美心皇宮

營業中

休息中

今晚去美心皇宮食飯, 新年睇電視睇得多嘅”撈起”, 其實大家都未食過想試下係咩一回事, 落左單之後好快就有人鋪左張紅卜卜嘅”撈起”墊, 有趣有趣.>盤滿砵滿 (HKD750)>鮑魚三文魚撈起首先係一大盤排列得好靚嘅拼盤, 紅, 白蘿蔔絲, 海蜥.... 原來係冷盤黎架! 除此之外有一碟三文魚, 鮑魚, 薄脆. 準備好(我地嘅手機😂)之後, 部長就開始”撈起”了, 係一連串好吉利嘅急口令, 邊講邊加入三文魚, 鮑魚同薄脆, 最後以一大碗初榨橄欖油作結, 我地問咁多油會唔會好肥??? 想stop住部長咁濟😂, 知道係橄欖油就好放心! 新年期間食”撈起”真係超級有氣氛呢. >油泡螺片一品盆有鴨掌, 螺片, 鮑魚, 第二層有蠔, 髮菜等等, 味道勁豐富der !>上湯瑤柱雜菜煲魷魚, 瑤柱, 粉絲, 菇, 大粒蝦米...足料又鮮味.>四季荷葉飯滿到差啲瀉出黎嘅荷葉飯勁香, 飯粒非常濕潤, 每人一大碗仲有得添飯.>糖水有紅豆沙, 蛋白杏仁茶, 桑寄生蛋茶揀, 我地要杏仁茶同桑寄生. 杏仁茶係磨得好幼滑勁有杏香, 桑寄生茶每碗都有雞蛋, 加埋桂圓紅棗

中午來這裡飲茶，等位不算太耐(15分鐘)，okay啦！被安排的座位在大堂中央，座位是寬落、舒適，樓底高，天花掛著水晶吊燈，兩面是玻璃大窗，視野開揚，可望到城門河對岸的景色，唯一是冷氣勁凍，外面20幾度，室內就好凍！見到點心車在大堂穿梭，有種懷舊feel，就放棄用點心紙，隨便選些點心試試！這個炸蝦卷很鬆脆，仍保持温度！好味！見到有柚子皮，久違了的美食，毫不考慮就叫了，可惜，柚皮煮到已完全無質感，雖然有幾絲瑤柱和蝦米，但醬汁超油膩而無味。牛肉腸，腸粉皮拉得薄的，但牛肉欠奉香味，只屬一般。燒腩仔飯，燒腩仔皮脆肉軟，好味！

每逢假日，沙田新城市都迫爆，想食既餐廳都要等好耐，同埋唔可以坐好耐，食得好似好趕咁。我就提議去酒樓嘆茶，雖然攞籌號碼都幾後，但中間都skip 左好多號碼。又唔算等好耐。估唔到呢度仲有推點心車出現，都幾傳統。不過都好既，可以保留傳統特色。食物質素算中規中矩。

今天是同學結婚的大日子,設宴美心皇宮。首先,音響認真一般,完全聽唔到MC 講咩, 新人致辭都聽唔到。第一味係乳豬,我介左乳豬的佢係類似片皮鴨食法 有個包包住的朋友話不俗第二味係炒菜 略嫌有點太凍 正常野第三味係蟹鉗 這個最好味 蟹味很重第四味係發菜瑤柱菜苗 我本身唔鍾意呢個菜 因為好痴牙第五味係龍蝦燕窩湯 我本身好鍾意呢款濃湯 所以十個like !第六味係 鮑魚同菜 鮑魚冬菇都炆得幾淋 好味之後係魚(無影相) 飲宴d魚始終係"un "炸雞好味 熱 但係有少少唔熟最後伊面同甜品都係 standard 祝朋友新婚快樂!

晚飯食物水準一般服務很差，碟、杯、酒水玻璃樽無人收拾。上菜混亂，每個侍應都不知道枱號，拎住啲菜四圍問。服務員態度惡劣，每個都黑口黑面，食物質素幾好都無用。服務態度質素直接影響用餐體驗。 差勁差勁

今日啊仔系附近診所打完流感針，出返黎已經中午時分。openrice 一揾就見到大會堂既美心皇宮，唔洗3分鐘已經到達。美心酒樓黎講都唔算好大，不過樓底幾高，空間感一流。我地被安排坐系新娘房，小小房間更顯安靜，適合小朋友 美心既酒樓保留傳統既推車仔點心，客人可以自己行出去揾食，。此時此景，童年既飲茶回憶即刻返曬黎！今時今日，爸媽仍在身旁，一家人健健康康齊齊一盅兩件，就算粗茶淡飯就已經足夠啦。講返食物，我地叫左牛肉球，排骨，鴨腳紮，味道一般。而揚州窩米味道清新，加上鮮蝦，魷魚，豬肉，叉燒，都幾適合小朋友食 我個仔都食左唔少大家食完就到外面空地行下，俾小朋友放電一流，仲可以過埋圖書館親子閱讀，唔錯

