美心皇宮 (已結業)

20050321 1pm救命~又o黎了, 非常之身不由己, 無辦法.新同事飯局gathering, total 8人.點心都係果o的點心, 食o左N籠, 唯一唔同就係我地朝早10am時訂位順手訂o左蒜蓉焗銀鱈魚飯, 咁細細兜飯都要訂, 巴閉~ 訂o左兩兜, 要多兜都無. 不過又真係吹佢唔脹, 超級好食.埋單唔知幾錢, 大佬請.

20050318 1.10pm客人約食飯, 連同事4人.狂叫點心, 最欣嘗"炸物"架車, 春卷皇十分得手, 但果個南瓜兜裝o既西米豆沙焗布丁就好一般, 另外煎腸粉亦都係一級好吃.同埋見到架好勁o既甜品車, 打晒綠色藍色燈咁勁"詭異". 埋單唔知幾錢, 客請. 呵~~~

20050228 1pm大佬(team-head) 生日. 圍內team, 5人食飯.叫N樣點心, 食唔到我最愛o既鱈魚飯 不過呢度o的煎腸粉超正, above average. 仲有金魚餃都唔錯~ 無叫飯麵, 因為自帶o左生日蛋糕. 又係美心, 唔收切餅費.但係o的service 就唔得啦, 生日蛋糕竟然係連盒無拆繩咁上檯, 有無搞錯? 唔係要點埋蠟燭咁o架咩? 又唔幫我地分餅. 連拎隻叉都拎o左幾個字.埋單$3XX, 但係o既然係大佬生日, 當然係大佬請多謝晒o約~

20050208 1.30pm年三十, 食好o的. 同事們去泉章居, 貫徹我一向盡量"短期內唔翻炒"作風, 都係飲茶, 我同另一個同事去o左美心皇宮.2人吃-* 鮑魚仔燒賣- tho 塊鮑魚仔個質感有o的怪但係幾好食.* 蛋散- 即係馬仔lor.....* 雞扎- good, 仲有鮑魚菇添wor.* 百花釀蟹鉗- average* 臘腸卷- 好得!! 臘腸入口即化, 略嫌個包濕得滯.* 叉燒腸粉- 勁得!!! 腸粉好滑.* 蒜香鱈魚飯- 劇得!!!!! 成餐最好味就係呢兜仔飯, prsentation 靚不在話下, 鱈魚香, o的米又靚, 超水準!!!環境好, 夠大又舒服.overall 水準高, 好食過樓下皇廷好多.每人連tips $100, ok.

某星期日，跟阿姨一家飲茶，已經知道美心很難等位，一早返完教會便搭火車出去，到達時才11時30分，但門口已經迫爆晒人，心諗︰駛唔駛咁多人？如果唔係婆婆鍾意o黎美心，我真係唔想咁蠢係度等…由於我輪12人大檯，預o左要等得耐o的，點知等等o下(都1點幾了，所有人亦已到齊)發覺唔係好對路，好多8人、10人都已經入o左去，係我等o既12人就完全有消息(已經跳過了張籌o既no.)，上前問叫咪o個佔小姐，她說因為暫時冇大檯埋單，所以未叫到，我真係啤一聲。差唔多2點，終於話有檯埋單，叫我o地再等多10分鐘。很記得我們入去坐下開茶，時間時2時12分，我等o左幾乎三個鐘，雖然好氣，但也沒辦法，因為婆婆鍾意。 坐下二話不說，快快走去點心車(手羅)點心︰蝦餃、煎腸粉、白灼三寶、牛腸、叉燒包、帶子餃、春卷…等十多籠，無疑，美心的點心確是幾出色，如蝦餃，蝦大大隻好新鮮，皮又夠晶瑩；煎腸粉唔過削，阿姐o的手勢又好，唔會為o左唔黐底而狂落油，反而會加少少水，脆脆的頗香口；叉燒包就差了少許，o的餡蠔油太多，偏鹹；帶子餃清清地，不肥不膩，味道討好，只是皮厚了一點…另外還追加了一窩揚州窩麵和一碟鮑粒蛋白炒飯。個人較欣

假日約同父母飲茶, 奇怪的假日早上客人不算太多, 點了幾個點心, 尚算精緻, 其中印象深刻的有, 咖哩腐皮卷, 咖哩香而不辣; 珍珠雞味道唔錯, 但蒸得過耐, 糯米似乎過濕; 焗南瓜西米布甸, 幾有趣的一度甜品, 布甸用一個類似牛油果的器皿盛載著, 可惜另加了紅豆蓉作餡料, 一來過甜, 二來甜度和南瓜西米不大配合, 還是傳統的蓮蓉西米布甸比較討好.

