皮香脆像曲奇 牛油濃香不膩 從中看見層次芝士餡質地比bake實心 厚實感更實在非泡沫感😋大家都唔會一咬開就流曬出嚟美心的忌廉芝士味較濃而帶點酸 味道濃郁幼滑Bake個個食完好似唔夠喉 呢個就有少許的飽肚唔好話喎 再食芝士撻我會揀佢 平靚正又夠快

：流心芝士撻 $14each 買五送一 $70六個 ~$12each 開開心心買左六個拎番屋企🏠 上到巴士即刻開左個盒拎一個出黎食😍 好流心而且呢隻係頗酸既乳酪味 真係好似食緊芝士蛋糕😂 芝士味我覺得第一層燒焦個d好濃 流心個d就唔算濃😛 但我反而鍾意咁既味幾香😙重點係十幾蚊一個 但比起bake大d，好似食好多啖都仲有咁🙈 真係好滿足 食晒成個真係好開心😆 個種開心係你成口都係芝士漿😎 見過好多人講過呢間美心高級版既芝士撻 撻皮唔鬆化好硬 我諗距地都改良左 今日我食係好鬆化 牛油味好香好脆👍 個撻皮牛油配埋芝士餡簡直一流😭除左即刻食之外 番到屋企 室溫！過左三四個鐘冇啦啦有一個自己爆開左😣 跟住就即刻叮左翻熱 媽媽打算食左去 咬開後好唔開心係唔明點解翻熱冇晒流心！！😫 入面餡係芝士蛋糕既口感 軟綿綿既蛋糕咁😖 搞到媽媽好無癮咁冇得試流心既感覺...

見到Bake果條長龍，加上聽聞d人手刻意慢動作賣撻（市場策略掛），真係未有意慾排隊住。其實坊間已有好多餅店都想分一杯羹，齊齊賣流心芝士撻，美心都係一分子，呀，應該係話高檔版美心Maxim's Cake Lab至真，除左有芝士撻，仲賣較為體面的蛋糕，例如我最愛的opera。講返 芝士撻，一件$14，比Bake平少少。咬一啖，流心芝士餡即刻傾瀉出來。芝士餡唔杰亦唔算膩，帶淡淡芝士香，曲奇餅皮亦好鬆化，雖然未食過Bake冇得比較，但獨立黎睇都絕對食得過，都係果句：起碼唔駛排隊。值得去指數：

This shop design catched my eyes when it was newly opened. It was a bit european style. I was excited to visit this shop today. At a glance the price of the pastries near front door definitely cost as much as those high end shops like agnès b. Café, cova, Thomas Trillion, Paul Lafayet etc. One piece costs over $30. Cakes are more decent. The counter near the backend kitchen sells cheese tart, without hesitation I bought one. I slightly heat it up at home and share it with my husband. The buttery

灣仔美心西餅突然搖身一變Maxim’s Cake Lab. 單看裝修覺得高貴晒. 但裡面買的又有咩唔同呢? 由於公司係附近. 日日經過. 發現呢度居然有芝士撻. $14一件. 重買五送一. 即刻同同事一齊試. 而重點係呢度唔駛排.買撻個日比完錢. 咁好彩剛剛有一盤新出爐. 我地即刻問可唔可以要剛剛拎出黎個盤. 姐姐話其實另一盤都係剛出爐的, 不過佢話要新拎出黎個盤都無問題. (開心!) 買完拎番上office 成班同事一齊食. 熱辣辣. 芝士是流心的 (食時要小心, 有同事不知情, 居然流到成枱都係). 而皮是我愛的曲奇皮. 讚讚讚.若買了不是即場吃, 可以試試用焗爐焗熱再吃. 同事試過話咁樣食都好好味.

美心芝士撻 $14好食指數: 3.7/5抵食指數: 4/5芝士撻呢個熱潮都已經過左一排正宗日本 同香港再造 相信大家都食過呢個撻有咩優點 首先就係平賣相又比其他靚 味道無其他咁濃芝士質感比較流質但咁嘅價錢 無挑剔

這間推出那間又推出; 而你又排佢又排; 你又post佢又post, 究竟是乜東東咁厲害? 就是最近大熱的芝士撻。沒有空去搶購, 竟幸得友人送上, 既開心亦期待, 但未能即時品嚐, 只好作為第二天的早餐吧!雖然已凍了, 但一大開紙袋已聞到芝士 的香氣。以一個銀錫紙托盛載, 外表金黃帶點焦色, 挺吸引, 真的想快快咬一口, 但吃前當然要翻焗。看着翻焗的過程, 撻邊湧出少許的芝士泡泡, 一打開爐門, 芝士香氣四散。再把其切開, 香濃的芝士味直湧鼻子, 但因時間有限(趕住返工), 翻焗的時間可能不夠, 故切開時, 芝士 的流心不夠, 仍是半凝固狀, 有點可惜。但芝士味仍很香濃幼濃, 亦存奶香, 味道鹹中帶點微酸, 與鬆脆的甜撻皮 同吃, 配起來味道亦不錯, 相信即出焗即食會更吸引。

芝士撻($14)Lam脷: 4/5抵食: 4/5相機: 3/5呢間美心既Cake Lab走高檔路線，聽朋友講呢度出品既芝士撻都幾好食所以Vi專登黎試下Vi買既時候已經凍左， 芝士撻皮幾脆， 入面既芝士半流心狀態芝士味幾濃帶點酸，不錯 唔洗排而且只係$14一個，而且做緊買5送一, 性價比高呀

繼續芝工撻熱潮，呢間之前上網見過，$14一個芝士撻，比另外個兩間便宜，今日行過所以順便試下，睇下會唔會質素一樣，係counter俾完錢轉個身再去後面俾飛之後就有得食啦～見到放哂係到都預左唔熱，好彩食落去仲暖暖地曲奇皮香脆，好香牛油味，內裏依然係爆漿，都重芝士味同埋都有芝士既酸，但味道就無BAKE咁有層次，食落口同半熟工房差不多，但價錢就比半熟工房便$8,比BAKE便$6同埋唔使排隊，所以呢間算唔錯，如果熱d就更加好啦 

實在無耐性等個幾鐘，唯有食呢個頂住先！佢位置好近mtr,裝橫都有别於其他美心！總括嚟講, 我未食過銅鑼灣要排隊果間, 呢家無論地點,裝修,清潔，員工, 食物嘅質數 我都覺得好滿意! 講返個芝士撻, 真系令我意想不到。我以為食落會好漏,因為其實我都唔可以食得太重芝士味或者牛奶味嘅嘢。但系呢個整得啱啱好。我記得佢promotion, 買5送1. 所以開頭我啊，只系買左一個。食完一個之後再買多一個。其實食完第二個我仲想再買第三個。驚太肥啦,下次吧。

想食芝士撻又唔想排隊又覺得Bake太貴太細舊？各芝士達迷又有多一個選擇！Cheese Tart (7.5/10) $14呢個芝士Tart係美心出品嘅，每個只係$14，仲有買5送1優惠！撻邊富濃濃牛油香，咬落口感頗硬，略嫌唔夠酥脆。主角芝士餡料流心度高，一咬就湧出黎😍 芝士味道無想像中濃郁，奶味偏重，個人覺得幾好，食落唔會太膩。整體味道不錯嘅，CP值高，唔洗排隊，仲平好多，食得過！-📢只限美心cake lab有售！-Maxim's Cake Lab (灣仔)灣仔軒尼詩道145號安康商業大廈地下2號舖