為咗芝麻卷而再黎晚飯。三個人叫咗老例，木瓜雪耳湯，幾好飲。＄78有6碗都算抵吃。客家豆腐㷛見到好多蜆殼但搵唔到蜆肉，豆腐味道唔錯，但湯底好咸。蟹肉薏米燴南瓜，個南瓜未淋，而且好淡，成煲野好難食，侍應姐姐話：係咩？呀㕑自己日日食鬼咁歡喜。叫咗個雞蛋焗魚腸，食到好多义燒但搵唔到魚腸。侍應姐姐話：係呀，係好少魚腸㗎。真係啤一聲！好在芝麻卷依舊好食。

沙田市中心雖然有幾間酒樓，但唯有美心皇宮係會食完再食!今天是公眾假期，同屋企人突然想去飲茶，出門口前已經係電話apps拎定飛，因為不嬲美心皇宮都是好難攞位，尤其係紅日就更難!去到酒樓差不多1點，但仲未有位，大概再等多15-20分鐘左右就可以入座了!我們二人安排坐二人枱，櫈都未坐暖就已經出去睇下點心車有咩食。我們一直都咁喜歡到這裡就是因為點心車，現在香港唔係有好多間酒樓仲有點心車係樓面走黎走去，每次見到點心車有自己中意既點心都會好興奮!今次我們就拎了最愛既鳳爪、雞扎、奶黃包、罐湯餃、沙翁、燒賣!鳳爪、雞扎、奶黃包，鳳爪好冧好入味，雞扎的魚肚還是爽口，不會變"梅"，奶黃包需要不是流心，但會食到以前傳統既味道!沙翁，唔係次次黎飲茶都有的，不過以我觀察，通常都係中午12點後才會有!沙翁係我兒時最愛，而加出面都唔係好多地方仲有得賣!所以見到就即刻拎黎食啦!咬落去很鬆軟，D糖沾滿個嘴，頓時感覺回到兒時!仲有我最愛既罐湯餃，不過忘記影相，因為見到佢已經忍唔住食左啦!罐湯餃有好大粒瑤柱，蝦都好大粒!配埋醋一齊食，真係好好味!總括黎講，雖然侍應要叫好耐先可以搵到一個，人手不足，而且等位都要較耐的時間，但

平時黎呢度多數都係飲茶，今晚媽媽生日🎂，就一於試下佢地嘅晚宴！慶祝我阿媽生日！環境美心皇宮就一定靚啦，係好多人你分唔到場地嚟㗎，好高樓底，好多水晶燈，都算大，坐得舒服！而且夜晚唔算好嘈，講嘢都仲聽到，哈哈😄！！食物咁都係人哋晚宴嗰啲啦，有燒肉呀，鮑魚啊，魚，雞，翅呀。食物質素都算OK啦！但係都有啲鹹！😅😅返到屋企要係咁飲水😏😏服務就真係差啲啦，可能啱啱坐喺上菜位啦，嗰個夥計佢唔識得行去每一個人身邊度收野，係咁係我側邊擾擾樣樣咁樣收碟😫😫！要改善下呀

十月二十四日下午，一同五人，入座時間下下一時五十分，正价時刻，因為下午茶要下午二時十五分才可取票，二点三十分才開始入座。我們坐低后見了一、兩架点心車推来推去，因為肚餓，叫了些腸粉飽類点心，味道一般，温度控制欠佳，食物不夠热不符合HACCP. 其后向侍應order兩款飯，乳豬双拼飯，凤爪排骨飯，但是叫嗰样無嗰样，真令人掃兴........ 無得選擇，叫了幾籠其他点心，还沒有食完，勇入一班人客，好几十人，非常大聲，喧哗吵鬧不休，有如置身街市。

呢間美心皇宮簡直係飯堂呀，每個星期都會黎一次！😍😍😋 今次同媽咪同爸爸黎叫左蛋撻仔，蛋散，叉燒酥，雞翼，杏仁茶，鮮奶包！😋😋好耐冇叫雞翼所以今次試下！係炸雞翼，但唔會太熱氣😍😍其他都好有水準！！呢度好岩一家大細黎享受一下家庭樂😋但係呢度一般星期六日都好多人，要等好耐先有位！所以要記得早啲去禁飛啦！😉環境都好靚，有高樓底同水晶燈，坐得幾舒服！仲有懷舊推車仔👍🏻👍🏻好正！好有童年回憶❤️❤️