同長輩去食晚飯, 地心已定係新第世紀廣場, 考慮了一輪似乎都係食中菜最穩鎮. 五個人叫左一個自選海鮮四人餐\加一個小菜, 其中包括:1.白灼蝦:鮮味大隻, 幾欣賞~2.油雞:雞肉質幾滑, 不過豉油味不足.3.海皇豆腐羹: 幾多海鮮料, 唔錯!4.麵醬茄子鱈魚煲: 鱈魚多骨, 茄子味道一般.5.蜜汁脆燒鱔球: 蜜汁香甜, 燒鱔幾野味, 不過有一點點魚鯹.甜品方面, 芝麻糊好差勁, 太甜, 紫米露味道比較適中.連白飯同啤酒, 埋單$540, 偏貴~ 服務一般.

上星期五各朋友到這美心食晚飯,點菜後45mins什麼也沒來,於是追了一次單,又等了20mins什麼也不見,便再各高級一點的職員追問一次,見他走進了廚房好一會拿了一煲湯出來跟住問我們"其實你地仲有d咩,廚房冇你地單喎" ............我地只好起身即走啦,仲有咩可以同佢講= =

裝修過之後，覺得冇以前咁靚，舊時四圍都係牧丹花的圖案裝飾，而家冇晒，只係用幾種木的顏色黎配襯。食物同服務都冇乜點變，都係差唔多水準啦~都係例牌食下點心咁，但呢度點心款式就比出面多少少，今次見到有個好似叫「哈爾加割包」，點心阿姐即場拎個包，割開，塞D肉入去，幾得意，又幾好食。

已經唔只一次去呢間酒樓，但總是令人失望！看來美心的黃金時期已不復再，相信是管理層的問題，因此服務態度大不如前！上年底去飲朋友的喜酒，我們一眾賓客也覺得環境太擠迫，侍應生態度不好！假期晚上，我與朋友再次光顧，酒樓的人客不足三分一，我們也感奇怪，為何如此少人？老實說，他們的食物是不錯的，只是樓面伙計需要再培訓，否則等執笠啦！還有，我發覺樓面侍應唔掂,不只旺角一間的問題，馬鞍山那間一樣如是！

每次o黎親飲茶都要勁排隊；週末就更加唔使講，最高記錄係等o左差不多個幾兩個鐘，真係得人驚！若果唔係有D親友指定要o黎呢度，一定唔會幫襯。不過話說回來，同區o既酒樓o黎講呢度D點心都算係幾有水準o既。至愛係黑芝麻卷同奶皇飽，整得唔錯。不過晚飯o既碟頭就好細(其實一般美心酒樓都係咁)，而且茶芥小費又多，食個二百幾蚊o既四人餐分分鍾要double找數！服務亦每況愈下！所以冇乜特別就真係唔好o黎同人迫lor。

一家人去美心皇宮﹐貪佢方便同集團酒樓﹐水準應該穩定D。7:00 去到﹐唔爆﹐當然啦﹐一來平日﹐二來間酒樓咁大﹐唔係weekend同假日﹐都幾難爆。叫左個六人餐($698)﹐有蒸魚﹐焗蝦﹐海皇“更”同三個小菜。再叫多個菜﹐一支beer 同一隻“蠔皇四頭鮑”($188)。我地好天真咁對隻鮑魚有所期望﹐諗住見識下咩叫用刀“差”去品嚐0既滋味。主角出場﹐隻鮑魚有三寸半長﹐好多“獻”﹐有兩條介菜放邊。賣相ok, 食落就..... 罐頭鮑一樣..... 失望。嬲嬲地自己去海味店買幾隻番黎燴好過!埋單$1100﹐有糖水送﹐唔係特別好食或抵食。

今期美心又有新介紹....在新世紀廣場經過一輪賣樓sales左右兜截...終於上到8/F 美心.... 一坐下, 我家人原來早已點了菜....冬瓜盅....就麻麻啦...無咩料...太清...$168.00,,,,其他小菜都一般......無咩新意...但到隻雞上時...又幾特別wor, 原來係今期既特價兼新產品, "芝麻雞" $68.00 1隻, 好入味...皮都幾脆, 轉下新意思, 唔駛次次都係"白切雞""風沙雞"...都值得一試^^甜品....唔好揀"楊枝金露"......整得唔好食, 芒果味唔重, 它們都唔係用西柚...變左係用"沙田柚"....簡直無晒feel...... , 仲要收$17.00, 超級喔錢....

This is the most popular restaruant in the New Century Place. There is always a long queue waiting for seats. The food is of quality and I like the 炸雲吞and楊枝金露。