未食過一間服務咁差、食物難吃、仲要亂上菜、亂收錢的美心皇宮！一、成場得三、四個伙計，兼職都冇多個！做阿頭果啲扮見唔到人，上菜仲要大聲咁放碟發老脾！二、食物質素衰過茶餐廳！乜都冇味嘅！三、叫咗一圍酒席，上其中一道菜時和隔離半席的菜調轉左，上錯咗得半圍！之後阿姐夾返隔離枱個碟的一半比返我們。為了唔浪費食物，我們算數，但超級不知所謂！四、食完走人之後半粒鐘，打返比我地話原來冇碌卡，叫我們返去碌返。原來之前簽果張唔係碌卡紙，話個阿姐係part-time唔識搞錯咗！離曬普！咁大個集團員工冇training?! 就算part-time阿姐唔識，收銀果個盲㗎？咁大間酒樓，由管理到part-time都不知所謂！懷疑呢間係咪真美心皇宮嚟？二千四蚊食垃圾兼受氣，伏到爆！以後都唔會再幫襯！

今日難得放假，一於做個乖仔乖女，同爸媽去美心飲早茶。一向鍾意去美心飲茶，唔係因為佢啲茶，而係因為佢隻茶杯好靚(西式茶杯）☕️，環境好，再加上有傳統既推車仔點心🤩。其實美心的點心都好有水準，但有兩款特別要介紹。每次蛋撻仔我都會叫，食一次就比阿媽話一次，佢覺得唔抵食，但我覺得呢度嘅酥皮蛋撻可以食到兒時嘅味道，依家酥皮蛋撻唔係度度有😮。另外美心的百花釀魚肚好大塊，迫爆隻碟。上面的蝦膠好鮮味好彈牙，下面的魚肚用上湯煮，爽口入味，正😍👍🏻。

今日（22-8-2018 Wed)晏晝成team人出街食farewell同迎新飯，book咗呢喥，呢日客人唔多，人手亦同樣唔多，我哋食咗:1.荷葉飯?好濕好腍，鹹淡適中。2. 蝦腸蝦係大隻同爽，腸粉未係太腍。3. 叉燒腸瘦叉燒唔係好夠味。4. 鮑汁鳳爪好夠腍。5. 燒腩卷內裡有燒腩同芋頭，我食半件，但因為cut開時只cut到芋頭，味道都OK嘅。6. 豬皮蘿蔔豬皮口感啱啱好，蘿蔔冇渣。7. 春卷顏色靚又脆。8. 炸雲吞同樣炸得好靚又脆，內裡有隻爽口大蝦仁。9. 沙翁食到有蛋味，微熱，OK嘅。10 - 12. 蝦餃，燒賣，咸水角正常冇問題。13 - 14. 棉花雞，蝦膠釀魚肚魚肚大大舊，口感亦啱啱好。我冇食到嘅有牛百葉，北菇牛肉球，叉燒包，咖啡魷魚魚蛋，牛雜，叉燒酥，紫菜卷，馬拉糕環境:係闊落，但冷氣唔係幾夠。價錢:聽到係$1,035.10

近年屋企人愛上假日嚟呢度飲茶， 貪佢近屋企方便就腳，而且自從可以用手機App攞籌之後，等候嘅時間易掌握得多，唔使等到傻😅。我地鍾意嚟呢度飲茶嘅原因係呢間仍然源用推家仔點心，可以邊食邊選擇， 鍾意食乜就叫乜， 唔使一次過決定，又唔使等。有次有個貌似大廚嘅人物走出嚟跟茶客聊天， 佢同我地講廚房有十幾個點心師傅，所以佢地嘅點心好新鮮同比較精緻。咁多款點心我最鍾意就係佢地嘅煎堆， 真係即炸出嚟，個個圓碌碌漲卜卜😍😋其次就係沙翁喇， 呢兩款點心都係限量供應，差唔多一出就冇哂，絕對係手快有手慢架😉蒸點心我就鍾意糯米包同大蝦燒賣細佬就最鍾意食車仔檔野，所以牛雜同飽汁鳳爪就啱哂佢喇。細家姐同媽咪最愛煎炸野，每次必點芋角同炸雲吞。如果食完都未飽，大可以加個荷葉飯或蒸飯架最後仲可以食埋甜品先走， 佢地嘅雙皮奶都好唔錯，但又係成日冇嘅，可遇不可求！上茶樓飲茶食點心始終係香港人嘅習慣，特別係同屋企人，得閒飲茶食點心之外，仲可以傾下計，增進下感情架👍